قصه قصيره 🌹للقدر راي اخر 🌹
حسن : يااسطي سامح
فيه واحد عايزك بره
سامح وهو يخرج من اسفل العربيه متناولا منشفه ليمسح بها يده
سامح: كمل. مكاني انت ياحسن
سامح: اهلا اذيك ياجوز عمتي اتفضل
عبدالسلام: اذيك ياسامح عامل ايه
سامح: الحمدالله في نعمه
نادي سامح علي احد عمااله لكي يجلب المشروبات
سامح: عبده اعملنا كوبايتين شاي
التفت سامح لعبدالسلام: منور ياعمي
عبد السلام: ربنا يخليك
شايف الورشه بسم الله ماشاء الله من ساعه مامسكتها وهي بقت حاجه تانيه.
سامح: الحمدالله
اهو الواحد بيقلب رزقه والعيشه ماشيه الحمدالله
عبدالسلام: نخش في المفيد
بص ياسامح ياابني انا باعتبرك زي ابني واكتر
وباقول عليك دايما جدع وراجل
سامح: ربنا يعزك ياعمي والله انت معزتك عندي من معزه ابويا بالظبط
عبدالسلام: انا مش هتكسف منك
انا عايز اجوزك سميه بنتي بصراحه انا مش هلاقي راجل يخاف علي بنتي ويصونها زيك الواحد مش ضامن عمره وانا عايز اموت وانا مطمن عليها
سامح بحرج :والله ياعمي كلامي علي راسي
ادينا فرصه اشاور الحج واقوله
عبدالسلام مربتا علي كتفه: ماشي ياابني اسيبك انا
سامح: ماتخليك اشرب الشاي
عبدالسلام: نشرب شرباتك قريب
اخذ سامح يفكر فيما عرض عليه لما لا فانها ابنت عمته
ويعرف اخلاقها جيدا فانها فتاه جيده
نفس مستوي التعليم فكلا منهما حاصل علي دبلوم باختلاف انه حاصل علي دبلوم صنايع وهي حاصله علي دبلوم تجاره فمناسبه له
بينما هو شارد مرت عليه ابنه عمته الاخري حيث كان لاباه اثنين من الاخوه الذكور واثنين من البنات ويسكنون جميعا في نفس العماره
هنا: السلام عليكم
سامح بعد ان افاق من شروده.:اهلا بالباشمهندسه
هنا بخجل: عامل ايه خالو ليه فتره مش باين
سامح بغلظه: كويس ياباشمهندسه
هنا: استئذن انا
وهي تغادر همست في سرها هو بيعاملني كده ليه
يارب انت عالم بحالي انت عارف انا بحبه. ودا مش بايدي.
هنا بتنهيده: اللهم ارزقني ما اتمناه في الحلال عاجلا غير اجلا
سامح بزفره بعد ان رحلت ابنه عمته: معلش ياهنا باقسي عليكي عايز اكرهك واكرهك فيا
انا وانتي زي الميه والنار مستحيل يجتمعو
توالت الايام واخذ سامح بالتفكير وشاور والديه
وتمت الخطبه
في احد الايام كانت تسير هنا وهي شارده ويبدو علي ملامحها الحزن وقد اصبحت هزيله بعض الشئ
احمد والد سامح. وهو يركض لها بعد ان راها تترنح في مشيتها واسندها واجلسها علي مقعد امام الورشه
احمد: مالك يابنتي
هنا: ماليش ياخالو بس شكلي دوخت شويه
سامح وهو يتابع من بعيد مايحدث وقلبه يعتصر الما وحزنا عليها
احمد: سامح تعالي اقعد مع بنت عمتك
عبال ماعملها كوبايه ميه بسكر
