اني طالبه جامعه (سنه اولى)
ادرس اداره واقتصاد حياتي جدا صعبه
الانو حالتنا الماديه سيئه جدا جنت ما اكدر البس واسوي واشتري نفس البنات الي اشوفهن بالجامعه هاي الفتره (فترة خروجي م̷ـــِْن المدرسه ودخولي الجامعه)
كانت صعبه لانو شفت الناس شلون عايشه وشلون اني كنت حابسه نفسي
قررت انو اتغير بس فكرت ...
انو اني ما اكدر اتغير مادام ماعندي فلوس ...
ضليت افكر ايام....
لحد ماقررت انو اشتغل ...
ه̷̷َـَْـُذآ الحجي كڵـه ماما متدري بي لانو كانت حايره بأخوي ومصايبه
المهم بديت ادور ع شغل يناسب دوامي بالجامعه ...
ف لگيت كوزمتك يريدون موضفه ....
والراتب 300 الف ...
كنت حيل فرحانه انو لقيت شغل بهيج راتب ودوامه يناسبني ...
ف رجعت للبيت وكلت لماما ...
ماما كالتلي انو مستحيل اتوضف بهاي الوضيفه....
حاولت افهم ليش?
الي فهمته منـِْهـ♡̨̐ـِْا انو هيه ماتقبل اضل لل11 باليل ...
كلتلها انو هوه كوزمتك محترم وبنص مجمع كبير...
بس كانت ماما مصره انو مااتوضف بهاي الوضيفه....
بعد نقاش هادئ بيني وبين ماما ....
عصبت ماما بشكل مفاجئ وبلشت تكسر غراض البيت وتصيح ...
طبعا ابوي مايدري بالدنيا ...
واخوي يفتر بالشوارع ...
المهم اني كنت بحالة صده م̷ـــِْن الي جانت دتسوي ماما ....
ف اني عصبت وكلتلها اني ما اگدر اعيش بهالفگر الي احنه بي ...
وكتلها انو اني اريد اعيش نفس البنات...
الي اشوفهن بالجامعه ...
بدت ماما تبجي بعد الحجي الي حجيته اني ...
بس اني ولله مكنت اقصد انو اجرحها او انو احسسها نو اني عايشه
بنقص او انو هيه مقصره وياي
بالعكس هيه تتعب تشتغل علمود توفرلنا كلشي انه نريده
وكانت تقصر علـّۓ نفسها...
المهم حاولت اهديها ...
بس كانت حيل معصبه ومتقبل تحجي وياي...
بس اني مع كل ه̷̷َـَْـُذآ ماغيرت رأئيي ...
اني راح اشتغل بالكوزمتك ....
"م̷ـــِْن عاش على الامل لايعرف المستحيل"
انتضروني انزللكم باقي البارتات..
فاطمه
