ခ်ည္​ (ချည်) [Completed-7]

1🥑 UC

Switzerland နိုင်ငံ Geneva မြို့ရဲ့ သာယာလှတဲ့နေရောင်ခတ်နွေးနွေးအောက်မှာ ကောင်မလေးတစ်ယောက်က တိုက်ခန်းပြတင်းပေါက်ကနေ အပြင်ဘက်ရှုခင်းကိုကြည့်နေလေသည်၊ sport-bra ဝတ်ထားသည့်အပြင် ဆံပင်ကိုလဲစုကာအမြင့်စည်းထားသည့်အတွက် သူမလည်တိုင်ဂုတ်နား၌ english ဘာသာစကားမဟုတ်သော စကားစုလေးတစ်စုကနေရာယူထားသည်၊ ဖုန်းတစ်လုံးနှင့်အလုပ်ရှုပ်နေသောသူမထံ အနောက်မှနေ ကောင်မလေးတစ်ယောက်၏အရိပ်နှင့်အတူ သူမခါးထပ်၌လာရစ်ပတ်သောလက်တစ်စုံ။

"Guten Morgen Schatz"
(Morning baby)

အနောက်ကကောင်မလေးမှ အရှေ့ကကောင်မလေး၏ ပေါ်နေသော ပုခုံးသားများကိုငုံနမ်းလိုက်တော့ အရှေ့မှကောင်မလေး၏ တွန့်ချိုးသွားသောနှုတ်ခမ်းများကသက်သေပြုတယ်။

"Was machst du heute?"
(What are you doing today?)
"Vielleicht packen Sie ein und ich melde mich bei Cera"
(Maybe pack up and I'll get in touch with Cera)
"Bist du sicher, dass du nach house gehst?"
(Are you sure you are going home?)
"Ja, sicher, wenn du mich sehen möchtest,Sie können mein land besuchen"
(Yes,sure,if you want to see me,you can visit to my country)
"Wirst du wiederkommen?"
(Will you come back?)
"Ich bin mir nicht sicher"
(I'm not sure)

မြန်မာနိုင်ငံ၌ ကျန်ခဲ့ပါသော သူမ၏အဘွားကခဏပြန်လာပါဟုဆိုသောကြောင့် သူမသည်လဲ မပြန်ဖြစ်ခဲ့သောကိုယ့်မွေးရပ်မြေသို့ပြန်ရန်အကြောင်းဖန်လာခဲ့သည်၊ သူမ Swit ၌ကျောင်းလာတက်သည့်အချိန်၌ မြန်မာပြည်၌ကျန်ခဲ့ပါသော မိဘများသည်လဲသူမနှင့်အတူလိုက်လာလေသည်၊ သူမတို့မိသားစု၌ အဘွားသာလျှင် မြန်မာပြည်၌ကျန်ခဲ့ကာ တစ်မိသားစုလုံး Swit မှာလာနေဖြစ်ခဲ့သည်။

အဘွားသည်အသက်အရွယ်အရအရွယ်အတော်ရောက်နေသည်ဖြစ်ပေမဲ့ ကျန်းမာရေးမှာအရမ်းမခြူချာလှပါ၊ သို့သော် သူမသည် မြေးတစ်ယောက်ဖြစ်သည့်အပြင် အဘွား၏ဆန္ဒကိုမလွန်ဆန်နိုင်သည်ကားတစ်ကြောင်း မြန်မာပြည်ပြန်ချင်စိတ်ဖြစ်လာသည်ကားတစ်ကြောင်း ပြန်ရန်ဆုံးဖြတ်ခဲ့သည်၊ မိဘများသည်လဲ ပြန်ရန်ခွင့်ပြုသောကြောင့်ပြန်ဖြစ်ခဲ့သည်၊ သူမမပြန်ခင်၌လဲ မြန်မာပြည်၌ သူမလက်ရှိလုပ်ကိုင်နေသောအလုပ်နှင့်ကိုက်ညီသည့်အလုပ်နေရာကို သူမ၏ဖခင်မှပြောပေးထားသဖြင့် သူမအတွက်အဆင်ပြေသည်ပြောရမည်။