ابن الشيخ خطف كلبي

#ابن_شيخ_خطف_قلبي

البارتات22____23

🔞🔞🔞🔞🔞
ألكآتب أبن ألشيخ

ﻣﺜﻞ ﻛﻞ ﻳﻮﻡ ﺍﻧﺘﻈﺮﻫﺎ ﺗﻄﻠﻊ ﻣﻦ ﺍﻟﻤﺪﺭﺳﻪ ﻭﺍﺗﻤﺸﻰ ﻭﺭﺍﻫﺎ ﺍﻟﻰ ﺍﻥ ﺗﻮﺻﻞ ﻟﻠﺒﻴﺖ ﺑﺄﻣﺎﻥ ﻭﺍﻧﻪ ﺍﺭﺟﻊ
ﻫﻴﺞ ﺧﻠﺼﺖ ﺳﻨﻴﻨﻲ ﻭﺍﻧﻪ ﺍﺣﺒﻬﺎ ﻭﻣﻘﺮﺭ ﺑﺲ ﺍﻛﺒﺮ ﻭﺍﺷﺘﻐﻞ ﺍﺧﻄﺒﻬﺎ
ﻭﺑﻴﻮﻡ ﺟﺎﻧﺖ ﺍﻣﺘﺤﺎﻧﺎﺕ ﻭﻃﻠﻌﺖ ﻭﺣﺪﻫﺎ ﻭﻇﻬﺮ
ﻑ ﻛﻠﺖ ﺍﻱ ﻫﺎﻱ ﻓﺮﺻﺘﻲ ﺣﺘﻰ ﺍﻋﺘﺮﻓﻠﻬﺎ ..
ﺣﻮﺭﻳﻪ : ﺍﻟﻴﻮﻡ ﺍﻣﺘﺤﺎﻥ ﺍﺣﻴﺎﺀ ﻭﺍﻟﺤﻤﺪﻟﻠﻪ ﺳﻬﻞ ﺧﻠﺼﺖ ﻭﺳﻠﻤﺖ ﺍﻟﻮﺭﻗﻪ ﻭﻃﻠﻌﺖ
ﻭﻣﺜﻞ ﺍﻟﻌﺎﺩﻩ ﻗﻴﺼﺮ ﻳﻨﺘﻈﺮﻧﻲ ﻣﺮﺍﺕ ﺍﺳﺄﻝ ﻧﻔﺴﻲ ﻫﺬﺍ ﻣﺎﻋﻨﺪﻩ ﺷﻐﻠﻪ ﻋﻤﻠﻪ ﻏﻴﺮﻱ ﻣﻦ ﺍﺭﻭﺡ ﻟﻠﻤﺪﺭﺳﻪ ﻭﻣﻦ ﺍﺭﺟﻊ ﻫﻮ ﻭﺭﺍﻱ
ﺍﻟﻤﻬﻢ ﻃﻠﻌﺖ ﻣﻦ ﺍﻻﻣﺘﺤﺎﻥ ﻭﺟﺎﻥ ﻇﻬﺮ ﻭﺍﻛﻮ ﻧﺎﺱ ﺑﺲ ﻛﻠﺶ ﻗﻠﻴﻞ
ﻗﻴﺼﺮ : ﺗﻘﺮﺑﺖ ﻣﻨﻬﺎ ﺍﺭﻳﺪ ﺍﺣﺠﻲ ﻭﻳﺎﺝ ﺿﺮﻭﺭﻱ
ﺣﻮﺭﻳﻪ : ﺍﺑﺎﻭﻉ ﻣﻨﺎ ﻭﻣﻨﺎﻙ ﺧﺎﻑ ﻭﺍﺣﺪ ﻳﺸﻮﻓﻨﻪ
ﺍﻱ ﺍﺣﺠﻲ ﺑﺲ ﺑﺴﺮﻋﻪ ﺣﺒﺎﺏ ﺧﺎﻑ ﻭﺍﺣﺪ ﻣﻦ ﺍﻫﻠﻲ ﺍﻭ ﻛﺮﺍﻳﺒﻲ ﻳﺸﻮﻓﻨﻪ
ﻗﻴﺼﺮ : ﺣﻮﺭﺍﺀ ﺍﻧﻪ ﺍﺣﺒﺞ ﻭﺍﻋﺘﻘﺪ ﺍﻧﺘﻲ ﺗﺪﺭﻳﻦ ﺑﻬﻞ ﺷﻲ ﻻﻥ ﺍﺳﺎﺳﺎ ﺗﺼﺮﻓﺎﺗﻲ ﻭﺧﻮﻓﻲ ﻋﻠﻴﺞ ﻓﺎﺿﺤﺎﺗﻨﻲ
ﺣﻮﺭﻳﻪ : ﺧﺠﻠﺖ ﻭﺩﻧﻜﺖ ﺍﺍﺍﻱ ﺍﻋـﺮﻑ
ﻗﻴﺼﺮ : ﺍﺭﻳﺪ ﻣﻨﺞ ﺑﺲ ﺗﻨﺘﻈﺮﻳﻨﻲ ﻋﻠﻤﺎ ﺍﺧﻠﺺ ﺩﺭﺍﺳﻪ ﻭﺍﺗﻮﻇﻒ ﻭﺍﺧﻄﺒﺞ
ﺣﻮﺭﺍﻳﻪ : ﺍﻥ ﺷﺎﺀ ﺍﻟﻠﻪ ﻳﻼ ﻫﺴﻪ ﻻﺯﻡ ﺍﺭﻭﺡ
ﺭﺣﺖ ﺍﻣﺸﻲ ﻭﻫﻮ ﻭﺭﺍﻱ ﺑﻤﺴﺎﻓﻪ ﻭﺻﻠﺖ ﻟﻠﺒﻴﺖ
ﺩﺧﻠﺖ
ﻗﻴﺼﺮ : ﺩﺧﻠﺖ ﻟﺒﻴﺘﻬﻢ ﻭﺍﻧﻪ ﺭﺣﺖ ﻟﻠﻤﺪﺭﺳﻪ
ﺍﻟﻴﻮﻡ ﺍﻣﺘﺤﺎﻥ ﺭﻳﺎﺿﻴﺎﺕ ﺍﻛﻴﺪ ﻫﻢ ﺭﺍﺡ ﺍﺻﻔﻦ ﺑﺎﻟﻮﺭﻗﻪ
ﺳﻴﻒ : ﻻﺯﻡ ﺍﻟﻜﺘﺎﺏ ﻭﺧﺎﻳﻒ ﺍﻛﻴﺪ ﻫﻢ ﺭﺍﺡ ﺍﺭﺳﺐ ﺍﻟﺴﻨﻪ ﺷﻔﺖ ﻗﻴﺼﺮ ﺭﺍﺣﺖ ﻭﺭﺍﻩ ﺗﻌﺎﻝ ﻓﻬﻤﻨﻲ ﺍﻟﻤﺴﺎﺋﻞ
ﻗﻴﺼﺮ : ﺍﻧﻪ ﻟﻮ ﺍﻋﺮﻑ ﺟﺎ ﻓﻬﻤﺖ ﺭﻭﺣﻲ ﺩﻭﺧﺮ ﻋﻨﻲ
ﺳﺠﺎﺩ : ﻃﻠﻌﺖ ﻣﻦ ﺍﻟﺒﻴﺖ ﻭﺷﻔﺘﻬﻢ ﻳﻤﺸﻮﻥ ﻭﻳﺴﻮﻟﻔﻮﻥ ﻭﻟﻜﻢ ﻟﺤﻜﻮﻟﻲ ﺍﻟﺮﻳﺎﺿﻴﺎﺕ ﻧـ .... ﻋﺮﺿﻲ ﻣﻦ ﺍﻟﺒﺎﺭﺣﻪ ﻟﻠﻴﻮﻡ ﻣﺤﺘﺎﺭ ﺷﺪﺭﺱ ﻭﺷﺨﻠﻲ
ﻗﻴﺼﺮ : ﺷﻠﻮﻥ ﺷﻠﻪ ﺗﻌﺒﺎﻧﻪ ﻭﺍﺣﺪ ﺍﻓﺸﻞ ﻣﻦ ﺍﻟﺜﺎﻧﻲ ﺍﻧﺖ ﺳﻮﻳﺠﺪ ﻣﻮ ﺍﺧﻮﻙ ﻣﺪﺭﺱ ﻏﻴﺮ ﻳﺪﺭﺳﻚ
ﺳﺠﺎﺩ : ﺍﻳﺒﺎﻩ ﻟﻮ ﺗﺸﻮﻑ ﺍﺧﻮﻱ ﻣﺤﺘﺎﺭ ﺑﺮﻭﺣﻪ ﻭﺑﻨﺴﻮﺍﻧﻪ ...
ﺍﺣﻢ ﺻﺎﺭ ﻻﺯﻡ ﺗﻌﺮﻓﻮﻧﻲ ﺍﺳﻤﻲ ﻗﻴﺼﺮ ﻋﻤﺮﻱ 18 ﻭﺫﻭﻟﻪ ﺍﺻﺪﻗﺎﺋﻲ ﻣﻦ ﺍﻟﻄﻔﻮﻟﻪ ﻫﺬﺍ ﺳﻴﻒ ﻭﻫﺬﺍ ﺳﺠﺎﺩ ﻧﻔﺲ ﻋﻤﺮﻱ
ﺍﻧﻪ ﺍﺣﺐ ﺑﺖ ﺍﻟﺴﻴﺪ ﺣﻮﺭﻳﻪ ﺍﺣﺒﻬﺎ ﻣﻦ ﺟﺎﻧﺖ ﻃﻔﻠﻪ ﻭﺍﻟﻴﻮﻡ ﻣﺜﻞ ﻣﺎﺷﻔﺘﻮﺍ ﺍﻋﺘﺮﻓﺘﻠﻬﺎ
ﻭﻳﺎﺭﺏ ﺗﺼﻴﺮ ﻣﻦ ﻧﺼﻴﺒﻲ ...
ﺣﻮﺭﻳﻪ : ﺭﺟﻌﺖ ﻟﻠﺒﻴﺖ ﻭﺍﻟﻔﺮﺣﻪ ﻣﺒﻴﻨﻪ ﺑﻌﻴﻮﻧﻲ
ﺗﻠﻜﺘﻨﻲ ﺍﻣﻲ ﺗﻌﺎﻱ ﺳﻠﻤﻲ ﻉ ﻋﻤﺘﺞ
ﺩﺧﻠﺖ ﺳﻠﻤﺖ ﻋﻠﻴﻬﺎ
ﻭﺭﺣﺖ ﺳﺒﺤﺖ ﻭﺑﺪﻟﺖ ﻭﺗﻐﺪﻳﺖ
ﻳﻮﻡ ﺛﺎﻧﻲ ﺟﺎﻥ ﻋﻨﺪﻱ ﺍﻣﺘﺤﺎﻥ ﺭﻳﺎﺿﻴﺎﺕ
ﺑﺪﻟﺖ ﻭﻃﻠﻌﺖ ﻟﻼﻣﺘﺤﺎﻥ ﻭﻗﻴﺼﺮ ﻳﻤﺸﻲ ﻭﺭﺍﻱ ﺑﻤﺴﺎﻓﻪ ﺟﺎﻥ ﺍﻟﺸﺎﺭﻉ ﻓﺎﺭﻍ ﺍﺟﻪ ﻳﻤﻲ
ﻗﻴﺼﺮ : ﺻﺒﺎﺡ ﺍﻟﺨﻴﺮ ﺷﻠﻮﻧﺞ ﺣﻮﺭﻳﻪ
ﺣﻮﺭﻳﻪ : ﺻﺒﺎﺡ ﺍﻟﻨﻮﺭ ﺑﺨﻴﺮ ﺍﻧﺖ ﺷﻠﻮﻧﻚ
ﻗﻴﺼﺮ : ﺍﺫﺍ ﺍﻧﺘﻲ ﺑﺨﻴﺮ ﺍﻧﻪ ﺑﺨﻴﺮ
ﺣﻮﺭﻳﻪ : ﻧﻤﺸﻲ ﻭﻫﻮ ﺑﺪﺃ ﻳﺨﻔﻒ ﻣﻦ ﻣﺸﻴﺘﻪ
ﺑﺎﻭﻋﺖ ﻭﺍﺷﻮﻑ ﺍﺧﻮﻱ ﺍﻟﺠﺒﻴﺮ ﺟﺎﻱ ﻣﻦ ﺍﻟﻤﺤﻞ
ﺍﻟﻤﻬﻢ ﺳﺮﻋﺖ ﻣﻦ ﺧﻄﻮﺍﺗﻲ
ﻛﺎﻇﻢ : ﻫﺎ ﺣﻮﺭﻳﻪ ﺭﺍﻳﺤﻪ ﺩﻳﺮﻱ ﺑﺎﻟﺞ ﻉ ﺭﻭﺣﺞ ﻭﺭﻛﺰﻱ ﺯﻳﻦ ﺟﺎﻭﺑﻲ ﺍﻭﻝ ﻉ ﺳﻬﻼﺕ ﻭﺑﻌﺪﻳﻦ ﺭﺟﻌﻲ ﻉ ﺍﻟﺼﻌﺒﺎﺕ
ﺣﻮﺭﻳﻪ : ﺍﻥ ﺷﺎﺀ ﺍﻟﻠﻪ ﺍﺧﻮﻳﻪ ﻭﺭﺍﻫﺎ ﻛﻤﻠﺖ ﻃﺮﻳﻘﻲ ﻟﻸﻣﺘﺤﺎﻥ
ﻛﺎﻇﻢ : ﺷﻜﻴﺖ ﺑﻴﻨﺎﺗﻬﻢ ﺷﻲ ﺑﺲ ﻛﻠﺖ ﻻﺯﻡ ﺍﺗﺄﻛﺪ ﻑ ﻛﻞ ﻳﻮﻡ ﺻﺮﺕ ﺍﺭﺍﻗﺒﻬﺎ
ﺣﻮﺭﻳﻪ : ﺑﺎﻟﻠﻴﻞ ﺗﻌﺒﺖ ﻣﻦ ﺍﻟﺪﺭﺍﺳﻪ ﻭﺭﺣﺖ ﺍﺷﺮﺏ ﻣﺎﻱ ﻑ ﺳﻤﻌﺖ ﻛﺎﻇﻢ ﻳﺤﺠﻲ ﻭﻱ ﻣﺮﺗﻪ ﻳﻜﻮﻝ ﺭﺍﺡ ﺍﺭﺍﻗﺒﻬﺎ
ﺭﺟﻌﺖ ﻟﻐﺮﻓﺘﻲ ﺍﺧﺬﺕ ﻭﺭﻗﻪ ﻛﺘﺒﺖ ﻋﻠﻴﻬﺎ ﻭﻟﻔﻴﺘﻬﺎ ﻉ ﺍﻟﻤﺴﺎﺣﻪ ﻻﻥ ﻣﺎﻋﻨﺪﻱ ﻃﺎﺑﻮﻛﻪ ﻭﺻﻤﻐﺘﻬﺎ ﺑﺼﻤﻎ ﺷﻔﺎﻑ ﻣﺎﺩﺭﻱ ﺷﺘﺴﻤﻮﻧﻪ ﻋﺪﻛﻢ ﺍﻟﻤﻬﻢ
ﻭﺧﺮﺕ ﺍﻟﺒﺮﺩﻩ ﺍﻱ ﻫﻤﺰﻳﻦ ﻓﺎﺗﺢ ﺷﺒﺎﺝ ﻏﺮﻓﺘﻪ
ﻭﺷﻤﺮﺗﻬﺎ
ﻗﻴﺼﺮ : ﻣﺘﻤﺪﺩ ﻭﺍﺟﺘﻨﻲ ﻃﺎﺑﻮﻛﻪ ﺑﻌﻴﻨﻲ ﺍﺍﺍﺥ ﻧﻌﻠﻪ ﻉ ﻭﺍﻟﺪﻳﻜﻢ ﻳﺎ ..... ﻭﻟﺪ ﺍﻝ .....
ﻛﻤﺖ ﻣﻦ ﻓﺮﺍﺷﻲ ﺍﺧﺬﺗﻬﺎ ﻻ ﻭﺍﻟﻠﻪ ﻫﺎﻱ ﻣﻮ ﻃﺎﺑﻮﻛﻪ
ﺑﺎﻭﻋﺖ ﻣﻦ ﺍﻟﺸﺒﺎﺝ ﺷﻔﺖ ﺣﻮﺭﻳﻪ ﺗﺴﻮﻳﻠﻲ ﺍﺷﺎﺭﻩ
ﺷﻠﺖ ﺍﻟﺼﻤﻎ ﻭﻗﺮﻳﺖ ﺍﻟﻮﺭﻗﻪ ﻛﺎﺗﺒﻪ ﺍﺧﻮﻱ ﻛﺎﻇﻢ ﺷﺎﻙ ﺑﻴﻪ ﺑﻌﺪ ﻻ ﺗﺘﺒﻌﻨﻲ ﻭﻻ ﺗﻨﺘﻈﺮﻧﻲ
ﺣﻮﺭﻳﻪ : ﻗﺮﺍﻫﺎ ﻭﺳﻮﺍﻟﻲ ﺍﺷﺎﺭﻩ 👍 ﻳﻌﻨﻲ ﺍﻭﻙ
ﻳﻮﻡ ﺛﺎﻧﻲ ﻃﻠﻌﺖ ﻣﺎﻛﻮ ﻫﻮ ﺍﻟﻤﻬﻢ ﺧﻠﺼﺖ ﺍﻻﻣﺘﺤﺎﻧﺎﺕ ﻭﻛﻞ ﻳﻮﻡ ﻛﺎﻇﻢ ﻳﺮﺍﻗﺒﻨﻲ
ﻛﺎﻇﻢ : ﺭﺍﻗﺒﺘﻬﺎ ﺍﻟﻰ ﺍﻥ ﺧﻠﺼﺖ ﺍﻣﺘﺤﺎﻧﺎﺕ ﻭﺟﻨﺖ ﻣﺘﻮﻫﻢ ﻃﻠﻊ ﻣﺎﺑﻴﻨﺎﺗﻬﻢ ﺷﻲ
ﺍﺟﺖ ﺍﻟﻌﻄﻠﻪ ﻭﺧﻠﺼﺖ ﻭﺑﺪﺃ ﺍﻟﺪﻭﺍﻡ
ﻗﻴﺼﺮ : ﺣﻮﺭﻳﻪ ﺻﺎﺭﺕ ﺑﺼﻒ ﺧﺎﻣﺲ ﻋﻠﻤﻲ ﻭﺍﻧﻪ ﺑﻌﺪﻧﻲ ﺑﺎﻟﺴﺎﺩﺱ ﻻﻥ ﺭﺳﺒﺖ
ﺣﻮﺭﻳﻪ : ﺩﺍﻭﻣﺖ ﺍﻭﻝ ﻳﻮﻡ ﻭﺧﻠﺺ ﺍﻟﺪﻭﺍﻡ ﻣﻦ ﻃﻠﻌﺖ ﺷﻔﺖ ﻗﻴﺼﺮ ﻻﻥ ﻣﺪﺭﺳﺘﻪ ﺑﺼﻒ ﻣﺪﺭﺳﺘﻲ ﻭﻧﻔﺲ ﺍﻟﻮﻛﺖ ﻧﺪﺍﻭﻡ ﻭﻧﺤﻞ ﺳﻮﻳﻪ
ﻗﻴﺼﺮ : ﺑﻌﺪ ﻫﻴﻪ ﺻﺎﻳﺮﻩ ﻫﻮﺳﻪ ﺭﺣﺖ ﻳﻤﻬﺎ ﺳﻠﻤﺖ ﻋﻠﻴﻬﺎ ﻭﺳﺄﻟﺘﻬﺎ ﻉ ﺍﺣﻮﺍﻟﻬﺎ ... ﺍﻧﺘﻲ ﻟﻴﺶ ﻣﺎﺗﺸﺘﺮﻳﻦ ﻣﻮﺑﺎﻳﻞ؟
ﺣﻮﺭﻳﻪ : ﺍﻫﻠﻲ ﻣﺎﻳﻘﺒﻠﻮﻥ ﻭﺍﻟﻠﻪ
ﻗﻴﺼﺮ : ﺯﻳﻦ ﺷﻠﻮﻥ ﺍﻧﻪ ﻣﻠﻴﺖ ﻣﻦ ﻫﻞ ﺣﺎﻟﻪ ﻣﺎﻛﺪﺭ ﺍﺷﻮﻓﺞ ﻭﻻ ﺍﺣﺠﻲ ﻭﻳﺎﺝ
ﺣﻮﺭﻳﻪ : ﺍﺻﺒﺮ ﻭﺍﻟﻠﻪ ﻛﺮﻳﻢ
ﻣﻦ ﺭﺟﻌﺖ ﻟﻠﺒﻴﺖ
ﺍﻟﻌﺼﺮ ﺭﺟﻊ ﻛﺎﻇﻢ ﻣﺘﻌﺼﺐ ﻭﺳﺤﻠﻨﻲ ﺳﺤﻞ ﻣﺎﻋﺮﻑ ﻣﻨﻮ ﻛﺎﻳﻠﻪ ﺍﻧﻪ ﻭﻗﻴﺼﺮ ﺑﻴﻨﺎﺗﻨﺎ ﻋﻼﻗﻪ
ﺿﺮﺏ ﺳﺐ ﺷﺘﻢ ﻭﺍﺧﺮ ﺷﻲ ﺣﺒﺴﻨﻲ ﺑﺎﻟﻤﺨﺰﻥ
ﻗﻴﺼﺮ : ﻣﻦ ﺭﺟﻌﺖ ﻣﻦ ﺍﻟﺪﻭﺍﻡ ﺭﺣﺖ ﻭﻱ ﺳﻴﻒ ﻭﺳﺠﺎﺩ ﻟﻠﻜﻮﻓﻲ ﻭﺍﻟﻤﻐﺮﺏ ﺭﺟﻌﺖ ﻟﻠﺒﻴﺖ ﺑﺲ ﺩﺧﻠﺖ ﺍﺟﻪ ﺍﺑﻮﻱ ﻭﺿﺮﺑﻨﻲ ﺭﺍﺷﺪﻱ
ﺍﺑﻮ ﻗﻴﺼﺮ : ﺍﻧﻪ ﻣﺎﺭﺑﻴﺘﻚ ﻫﻴﺞ ﺍﺧﺮ ﻋﻤﺮﻱ ﺍﻟﻨﺎﺱ ﺗﺤﺠﻲ ﻋﻠﻴﻪ ﻭﻉ ﺗﺮﺑﻴﺘﻲ ﺑﺴﺒﺒﻚ ﻳﺎ ﺳﺎﻗﻂ
ﺗﻠﻌﺐ ﻉ ﺑﺖ ﺍﻟﻨﺎﺱ ﻭﻣﻮ ﺍﻱ ﻧﺎﺱ ﺑﻴﺖ ﺳﻴﺪ ﺧﻠﻴﻞ
ﻗﻴﺼﺮ : ﻟﺤﻈﻪ ﺷﺼﺎﻳﺮ ﻣﺠﺎﻱ ﺍﻓﻬﻢ
ﺍﻡ ﻗﻴﺼﺮ : ﺷﻤﺠﺎﻱ ﺗﻔﻬﻢ ﻳﺎ ﻣﺼﺨﻢ
ﺑﺖ ﺳﻴﺪ ﺧﻠﻴﻞ ﺣﻮﻳﺮﻩ ﺍﻟﻴﻮﻡ ﺷﺎﻳﻔﻴﻨﻚ ﺗﺤﺠﻲ ﻭﻳﺎﻫﺎ ﻭﺍﺑﻮﻫﺎ ﻭﺍﺧﻮﻧﻬﺎ ﺍﺟﻮ ﻋﻠﻴﻨﺎ ﻟﻠﺒﻴﺖ ﻭﺍﻟﻠﻪ ﻳﻌﻠﻢ ﻫﺴﻪ ﺷﻤﺴﻮﻳﻦ ﺑﻴﻬﺎ
ﻗﻴﺼﺮ : ﺷﺘﺤﺠﻴﻦ ﺍﻧﺘﻲ ﻛﻤﺖ ﺍﺭﻳﺪ ﺍﻃﻠﻊ
ﻣﺎﺧﻠﻮﻧﻲ ﺍﻃﻠﻊ ﻭﺍﺑﻮﻱ ﻳﻐﻠﻂ ﻋﻠﻴﻪ
ﻳﻮﻡ ﺛﺎﻧﻲ ﺍﺧﺬﺕ ﺍﻣﻲ ﻭﺭﺣﻨﺎﻟﻬﻢ ﻋﻮﺩ ﻧﺨﻄﺒﻬﺎ
ﺑﺲ ﺍﺧﻮﻫﺎ ﻇﻞ ﻳﺼﻴﺢ ﻭﻳﻐﻠﻂ ﻭﻃﺮﺩﻧﺎ
ﻭﺍﻣﻲ ﺗﺨﺮﺑﻄﺖ
ﺣﻮﺭﻳﻪ : ﻧﻬﻮﻧﻲ ﺍﺧﻮﺍﻧﻲ ﻣﻦ ﺍﻟﻜﺘﻞ ﻭﺑﻌﺪ ﻣﺎﺩﺍﻭﻣﺖ
ﻭﺳﻤﻌﺖ ﺟﺎﻱ ﻗﻴﺼﺮ ﻭﺍﺧﻮﻱ ﻃﺎﺭﺩﻩ
ﺍﻟﻤﻬﻢ ﺍﺑﻮﻱ ﻭﺍﺧﻮﺍﻧﻲ ﻳﺘﻨﺎﻗﺸﻮﻥ ﺑﻴﻨﺎﺗﻬﻢ ﻭﺟﺎﻥ ﺣﻠﻬﻢ ﻳﺰﻭﺟﻮﻧﻲ ﻷﺑﻦ ﻋﻤﺘﻲ
ﻗﻴﺼﺮ : ﺳﻤﻌﺖ ﺑﻴﻬﻢ ﺭﺍﺡ ﻳﺰﻭﺟﻮﻧﻬﺎ ﺭﺟﺖ ﻟﻠﺸﻴﺦ ﻋﺎﺯﻡ ﻭﺗﻮﺳﻠﺘﻪ ﺑﺲ ﻳﺮﻭﺡ ﻭﻳﺎﻱ ﻳﺤﺠﻲ ﻭﻳﺎﻫﻢ ﺣﺘﻰ ﻋﻮﺩ ﺍﺣﺘﺮﺍﻣﺎ ﺍﻟﻪ ﻳﺘﺮﺍﺟﻌﻮﻥ ﻋﻦ ﻗﺮﺍﺭﻫﻢ
ﺑﺲ ﺟﺎﻥ ﺭﺩﻩ ﻛـ ﺍﻟﺘﺎﻟﻲ ..
ﺍﻟﺸﻴﺦ : ﺍﺑﻨﻲ ﺗﻌﺬﺭﻧﻲ ﺍﻧﻪ ﻣﺎﻛﺪﺭ ﺍﺩﺧﻞ ﺑﻴﺘﻬﻢ ﻣﻮ ﺑﻌﺪ ﺍﺣﺠﻲ ﻭﻳﺎﻫﻢ
ﻗﻴﺼﺮ : ﺑﺲ ﺷﻴﺦ ﻭﺍﻟﻠﻪ ﺗﻜﺴﺐ ﺍﺟﺮ ﺭﺍﺡ ﺗﺠﻤﻊ ﺑﻴﻨﺎﺗﻨﺎ ﺍﻟﻠﻪ ﻳﺨﻠﻴﻚ ﺑﺲ ﺍﻣﺸﻲ ﻭﻳﺎﻱ
ﺍﻟﺸﻴﺦ : ﺍﺑﻨﻲ ﻣﺴﺘﺤﻴﻞ ﺍﺣﺠﻲ ﻭﻳﺎﻫﻢ ﺑﻴﻦ ﺍﻟﻌﺸﻴﺮﺗﻴﻦ ﺍﻛﻮ ﻋﺪﺍﻭﻩ ﻭﺍﻧﻪ ﻣﺎﻛﺪﺭ ﺍﺩﻧﻚ ﺭﺍﺳﻲ ﺍﻟﻬﻢ ﺭﻭﺡ ﺍﺑﻨﻲ ﺍﻟﻠﻪ ﻳﻌﻮﺿﻚ
ﻗﻴﺼﺮ : ﺣﺎﻭﻟﺖ ﻭﻳﺎﻩ ﻭﻛﻞ ﻳﻮﻡ ﺍﺭﻭﺣﻠﻪ ﺍﺗﻮﺳﻠﻪ ﻭﻣﺎﻳﻘﺒﻞ
ﻭﺭﺍﻫﺎ ﺑﻴﻮﻣﻴﻦ ﻭﺻﻠﺖ ﻷﻫﻠﻲ ﺑﻄﺎﻗﻪ ﻣﺎﻝ ﻋﺮﺱ ﺍﺑﻨﻪ ﻣﺎﺷﻲ ﻳﺎ ﺷﻴﺦ ﺭﺍﺡ ﺍﻛﺴﺮ ﻛﻠﺒﻚ ﻣﺜﻞ ﻣﺎﻛﺴﺮﺕ ﻛﻠﺒﻲ
ﺳﺄﻟﺖ ﻉ ﺑﻴﺖ ﺍﻟﺸﻴﺦ ﻭﻋﺮﻓﺖ ﻫﻮﺍﻱ ﻣﻌﻠﻮﻣﺎﺕ
ﺭﺿﺎ : ﻭﺻﻠﺘﻬﺎ ﻟﺒﻴﺖ ﺧﺎﻟﻬﺎ ﻭﺍﻧﻪ ﺭﺍﺟﻊ ﺍﺷﺮﻟﻲ ﻭﻟﺪ ﺷﺎﺏ ﻃﺒﻌﺎ ﺍﻧﻪ ﻣﺎ ﺍﻭﺻﻞ ﻧﺎﺱ ﺑﺲ ﻭﻛﻔﺘﻠﻪ
ﻗﻴﺼﺮ : ﺍﻟﺴﻼﻡ ﻋﻠﻴﻜﻢ ﺍﺫﺍ ﻣﺎﺗﺼﻴﺮ ﺯﺣﻤﻪ ﺗﻜﺪﺭ ﺗﻮﺻﻠﻨﻲ ﻟﺒﻴﺖ ﺍﺧﺘﻲ ﻣﺮﻳﻀﻪ ﻭﻣﺎﻋﺪﻫﺎ ﺍﺣﺪ ﻭﻫﻞ ﺗﺸﻮﻑ ﺳﻴﺎﺭﺍﺕ ﻣﺎﻛﻮ ﻭﺍﻟﻠﻲ ﺗﻌﺒﺮ ﻣﺎﺗﻮﻛﻒ
ﺭﺿﺎ : ﺍﻱ ﻋﺎﺩﻱ ﻓﺘﺤﺘﻠﻪ ﺍﻟﺒﺎﺏ ﻭﺻﻌﺪ ﻳﻤﻲ
ﻛﺎﻝ ﺍﻣﺸﻲ ﻛﺪﺍﻡ ﻭﻣﻦ ﻧﻮﺻﻞ ﺍﻛﻠﻚ ﻫﻨﺎ
ﺭﺣﻨﺎ ﻧﻤﺸﻲ ﻧﻤﺸﻲ ﻧﻤﺸﻲ ﺑﻴﻬﺎ ﻧﺺ ﺳﺎﻋﻪ ﻭﺻﻠﺖ ﻣﻜﺎﻥ ﺑﻲ ﺑﻴﻮﺕ ﻃﻴﻦ ﻭﺧﺮﺍﻳﺐ
ﻗﻴﺼﺮ : ﺍﻱ ﻫﻨﺎ ﺭﺣﻢ ﺍﻟﻠﻪ ﻭﺍﻟﺪﻳﻚ
ﺭﺿﺎ : ﻭﻭﺍﻟﺪﻳﻚ ﺣﺒﻴﺒﻲ ﺷﻮ ﻫﺬﺍ ﻓﺘﺢ ﺍﻟﺒﺎﺏ ﻳﺮﻳﺪ ﻳﻄﻠﻊ ﻭﺩﻓﻌﻨﻲ ﻉ ﺍﻟﺠﺎﻣﻪ ﻃﻚ ﺭﺍﺳﻲ ﻓﻘﺪﺕ ﺍﻟﺘﺮﻛﻴﺰ
ﻗﺼﻴﺮ : ﺧﻠﻴﺖ ﺍﻟﻤﺨﺪﺭ ﻉ ﺣﻠﻜﻪ ﻭﺧﺸﻤﻪ ﺗﺨﺪﺭ ﻭﻃﺎﺡ ﺧﺎﺑﺮﺕ ﻉ ﺷﺨﺺ ﺍﻋﺮﻓﻪ ‏( ﻋﻨﺪﻩ ﺳﻮﺍﺑﻖ
ﺑﺎﻟﺘﻌﺬﻳﺐ ﻭﺍﻟﺨﻄﻒ ﻭﺍﻟﻘﺘﻞ ‏)
ﺍﺟﻪ ﻭﺷﺎﻟﻪ ﻭﻳﺎﻱ ﺻﻌﺪﻧﺎﻩ ﺑﺎﻟﺴﻴﺎﺭﻩ ﻭﺭﺣﻨﺎ ﻟﻤﻜﺎﻥ ﻣﺎﻋﺮﻑ ﺷﻨﻮ ﺑﺎﻟﻀﺒﻂ ﺍﻋﺘﻘﺪ ﺟﺎﻥ ﻣﺼﻨﻊ ﻗﺪﻳﻢ ﺍﻭ ﻫﻴﺞ ﺷﻲ ﺟﺎﻥ ﺍﻛﻮ ﻛﺮﺳﻲ ﻑ ﺭﺑﻄﻨﻪ ﺍﻳﺪﻳﻪ ﻭﺭﺟﻠﻴﻪ ﻟﻠﻮﻟﺪ
: ﺷﻨﻮ ﺗﺄﻣﺮ ﺗﺮﻳﺪ ﺍﻣﻮﺗﻪ ﺧﻼﺹ ﻟﻮ ﺑﺲ ﺗﻌﺬﻳﺐ؟
ﻗﻴﺼﺮ : ﻋﺬﺑﻪ ﺷﻮﻳﻪ ﻭﺭﺍﻫﺎ ﻗﺘﻠﻪ ﻣﺎﺭﻳﺪﻩ ﻋﺎﻳﺶ
: ﻻ ﻣﺎﻳﺼﻴﺮ ﻻﺯﻡ ﺍﺳﺘﻔﺎﺩ ﻣﻦ ﻫﻞ ﻋﻤﻠﻴﻪ
ﺍﻧﻄﻴﻨﻲ ﺭﻗﻢ ﺍﻫﻠﻪ ﺍﺧﺬ ﻣﻨﻬﻢ ﻓﻠﻮﺱ ﻭﻻ ﺗﺨﺎﻑ ﺍﻗﺘﻠﻪ ﻭﺍﺧﺬ ﺍﻟﻔﻠﻮﺱ ﻳﻌﻨﻲ ﺍﻃﻤﻦ ﻣﺎﺭﺍﺡ ﻳﺒﻘﻰ ﻋﺎﻳﺶ ﻭﺑﻬﻞ ﺣﺎﻟﻪ ﺍﻧﻪ ﻭﺍﻧﺖ ﻧﺴﺘﻔﺎﺩ ﺷﻨﻮ ﺭﺃﻳﻚ
ﻗﻴﺼﺮ : ﻣﺎﺷﻲ ﺑﺲ ﺷﻮﻑ ﺑﺎﺟﺮ ﺏ 11 ﺍﻟﻈﻬﺮ ﺑﺎﻟﻀﺒﻂ ﻳﻨﻘﺘﻞ ﻓﻬﻤﺖ !!
: ﻣﺎﺷﻲ ﻣﺎﺷﻲ
ﻗﻴﺼﺮ : ﺭﺟﻌﺖ ﻟﻠﺒﻴﺖ ﻭﺑﺎﻟﻲ ﻳﻢ ﺣﻮﺭﻳﻪ ﺧﺎﻑ ﻣﺴﻮﻳﻦ ﺑﻴﻬﺎ ﺷﻲ
ﻧﻤﺖ ﺑﺲ ﻣﻤﺮﺗﺎﺡ ﺍﺑﺪ ﻟﻠﺼﺒﺢ ﻛﻌﺪﺕ ﻭﺍﺳﻤﻊ ﺍﻣﻲ ﺗﺤﺠﻲ ﻭﻱ ﺍﺧﺘﻲ ﺗﻜﻠﻠﻬﺎ ﺣﻮﺭﺍﺀ ﺑﺎﺟﺮ ﺧﻄﻮﺑﺘﻬﺎ
ﻏﻴﺮ ﺗﺨﺒﻠﺖ ﺭﺩﺕ ﺍﻫﺪ ﻉ ﺍﻫﻠﻬﺎ ﻭﺍﻫﻠﻲ ﺑﺎﻟﻜﻮﻩ ﻻﺯﻣﻴﻨﻲ
ﻟﻬﻨﺎﻙ ﻭﺩﻙ ﻣﻮﺑﺎﻳﻠﻲ
ﺭﺩﻳﺖ
: ﺍﻟﻮ ﺍﻛﻠﻚ ﺍﻫﻠﻪ ﻣﺤﺪ ﻣﻨﻬﻢ ﺍﺟﻪ ﻭﻻ ﺟﺎﺏ ﺍﻟﻔﻠﻮﺱ ﺍﻧﺖ ﻣﺘﺄﻛﺪ ﻫﺬﺍ ﺍﺑﻦ ﺍﻟﺸﻴﺦ ﻋﺎﺯﻡ ؟
ﻗﻴﺼﺮ : ﺍﻱ ﻣﺘﺄﻛﺪ ﺧﻼﻝ ﺳﺎﻋﻪ ﺍﺫﺍ ﻣﺎ ﺍﺟﻪ ﺍﻟﺸﻴﺦ
ﻗﺘﻠﻪ ﻭﺗﺮﻛﻪ ﺑﻨﻔﺲ ﺍﻟﻤﻜﺎﻥ
ﻭﺳﺪﻳﺖ ﺍﻟﺨﻂ
ﻛﻌﺪﺕ ﺷﻮﻳﻪ ﻭﺑﺪﻳﺖ ﺍﻓﻜﺮ ﺑﻴﻨﻲ ﻭﺑﻴﻦ ﻧﻔﺴﻲ
ﺑﺎﺟﺮ ﺧﻄﻮﺑﺘﻬﺎ ﻻﺯﻡ ﺍﻟﻜﺎﻟﻲ ﺣﻞ
ﻭﻫﻨﺎﻙ ﻭﻟﻜﻴﺘﻬﺎ ﺭﺣﺖ ﺑﺴﺮﻋﻪ ﺑﺪﻟﺖ ﻭﺍﺧﺬﺕ ﺳﻴﺎﺭﺗﻲ ﻭﻃﻠﻌﺖ ﻻﺯﻡ ﺍﻭﺻﻞ ﻗﺒﻞ ﻻ ﻳﻘﺘﻠﻪ ...
ﻛﺮﺍﺭ : ﺭﺣﻨﺎ ﺍﻧﻪ ﻭﺍﺑﻮﻱ ﻭﻋﻠﻲ ﻟﻠﻌﻨﻮﺍﻥ ﻣﺎﻝ ﺍﻟﻨﻘﻴﺐ
ﺣﻴﺪﺭ : ﻛﺎﻋﺪ ﻭﺍﻧﺪﻙ ﺍﻟﺒﺎﺏ .. ﺗﻔﻀﻞ !!
ﻛﺮﺍﺭ : ﻓﺘﺤﺖ ﺍﻟﺒﺎﺏ ﺍﻟﺴﻼﻡ ﻋﻠﻴﻜﻢ
ﺣﻴﺪﺭ : ﻭﻋﻠﻴﻜﻢ ﺍﻟﺴﻼﻡ ﻟﺤﻈﻪ ﺍﻧﺖ ﻋﻠﻲ ﻟﻮ ﺭﺿﺎ؟
ﻛﺮﺍﺭ : ﻻ ﻫﺬﺍ ﻭﻻ ﺫﺍﻙ ﺍﻧﻪ ﻛﺮﺍﺭ
ﺣﻴﺪﺭ : ﺍﻫﻼ ﻭﺳﻬﻼ ﻭﺍﻟﻠﻪ ﻗﺒﻞ ﻛﻢ ﺳﻨﻪ ﺷﻔﺖ ﺍﺧﻮﻙ ﻭﺳﺄﻟﺘﻪ ﻋﻠﻴﻚ ﻛﺎﻝ ﺳﺎﻓﺮ
ﻛﺮﺍﺭ : ﺍﻱ ﻭﺍﻟﻠﻪ ﻭﻫﺴﻪ ﺭﺟﻌﺖ ﻭﺭﺍﺡ ﺍﺳﺘﻘﺮ ﻫﻨﺎ
ﺍﻧﺖ ﺷﻠﻮﻧﻚ ﻭﻳﻦ ﻣﺎﻭﻳﻦ
ﺣﻴﺪﺭ : ﻭﺍﻟﻠﻪ ﺍﻟﺤﻤﺪﻟﻠﻪ ،ﺍﻟﺸﻴﺦ ﺷﻠﻮﻧﻪ ﻋﻠﻲ ﻭﺭﺿﺎ ﺷﻠﻮﻧﻬﻢ
ﻛﺮﺍﺭ : ﺑﺨﻴﺮ ﺍﺑﻮﻱ ﻭﻋﻠﻲ ﻣﻮﺟﻮﺩﻳﻦ ﺑﺮﺍ
ﺣﻴﺪﺭ : ﺧﻞ ﻳﺪﺧﻠﻮﻥ ﻟﻴﺶ ﺑﺮﺍ
‏( ﻭﺑﻌﺪ ﺳﻼﻡ ﻭﺳﻮﺍﻟﻒ ﺍﺟﻪ ﻣﻮﺿﻮﻉ ﺍﻟﺴﻴﺎﺭﻩ ‏)
ﻛﺮﺍﺭ : ﺭﺣﻨﺎ ﻟﻠﺴﻴﺎﺭﻩ ﺍﻱ ﻭﺍﻟﻠﻪ ﻫﺎﻱ ﺳﻴﺎﺭﺗﻪ
ﺣﻴﺪﺭ : ﺍﻱ ﻫﺎﻱ ﻟﻜﺘﻬﺎ ﺍﻟﺪﻭﺭﻳﻪ ﺑﺎﻟﻄﺮﻳﻖ ﻭﻻﻥ ﻣﺤﺪ ﺫﻳﺞ ﺍﻟﻤﻨﻄﻘﻪ ﻣﺎﺑﻴﻬﺎ ﻧﺎﺱ ﻭﻣﺤﺪ ﻳﺪﺧﻠﻬﺎ ﻑ ﺍﻟﺴﻴﺎﺭﻩ ﺍﻟﺤﻤﺪﻟﻠﻪ ﻣﺤﺪ ﻣﺎﺧﺬﻫﺎ ﻣﻊ ﺍﻥ ﺍﻟﺒﺎﺏ ﺟﺎﻥ ﻣﻔﺘﻮﺡ ﻭﺑﺪﺍﺧﻠﻬﺎ ﻣﻮﺑﺎﻳﻞ ﻭﻓﻠﻮﺱ
ﻋﻠﻲ : ﻣﻦ ﺭﺣﻨﺎ ﻳﻢ ﺍﻟﺴﻴﺎﺭﻩ ﺍﺑﻮﻱ ﻣﺎﺗﺤﻤﻞ ﻭﺗﻌﺐ ﻛﻌﺪﺗﻪ ﻭﺷﺮﺑﺘﻪ ﻣﺎﻱ
ﺣﻴﺪﺭ : ﻳﻌﻨﻲ ﺍﻧﺘﻢ ﻣﺎﻋﺪﻛﻢ ﻋﺪﺍﻭﻩ ﻭﻱ ﺍﺣﺪ ﻻﻥ ﺍﻱ ﺩﻟﻴﻞ ﻣﻤﻜﻦ ﻳﻔﻴﺪ
ﻛﺮﺍﺭ : ﻻ ﻭﺍﻟﻠﻪ ﺍﻟﻨﺎﺱ ﻛﻠﻬﺎ ﺗﻌﺮﻑ ﺍﺑﻮﻱ ﻭﻣﺤﺪ ﻳﺘﻘﺮﺏ ﻣﻦ ﺑﻴﺘﻪ ﻭﻋﺎﺋﻠﺘﻪ
ﺣﻴﺪﺭ : ﻣﺎﻭﺻﻠﻜﻢ ﺍﺗﺼﺎﻝ ﺍﻭ ﺭﺳﺎﻟﻪ ﻣﻦ ﺭﻗﻢ ﻏﺮﻳﺐ؟
ﻛﺮﺍﺭ : ﻻ ﺍﻧﻪ ﻣﺎﻭﺻﻠﻨﻲ ﺷﻲ
ﻋﻠﻲ : ﻃﻠﻌﺖ ﺟﻬﺎﺯﻱ ﺍﻧﻪ ﻫﻢ ﻣﺎﻛﻮ ﺷﻲ
ﺑﻠﻪ ﺑﻮﻳﻪ ﺍﻧﻄﻴﻨﻲ ﺟﻬﺎﺯﻙ
ﺍﻟﺸﻴﺦ : ﻃﻠﻌﺘﻪ ﻣﻦ ﺍﻟﺪﺷﺪﺍﺷﻪ ﻫﺎﻙ
ﻋﻠﻲ : ﺍﻟﻒ ﺭﺳﺎﻟﻪ ﻭﺍﻟﻒ ﺍﺗﺼﺎﻝ ﺑﻮﻳﻪ ﺷﻨﻴﻬﺎﻱ
ﻭﺍﻧﻪ ﺍﻛﻠﺐ ﺑﺎﻟﺮﺳﺎﺋﻞ ﻟﻜﻴﺖ ﺭﺳﺎﻟﻪ
ﺣﻴﺪﺭ ﺷﻮﻑ ﻫﺎﻱ ﺍﻟﺮﺳﺎﻟﻪ
ﺣﻴﺪﺭ : ﺷﻮ ﺑﻠﻪ ﺍﺧﺬﺗﻪ ﻣﻨﻪ ‏( ﺍﺫﺍ ﺗﺮﻳﺪ ﺗﺸﻮﻑ ﺍﺑﻨﻚ ﻑ ﺣﻀﺮ ﺍﺭﺑﻊ ﺩﻓﺎﺗﺮ ﻭﺧﻠﻴﻬﻦ ﺑﻬﻞ ﻋﻨﻮﺍﻥ ..... ‏)
ﻭﺍﻧﻪ ﻻﺯﻡ ﺍﻟﺠﻬﺎﺯ ﻭﺻﻠﺖ ﺭﺳﺎﻟﻪ ﻣﺤﺘﻮﺍﻫﺎ ‏( ﺗﻌﺎﻝ ﺍﺳﺘﻠﻢ ﺟﺜﺔ ﺍﺑﻨﻚ ﻣﻦ ﻫﻴﺞ ﻣﻜﺎﻥ ... ‏)
ﺭﺿﺎ : ﺟﺴﻤﻲ ﻣﻮﺗﻨﻲ ﻭﺭﺍﺳﻲ ﻳﺮﻳﺪ ﻳﻄﻚ
ﻭﺍﺳﻤﻊ ﺷﻲ ﻗﻠﻴﻞ ﺍﻟﻤﻬﻢ ﺳﻤﻌﺖ ﺭﺍﺡ ﻳﻜﺘﻠﻮﻧﻲ
: ﻻﺯﻡ ﺍﻟﺴﻼﺡ ﻭﺗﻘﺮﺑﺖ ﻣﻨﻪ ﺧﺴﺎﺭﻩ ﻫﻞ ﺟﻤﺎﻝ ﺭﺍﺡ ﻳﺮﻭﺡ ﺟﻮﻩ ﺍﻟﺘﺮﺍﺏ
ﺭﺿﺎ : ﺍﺳﺘﺠﻤﻌﺖ ﻗﻮﺗﻲ ﻭﺩﻓﺮﺗﻪ ﻃﺎﺡ ﺑﻌﻴﺪ ﻋﻨﻲ
: ﺭﻓﻌﺖ ﺍﻟﺴﻼﺡ ﺍﺭﻳﺪ ﺍﻃﻠﻖ ﻭﺩﺧﻞ ﻗﻴﺼﺮ
ﻗﻴﺼﺮ : ﺍﻭﻭﻭﻛﻒ ﻻ ﺗﻤﻮﻭﺗﻪ
: ﻟﻴﺶ ﺷﺼﺎﺭ؟
ﻗﻴﺼﺮ : ﺍﺣﺘﺎﺟﻪ ﺍﺫﺍ ﻣﺎﺕ ﺍﻧﻪ ﺍﻟﻠﻲ ﺍﺧﺴﺮ ﻣﻮ ﻫﻮ
: ﻣﺎﻓﻬﻤﺖ
ﻗﻴﺼﺮ : ﻣﺎﻛﻮ ﺣﺎﺟﻪ ﺗﻔﻬﻢ ﺗﻌﺎﻝ ﺳﺎﻋﺪﻧﻲ ﻧﺎﺧﺬﻩ ﻟﻠﺴﻴﺎﺭﻩ
ﺣﻴﺪﺭ : ﺍﺧﺬﺕ ﻭﻳﺎﻱ ﺷﺮﻃﻪ ﻭﻛﺮﺍﺭ ﻭﺭﺣﻨﺎ ﻟﻠﻌﻨﻮﺍﻥ
ﻋﻠﻲ : ﺍﺑﻮﻱ ﺗﺨﺮﺑﻂ ﻭﺍﺧﺬﺗﻪ ﻟﻠﻤﺴﺘﺸﻔﻰ ﻭﺭﺍﺡ ﻛﺮﺍﺭ ﻭﻱ ﺣﻴﺪﺭ ﻟﻠﻤﻜﺎﻥ
ﻛﺮﺍﺭ : ﻭﺻﻠﻨﺎ ﻭﺣﺎﺻﺮﻭﺍ ﺍﻟﻤﻜﺎﻥ ﻭﻃﻠﻊ ﻓﺎﺭﻍ ﻣﺎﻛﻮ ﺍﺣﺪ ﻫﻨﺎ
ﺑﺲ ﺍﻛﻮ ﻛﺮﺳﻲ ﻭﺍﻛﻮ ﺩﻡ ﻉ ﺍﻟﻜﺎﻉ
ﺣﻴﺪﺭ : ﻣﻨﻬﺰﻣﻴﻦ ﻫﺴﻪ ﺗﺮﻭﺣﻮﻥ ﺗﺤﻔﺮﻭﻥ ﺍﻟﻜﺎﻉ ﻭﺗﻴﺠﺒﻮﻧﻬﻢ ﺍﻟﻲ ﻓﻬﻤﺘﻢ !!!
ﻏﺪﻳﺮ : ﺻﺎﺭﺕ ﺏ 11 ﻭﻧﺺ ﺭﺣﺖ ﻃﻠﻌﺖ ﺳﻤﺞ ﻣﻦ ﺍﻟﻤﺠﻤﺪﻩ ﻭﻛﻌﺪﺕ ﺍﻧﻈﻒ
ﺗﻘﻰ : ﺍﻧﺘﻲ ﻣﺎﺗﺮﺗﺎﺣﻴﻦ ﺍﻟﻪ ﺗﻨﻈﻔﻴﻦ
ﻏﺪﻳﺮ : ﺧﻴﻪ ﺷﺴﻮﻱ ﻣﺎﻛﺪﺭ ﺍﻛﻌﺪ ﻭﺍﺳﻜﺖ
ﺟﺎﻥ ﺍﻟﺒﻴﺖ ﻓﺎﺭﻍ ﻭﺑﺲ ﺍﻧﻲ ﻭﻏﺪﻳﺮ ﻫﻨﺎ
ﺍﻟﺤﺠﻴﻪ ﻭﺑﻨﺖ ﻛﺮﺍﺭ ﺭﺍﺣﻦ ﻭﻱ ﺍﺣﻼﻡ
ﺯﻫﺮﻩ ﻭﺣﻨﻴﻦ ﺭﺍﺣﻦ ﻳﻢ ﺗﻬﺎﻧﻲ
ﺍﻟﻤﻬﻢ ﻧﻨﺘﻈﺮ ﺍﺗﺼﺎﻝ ﻣﻨﻬﻢ ﺍﻧﺪﻙ ﺍﻟﺒﺎﺏ
ﻏﺪﻳﺮ : ﺭﻭﺣﻲ ﻓﺘﺤﻲ ﺍﻟﺒﺎﺏ ﻳﻤﻜﻦ ﺍﻟﻮﻟﺪ ﻭﺍﺑﻮﻱ
ﺗﻘﻰ : ﺟﺎ ﺭﻭﺣﻲ ﺍﻧﺘﻲ
ﻏﺪﻳﺮ : ﻣﺘﺸﻮﻓﻴﻦ ﺍﻳﺪﻳﻪ ﺑﻴﻬﻦ ﺯﻓﺮ ﻋﻠﻤﺎ ﺍﻏﺴﻞ ﺭﺍﻳﺤﻪ ﺍﻟﺪﻧﻴﺎ
ﺗﻘﻰ : ﻋﺪﻟﺖ ﺷﺎﻟﻲ ﻭﻃﻠﻌﺖ .. ﺻﺤﺖ ﻣﻨﻮﻭ ﻣﺤﺪ ﺭﺩ
ﻓﺘﺤﺖ ﺍﻟﺒﺎﺏ ﻭﻫﻮ ﻃﺎﺡ ﻋﻠﻴﻪ
ﻏﺪﻳﺮ : ﺭﺍﺣﺖ ﺗﻔﺘﺢ ﺍﻟﺒﺎﺏ ﻭﺍﻧﻪ ﻏﺴﻠﺖ ﻭﺳﻤﻌﺘﻬﺎ ﺻﺮﺧﺖ ﺭﻛﻀﺘﻠﻬﺎ
ﺗﻘﻰ : ﺭﺿﺎﺍﺍ ﺧﻠﻴﺖ ﺭﺍﺳﻪ ﺑﺤﻀﻨﻲ ﻭﺩﻣﻮﻋﻲ ﺗﺼﺐ
ﺣﺎﻟﺘﻪ ﺣﺎﻟﻪ ﺑﺤﻴﺚ ﺩﺷﺪﺍﺷﺘﻪ ﺍﻟﺒﻴﻀﻪ ﺻﺎﻳﺮﻩ ﺣﻤﺮﻩ ﻭﻭﺟﻬﻪ ﻛﻠﻪ ﺩﻡ ﻳﺎﺑﺲ ﻧﺎﺯﻝ ﻣﻦ ﺭﺍﺳﻪ
ﻏﺪﻳﺮ : ﻋﺰﺯﺯﻩ ﺍﻟﻌﺰﺯﺯﺍﻧﻲ ﻳﺒﻮﻭﻭﻭ
ﺗﻘﻰ : ﻫﺎﻱ ﺧﺒﻠﺘﻨﻲ ﺗﺼﺮﺥ ﻭﺍﻧﻲ ﻣﻨﺎ ﺧﺎﻳﻔﻪ ﺧﻠﻴﺖ ﺍﻳﺪﻱ ﻉ ﻛﻠﺒﻪ ﻭﺍﻟﻠﻪ ﻳﺪﻙ ﻭﻟﺞ ﻋﺎﻳﺶ ﻛﺎﻓﻲ ﺻﺮﻳﺦ
ﺗﻬﺎﻧﻲ : ﻳﻤﻲ ﺯﻫﺮﻩ ﻭﺣﻨﻴﻦ ﺩﻧﺴﻮﻟﻒ ﻭﺳﻤﻌﻨﺎ ﺻﻮﺕ ﺻﺮﻳﺦ ﻭﺣﺴﻦ ﺭﻛﺾ ﻭﻭﺭﺍﻩ ﻣﺤﻤﻮﺩ
ﺯﻫﺮﻩ : ﻭﻟﺠﻦ ﻫﺬﺍ ﺻﻮﺕ ﻏﺪﻳﺮﻩ ﻳﺎ ﺳﺘﺎﺭ ﺷﺼﺎﻳﺮ
ﻃﻠﻌﻨﺎ ﻧﺮﻛﺾ
ﻛﺮﺍﺭ : ﻭﺍﻛﻒ ﻳﻢ ﺣﻴﺪﺭ ﻭﺍﺟﺎﻧﻲ ﺍﺗﺼﺎﻝ ﻣﻦ ﺣﺴﻦ
ﺍﻟﺤﻚ ﺭﺿﺎ ﻣﺘﺄﺫﻱ ﺍﺧﺬﻧﺎﻩ ﻟﻤﺴﺘﺸﻔﻰ ...... ﺑﺴﺮﻋﻪ ﺗﻌﺎﻝ
ﻋﻠﻲ : ﺍﺟﺎﻧﻲ ﻧﻔﺲ ﺍﻻﺗﺼﺎﻝ ﺑﺲ ﻣﻦ ﻣﺤﻤﻮﺩ ﻭﺍﻧﻪ ﺍﺻﻼ ﺟﻨﺖ ﺑﻴﻬﺎ ﺍﻟﻤﺴﺘﺸﻔﻰ ﻻﻥ ﺍﺑﻮﻱ ﺗﺨﺮﺑﻂ
ﺗﻘﻰ : ﻣﺘﺖ ﺑﺠﻲ ﻻﻥ ﻣﻘﺒﻠﻮﺍ ﺍﺭﻭﺡ ﻭﻳﺎﻫﻢ
ﻭﻏﺪﻳﺮ ﺧﻄﻴﻪ ﻓﻘﺪﺕ ﻭﺍﻟﺒﻨﺎﺕ ﻳﻬﺪﻥ ﺑﻴﻬﺎ
ﻋﻠﻲ : ﺭﺣﺘﻠﻬﻢ ﻛﻠﻮﻟﻲ ﻫﻴﺞ ﺍﻟﺴﺎﻟﻔﻪ ﻭﻫﻴﺞ
ﻭﺑﺲ ﻭﺻﻠﻨﺎ ﺍﺧﺬﻭﺍ ﺍﻟﺪﻛﺎﺗﺮﻩ .. ﺷﻮﻳﻪ ﻭﻭﺻﻞ ﻛﺮﺍﺭ
ﺭﺿﺎ : ﺍﺧﺬﻭﻧﻲ ﺑﺎﻟﺴﻴﺎﺭﻩ ﺟﻨﺖ ﺑﺎﻟﻜﻮﻩ ﻣﺮﻛﺰ ﻑ ﺍﻟﻮﻟﺪ ﻛﺎﻝ
ﻗﻴﺼﺮ : ﺷﻴﺦ ﺍﻋﺬﺭﻧﻲ ﻉ ﺍﻟﻠﻲ ﺳﻮﻳﺘﻪ ﺑﺲ ﻭﺍﻟﻠﻪ ﻣﻦ ﺣﺮﻛﺔ ﻛﻠﺒﻲ ﻭﺍﻧﻪ ﻃﻠﺒﺖ ﺍﻟﻤﺴﺎﻋﺪﻩ ﻣﻦ ﺍﺑﻮﻙ ﻭﺣﺘﻰ ﺗﻮﺳﻠﺘﻪ ﺑﺲ ﻣﺎﺳﺎﻋﺪﻧﻲ ﻑ ﺍﺗﺮﺟﺎﻙ ﺍﻧﺖ ﺍﻟﺤﻞ ﺍﻻﺧﻴﺮ
ﺍﺫﺍ ﻣﺎﺳﻮﻳﺖ ﺷﻲ ﺭﺍﺡ ﺗﺮﻭﺡ ﻣﻦ ﺍﻳﺪﻱ ﺣﺒﻴﺒﺘﻲ
ﺍﻟﺪﻛﺎﺗﺮﻩ ﻳﻨﻈﻔﻮﻥ ﻭﻳﻌﻘﻤﻮﻥ ﻭﻳﺨﻴﻄﻮﻥ ﺑﺎﻟﺠﺮﻭﺡ ﻭﺍﻧﻪ ﺍﺗﺬﻛﺮ ﻛﻼﻣﻪ
ﻛﺮﺍﺭ : ﻛﺎﻋﺪﻳﻦ ﻭﻃﻠﻊ ﺩﻛﺘﻮﺭ ﻛﺎﻝ ﺍﻟﻀﺮﺑﻪ ﺍﻟﻠﻲ ﺑﺮﺍﺳﻪ ﻛﻠﺶ ﻣﺄﺛﺮﻩ ﻋﻠﻴﻪ ﻭﻻﺯﻣﻪ ﻋﻤﻠﻴﻪ ﻻﻥ ﺑﻌﺪﻳﻦ ﺭﺍﺡ ﺗﻄﻠﻊ ﺍﺛﺎﺭ ﺍﻟﻀﺮﺑﻪ
ﻋﻠﻲ : ﺍﻱ ﺩﻛﺘﻮﺭ ﺳﻮﻱ ﺍﻟﻌﻤﻠﻴﻪ ﻭﺷﻜﺪ ﺗﻜﻠﻒ ﺍﻧﻪ ﺣﺎﺿﺮ
ﻛﺮﺍﺭ : ﺭﺍﺡ ﻋﻠﻲ ﻭﻱ ﺍﻟﺪﻛﺘﻮﺭ ﻭﺍﻧﻪ ﺭﺣﺖ ﻳﻢ ﺍﺑﻮﻱ
ﺍﻧﻬﺎﺭ : ﺻﺒﻴﺖ ﺍﻟﻐﺪﻩ ﻭﺩﻙ ﻣﻮﺑﺎﻳﻠﻲ ‏( ﺧﻄﻴﺒﻲ ‏) ﺭﺩﻳﺖ ﻋﻠﻴﻪ ﻭﺣﺠﺎﻟﻲ ﻉ ﻭﺿﻊ ﺧﻄﻴﺐ ﺗﻘﻴﻮﻯ
ﻭﺍﻧﻲ ﺭﺣﺖ ﺣﺠﻴﺖ ﻷﻫﻠﻲ ﻑ ﻛﺎﻝ ﻣﺤﻤﺪ ﻻﺯﻡ ﺍﺭﻭﺡ
ﻋﻠﻲ : ﺷﺒﺎﺏ ﺍﻧﻪ ﺭﺍﻳﺢ ﻟﻠﺒﻴﺖ ﺍﺟﻴﺐ ﺍﻟﺠﻨﺎﺳﻲ ﻭﻓﻠﻮﺱ ﻭﻫﺪﻭﻡ ﺍﺭﻳﺪﻛﻢ ﺗﻨﺘﺒﻬﻮﻥ ﻉ ﺍﺑﻮﻱ ﻭﺭﺿﺎ
ﺣﺴﻦ : ﻟﻴﺶ ﺟﺎ ﻋﻤﻲ ﻫﻨﺎ؟
ﻋﻠﻲ : ﺍﻱ ﻫﻨﺎ ﺗﺨﺮﺑﻂ ﻭﺟﺒﺘﻪ ﻏﺮﻓﺘﻪ ﺭﻗﻢ .... ﻭﻫﺎ ﺍﻱ ﺷﺨﺺ ﻳﺠﻲ ﻻ ﺗﺨﻠﻮﻧﻪ ﻳﺪﺧﻞ
ﻣﺤﻤﻮﺩ : ﺭﻭﺡ ﻭﻻ ﺗﻔﻜﺮ ﺍﺣﻨﺎ ﻫﻨﺎ ﻣﺎﻋﻠﻴﻬﻢ ﺷﻲ
ﻋﻠﻲ : ﺭﺟﻌﺖ ﻟﻠﺒﻴﺖ ﻟﻜﻴﺘﻬﻦ ﻣﺴﻮﻳﺎﺗﻬﺎ ﻣﻨﺎﺣﻪ ﻫﺎﺍﺍﻱ ﺷﻨﻮﻭﻭ ﺭﺍﺡ ﺗﻌﻤﻦ ﻉ ﺍﻟﻮﻟﺪ ﻭﺗﻤﻮﺗﻨﻪ
ﺗﻘﻰ : ﺭﻛﻀﺘﻠﻪ ﺷﻠﻮﻭﻧﻪ ﺭﺿﺎﺍﺍ ﻋﻔﻴﻪ ﻛﻮﻝ ﻣﺎﺑﻲ ﺷﻲ
ﻋﻠﻲ : ﺗﻘﻰ ﺳﻤﻌﻴﻨﻲ ﺭﺿﺎ ﺭﺍﺡ ﻳﺴﻮﻱ ﻋﻤﻠﻴﻪ ﻑ ﺍﺭﻳﺪﺝ ﺗﺪﻋﻴﻠﻪ
ﺗﻘﻰ : ﻳﻤﻪ ﻋﻤﻠﻴﺘﻴﺶ
ﻋﻠﻲ : ﻋﻠﻤﻮﺩ ﺭﺍﺳﻪ ﻫﺴﻪ ﺍﻧﻪ ﻣﺴﺘﻌﺠﻞ ﻛﻮﻣﻲ ﺯﻫﻴﺮﻩ ﻃﻠﻌﻲ ﺍﻟﺠﻨﺎﺳﻲ ﻭﺍﻧﺘﻦ ﻃﻠﻌﻦ ﻫﺪﻭﻡ ﺑﺠﻨﻄﻪ ﻋﻠﻤﻮﺩ ﺭﺿﺎ .... ﺭﺣﺖ ﻓﺘﺤﺖ ﺍﻟﻘﺎﺻﻪ ﻭﻃﻠﻌﺖ ﻓﻠﻮﺱ
ﺯﻫﺮﻩ : ﻭﺍﻛﻒ ﻳﺒﺪﻝ ﻋﻠﻲ ﻭﺍﻧﻪ ﺍﻃﻠﻊ ﺍﻟﺠﻨﺎﺳﻲ
ﺫﻧﻲ ﻭﻳﻦ ﺍﺣﻄﻬﻦ
ﻋﻠﻲ : ﺧﻠﻴﻬﻦ ﻉ ﺍﻟﻤﻴﺰ ﻳﻢ ﺍﻟﻔﻠﻮﺱ
ﺯﻫﺮﻩ : ﻫﺎﻱ ﺧﻠﻴﺘﻬﻦ
ﻋﻠﻲ : ﻫﺎﺝ ﻫﺪﻭﻣﻲ ﻏﺴﻠﻴﻬﻦ
ﺯﻫﺮﻩ : ﺍﺧﺬﺗﻬﻦ ﻣﻨﻪ
ﺗﻘﻰ : ﺭﺣﺖ ﻟﻐﺮﻓﺔ ﺭﺿﺎ ﻓﺘﺤﺖ ﺍﻟﻜﻨﺘﻮﺭ ﻭﻃﻠﻌﺘﻠﻪ ﻣﻼﺑﺲ ﻭﺧﻠﻴﺘﻬﻦ ﺑﺎﻟﺠﻨﻄﻪ ﻭﺳﻤﻌﺖ ﻋﻠﻲ ﺻﺎﺡ ﻳﻼ
ﻋﻠﻲ : ﺍﺟﺖ ﺗﻘﻰ ﻭﺷﺎﻳﻠﻪ ﺍﻟﺠﻨﻄﻪ .. ﻋﻔﻴﻪ ﻛﻠﺸﻲ ﻳﺼﻴﺮ ﻛﻠﻮﻟﻲ
ﻋﻠﻲ : ﺍﻥ ﺷﺎﺀ ﺍﻟﻠﻪ ﺍﺧﺬﺕ ﺍﻟﺠﻨﻄﻪ ﻭﻃﻠﻌﺖ ...
ﺭﺿﺎ : ﺩﺧﻠﻮﺍ ﻳﻤﻲ ﻭﻟﺪ ﻋﻤﻲ ﻣﺎﻋﺮﻑ ﺷﻴﺤﺠﻮﻥ ﻣﺎ ﺍﻓﻬﻤﻬﻢ ﺭﺍﺳﻲ ﻳﻔﺘﺮ ﺷﻮﻳﻪ ﻭﺩﺧﻞ ﻛﺮﺍﺭ ﻭﻭﻳﺎﻩ ﺍﺑﻮﻱ
ﺍﻟﺸﻴﺦ : ﻭﻫﻮ ﻳﺤﻀﻦ ﺍﺑﻨﻪ ﺑﺲ ﺍﺣﺠﻴﻠﻲ ﻣﻨﻬﻮ ﺍﻟﻲ ﺳﻮﻩ ﻫﻴﺞ ﺑﻴﻚ ﺑﺲ ﻛﻮﻝ
ﻛﺮﺍﺭ : ﺑﻌﺪ ﺷﻮﻳﻪ ﻳﺴﻮﻭﻟﻚ ﻋﻤﻠﻴﻪ ﻭﺭﺍﻫﺎ ﺗﺮﺟﻊ ﻟﻠﺒﻴﺖ ﺑﺨﻴﺮ ﻭﻣﺎﺑﻴﻚ ﺍﻟﻪ ﺍﻟﻌﺎﻓﻴﻪ
ﺭﺿﺎ : ﻭﺍﺣﺪ .. ﻡ ﻣﻤﻨﻜﻢ ﻳﺮﻭﻭﺡ ﻳﺠﻴﺒﻠﻲ ﺱ ﺳﻴﺪ ﺧﻠﻴﻞ ... ﺍﺑﻮﻭ ﻛﺎﻇﻢ ‏( ﻳﺤﺠﻲ ﻭﻳﺎﺧﺬ ﻧﻔﺲ ﻭﻳﺮﺟﻊ ﻳﺤﺠﻲ ‏)
ﻣﺤﻤﻮﺩ : ﺍﻧﻪ ﺭﺍﻳﺢ ﺭﺑﻊ ﺳﺎﻋﻪ ﻭﻳﻜﻮﻥ ﻳﻤﻚ ..
ﻛﺮﺍﺭ : ﻣﺎﻓﻬﻤﺖ ﺷﻨﻮ ﺗﺮﻳﺪ ﻣﻦ ﺳﻴﺪ ﺧﻠﻴﻞ؟
ﺭﺿﺎ : ﻏﻤﻀﺖ ﻋﻴﻮﻧﻲ ..
ﻣﺤﻤﻮﺩ : ﺭﺣﺖ ﻉ ﺑﻴﺖ ﺳﻴﺪﺧﻞ ﺧﻠﻴﻞ ﺩﻛﻴﺖ ﺍﻟﺒﺎﺏ ﻃﻠﻌﻠﻲ ﻛﺎﻇﻢ ﺭﺣﺐ ﺑﻴﻪ ﻭﺩﺧﻠﻨﻲ
ﻻ ﺍﺷﻜﺮﻙ ﺑﺲ ﺍﻟﻮﺍﻟﺪ ﻣﻮﺟﻮﺩ؟
ﻛﺎﻇﻢ : ﺍﻱ ﻣﻮﺟﻮﺩ ﻟﺤﻈﻪ
ﻣﺤﻤﻮﺩ : ﺷﻮﻳﻪ ﻭﺍﺟﻪ ﺍﻟﺴﻼﻡ ﻋﻠﻴﻜﻢ ﺳﻴﺪ
ﺳﻴﺪ ﺧﻠﻴﻞ : ﻭﻋﻠﻴﻜﻢ ﺍﻟﺴﻼﻡ ﺗﻔﻀﻞ ﺍﺑﻨﻲ ﻟﻴﺶ ﻭﺍﻛﻒ
ﻣﺤﻤﻮﺩ : ﺳﻴﺪ ﺍﻟﺴﺎﻟﻔﻪ ﻛﺬﺍ ﻭﻛﺬﺍ ﻭﻣﺎﻋﺮﻑ ﺑﺎﻟﻀﺒﻂ ﻟﻴﺶ ﻳﺮﻳﺪﻙ
ﺧﻄﻴﻪ ﺍﻟﺮﺟﺎﻝ ﻣﺎﻛﺎﻝ ﺷﻲ ﺭﺍﺡ ﺑﺲ ﻟﺒﺲ ﻧﻌﺎﻟﻪ ﺗﻜﺮﻣﻮﻥ ﻭﻃﻠﻊ ﻭﻳﺎﻱ
ﺭﺿﺎ : ﺍﺳﻤﻊ ﺍﺑﻮﻱ ﻳﻜﻌﺪﻧﻲ ﻓﺘﺤﺖ ﻋﻴﻮﻧﻲ
ﺳﻴﺪ ﺧﻠﻴﻞ : ﺷﻠﻮﻥ ﺻﺮﺕ ﺍﺑﻨﻲ
ﺭﺿﺎ : ﻫﻼ ﺳﻴﺪ ﻋﻨﺪﻱ ﻃﻠﺐ ﻭﺍﺗﻤﻨﻰ ﻣﺎﺗﺮﺩﻧﻲ
ﻛﺮﺍﺭ : ﺍﺑﻮﻱ ﺷﻮﻳﻪ ﻭﻳﺸﻤﺮ ﻧﻔﺴﻪ ﻣﻦ ﺍﻟﺸﺒﺎﻙ ﻣﺎﻝ ﺍﻟﻐﺮﻓﻪ ﺭﺿﺎ ﻳﻄﻠﺐ ﻣﻦ ﺳﻴﺪ ﺧﻠﻴﻞ ﻭﻫﻮ ﺑﻴﻨﺎﺗﻬﻢ ﻋﺪﺍﻭﻩ
ﺳﻴﺪ ﺧﻠﻴﻞ : ﺗﻔﻀﻞ ﻭﻟﻴﺪﻱ ﺍﻃﻠﺐ ﻭﺍﻥ ﺷﺎﺀ ﺍﻟﻠﻪ ﺍﻟﻚ ﺍﻟﻠﻲ ﺗﺮﻳﺪﻩ
ﺭﺿﺎ : ﺳﻮﻳﺖ ﺍﺷﺎﺭﻩ ﻟﻜﺮﺍﺭ ﻋﻮﺩ ﻃﻠﻌﻬﻢ
ﻛﺮﺍﺭ : ﻃﻠﻌﺖ ﺍﻟﻜﻞ ﺑﺮﻩ
ﺭﺿﺎ : ﻋﻤﻲ ﺍﻋﺮﻓﻚ ﺭﺟﺎﻝ .... ﺣﻘﺎﻧﻲ ﻭﺗﻜﺮﻩ ﺍﻟﻈﻠﻢ ﻑ ﺍﻟﻠﻲ ﺍﺭﻳﺪﻩ ﻣﻨﻚ ... ﺑﻨﺘﻚ ﺍﻟﺰﻏﻴﺮﻩ ﺗﻨﻄﻴﻬﺎ ﻻﺑﻦ ﺳﻴﺪ ﺍﺳﺤﺎﻕ ﺍﻟﺰﻏﻴﺮ ﻗﻴﺼﺮ ﻫﻮ ﻳﺤﺒﻬﺎ ﻭﺭﺍﻳﺪﻫﺎ ﺑﺎﻟﺤﻼﻝ ﻭﺍﻣﺎﻧﺔ ﺍﻟﻠﻪ ﻭﺍﻫﻞ ﺍﻟﺒﻴﺖ ﻣﺎﻻﻣﺴﻬﺎ ﻻﻥ ﻧﻴﺘﻪ ﺻﺎﻓﻴﻪ ﻭﻣﻌﺘﺒﺮﻫﺎ ﻋﺮﺿﻪ .. ﻭﺣﺮﺍﻡ ﺗﻔﺮﻕ ﺑﻴﻨﺎﺗﻬﻢ
ﺳﻴﺪ ﺧﻠﻴﻞ : ﻭﺍﻟﻠﻪ ﻳﺎ ﺍﺑﻨﻲ ﻣﺎﺩﺭﻱ ﺷﻜﻠﻚ ﺑﺲ ﺍﻥ ﺷﺎﺀ ﺍﻟﻠﻪ ﺑﻨﺘﻲ ﺍﻟﻪ ﺷﻠﻮﻥ ﺍﻛﺪﺭ ﺍﺭﻓﻀﻠﻚ ﻃﻠﺐ ﻭﺍﻧﺖ ﺭﺑﻴﺖ ﻋﻨﺪﻱ ﻭﻏﻼﺗﻚ ﺍﻏﻠﻰ ﻣﻦ ﻭﻟﺪﻱ
ﺭﺿﺎ : ﺳﻴﺪ ﺍﻧﻪ ﻣﺎﻋﺮﻑ ﺍﺫﺍ ﺍﻋﻴﺶ ﺍﻭ ﺍﻣﻮﺕ ﺑﺲ ﺍﺗﻤﻨﻰ ﺗﺤﻘﻘﻠﻲ ﻫﻞ ﺷﻲ
ﺳﻴﺪ ﺧﻠﻴﻞ : ﻻ ﺍﻥ ﺷﺎﺀ ﺍﻟﻠﻪ ﺗﻜﻮﻡ ﺑﺎﻟﺴﻼﻣﻪ ﻭﺍﻧﺖ ﺗﺰﻓﻬﻢ
ﺭﺿﺎ : ﺍﺷﻜﺮﻙ ﺳﻴﺪ ﻭﺍﻋﺬﺭﻧﻲ ﻻﻥ ﺩﺯﻳﺖ ﻋﻠﻴﻚ ﻣﻮ ﺍﻧﻪ ﺭﺣﺘﻠﻚ
ﺳﻴﺪ ﺧﻠﻴﻞ : ﻻ ﺍﺑﻨﻲ ﺷﺴﺎﻟﻔﻪ ﻭﻻ ﺗﻔﻜﺮ ﻫﺎﻫﻴﻪ ﻟﺒﻨﻴﻪ ﻟﻘﻴﺼﺮ
ﺭﺿﺎ : ﺭﺍﺡ ﻭﺍﻧﻪ ﺭﺟﻌﺖ ﻧﻤﺖ
ﻛﺮﺍﺭ : ﻛﺎﻋﺪﻳﻦ ﻧﻨﺘﻈﺮ ﻳﺪﺧﻠﻮﻧﻪ ﻟﻠﻌﻤﻠﻴﺎﺕ ﻭﺍﺟﻪ ﻣﺤﻤﺪ
ﻣﺤﻤﺪ : ﺍﻟﺴﻼﻡ ﻋﻠﻴﻜﻢ ﺑﺸﺮﻭﻧﻲ ﺷﻠﻮﻧﻪ ﻫﺴﻪ؟
ﻋﻠﻲ : ﻭﻋﻠﻴﻜﻢ ﺍﻟﺴﻼﻡ ﻭﺍﻟﺮﺣﻤﻪ ﺑﻌﺪ ﺷﻮﻳﻪ ﻭﻳﺪﺧﻞ ﻋﻤﻠﻴﺎﺕ
ﻣﺤﻤﺪ : ﺭﺣﺖ ﻛﻌﺪﺕ ﻳﻢ ﻋﻤﻲ ﺍﻟﺸﻴﺦ
ﻭﺍﻟﻠﻪ ﺍﻧﻲ ﻣﺎﺩﺭﻱ ﻭﺍﺻﻼ ﺍﻟﻴﻮﻡ ﻋﺮﺱ ﺍﺑﻦ ﺧﺎﻟﺘﻲ ﻭﻣﺎﺟﻨﺖ ﻧﺎﻭﻱ ﺍﺟﻪ ﺑﺲ ﺧﺎﺑﺮ ﻋﻠﻲ ﻭﻛﺎﻝ ﻭﺍﺟﻴﺘﻜﻢ ﺑﺴﺮﻋﻪ
ﻋﻠﻲ : ﻣﻨﻮ ﻣﻨﻬﻢ ﻋﺮﺳﻪ ﺍﻟﻴﻮﻡ؟
ﻣﺤﻤﺪ : ﺍﺑﻦ ﺧﺎﻟﺘﻲ ﺭﺍﻏﺪ ﻳﻤﻜﻦ ﺍﻧﺖ ﻣﺎﺗﻌﺮﻓﻪ
ﻋﻠﻲ : ﻫﺎ ﻋﺮﺳﻪ ﺍﻟﻴﻮﻡ ﺍﻥ ﺷﺎﺀ ﺍﻟﻠﻪ ﺧﻴﺮ،،
ﺑﺎﻭﻋﺖ ﺍﻟﺴﺎﻋﻪ 2 ﺍﻟﻈﻬﺮ
ﻛﺮﺍﺭ : ﺩﻙ ﻣﻮﺑﺎﻳﻠﻲ ﻫﺎﻱ ﻏﺪﻳﺮ
ﻣﺤﻤﺪ : ﺍﻧﻄﻴﻨﻲ ﺍﺣﺠﻲ ﻭﻳﺎﻫﺎ
ﻛﺮﺍﺭ : ﻭﺍﻟﻠﻪ ﺑﻌﺪ ﺍﺣﺴﻦ ﻫﺎﻙ ﺍﻟﺠﻬﺎﺯ
ﻣﺤﻤﺪ : ﻓﺘﺤﺖ ﺧﻂ
ﻏﺪﻳﺮ : ﺍﻧﻪ ﻭﺗﻘﻰ ﻭﺍﻟﺒﻨﺎﺕ ﻭﺑﻨﺎﺕ ﻋﻤﻲ ﻭﺍﻟﻜﻞ ﻛﺎﻋﺪﺍﺕ ﻑ ﻛﻠﺖ ﺍﺧﺎﺑﺮ ﻛﺮﺍﺭ ﺍﺷﻮﻑ ﺷﺼﺎﺭ ﻣﺎﺻﺎﺭ ﺩﻛﻴﺖ ﻭﻓﺘﺢ ﺧﻂ .. ﻓﺘﺤﺖ ﺳﺒﻴﻜﺮ ﺍﻟﻮ ﻛﺮﺍﺭ ﺷﺼﺎﺭ ﻭﻳﺎﻛﻢ
ﻣﺤﻤﺪ : ﻭﻋﻠﻴﻜﻢ ﺍﻟﺴﻼﻡ ﻭﺍﻟﺮﺣﻤﻪ
ﻏﺪﻳﺮ : ﻣﻨﻮﻭ ﺍﻧﺖ
ﻣﺤﻤﺪ : ﺭﺟﻠﺞ ﺑﻌﺪ ﻣﻨﻮ
ﻏﺪﻳﺮ : ﺭﺟﻠﻲ !!! ﻭﺻﺎﺭﻥ ﺧﺪﻭﺩﻫﺎ ﺣﻤﺮ ﻭﺍﻟﺒﻨﺎﺕ ﻛﻠﻬﻦ ﻳﺒﺎﻭﻋﻦ ﻋﻠﻴﻬﺎ
ﻣﺤﻤﺪ : ﺍﻱ ﻧﻌﻢ ﺭﺟﻠﺞ
ﻏﺪﻳﺮ : ﺣﺎﻭﻟﻦ ﺍﺧﻔﻲ ﺍﺭﺗﺒﺎﻛﻲ، ﻫﺎ ﺣﻤﻮﺩﻱ ﺷﺸﻠﻮﻧﻚ ﺍﻥ ﺷﺎﺀ ﺍﻟﻠﻪ ﺯﻳﻦ ،ﻫﺴﻪ ﺍﻧﺖ ﺑﺎﻟﻤﺴﺘﺸﻔﻰ
ﻣﺤﻤﺪ : ﺑﺨﻴﺮ ﺍﻧﺘﻲ ﺷﻠﻮﻧﺞ ﺍﻱ ﻭﺍﻟﻠﻪ ﻗﺒﻞ ﺷﻮﻳﻪ ﻭﺻﻠﺖ
ﻏﺪﻳﺮ : ﺍﻟﺤﻤﺪﻟﻠﻪ ﺗﺮﻳﺪ ﺗﻘﻰ ﻫﺎﻱ ﻳﻤﻲ
ﻣﺤﻤﺪ : ﻛﻤﺖ ﺍﺑﺘﻌﺪﺕ ﻋﻨﻬﻢ ﻻ ﺷﺴﻮﻱ ﺑﻴﻬﺎ ﺍﻧﻲ ﺍﺭﻳﺪﺝ ﺍﻧﺘﻲ
ﻏﺪﻳﺮ : ﻣﺘﺴﺘﺤﻲ ﺳﺪﻳﺘﻪ ﺑﻮﺟﻬﻪ
ﺗﻬﺎﻧﻲ : ﺑﺎﻉ ﺍﻟﺜﻮﻟﻪ ﻣﻮ ﺻﻮﺟﻪ ﻭﺍﻟﻠﻪ
ﺯﻫﺮﻩ : ﻫﺎﻱ ﺣﻤﺎﺭﻩ ﻣﺎﺗﻘﺪﺭ ﺍﻟﻨﻌﻤﻪ
ﻣﺤﻤﺪ : ﺍﻧﻲ ﺩﺍﺋﻤﺎ ﻳﻨﺘﻬﻲ ﺑﻴﻪ ﺍﻟﺤﺎﻝ ﻳﻨﺴﺪ ﺍﻟﺨﻂ ﺑﻮﺟﻬﻲ ،ﺭﺟﻌﺖ ﻣﻮﺑﺎﻳﻞ ﻛﺮﺍﺭ ﻭﻛﻌﺪﺕ ﻳﻤﻬﻢ
ﻋﻠﻲ : ﺑﻮﻳﻪ ﺧﻞ ﻣﺤﻤﺪ ﻳﺮﺟﻌﻚ ﻟﻠﺒﻴﺖ ﻣﺎﺗﻜﺪﺭ ﺍﻧﺖ ﻉ ﺗﻌﺐ
ﺍﻟﺸﻴﺦ : ﺷﻠﻮﻥ ﺍﺭﺟﻊ ﻭﺭﺿﺎ ﻫﻨﺎ ﻣﺎﻋﺮﻑ ﺷﻮﺿﻌﻪ
ﻛﺮﺍﺭ : ﺟﺎ ﺍﺣﻨﺎ ﻫﻨﺎ ﻭﻫﻮ ﻣﺎﻋﻠﻴﻪ ﺷﻲ ﻭﺍﻟﻌﻤﻠﻴﻪ ﻣﻮ ﺧﻄﺮﻩ ﻣﺎﺳﻤﻌﺖ ﺍﻟﺪﻛﺘﻮﺭ
ﻣﺤﻤﺪ : ﺍﻱ ﻋﻤﻲ ﺍﻣﺸﻲ ﺍﻭﺻﻠﻚ ﻟﻠﺒﻴﺖ ﻫﺴﺦ ﺍﻧﺖ ﺗﻨﺘﻈﺮ ﻫﻨﺎ ﺑﺪﻭﻥ ﻓﺎﻳﺪﻩ ﻫﻮ ﺭﺍﺡ ﻳﺪﺧﻞ ﻟﻠﻌﻤﻠﻴﺎﺕ ﻭﻳﺒﻘﻰ ﻛﻢ ﺳﺎﻋﻪ ﻭﺭﺍﻫﺎ ﻣﻦ ﻳﻄﻠﻌﻮﻧﻪ ﻫﻢ ﻣﺎﺭﺍﺡ ﺗﻜﺪﺭ ﺗﺸﻮﻓﻪ ﻻﻥ ﻣﻤﻨﻮﻉ
ﻑ ﺍﻣﺸﻲ ﻫﺴﻪ ﻭﻣﻦ ﻳﺴﻤﺢ ﺍﻟﺪﻛﺘﻮﺭﻩ ﺗﺸﻮﻓﻪ ﺍﻧﻲ ﺍﺟﻴﺒﻚ ﺍﻟﻪ ،ﻣﻨﺎ ﻣﻨﺎ ﻗﻨﻌﺘﻪ ﻭﺭﺣﻨﺎ
ﻣﺤﻤﻮﺩ ﻭﺣﺴﻦ ﻫﻢ ﺭﺍﺣﻮﺍ
ﻋﻠﻲ : ﺍﺭﻳﺪ ﺍﻓﻬﻢ ﺻﺎﺭﻟﻬﻢ ﺳﺎﻋﺘﻴﻦ ﻣﻦ ﻛﺎﻝ ﺍﻟﺪﻛﺘﻮﺭﻩ ﻧﺪﺧﻠﻪ ﻟﻠﻌﻤﻠﻴﺎﺕ ﻭﻟﺴﻪ ﻛﻠﺸﻲ ﻣﺎﻛﻮ ﻳﻌﻨﻲ ﺣﺘﻰ ﺍﻟﻠﻲ ﻋﺪﻫﺎ ﻭﻻﺩﻩ ﻭﻃﻠﻮﻙ ﻫﻢ ﻣﺎﺗﺒﻘﻰ ﻫﻠﻜﺪ
ﻛﺮﺍﺭ : ﻓﻠﻚ ﺷﻬﻞ ﺣﺠﻲ، ﺩﻙ ﻣﻮﺑﺎﻳﻠﻲ ﺍﺣﻼﻡ
ﺍﺣﻼﻡ : ﺍﻟﻮ ﻛﺮﺍﺭ ﻫﺎﻱ ﺑﺘﻚ ﻣﻮﺗﺖ ﺭﻭﺣﻬﺎ ﻋﻠﻴﻚ
ﻛﺮﺍﺭ : ﺧﻠﻴﻬﺎ ﻳﻤﺞ ﺷﺴﻮﻳﻠﻬﺎ ﻫﺴﻪ ﺍﻧﻪ
ﺳﻜﺘﻴﻬﺎ ﻧﻮﻣﻴﻬﺎ ﺫﺑﺤﻴﻬﺎ ﺳﻮﻱ ﺍﻟﻠﻲ ﺗﺮﻳﺪﻳﻨﻪ
ﺍﺣﻼﻡ : ﺳﺪﻳﺘﻪ ﻣﻨﻪ ﻫﺴﻪ ﺍﻧﺘﻲ ﺷﻠﻮﻥ ﺑﻴﺞ ﻛﺎﻓﻲ ﺻﺮﺗﻲ ﺟﺒﻴﺮﻩ ﻟﻴﺶ ﺗﺒﺠﻴﻦ ﻉ ﺍﺑﻮﺝ
ﻏﺪﻳﺮ : ﻛﺎﻋﺪﺍﺕ ﻭﻃﺒﻜﺖ ﺳﻴﺎﺭﻩ ﻭﺍﻧﺪﻙ ﺍﻟﺒﺎﺏ
ﻟﺒﺴﺖ ﺣﺠﺎﺑﻲ ﻭﺭﺣﺖ ﻓﺘﺤﺘﻪ
ﺩﺧﻞ ﺍﺑﻮﻱ ﻭﻭﻳﺎﻩ ﻣﺤﻤﺪ ﺍﻧﻪ ﺩﻧﻜﺖ ﻭﺳﺪﻳﺖ ﺍﻟﺒﺎﺏ
ﺗﻘﻰ : ﺣﻤﻮﺩﻱ ﺷﻠﻮﻧﻪ ﺭﺿﺎ
ﻣﺤﻤﺪ : ﻭﺍﻟﻠﻪ ﻟﺴﻪ ﻣﺎﺩﺧﻞ ﻟﻠﻌﻤﻠﻴﺎﺕ ﻻ ﺗﺨﺎﻓﻴﻦ ﺍﻥ ﺷﺎﺀ ﺍﻟﻠﻪ ﻣﺎﻛﻮ ﺷﻲ
ﺍﻟﺸﻴﺦ : ﺑﻮﻳﻪ ﻏﺪﻳﺮﻩ ﺭﻭﺣﻲ ﺩﺧﻠﻲ ﺧﻄﻴﺒﺞ ﺍﻧﻪ ﺗﻌﺒﺎﻥ ﺭﺍﻳﺢ ﺍﺗﻤﺪﺩ
ﻏﺪﻳﺮ : ﺣﺎﺿﺮ ﺑﻮﻳﻪ
ﻣﺤﻤﺪ : ﻻ ﺍﻧﻲ ﺭﺍﺡ ﺍﺭﺟﻊ ﻟﻠﻤﺴﺘﺸﻔﻰ
ﻏﺪﻳﺮ : ﺯﻳﻦ ﺑﺲ ﺍﺩﺧﻞ ﺍﺷﺮﺏ ﻛﻼﺹ ﻣﺎﻱ ﺷﻲ
ﻣﺤﻤﺪ : ﻣﺎﺷﻲ ﺭﺍﺣﺖ ﻟﻠﻤﻄﺒﺦ ﻭﺍﻧﻲ ﻭﺭﺍﻫﺎ
ﻭﺭﺩﻩ : ﻛﺎﻋﺪﻩ ﻳﻢ ﺍﻟﺒﺎﺏ ﻭﺩﺧﻠﺖ ﻏﺪﻳﺮ ﻭﻭﺭﻫﺎ ﻭﻟﺪ ﺷﺎﺏ ﻣﺎ ﺷﺎﺀ ﺍﻟﻠﻪ ﻫﺬﺍ ﻣﻨﻮ
ﺗﻬﺎﻧﻲ : ﻣﻨﻮ ﻭﻟﺞ ﺷﻮ ﺧﻞ ﺍﺷﻮﻑ ﻳﺎﺍﺍ ﻭﻟﺞ ﻫﺬﺍ ﻣﺤﻤﺪ ﺍﺑﻦ ﺧﺎﻟﺘﻲ ﻳﺼﻴﺮ ﺧﻄﻴﺐ ﻏﺪﻳﺮﻩ
ﺯﻫﺮﻩ : ﺑﻠﻪ ﺍﺷﻮﻓﻪ ﺍﻧﻪ ﻫﻢ ﻣﺎﺷﺎﻳﻔﺘﻪ
ﻏﺪﻳﺮ : ﺩﺧﻠﺖ ﻟﻠﻤﻄﺒﺦ ﻃﻠﻌﺖ ﻛﻼﺹ ﺻﺒﻴﺘﻠﻪ ﻣﺎﻱ ﻫﻮ ﻭﺍﻛﻒ ﻭﻇﻬﺮﻩ ﺻﺎﻳﺮ ﻉ ﺍﻟﺒﺎﺏ ﻣﺎﻝ ﺍﻟﻤﻄﺒﺦ ﻭﺍﻧﻪ ﻭﺍﻛﻔﻪ ﻭﺍﻧﺘﺒﻪ ﻣﺎﺩﺍﺕ ﺭﻭﺳﻬﻦ ﻭﻳﺒﺎﻭﻋﻠﻪ
ﺧﺰﺭﺗﻬﻦ
ﻣﺤﻤﺪ : ﺷﺮﺑﺖ ﺍﻟﻤﻲ ﻭﻫﺎﻱ ﺍﻧﻄﺘﻨﻲ ﺧﺰﺭﻩ ﺷﺮﻛﺖ ﺑﺎﻟﻤﻲ
ﻏﺰﻳﺮ : ﺍﺳﻢ ﺍﻟﻠﻪ ﺍﺳﻢ ﺍﻟﻠﻪ ﺍﻋﻮﺫ ﺑﺎﻟﻠﻪ ﻣﻦ ﻋﻴﻦ ﺣﺎﺳﺪ ﺍﺫﺍ ﺣﺴﺪ ﺗﻒ ﺗﻒ
ﻣﺤﻤﺪ : ﻫﺎ ﻋﻠﻴﻤﻦ ﻭﻟﺞ !!!
ﻏﺪﻳﺮ : ﻉ ﺑﻨﺎﺕ ﻋﻤﻲ،، ﺩﻙ ﺗﻠﻔﻮﻧﻲ ﺍﺣﻼﻡ ﻫﺎ ﺷﻨﻮ ﻭﻟﺞ ﺷﻠﻮﻥ ﻣﺤﺪ ﻣﻮﺟﻮﺩ ﺑﺲ ﻣﺤﻤﺪ ﺧﺎﻑ ﻣﺎﻳﻨﺪﻝ
ﻣﺤﻤﺪ : ﻭﺍﻟﻠﻪ ﺍﻧﺪﻝ
ﻏﺪﻳﺮ : ﺳﺪﻳﺘﻪ ﻣﻨﻬﺎ ﻫﺴﻪ ﺍﻧﺖ ﻓﻬﻤﺖ ﺍﻟﺴﺎﻟﻔﻪ ﺣﺘﻰ ﺗﻨﺪﻝ
ﻣﺤﻤﺪ : ﺍﻱ ﻏﻴﺮ ﺗﺤﺠﻴﻦ ﺣﺘﻰ ﺍﻓﻬﻢ
ﻏﺪﻳﺮ : ﺷﺴﻤﻬﺎﺍ ﺍﻭﻭ ﻫﺎﻱ ﺍﻗﺼﺪ ﺍﺧﺘﻲ ﺗﺮﻳﺪﻙ ﺗﺮﻭﺣﻠﻬﺎ ﺗﺠﻴﺐ ﻣﻨﻬﺎ ﺑﺖ ﻛﺮﺍﺭ ﺑﺲ ﺗﺒﺠﻲ ﻉ ﺍﻻﻗﻞ ﻫﻨﺎ ﺍﻧﻪ ﺗﺴﻜﺖ ﻋﻨﺪﻱ
ﻣﺤﻤﺪ : ﻣﺎﺷﻲ ﻭﻳﻦ ﺻﺎﻳﺮ ﺑﻴﺘﻬﻢ
ﻏﺪﻳﺮ : ﺍﻭﻛﻒ ﺑﺲ ﺍﺟﻴﺐ ﻋﺒﺎﺗﻲ ﻭﺍﺭﻭﺡ ﻭﻳﺎﻙ
ﻣﺤﻤﺪ : ﺭﺍﺣﺖ ﺟﺎﺑﺖ ﻋﺒﺎﻳﺘﻬﺎ ﻭﺭﺣﻨﺎ ﻟﺒﻴﺖ ﺍﺧﺘﻬﺎ
ﺻﺎﺭ ﻣﻮﻋﺪ ﺍﻟﻌﻤﻠﻴﻪ
ﻋﻠﻲ : ﺩﺧﻠﺖ ﻳﻢ ﺭﺿﺎ ﻑ ﻛﺎﻝ
ﺭﺿﺎ : ﺍﺫﺍ ﺻﺎﺭ ﺷﻲ ﺍﻭ ﻓﺸﻠﺖ ﺍﻟﻌﻤﻠﻴﻪ ﻑ ﺍﺗﻤﻨﻰ ﺗﺴﺎﻣﺤﻮﻧﻲ ﻉ ﻛﻠﺸﻲ ﻭﺗﻘﻰ ﺍﻣﺎﻧﻪ ﻋﺪﻛﻢ
ﻋﻠﻲ : ﻻ ﺗﺤﺠﻲ ﻫﻴﺞ ﻫﻴﻪ ﻋﻤﻠﻴﻪ ﺯﻏﻴﺮﻩ ﻭﻣﺎﺑﻴﻬﺎ ﺧﻄﻮﺭﻩ ‏( ﻃﺒﻌﺎ ﻫﻞ ﺷﻲ ﺟﺬﺏ ‏)
ﻛﺮﺍﺭ : ﻻ ﺗﺨﺎﻑ ﻉ ﺗﻘﻰ ﺍﺫﺍ ﺍﻧﺖ ﻣﺘﺖ ﺍﻧﻪ ﺍﺗﺰﻭﺟﻬﺎ
ﺭﺿﺎ : ﻫﻬﻪ ﺍﺍﺥ ﻻﺍ ﻣﺤﺪ ﻳﺘﺰﻭﺟﻬﺎ
ﻛﺮﺍﺭ : ﺣﺒﻴﺒﻲ ﻟﺘﺼﻴﺮ ﺍﻧﺎﻧﻲ ﺑﻌﺪ ﺍﻧﺖ ﻣﻴﺖ ﺷﻤﺪﺭﻳﻚ
ﻋﻠﻲ : ﻛﺎﻓﻲ ﻻ ﺗﻀﻮﺟﻪ ﺷﺒﻴﻚ
ﻻ ﺗﺨﺎﻑ ﺭﺿﺎﻭﻱ ﻛﻠﻬﺎ ﺳﺎﻋﻪ ﻟﻮ ﺳﺎﻋﺘﻴﻦ ﻭﺗﺨﻠﺺ ﺍﻟﻌﻤﻠﻴﻪ ﻭﺭﺍﻫﺎ ﺗﺮﺟﻊ ﻟﻠﺒﻴﺖ ﻭﺑﻌﺪ ﺟﻢ ﻳﻮﻡ ﻋﺮﺳﻜﻢ ﺍﻧﺖ ﻭﺗﻘﻰ
ﺭﺿﺎ : ﺍﻥ ﺷﺎﺀ ﺍﻟﻠﻪ
ﺍﺧﺬﻭﺍ ﻟﻠﻌﻤﻠﻴﻪ ﺟﺎﻧﺖ ﺍﻟﺴﺎﻋﻪ ﻭﻛﺘﻬﺎ 3 ﻭﻧﺺ ..
ﻣﺤﻤﺪ : ﺭﺣﻨﺎ ﻉ ﺑﻴﺖ ﺍﺧﺘﻬﺎ
ﻏﺪﻳﺮ : ﺍﻭﻝ ﻣﺮﻩ ﺍﺻﻌﺪ ﻭﻱ ﺷﺨﺺ ﻏﺮﻳﺐ ﻳﻌﻨﻲ ﻏﻴﺮ ﺍﺧﻮﺍﻧﻲ ﻭﺍﺻﻼ ﺍﻧﻪ ﻣﺎ ﺍﻃﻠﻊ ﻑ ﺗﺼﺪﻑ ﻟﻮ ﻟﻠﺰﻳﺎﺭﻩ ﻟﻮ ﺍﺫﺍ ﻣﺮﻳﻀﻪ ﻑ ﻫﻤﻪ ﻳﺎﺧﺬﻭﻧﻲ ﺑﺴﻴﺎﺭﺍﺗﻬﻢ
ﻣﺤﻤﺪ : ﺟﺒﻨﺎﻫﺎ ﻟﻠﻄﻔﻠﻪ ﺷﻠﻮﻥ ﻫﺎﺩﺋﻪ ﻭﺣﺒﺎﺑﻪ
ﻏﺪﻳﺮ : ﻫﺎ ﻭﻟﺞ ﺷﻮ ﺳﺎﻛﺘﻪ ﻣﻮ ﻉ ﺍﺳﺎﺱ ﻛﺎﻟﺒﻪ ﺍﻟﺪﻧﻴﺎ ﺑﺎﻟﺒﺠﻲ ﻉ ﺍﺑﻮﺝ
ﻧﺘﺎﻟﻲ : ﺟﻨﺖ ﺍﺑﺠﻲ ﺑﺲ ﻫﺴﻪ ﺳﻜﺘﺖ ﻻﻥ ﻫﺬﺍ ﺍﻟﺰﻟﻤﻪ ﺣﻠﻮ
ﻏﺪﻳﺮ : ﻋﺰﺯﻩ ﺟﻬﺎﻝ ﺍﺧﺮ ﻭﻛﺖ
ﻣﺤﻤﺪ : ﺩﺷﻜﺮﻱ ﺭﺑﺞ ﺍﺟﺎﺝ ﻫﻴﺞ ﺭﺟﻞ ﻳﺨﺒﻞ
ﻏﺪﻳﺮ : ﻻ ﺗﺼﻴﺮ ﻣﻐﺮﻭﺭ ﻭﺑﻠﻪ ﺍﻧﻪ ﺷﻤﺎﻟﻨﻲ ﻣﻮ ﻫﻢ ﺍﺧﺒﻞ
ﻣﺤﻤﺪ : ﺍﻱ ﻫﻢ ﺗﺨﺒﻠﻴﻦ ﻭﻋﻠﻴﺞ ﻟﺴﺎﻥ ﻣﺎﻝ ﺍﺑﻮﺳﻪ
ﺑﺲ ﻻ ﺗﺨﺎﻓﻴﻦ ﻣﻮ ﻫﺴﻪ ﺑﻌﺪ ﻛﻢ ﻳﻮﻡ ﺍﻃﻠﻊ ﻇﻴﻢ ﺍﻟﺪﻧﻴﺎ ﺑﻴﺞ
ﻏﺪﻳﺮ : ﻣﺘﺴﺘﺤﻲ ﺍﻧﺖ ﻣﻮ ﻫﺎﻱ ﻃﻔﻠﻪ ﻛﺎﻋﺪﻩ
ﻣﺤﻤﺪ : ﺷﺴﻮﻳﻠﻬﺎ
ﻏﺪﻳﺮ : ﻣﻮ ﺻﻮﺟﻚ ﻭﺍﻟﻠﻪ
ﻣﺤﻤﺪ : ﺍﻱ ﺻﻮﺟﺞ ﻟﻴﺶ ﻟﺴﺎﻧﺞ ﻃﻮﻳﻞ ﻭﻭﻛﺤﻪ
ﻏﺪﻳﺮ : ﻋﺰﺯﺯﻩ ﺍﻟﻌﺰﺍﻙ ﺍﻥ ﺷﺎﺀ ﺍﻟﻠﻪ ﺍﻧﻪ ﺍﻧﻮﺏ ﻭﻛﺤﻪ
ﻣﺤﻤﺪ : ﻫﻬﻬﻬﻬﻪ ﺧﺒﻠﻪ ﺍﻟﻠﻪ ﻳﺼﺒﺮﻧﻲ،، ﺭﺟﻌﺘﻬﻦ ﻟﻠﺒﻴﺖ ﻭﺭﺣﺖ ﻟﻠﻤﺴﺘﺸﻔﻰ
ﺍﻟﺴﺎﻋﻪ 6 ﺍﻟﻤﻐﺮﺏ
ﺯﻫﺮﻩ : ﺭﺟﻊ ﻋﻠﻲ ﻟﻠﺒﻴﺖ ﻣﺴﺘﻌﺠﻞ ﺩﺧﻞ ﻟﻠﻐﺮﻓﻪ ﻭﻃﻠﻊ ﺑﻴﺪﻩ ﺳﻼﺡ !!!!
💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜
2970 ﺣﺮﻑ ‏( ﻣﺜﻞ ﺍﻟﻌﺎﺩﻩ ﻏﻠﺴﻦ ﻉ ﺳﺤﻜﺎﺗﻲ ‏)