عذاب العشق

صدمه💔

-انا العريس!!!
نظرات غاضبه ونظرات يشوبها الشك !!
الجميع بصوت واحد: انت!!!!!
نادر بذهول: انت اتجننت يا ادهم .. انت ناسي فرق السن بينك وبينها.
كانت نظرات أدهم كفيله لإسكات الجميع
فقد جرح من اقرب الناس إليه وهو عمه
الذي يعلم جيدا ما بداخله من مشاعر
تجاه ندي.
همس ادهم لعمه: واللهي لو ما كانت ليا ما
هتكون لغيري وربي وما أعبد ندي ما هتطلع
من هنا غير وهي مراتي وعلي اسمي.

اكفهر وجه نادر : اهدي يا ادهم وتعالي نتكلم
بره .
ادهم بغضب: برره...مفيش كلام بره..الكلام
لازم يكون هنا قدام الكل .
أحمد: تعالي بس يا ابني نتكلم بالعقل وبلاش
التسرع اللي انتا فيه دا .
ادهم بسخط: عقل ...عقل ايه؟؟
انتو خليتو فيا عقل .
صرخ بصوت جهوري: ندي ي ي
يا ندددددددي.
مديحه: اهدي يا ابني وسيب ندي في حالها
بلاش نفتح في القديم .
ادهم: بقا انتوا كنتو عايزين تجوزوها وفاكرين
اني نايم على وداني ومش هعرف.
معتز: بقولك ايه يا ادهم اللي انتا عايزو مش
هينفع وانتا عارف ليه؟؟؟
أدهم بعيون حمراء: اسمعها من ندي.
لو ندي مش موافقه هبعد ومش هتشوفو
وشي تاني.
ندي:.................
كانت ندي تقف والصدمه تحتل ملامحها هل
صحيح ما سمعت أم أنها أضغاث احلام
_لا.....مش موافقه.
كلمه خرجت من بين شفتيها المرتجفه
لتذبح قلبه أكثر من ذي قبل.
ادهم: مش موافقه ازاي.
سيف: مش موافقه يا ادهم ....يلا بينا
بلاش تتعب نفسك اكتر من كده
انتا عارف رأينا كلنا في الموضوع دا.
ماجده: ايوه يا ابني بلاش وجع قلب ندي
اصغر منك بعشرين سنه...وانتا عارف انك
مختلف عنها في كل حاجه وهي حساسه
جدا ومش هتتحمل قسوتك دي.
ادهم: هههههههههه.
واللهي ضحكتوني انا عمري ما اقدر اكون
قاسي علي ندي.
أحمد: م الاخر كده عاوز ايه؟؟؟
ادهم: حابب اتكلم مع ندي علي انفراد .
معتز بغضب: أنا مش هسمح لك تضغط علي
ندي أو تجبرها تعمل حاجه هي رفضاها.
ادهم بثقه: هتوافق.......وهتتجوزني ...
وهتطلع تقول أنا موافقه اتجوز أدهم.
معتز: ليه ماسك لها ذله ولا ايه؟؟؟
ادهم بغضب: معتزززززز
معتز : انتا هتخوفني ولا ايه؟؟
امسكه ادهم من تلابيب قميصه ليدفعه
ليصطدم بالحائط ليصرخ بغضب: وديني
يا اددددددهم ما هسيبك .
أخرجه والده وعمه لتهدئة الأوضاع ليصرخ
ادهم: برررره....كلو بررره.
مش عاوزززز حد قدامي غير ندي.
خرج الجميع والخوف من أن يفقد السيطره
علي أفعاله ارعبهم فالصقر الجريح قد
يفتك بمن في طريقه حتي وان كان أقرب الناس إليه.
أغلق الباب ووقف في مواجهتها وقد اشتاق
الي ملامحها وابتسامتها....كل ما بها قد
احبه ....بل عشقه .
ليقطع الصمت صوتها الحنون: خير يا أبيه؟
ادهم: ابيه؟؟؟؟
نفسي اسمع اسمي من بين شفايفك يا ندي .
ندي:.....
ادهم بحب: ساكته ليه؟؟؟
أكيد عايزه تفهمي ؟؟؟
ندي: ياااريت تفهمني عشان أنا تعبت ودماغي
بتودي وتجيب.
أدهم: اقعدي وأنا هحكيلك كل حاجه.

⭐⭐فلااااااش باااااااك⭐⭐

اتولدتي علي ايدي كنتي اجمل طفله شافتها
عنيا اول حد شاف ضحكتك كنت ساعتها
عندي عشرين سنه اتعلقت بيكي وكبرتي علي
ايديا وقدام عيني حبيتك وحبيت شقاوتك وانتي طفله ورقتك وانتي مراهقه لحد ما تميتي 18 سنه ساعتها رحت لعمي وطلبت
ايدك منه .
رفض بحجة اني اكبر منك وأن انتي بتعتبريني اخوكي الكبير .
لا واللي قهرني وكسر قلبي إن عمي طلب مني
اسيب البيت عشان خايف عليكي مني.
وفعلا سبت البيت واشترطت عليهم أن لو
عدي سنتين من غير ما تتجوزي ساعتها
بس اقدر ارجع وتكوني من نصيبي .
ودا اللي حصل عدي اكتر من سنتين ومفيش
جديد عريس ورا التاني وانا ساكت ومش عارف اعمل ايه في قلبي اللي بيتكسر ميت
حته كل اما توافقي وتتخطبي أو حتي
تفكري في راجل غيري ...تعبت ومقدرتش
أتحمل اكتر من كده قررت اني هسيب
باريس وانزل مصر أواجه واخد اللي من حقي.