#اسكريبت
...الساعه 8 الصبح رن الموبايل
نور: السلام عليكم
وتين: عليكم السلام
نور: صباح الورد ي جميل
وتين: صباح النور ، مين معايا؟
نور: وتين انتى بتهزرى!! قومى يلا عشان نروح الجامعه
وتين: مش عاوزة اروح يستى الاه!!
نور: قومى يا زفته عشان هجيبك من شعرك ، أول أسبوع مروحتيش خالص وقولت ماشى لكن أسيبك تانى انسى ي عنيا ، دى اخر سنة خلينا نعدى على خير قومى يلاااااا بقاااااا
وتين: اى دا كلة خلاص براحه متزوقيش كدة هقوم اهو
نور: شطورة ، خلصى بسرعه عشان اول محاضرة دكتور كريم
وتين: ايوا يعنى اى يعنى دكتور كريم مالة دة كمان!!
نور: اة صح ما انتى مروحتيش عشان تعرفى
وتين: طب قوليلى مالة بس؟
نور: قومى البسى وتعالى بس عشان هنتاخر وهقولك فالطريق
وتين: اتفقنا ، سلام ي حب
نور: فى رعاية الله ، سلام
.... بعد مرور ساعه
وتين: نور يا نووووور أنا جيت اهو يلا
نور: منك لله أى دا كلة والله شكلنا هنتطرد بسببك النهارده
وتين: متقلقيش يا بنتى خير ههههه
نور: دكتور كريم وخير اركبى ياختى وارحمينى يخربيت بردوك جيباه منين دة؟!
وتين غمزتلها بضحك: منك يا صاحبى
نور: آآآآآه مرارتى هتتفقع منك
وتين: ههههههههههههههه
ركبوا العربية....
وتين: وحشتنيى ي بت ي نور والله اخبارك اى
نور: انا بخير طول مانتي بخير وع فكرة انتى كمان وحشتينى اوى اوى
وتين: كدة بقى أنتى نور حبيبتى
وتبادلوا الضحك....
وتين: قوليلى بقى أى حكاية دكتور كريم دة
نور: بصى يستى هو حليوة كدا وطول بعرض وقمر قمر يعنى بس عصبى اوى وشكلة كدا هيطلع عينا وممنوع حد يدخل بعدة ، يلا بقى الحمدلله ، هو كدة الحلو مبيكملش
وتين: ههههههههههههههه طول عمرك فصيلة
..... وصلوا الساعه 11 وربع
نور: ينهارى اتأخرنا يارب ميكونش وصل
وتين: خير خير إنشاءالله
نور: اوبااااااا وتين الباب مقفول ، ياربى هنعمل ايه دلوقتي
وتين: هنروح ناكل انا جعانه اوى
نور: يشيخه اسكتى بقى هو انتى ليكى نفس
.... خبطت نور على الباب وفتحت بهدوء وهيا خايفة
نور: انا اسفه ع التأ......
د/كريم: اتفضلى برا ولما تتعلمى تلتزمى بمواعيدك ابقى تعالى غير كدا مشوفش وشك هنا
* دا كلة وتين لسة واقفة برا مدخلتش
خرجت نور بتعيط....
وتين: متزعليش ياروحي اهدى تعالى نقعد هناك كدا عند جنينه الورد واجيبلك ماية تغسلى وشك
* جابت وتين ماية وبالفعل غسلت وشها وشوية ونور هديت
وتين: اى ي ولاد القمر دة يلا بقى انا جعانه تعالى نروح ناكل وسيبك من الدكتور الرخم دة
نور: يلا أنا أصلا جوعت من كتر العياط ههههه
* راحوا كلوا وروحت كل واحدة بيتها
...عدى يومين وجه اليوم اللى عليهم فية دكتور كريم
* قاعدين فى كافية الجامعه لحد ما يجى ميعاد المحاضرة
وتين: أنا هقوم أجيب قهوة لأحسن دماغى مصدعه ، اجيبلك حاجه معايا ي نورى؟
نور: لا تسلمى ي قلبها بس متتأخريش عليا
وتين: حاضر
* جابت وتين القهوة وهيا راجعه خبط فيها شاب منغير قصد (كان باصص قى الموبايل) والقهوة وقعت
وتين: أنت يا أخ أنت أعمى ولا مبتشوفش!؟
الشاب: أنا مش شايف فرق بين الكلمتين بصراحه ، بس مكنتش واخد بالى والله أنا أسف
وتين: أة وانت تاخد بالك ليه ما انت مش فاضى مشغول فى الزفت اللى فى ايدك صحيح
الشاب: احترمى نفسك يا أنسه ، وبعدين قولتلك مرة أسف
وتين: واصرفها منين انا دى ان شاءالله
... شافتهم نور من بعيد وقامت بسرعه خدت وتين ومشيت
نور: يخربيتك احنا كدا هنعيد السنة
وتين: لية يعني هو كان مين!!؟
نور: وتين يا سكر دا دكتور كريم اللى طردنا من المحاضرة لما اتأخرنا
وتين: ينهار أبيض وأنتى مقولتليش من الأول لية
نور: هو أناكنت شوفت ، وبعدين انتى قطر بردو ماكنتى اهدى شوية ياختى
وتين: أهو اللى حصل بقى ، ربنا يسترها ويعدى اليوم على خير
نور: يارب ، يلا عشان ربع ساعة ومحاضرته هتبدأ مش عاوزين نتأخر
وتين: وأهو نلحق نستخبى عما يجى ههههه
.... رجعوا ورا شوية
وتين: تعالى هنا يانور مش هياخد باله مننا اوى
نور: عيب عليكى مش دة اللي هنعرف تستخبى منه هههه ، يلا وأمرنا لله
*الساعه 2 بالظبظ دخل الدكتور وقفل الباب
وتين: هه دقيق اوى فى مواعيدة
د/كريم: مساء النور أهلا ي بنات النهاردة هنتكلم عن.............
...عدى ساعه من وقت المحاضرة وفى موبايل رن
د/كريم بعصبية: اللى موبايلها رن تقوم تقف (أصل احنا كلية بنات بس)
.................صمت تام
د/كريم: أنا قولت تقوم تقف
قامت وتين بدموع: والله يادكتور مخدتش بالى نسيت أعملة صامت انا اسفه
د/كريم: أة وانتى تاخدى بالك ليه مانتى مشغولة
وتين: أنا أسفة والله يادكتور مش هتتكرر تاني
د/كريم: واصرفها منين انا دى اتفضلى ي أنسة براااا
وتين: والله يادكتور مش هت.....
قاطعها: أنا قولت برا ، ولما تحترمى المكان اللى انتى فيه ابقى احضرى
*خرجت وتين وهيا منهارة فى العياط
نور: عن اذنك انا لازم ابقى معاها دلوقى..مستنتش ردة وجريت على برا لقت وتين بتعيط حضنتها جامد وكانت بتعيط معاها
نور: كفايا عياط بقى وجعتيلى قلبى
* راحوا قعدوا فى الكافية ونور طلبت اتنين ليمون عشان يروق أعصابهم
نور: انتى لية قومتى رغم ان اللى رن كان موبايلى انا
وتين: كنت عارفه انه مش هيعديها ومكنتش عاوزاه يزعقلك
...جه صوت حد من وراهم أنسة نور ممكن تسبينا لوحدنا شوية
اتلفتوا بصدمه وقالوا فى صوت واحد دكتور كريم!!!
د/كريم: ايوة دكتور كريم مالكو فى اى!!
نور: لا أبداً مفيش حاجه طب عن اذنكو أنا بقى ، وهيا ماشية همست ف ودن وتين اعتقد هيعتذرلك بس لو زعلك أنا واقفة جنبك هنا ناديلى ومشيت بسرعه
وتين: نوووور أنتى ي بت متسبنيش لوحدى خدى هنا
د/كريم: أى يا وتين خايفة منى؟
وتين: هااا . لا أبداً هخاف لية! وبعدين انت عرفت اسمى منين أنا اول مرة احضرلك
د/كريم: سألت البنات وقالولى بسيطة خالص يعنى
وتين: خير يادكتور عاوزنى ف اى
د/كريم: كريم ، اسمى كريم
وتين بتعجب: قصدك ايه يادكتور
د/كريم: قصدى مفيش داعى للرسميات لأن المحاضرة خلصت
*وتين ساكته وباين فى عيونها التعجب
كريم: وتين أنا عاوز أتجوزك تقبلينى!؟؟
وتين بصدمه: نعم!! بتقول اية؟
كريم: بقولك حبيتك من أول ما شوفتك
وتين: طب لية طردتنى !!؟
كريم: كنتى مشتته تفكيرى كان لازم تقومى عشان اركز ولحسن الحظ ان الموبايل رن وحصل الموقف ، أنا بجد أسف جدا حقك عليا متزعليش
وتين: بس انت احرجتنى
كريم: غصب عنى وصدقينى هعوضك
وتين وقامت بسرعه: عن اذنك أنا اتأخرت
كريم: استنى موافقة طيب ولا لاء؟؟!
وتين على بعد مسافة: كلم بابا الأول
*وتين خدت نور ومشيت بسرعه الصاروخ وكريم ضحك على كسوفها
نور: كان عاوز أى يا وتين اعتذرلك صح؟!
وتين بخجل: عاوز يتجوزنى
نور: لولولولى مبرووووك يا وتينى
وتين: اخرسى يازفته بقى
نور: طب والله الواد قمر بس مش خسارة فيكى
وتين: بتتتت متقوليش على قرة عينى واد
نور: دلوقتى بقى قرة عينك!!هههههه
وتين: خلاص يستى بقى بتكسف الاه
نور: خلاص ياحب يارب نفرح قريب بقا
*عدى أسبوعين والنهارده كتب الكتاب ايوة كتب الكتاب متستغربوش كريم أصر على بابا تكون خطوبة وكتب كتاب عشان ناخد حريتنا بما يرضى الله فى الحلال
المأذون: بارك الله لكما وبارك عليكما وجمع بينكما فى خير
نور حضنت وتين بفرحه ودموع: مبروك يا حته منى
وتين: الله يبارك فيكي يانورى عقبال فرحتنا بيكى
كريم أخد وتين فى حضنه: بحبك ي ملاكى
وتين: كريييييم!
كريم: طب بحبك بحبك بحبك خلاص بقيتى مراتى.
*كان لقاؤنا الأول والأوحد كما الأفلام حقاً❤
#تمت
#على_غير_توقع
#Manar_Shlbaia
