١١:١١

كارثة

هلاووووووو
شلونكم يـ نوتيلا ..؟ 

يب خل اسولفلكم هاي بابا البارحة شمسوي 😂

هاي شنو البارحة يمكن لعبة برشلونة فهمة كالو حنعرضها على التلفون فـ بابا يكول طبيت ع الفيس  كالولي اضغط على البث المباشر يكول اني ضغطت شو هاي طلعتلي شاشة سوودة 😂 يكول اشوف ناس تعلق وسلام عليكم وهاي وصديقة كاتب شنو الفلم؟  فـ بعدين خالو مخابر بابا كايلو انتَ فاتح بث جان بابا كلة لا خالو كلة لا فاتح خلي حسين يسدلك اياه (اخوية)  المهم فـ ابوية صاايح على حسين ممجاوب صاحني اني سمعتة بس جنت فوك بغرفتي مابية حيل انزل 🌚 المهم طلع اخوية نايم وبابا عبالة اني همات نايمة فـ بابا يكول شو شوية وهمات صديقي دزلي رسالة يكولة ابو حسين انتَ فاتح بث شوف تلفونك خاف بيد الجهال 😂 بابا يكول اني غلست المهم بابا طالع من الفيس وساد الفون ونايم فـ اليوم شفنا البث يخرب ضحك منسمع بس صوت وشوشة كتلة بابا شسالفة متعرف تطلع يكول شمدريني. 😂

يعني حرفييا هالفترة محد يضحكني بكد بابا

لو البارحة راح للمدرسة علمود مستمسكات وهاي مال ثالث يعني فـ اجة كالي زينب شفت معاونتكم كتلة اي. جان يكلي رادت رقمي بس اني كتلها لا مرتبط 😂😂😂

لو العام همات راح لمدرستي فـ سأل علية كالولة زينب شاطر وحبابة وهاي 🌚 جان يكلهم اي طالعة على ابوها 😂 جان يكلي زوبة معاونتكم ضلت تباوع علية يمكن عجبتها اني واناقتي متتتتتتتتت

ووووووووووبس بااااي 