كهُوة وشعر

صرتلك محبس وگصيت اصبعك ليش؟

تعـال بحلم وأحسبها ألك جية واكولن جيت

اصعب فتره مريت بيها
هي بعدني تحت تأثير صدمه كبيره ومشاااكل
وتجي ضربه تخليني ما اعرف اني بحلم او واقع

من اني قبل ساعه او اقل جنت اسولف واتعارك ويه اخوي  
وبعد وقت يكولون اخوج اندعم وهو بين الحياه والموت

ويسون اله عمليه وما نعرف لو يكعد لو لا
ال ٢٤ ساعه الجايه هي تحدد

صح هي ٢٤ ساعه بس احسها دهررر
اضل احسب يمته تخلص هاي ٢٤ ساعه حتى اعرف اخوي يكعد لو يدخل بغيبوبه

اروح لأكثر انسانه احس وياها بالأمان
لأكثر انسانه اطمئن من احجي وياها

وتخلص ال ٢٤ ساعه بعد تفكير طوويل وبعد صلاه ودعاء
وتالي ما يكعد  هنا احس جبال ونهارت على ضهري

يمر يوم ثاني وثالث بين قلق وخوف
وكل يوم قبل ما انام أتأمل باجر يكعد
ويخلص اليوم هو ما كاعد

وتحديدا خامس يوم وهو هذا الايوم 
دك الموبايل مره ورجع دك مره ثانيه
بحيث خفت ارد خاف اسمع خبر مو زين

واول ما رديت ويكلولي اخوج كعدد
شكد ما احجي ما اوصف الفررحه
دموع وضحكه ثنيناتهن بنفس الوقت
اروح ركض للموبايل حتى ابشر اكثر انسانه قريبه ع قلبي

وبعد ما انتشر على واتباد دعاء لاخوي فضل
اليوم كعد والحمددلله
اشكر كل شخص نشر دعاء لاخوي
وكل انسان صلى وذكره

انشاء الله ما تمرون ولا تتعرضون  لهل موقف ولا يتأذه شخص قريب على قلبكم
ربي يحفظكم

  
احبكم كوومه
اختكم فاطمه أركان 🥺