سعدي طايح من يومي بطرايح 😂👌

حلقة واحد

#سعدي طايح__من يومي بطرايح       
                      
                         🔥رَوايــاتْ بنووتة قَصْروية🔥
                              ساجدة أحمد المزوغي
                     
الحلقة  (1)

نضت من صبح خشيت الحمام درت الي يدرو فيه الناس في الحمام .
وطلعت ليست شعري بالفازلين ودرته كوده وطلعت ندور في العيلة

اني:  الووو فاااميليا ردددو عليا وينكم ابصر وين جلو
خشيت ندور في فطور ملقيتش نفصي شكله الكلب خوي خداااه
طلعت نجري ونساود ونعيط في السور
اني: هاااالعيشة الحرفة حتتتى نفص زي الناس ميخلوشي تي هوا نفص دحي مشيط اطلع ياااامؤيد يااكلب طلع النفص.

صاحب خوي: مقعمز على الدرج يشبحلي وشاد في أيده النفص وطاسة شاهي مصدوم لين بدي يكح

اني: ألتفت لقيته مقعمز حسيت كانه حد صب عليا اميه سخونة يااغبارتك سوده ....سااامحنا نسحاابه خوي كلاه.

صاحب خوي : حط النفص في السفره ...لا آسفين

اني : قعدت نشبح لي روحي حي طالعه من غير وشااح ولابسه شورت

انهارك اسود وين الدين وين الحياة ياافوزية ومنشحبلك الي في خوي جاي

يجري وفي أيده السوط الي يضربو فيه بي الحمار

اصلا اني حمار ونستاهل 💁

نقزت نقزه معاقة زي الخوف

وبديت نجري وهوا يجري في جرتي في السور

ونسطرب زي الفأر لم يبدو يجرو في جرته ونعيط ونسب

في صاحب خوي....شن جيبك لينا ياابهيم طبعا لأن بناكل بناكل طريحة فافشيت فيه غلي

صاحب خوي (نادر): طلع ركب سياارته وشيط اخخسسس عليه نذل.

مؤيد: خششني لدار وسكر الباب...شن كنتي تهدرزي عليه وكيف تطلعي قدامه هكي وشاد هذاك السوط والعيون شراار ونار ودخان يطلعو.

اني : نهدرز مع امك منرخيشي وهوا رايح زي اللوزة المزلطه

مؤيد: وخيرك طالعه هكي قدامه.

اني : اولا ماكنتش نحسابه براا وتاني شي اني فاارس احلامي
مش زي منظر صااحبك واضبطت لوحت الدولاب
وبديت نحكي اني فارس أحلامي بيجيني يلهد بي الفرس
مش جايني يخنب في فطوري وعنده لحية
مش زي الي عندك مزلط
وعنده شخصية ومش لي اي حد يعتذر

مؤيد : يشبحلي وبيطلعوله قرررون.....توا نوري فيتك انتي وفارس أحلامك حتى حشمة معاااش في لم نخليك تللللهدي.

اني : ياخوي اصلا احني عيلة كتيبه بودري.

مؤيد: وطاح في ضرب عضامي مجمجهم تكتكهم اتكتيك قريب متت يااوخياااتي قعدت طريحة فراش لعند العصر.😭💔

(روايات: ساجدة أحمد المزوغي)❤

امي(سناء): خاشه وايديها معبيات اكياس ....نوووضييي عبووو عليك يابايرة
مشيت دقيقتين الحوش قاعد زي ماهو لا حمام مغسول لا غدي مطيب لاحوش مضموم.
اني: نهضت راسي من الوخده. ..انتي قلتي دقيقتين بالعقل دقيقتين شن بيدير.
سناء : نوووضي بوك بيطلقني الحوش دود.

اني: يارب يااارب على الاقل بعدها نهرب وكل واحد يعيش حياته.
سناء : وتشد العلاقة وتبدأ فيا كاف كيف اصلا اني عادي تعودت على الضرب في الحوش والإهانة حتى الكلب ميديروله هكي سندريلا إلي هيااا سندريلا ماكنتش مرت بوها تعامل فيها هكي🌚💔.طاح سعدك يااافوزية

اني: نضت بي حيل مهدود خشيت الحمام شخيت وطلعت
ليست شعري بي الفازلين ومشيت لي أمي ....وين كنتي

سناء : كنت نشري في حوايج لعرس ولد جيران.

اني: من هوا منتصر ولا سعيد الاحول ولا مبروك السحنون ولا فرج

سناء: مشاااء الله تعرفيهم كلهم

اني: حكيت رأسي. ..أي عاد كيف عشرت عمر إني وياهم هادم مربيتهم على ايديا.

سناء: تعاود في كلامي بي استهزاء....هذا أنس الي بيتجوز.

اني: طول انصدمت. ....ياااابااااطل

سناء: خيرك اللطف.

اني : لأغير كنت حاطه عيني عليه

سناء: اطلعي ياااكلبة وتحشمي على وجهك .

اني: عادي مدوريش شن نقول يما...ماهو رااسي متيس ع قولت ام زكي

سناء: مش غير متييس مليس

اني: والله تعرفي تقصفي يماا

سناء: وتحدفني بي البلغه ومباشرة في الجبهة هي زي كوبري طريق المطار وتزيد فيها منك لله يااامي💔

المهم طلعت سيقت الحمام وغسلت الاماعين وضميت الحوش كللله زي التيبوبيا 💔 وبعدها مشيت لبست متع الصلاه وطلعت نجري لي عيت جيران

طق طق طق

كريمة : مني.

اني: طق طق طربق وطرشق يااالوشق.

كريمة : فتحت الباب هوا انتي

اني : لا غولتك وخشيت طول ....أمتى خطبتو لي خوك

كريمة: شهر 11 الي فات

اني: وخيرا مقلتيليش.

كريمة: للبيوت اسرار.
اني: لا براريك غير أنتي غالطة

كريمة: غير فكينا من العراك وشوفي شن شريت

اني: وين أنس؟

كريمة: علاش شن تبي فيه

اني : منباركله

كريمة: اها تعالي الحقيني.

اني : نضت طول
كريمة : طق طق طق

انس: منييي

كريمة: اني كريمة

اني : حاطه وذني في الباب ونسمع فيه يكلم في خطيبته.

انس: شوية بس خليك علي الخط .

ختيبته: به بيبي

انس : فتح الباب
اني : على طول نضت نعيط يااااخااااين يااااكلب خنتني يااااامتع البنات....يتبع

لايك +تعليق= الحلقة 2♥

شن رايكم في الحلقة😂
هيا فجروها تعليقااات🔥✅
توصل 90 انزل 3✅