حنين ثم.....قسوة🎀.
اسمي لؤلؤة متجوزة بس جواز على ورق مم دون أي خلافات مع جوزي خالد،طلبت من خالد ليله دخلتنا انه ميقربليش وأنه انا مش جاهزة ومش مستعدة لكدا وحاسه بتوتر وخوف،استغربت رد فعله كنت بقوله كل كلمه وأنا مرعوبه وعارفه انه تهوري ده ممكن يوصل اني أطلق من أول يوم جواز وده طبعا كان هيجيب ليا ولأهلي العار بس خالد خالف كل توقعاتي لما لقيته ابتسم بهدوء ودفا غريب ظهر في عيونه وباس راسي وبعدها مقربليش،انا بحب واحد تاني يكون ابن عم صاحبتي المقربه ولما قلتله على خالد أول ما اتقدملي قالي وافقي لحد ما اظبط كل اموري واطلقك منه واتجوزك وكان ده سبب رئيسي طبعا اني أرفض يكون جوازي طبيعي من خالد وفي يوم......
خالد شافني خارجه من الحمام لابسه البرنس بتاعي ولسه شعري ناشف وسألني في ايه وأنه شكلي مخدتش الشور بتاعي رديت عليه وقلت
لؤلؤة:الميا سقعه اوى مقدرتش انزل تحت الدوش والسخان الظاهر عطل
لقيته فكر شويه بعدين بصلي بعمق في عيوني وابتسم بهدوء وقام ماسك ايدي وواخدني على الحمام
خالد:طب تعالى
لؤلؤة بصوت مرتعش:ه....هتعمل اي...ايه
خالد:هحميكي انا
لؤلؤة واكتسي وجهها بحمرة الخجل بصدمه:ايي....ايه لا لا خلاص انا هاخد شور لوحدي تقدر تتفضل
قرب مني ومسك وشي بين ايديه وهو بيضحك على كسوفي منه وقال
خالد:انا جوزك متخافيش مني وأنا لسه عند كلمتي مش هقربلك غير لما تكوني انتي عايزة كدا
بصيت في الأرض بتردد بس حسيت بايده بتخلع عني البرنس ونبضات قلبي زاددت بشكل فظيع من كتر الكسوف ،لقيته فجأه شدني في حضنه تحت الدش
خالد:حسيت بجسمها بين ضلوعي بيرتعش وبيتنفض جامد ضميتها ليا أكثر وأكثر أول مرة نكون بالقرب ده من بعض وبصراحه حسيتها فرصه اني اقرب ليها ولو بحضن لأنها من جوازنا بتصدني مش عارف ده طبيعي مع كل بنت بعد الجواز ولا لؤلؤة اللي مكبراها بس حتى لو فأنا معاها لحد الآخر .....وبعد دقايق اتنحنحت شويه وانا بحاول ارجع صوتي اللي راح مني في حرارة اللحظه وبصيتلها وأنا بمشي ايدي على شعرها
خالد:هاا جسمك أخد على الميا ولا لسه بردانه؟!
لؤلؤة:فوقت على صوته وهو بيسأل اذا كنت بردانه ولا لأ بس السؤال ده كان وقته غلط اصلا أو صح جايز عشان افوق لنفسي انا كدا بخون اللي قلبي بيحبه وبيحبني بس اخون ازاي المفروض العكس خالد جوزي مش وائل وده شئ طبيعي فوقت من سرحاني تاني على صوته
خالد:لؤلؤة؟!
لؤلؤة:ن ....نعم
خالد:لسه بردانه؟
لؤلؤة وبعدت:لا ....لا لا ان.....انا خلاص هاخد شور على السريع وأخرج
خالد بمداعبه:طب مش عايزة مساعدة كدا ولا كدا وغمز ليها،لؤلؤة وشها أحمر وبصت في الأرض وهي بتهز رأسها بسرعه ب لأ....ضحك خالد جامد على منظرها وخرج برا الحمام وشد الباب وراه
لؤلؤة:مجرد ما خالد خرج خدت نفسي بقوة اللي كان محبوس وهو معايا مش عارفه ليه في قربه ووجوده بحس بإحساس غريب احساس مش وحش ابدا بالعكس جميل ومريح،احساس عمري ما حسيته مع وائل
وبعد وقت خرجت من الحمام وخالد كان قاعد شغال على اللاب توب بتاعه على السرير بصيت في الأرض ووقفت قدام المرايا سرحت شعري وأنا بحاول اتجاهل ابصله وكنت حاسه بنظراته ليا جالي فضول ارفع عيوني من على الأرض وابص على انعكاسه في المرايا ورايا بس اتنفضت من مكاني لما لقيته قام من مكانه وورا ضهري بالظبط
ضمني لصدره وباس رقبتي بابتسامته الهاديه المعتادة وبيتمتم بهدوء انه انا جميله وشكلي حلو وكالعادة انا صديته وبعدت واتحججت انه هنزل احضر الغدا مع حماتي اللي كانت مختلفه عن أي حما ثانيه وكانت طيبه معايا جدا وبتوصي خالد عليا بصراحه كنت تملي أقول لنفسي انه لا خالد يتعوض ولا مامته تتعوض كحماتي بس بسرعه بنفض الأفكار دي من دماغي لانى بحب وائل ومينفعش أفكر في راجل غيره حتى لو كان جوزي على الورق ......يتبع🎀.
*~~~~~~~~~~~~~~~~~~~~~*
لؤلؤة: في يوم قررت اروح أقابل وائل وطلبت من خالد اني ازور صاحبتي فاتن ووافق بشرط يبعت معايا السواق وأنا وافقت لأن وائل شقته في بيت صاحبتي فاتن وأنا طالعه السلم شفت وائل اللي أول ما شافني بصلي من فوق لتحت وشدني بسرعه جوا شقته وسند ضهري على الحيطه ووقف قصادي......
وائل:حبيبتي يا لوله وحشتيني
لؤلؤة:وحش أما يلهفك يا وائل انت مش قلت بعد ما تستلم الشغلانه هتطلقني من خالد ونتجوز فين وعدوتك وكلامك
وائل بارتباك:يعني انتي جايالي عشان كدا مهو مش معقول نطلع من حوار خالد من غير قرشين يا لوله وانتي مش راضيه تجيبيلي أي ورقتين ولا حتتين دهب حلوين من الشبكه اللي جابهالك
لؤلؤة:وأنا قلتلك يا وائل انا مش حراميه ولا نصابه ومش هعمل حاجه لخالد تأذيه في شغله ولا هديك حاجه من اللي جبهالي
وائل:انتي طمعانه بقا وبتقرتطسيني
لؤلؤة:مش طمع انا على استعداد اسيبله حاجته لما نطلق بس انا مش هنصب ولا هاخد منه شلن حتى
لؤلؤة:حسيت قد ايه هو اتضايق وبصلي بطرف عينه وبعدين لقيته بيغير الموضوع
وائل:بقولك ايه متيجي(وشاور على أوضه النوم)
لؤلؤة:انت مالك النهاردة هااا شويه عايزني أسرق ودلوقتي مفكرني زي الهطله هخليك تقربلي انت اتجننت
وائل:يا روحي ما هو انتي متجوزة ومحدش هيعرف حاجة دلوقتي نخلص وهتلاقيني خدتك من ايدك على طول وروحت طلقتك من خالد واتجوزنا😉
لؤلؤة:لا جوازي على ورق اصلا خالد ملمسنيش
وائل:افندم ده ازاي ده
لؤلؤة:انا قلتله انه محتاجه وقت ومش مستعدة وهو مضغطش عليا
وائل:خلاص يا حبي تعالى بقا
لؤلؤة:انا عمري ما أعمل اللي قلت عليه ده الموت احسنلي
وائل:ليه ان شاء الله لتكوني حبتيه ولا حاجه
لؤلؤة:خوفي من ربنا يا وائل ربنا حرم الزنا وأنا مش واحدة رخيصه عشان ازني ومش خاينه عشان اخون جوزي لما تبقى انت جوزي وقتها ابقى خد حقك الشرعي غير كدا انا يستحيل أعمل اللي بتقول عليه ده
وائل:حاول يحضنها بس هي زقيته جامد اتعصب وراح عندها شالها على دراعه ودخل بيها اوضته ورماها على السرير وفضلت هي تزق فيه وتدافع عن نفسها
لؤلؤة:اتصدمت من فعلت وائل وفضلت اقاومه شفت قد ايه كان واحد ندل وأنا اللي مخدوعه فيه ،لو كنت واحدة عبيطه ومش مفتحه وبجمعله كلامه واخطاؤه كان زماني دلوقتي بعمل كل اللي حرمه ربنا عليا زقيته جامد وقمت اجرى بس جسمي اتصدمت في شئ صلب لما قربت اوصل للباب ووقعت في حضن حد......
*~~~~~~~~~~~~~~~~~~~~*
خالد:لقيت رساله وصلتلي بتقول انه لؤلؤة في شقه راجل اعزب لوحدهم انصدمت،وخفت،واتوترت جدا لقيت نفسي بطلب اجازة نص يوم وبجري على عربيتي روحت للعنوان اللي في الرساله ولقيت السواق اللي باعته معاها موجود تحت بيت وكان بيت صاحبتها فعلا،نهرت نفسي ازاي قدرت أشك فيها واصدق مجهول ازاي أشك في مراتي فضلت ابص على المبني وافكر كتير بتردد ادخل أتأكد ولا لأ مش يمكن في شقه أعزب في البيت ده ،قررت قراري وقلت مش هشك فيها وشغلت العربيه.....
*~~~~~~~~~~~~~~~~~~~~*
لؤلؤة:برفع راسي لقيت نفسي في حضن خالد جوزي بصيت في عيونه بدموع انسالت أول ما شفته ،انا كنت قويه مع وائل ومش ببين ضعفي بس مع خالد اختلف الوضع انا مقدرتش اخبي عنه حاجه،حسيت برجلين وائل جايه من اوضته جري ورايا بسرعه استخبيت في ضهر خالد اتحامي فيه ،وأنا عارفه ومتأكدة من جوايا انه طالما هو جنبي مش هيحصلي أي شئ ولا هنصاب بجرح صغير حتي كنت اتمنى اعرف ايه سبب الاحساس ده وليه متأكدة منه اوى كدا وخصوصي مع خالد وتلقائيا كالعادة عقلي عمل مقارنه سريعه بين خالد ووائل وازاي كل المشاعر اللي بحسها مع خالد عمري م حسيتها مع وائل ولا مرة حتى.
وائل:اتعصبت لما شفتها بتقاوم فيا معقول لؤلؤة اللي علقتها بيا كل السنين دي تستقوي عليا بالشكل ده !شكلها بتحبه من طريقه كلامها ورغم انكارها اللي حسيته بس اتأكدت شكوكي لما شفتها بتتحامي فيه مني ،حسيت بشويه خوف لما شفته ازاي وصل لشقتي بس اظهرت البرود في ملامحي وابتسمت ليهم
وائل:منور والله يا خالد بيه
خالد:بصيت للؤلؤة وسألتها عن سبب وجودها في الشقه دي بس لفت انتباهي ضحكه الشاب اللي قدامي واللي استغربت من معرفته لاسمي كمان وبعد ما ضحك كمل كلامه وقال
وائل:ايه يا مدام باصه في الأرض ليه؟ ما تردي على جوزك ......اقولك انا يا خالد بيه هي هنا ببساطه مع عشيقهاا،ايوا عشيقها.....(وحكيت لخالد عن كل شئ بيني وبين لؤلؤة من الاول لحد ما انا واقف قدامه دلوقتي وكملت باستهزاء) الحلوة المغفله مراتك مفكرة اني هطلقها منك واتجوزها واني واقع في حبهاا والجو ده ،انا بس كنت عايزاها هي وجسمها مش اكتر من كدا
لؤلؤة:لما سمعت كلامه القذر حسيت بنغزة في قلبي كأن الوجع ده ايد ماسكه قلبي بتعصر فيه جامد والدنيا بدأت تغمق قدام عيني وتنعدم الرؤيه تماما
لؤلؤة بدموع:أنت بني آدم قذر وكداب بكرهك وبكره اللحظه اللي عرفتك فيها بكرهكككك
وفجأة انعدمت الرؤيه قدامي تماما ومحستش بحاجه
وائل بص للؤلؤة اللي وقعت في الأرض وبص لخالد ولا همه وكمل كلامه باستهزاء وهو بيشاور على لؤلؤة اللي في الأرض
وائل:الحاجه الوحيدة اللي كانت مفتحه فيها انا بس كنت بعمل اللي انت معرفتش تعمله يا خالد بيه على الأقل انا راجل أما انت بقا يا مجنون يا بتستعبط حد يبقي معاه لؤلؤة هانم وميقربلهاش ههههههه معرفش بصراحه عقلك كان فين يا خالد باشا ده انا لو مكانك كنت.......ولا بلاش احسن تزعل احنا منقدرش على زعل الباشا ههههه
خالد:حسيت بنار في قلبي من الحقايق دي ،شفت انهيارها وهي بتعيط ولما وقعت ملحقتهاش كنت حاسس أن جسمي انشل عن الحركه بسمع بوداني وعيوني بتابع اللي بيحصل مش اكتر بس لما وصلت صراحه المغفل اللي قدامي ده أنه عايز مراتي وطمعان فيها مقدرتش أمسك نفسي وفضلت أضرب فيه بكل ما فيا والناس اتجمعت وبعدوني عنه بعد ما فقد الوعي وأنا بسب والعن فيه بأسوأ ما عندي ،بصيت ليها وهي في الأرض وطيت وشلتها بين ايدي وخرجت بيها من المكان ده شفت واحدة بتابع الأحداث من على الباب بتاع شقته بس كملت طريقتي مركزتش اصلا مكنتش شايف قدامي ،سمعتها بتندهلي وقفت ولؤلؤة على دراعي لقيت البنت دي بتحط ايدها على كتفي بطريقه مقززة وقربت من ودني وقالت
البنت:معاك رقمي في مسدج خيانه مراتك يا خالد بيه واعتقد محتاج تردلها الكف بعشرة وأنا موجودة وتحت اوامرك اطلب انت بس واتمني
وغمزلتي ومشيت من غير ما تسمع رد لفيت ضهري ومشيت وانا ناوي أول شئ اعمله امسح رقم البنت دي هي اللي اعترفت على لؤلؤة طب ليه وعشان ايه واهم شئ بعد ما عرفت كل اللي هي عملته فيا هعمل معاها ايه
*~~~~~~~~~~~~~~~~~~~~~~*
لؤلؤة:فوقت لقيت نفسي في اوضتي أنا وخالد معرفش ليه بس كان أول شئ أدور عليه هو فضلت ألف بعيني في الاوضه وأنا بدور عليه ولما عيني جيت عليه كان قاعد في زاويه قريبه مني على كرسي متحرك وسرحان ندهت عليه بخفوت لقيته فاق وبصي بعيون فيها بحر دموع ،يااااااه هو أنا وجعته اوى كدا للدرجادي؟! بس فجأه غمض عينه وضغط عليهم جامد وفتح وعيونه اتقلبت تماما بقيت سودا فيها غموض غريب مش فهماه فين ابتسامته الهاديه وعيونه اللي كانت دائما شغوفه ومليانه بفرح وبتلمع لسبب تملي كنت اجهله
قرب مني وقعد على السرير قصدي
خالد:ليه؟
لؤلؤة وقعدت:خ...خا....ل....
خالد :ليه عملتي معايا كدا؟! ليه وأنا محرمتكيش من حاجه؟ ليه رغم كل الصبر اللي صبرته عليكي ده ليه بعد.......
(خدت نفس وكملت وأنا بحاول اداري الوجع اللي فشلت اخبيه)
خالد:ليه بعد ما حبيتك ليه
لؤلؤة:اتصدمت وبلعت ريقي بصعوبه وأنا بحاول انطق واستوعب اعترافه اللي جه فجأه ياريته كان وقت ومكان ثاني يا خالد ياريت
لؤلؤة بتردد:ب..تح....بن...ي...
خالد:مصدومه صح؟! ملاحظتيش ده كله من معاملتي ليكي صبرت عليكي وحتى حقى الشرعي صبرت عليه كله عشانك من لما شفتك وأنا اتشديت ليكي طلبتك على طول من والدك ولما وافق أول شئ عملته روحت الجامع فضلت أصلي واشكر ربنا عليكي ويوم فرحنا كنت خلاص هعيط من فرحتي كنت طاير في سابع سما صبرت وقلت مش مهم جسمها أهم شئ إنها معاك وملكك أهم شئ إنها ليك انت بس ومعاك مع اني كنت ببقى محتاجك ومشتاقلك كثير بس كنت بصبر نفسي عشان احميكي واحببك فيا لييييه بعد كل ده ليييييييه
لؤلؤة بدموع:ان.....أنا.....مكنتش اعر.....
خالد بعصبية:مكنتيش تعرفي ايه إنها خيانه ليييييه وافقتي على الجواز مع انك عايزة غيري لييييه اخترتي الخيانه لييييييه
لؤلؤة بدموع:ب....باب...ا بابا كان عايزك زوج ليا بابا مكنش ......كان هيتعب لو رفضتك كان عايز يطمن عليا مع راجل كان بيحبك أو...ي كان شايف انه مفيش غيرك يحميني وعايز ....عايز يطمن عليا مكنش هقدر ارفضك عشان باب...ا
خالد بوجع:وأنا؟.....أنا فين من كل ده انا فين من تضحياتك وحبك وحياتك أنا فين من الوجع اللي وجعتهولي بخيانتك كان ذنبي ايه انطقيييييي
لؤلؤة بدموع وتردد:مكنش قصدي مكنتش اعرف انك بتحبني مكنتش اعرف حاجه كنت معميه كنت غبيه أنا كنت بحب وا.....
خالد:بعد اللي عمله فيكي!
لؤلؤة:بعد اللي عمله أنا كرهته انا يستحيل أكمل معا.......
خالد بغضب مسك دراعها ولواه
:تكملي ! أنا مش هسمحلك اصلا فاهمه مش خالد اللي يتخان يا لؤلؤة مش أنا فااااااهمه
لؤلؤة:خالد ارجوك سامحني أنا كنت لعبه ملعوب بيها كنت ماشيه بمشاعري بس والله مغلطش في حاجه والله انا....
خالد:كفااااايااااا مش عايز اسمع منك كلمه انتي خاينه أنا بكرهك فااااهمه
لؤلؤة فضلت تهز راسها بعنف:بلاش بلاش تكرهني ارجوك أنا آخر واحدة تقصد إنها تجرح حد أنا مقصدش اغلط والله مقصدش انت .....أنت ممكن تطلقني وأنا ...ان
خالد بغضب جم مسكها من حجابها وشدها جامد وهو بيصرخ فيها
خالد:مستحيييييل الطلاق ده تمحيه من قاموسك نهائي ساااااامعه
لؤلؤة:أرجوك يا خالد والله هو ملمسني....
خالد بسخريه لازعه:وهو لو أنا شاكك بس أنه لمسك كنتي هتبقي على رجلك دلوقتي!كان أقل شئ اعمله فيكي ادفنك تحت التراب حيا احمدي ربنا اني صابر عليكي لحد دلوقتي،بس اكيد لازم ادفعك ثمن اللي عملتيه ده غالي يا هانم
خالد سابها وبصلها من فوق لتحت وبدأ يفك ازرار قميصه وهو عينه عليها بنظرات فهمتها كويس،فضلت ترجع لورا وهي بتهز راسها بمعني لأ وبتكدب نفسها وفجأة هجم عليها خالد شالها حدفهاا في السرير وفضل يقطع الهدوم من عليها وهي بتقاومه
لؤلؤة بصريخ=لااااااا ارجوك لا يا خالد لا وحياة أغلى حاجه عندك أرجوك لا ااااه بلاش ونبي أبعد عني بلاش ااااااه بابااااااا اااااه .....لا يا خالد ونبي متبقاش زي وائل ارجوك بلاش تكسرني زيه بلاااش ارجوك يااااااااارب
بعد سماعه لتوسلاتها بعد عنها ووقف اللي كان بيعمله بصلها بعيون كلها دموع وكسره ووجع،حسره وخيبه امل وقعد في الارض سند بضهره على السرير وحط وشه بين ايده ودموعه نزلت منه وهو بيردد
خالد:ليه ليه تعملي فيا كدا ليه أنا محرمتكيش من حاجه انا كنت بخاف عليكي من الهوا نفسه كنت بنفذ اللي تطلبيه كنت بتمني بس لمسه إيدك وحنانك كنت بخلص شغلى بسرعه عشان ارجع اشوفك قدام عنيا كنت بتمني نكون أسعد زوجين في الدنيا كنت عايز اجيبلك الدنيا كلها تحت رجليكي مكنتش ببخل عليكي بفرحتي أنا محبتش في حياتي قدك ليييييه ليه تعذبيني بالشكل ده ليييه
لؤلؤة صعب عليها ودموعها نزلت منها راحت عنده وقعدت جنبه وهي بتشده في حضنها،خالد محاولش يقاوم بس استكان في حضنها وقعد يعيط وهي تملس على شعره ودموعها تنزل منها زي الشلال لحد ما راحت عيونهم فى النوم على الوضع ده ........يتبع🌾
*___________________________♥"*
