يوم الاثنين الساعة التاسعة صباحا في مدينة جدة
على طاولة الاكل
فيصل:تدري اخويا طارق دق عليا وقالي راجع نهاية الاسبوع هوا وولده من امريكا بيستقرهنا في جدة في نفس الحارة حقتنا
امل:ايش ذا م بغي يرجع السعودية
فيصل:انتي عارفة انو م يبغي يجي عشان لا يفتكر زوجته عبير الي انتحرت وتركته هوا واياد
امل:اصلن كويس وقتها انو قبل الشغلة الي جاتو في امريكا الشغل نساه همه بس المسكين اياد هوا الي تبهدل هناك لا ام ولا اب ينتبهو له ولا فوق ذا كلو ترك ولد عمه اقرب صاحب له هتان الي كانو دايم سوا
فيصل:بس اياد كان قوي هوا الي قال لابوه يقبل الشغل الي جاه وانه بيروح معاه يكمل دراسة هناك مع انو كان لسى صغير في اولى ابتدائي
امل:بس كلنا عارفين انو قال الكلام ذا عشان ابوه ولا هوا متعلق في هتان وانهم م يتركو بعض
فيصل:تذكري كيف هتان زعل وهوا رايح قعد شهر يمكن م ياكل ولا يلعب بس في الاخير تعود
امل:يوهه بروح اقول لهتان اكيد بيفرح
فيصل:تتوقعي هتان لسى مفتكر اياد لين دحين؟ ترا مرت ١١ سنة
امل: ايوا مفتكره مشالله عليه كل بين فترة وفترة يجي يسالني عنه ودايم اقوله مدري لنو اياد معد كلمنا من يوم راح مدرسة داخلية هناك بس كان حلو الدبدوب ابو عيون خضرا
فيصل:اي والله كان دغبوجة
امل:مو كانك تاخرت عن دوامك
فيصل:اي والله اخذتني الهروج ونسيت الدوام
يلم اغراضه و يقوم بسرعة من الطاولة ويتقربع
امل تضحك وفيصل يضحك معاها على نفسو
امل:بسم الله عليك ي ابو هتان بشويش بالله
فيصل:من عيوني والله ي ام هتان
ويطلع يركب سيارته ويمشي لدوامه
امل:خليني اقوم ارفع الطاولة واصحي هتان واقوله الخبر الحلو ذا
في غرفة هتان
هتان نايم وقاعد يحلم حلم لمن كان صغير"صوت ضحك وواحد قاعد ينضرب
هتان: ايش الهرجة التجمهر ذا على مين؟
اياد طايح في الارض وقاعد ينضرب من ثلاث عيال
الولد الاول:ي فقمه انتا بس تاكل بتخلص الاكل علينا اهدى من كدا
يشوته في بطنه
الولد الثاني:يواد شوف عنده ديود زي البنات
كل العيال الواقفين جلسو يضحكو
هتان يدخل ويدف الولد الاول وطيحو ويروح يقوم اياد
هتان:ثلاثة على واحد ي رمم ابن امه الي يمد يده ثاني
الولد الثالث: هيا خذلك جاه ولد عمه الصيني ايش العيلة ذي واحد دب والثاني عيونه مسحبة دقوس
هتان راح له وهبودو بوكس في بطنه طيحو في الارض واتعور منه الولد
هتان:هي ورع اقولك لا تغلط
هتان يطالع في الولد الثاني
هتان : ها عندك شي انت كمان
الولد الثاني: كنا نمزح معاه يهو اشبك كدا
هتان: اقولكم اتاسفو منو احسلكم
هتان يسحب اياد جمبه
الاولاد الثلاثة اتاسفو من اياد وهتان
اياد يطالع ل هتان بحزن وهتان يبتسمله اياد يمسك يد هتان
اياد:لمن اكبر بنحف وبعضل وبصير ادافع عنك
هتان:الله بيصير عندي بوتيقارد"
يقاطعه صوت امه
امل:هتان هتان قوم عندي لك خبر حلو قوم ي زقق
هتان يقوم يتربع ع السرير ومفتح عين ويطالع فيها وامه جات تقعد جمبه
هتان:ها ي امي اشفي خير؟
يحك راسه
امل:مين تتوقع بيجينا الخميس؟
هتان:مين؟
امل:عمك طارق وولده اياد
يفتح عيونه الاثنين ويوقف فرحان ومنصدم
هتان:منجدك
امل: اي والله من جدي راجعين خلاص بيقعدو هنا معد بيروحو امريكا وشكلو اياد بيسجل الثانوي هنا معاك المهم قوم الساعة ١٠
تقوم امه وتطلع من الغرف وهتان رمى نفسه على السرير وقلبه يدق بقوة
(وجاه وقت نتعرف على هتان)
هتان:صفاته:
طوله١٧٥،ابيض،عيونه سودة مسحوبة طالع لامه(امه بخارية)،شعره اسود ناعم ناحت من الجوانب ورافعه من قدام،جسمه نحيف عنده خصر منحوت دايم يلبس ملابس اوسع منو وعنده شامة برقبته(الزبدة ملامحه ملامح بسة)
شخصيته:
عصبي،اجتماعي ويخاف من الحيوانات ،شاطر في دراسته بس عنده مشكلة مع مادة الانجليزي ،طالع اول ثانوي
يتبع
