Unicode
"အန်တီထား အဲဒါကဘာလုပ်မလို့လဲ "
တစ်ခါမှ မလာသဖူး ကုမ္ပဏီကိုလိုက်လာခဲ့တဲ့ အန်တီထားကြောင့် အံဩနေမိရင်းက မသင်ကာလို့နောက်က လိုက်ကြည့်ရာ ဒယ်ဒီရဲ့ လက်မှတ်နဲ့ ပိုက်ဆံတွေထုတ်နေတာ တွေ့ရတော့ ခွန်းမေးလိုက်ခြင်းဖြစ်သည်။
"ခွန်း "
ခွန်းကိုမြင်တော့ အန်တီထား မျက်နှာပျက်သွားပြီး ဆက်မလုပ်ပဲ ခွန်းကို ကြည့်တဲ့အကြည့်ကို ပြန်တင်းလိုက်သည်။
"ဘာလို့လဲ ငါငွေအသုံးလိုလို့ထုတ်တာလေ "
"အန်တီထား အခုချိန်မှာ ကုမ္ပဏီတစ်ခုလုံး ဒုက္ခရောက်နေတာလေ ဒယ်ဒီလက်မှတ်ကိုအခုလိုအလွဲသုံးစားမလုပ်ပါနဲ့ "
"ငါနားလည်တယ် ဒါပေမဲ့ မင်းဒယ်ဒီဆိုတာလဲငါ့ရဲ့ယောကျ်ားပဲ သူ့ပစ္စည်းကငါ့ပစ္စည်းပဲပေါ့ "
"အဲဒါဆို ဒယ်ဒီဆီကို တောင်းလေ "
"မင်းဒယ်ဒီလို ဒုက္ခိတ တစ်ယောက်ဆီက ငါကလက်ဝါးဖြန့်တောင်းနေရမှာလား "
"အန်တီထား "
သူ့ဒယ်ဒီကို ဒုက္ခိတဆိုပြီး သုံးလိုက်တဲ့အတွက် ခွန်းဒေါသထွက်သွားသည်။ ထိုသို့ပြောသူမှာ အန်တီထားဖြစ်နေ၍ ခွန်းပိုပြီး စိတ်ပျက်မိတာ ။ တကယ်ဆိုရင် ဒီလိုအချိန်မှာ ဒယ်ဒီ့ကိုပြုစုနေရမယ့်အချိန် ။ မပြုစုရင်တောင်မှ အခုလိုမပြောသင့် ။ ပြီးတော့ နောက်လူလဲ မရှာသင့်ဘူးလေ ။
မနေ့ညက ကိစ္စကိုတွေးမိသွားပြီး ခွန်းဒေါသထွက်သွားတယ်ဆိုရင်လဲမှန်သည်။
"အခု ဘာလုပ်ဖို့လဲ ဟိုတလောကမှ သိန်းနှစ်ရာ ယူသွားတာမဟုတ်လား "
ခွန်းစကားကြောင့် သူမ မျက်နှာ ထပ်ပျက်သွားရသည်။ ဒီကိစ္စကို ခွန်းမသိဘူးထင်ထားခဲ့တာ ဘယ်လိုများသိသွားသလဲဆိုပြီး သူမထိတ်လန့်သွားသည်။
"ငါ့ဆိုင်အတွက် အရင်းအနီးလိုနေလို့ ထည့်လိုက်တာ "
"ဆိုင် ဘာဆိုင်လဲ ငွေစင်သွန်းဆိုတဲ့ကော်ဖီဆိုင်လား အဲဒီဆိုင်က ရောင်းပြီးသွားပြီမဟုတ်ဘူးလား "
YOU ARE READING
သခင့်ရဲ့ အရုပ်
Romanceအကိုဖြစ်သူသေခဲ့ရတဲ့အတွက် ဖခင်ရဲ့အပစ်တွေကို သားဖြစ်သူထံ လက်စားချေရာမှ ဖြစ်လာခဲ့တဲ့အချစ်တစ်ခုကို ပုံဖော်ထားတဲ့ သခင့်ရဲ့ အရုပ်
