اليوم ابنحكي ع مراه او راجليها
في حوش كان فيه دوشه او عركه قويه طلعت من داري لقيت أمي او جداي يتعاكو ما عرفتش السبب او بوي كان يسمع لي جداي هلبه ف كلامها كان كل شي عنده رضايت أمه او بوه اعليه قتله أمه ولدي طلقها طلقها قعد ايشوف هو ايحبها او هيا تبكي ما عرفش شن ايدير طلقها 😭😭😭😭
روحت أمي لي حوش بوها الي هو حوش خوالي او قعدت اني او خوي احني ولد او بنت بس فاتت ليام او سنين عشنا امعي جداي جداي كانت صاعبه هلبه لا كنت نطلع او لا شي كنت ديما امعي عمامي كان اكبر مني بشويه عندي خمسه عمام او عمه وحده او نمشي لي خوالي كل جمعه لي أمي عندي سته خوال كان اكتر واحد او ديمه امعاه عمي خالد متزوج او عنده ٧ اولاد ٤ بنات كانت اني وياهم زي لعسل
طبعا اني اسمي مروه مواليد ٨٠ بيضه زي التلج اعيوني خضر او شعري اصفر كأنو اكل ايحبوني
كنت انحب ولد خالي خالد او هو ايحبني اسمه اوسامه كان اكبر مني بي ٦ اسنين
كأنو يخطبو فيا هلبه بس كنت بي انقول صغيره الان انحب اوسامه او جي خطبني من بوي او بوي وافق او درت عرس مش كبير لكن هو داره كبير الان اتزوج هو او عمه امعي بعض
او عشت ف الاول امعي عزوزي الي هيا مرت خالي ف جناح ابروحنا او كنت اني ويااه زي السمنه ع العسل بلعبو او نضحكو لين خالد ايقوللنا واطو صوتكم عييب 😂😂
لين جت بنت كانت بي راجلي من قبل ما نتزوج او هو ما يبيهاش ايطنش اعليها او كانت سحاره البنت حاولت هلبه اتجيبه لكن ما نفعش خلاته اتزوج او بعدين دمرت احياته بعت كل يوم يتعاركو او كم من مره طلقها او ايرد فيها او يندم او ايطلقها مره تاني او ديما عركات ع ابصت الحاجات لين حملت اني او جبت بنت او بعدين عرفت او رفعته لي شيخ او ولا زي قبل نلعبو او نضحكو بعد الي صار المعاهم بس هيا وقفت امعاه او قعدت جمبه او تحملت كل شي ع خاطره
او عاشو احلا ايام حياتهم او هيا قريب ايموتو ف بعض
العبره هيا الصبر او القدره ع التحمل ❤️❤️❤️
