اسكريبت
" احيانا لا تري العين كل شئ ،لذلك يجب علينا ان نحسن الظن في من نحب و ان نلتمس لهم الاعذار"
انت رجعت يا حبيبي
- انت شايفه ايه يا شمس
مالك يا عمر
- مافيش
انت ما جبتش الاكل معاك و انت جاي
-لا ما جبتش
خلاص يا حبيبي مش مشكله نطلب دلوقتي
- هو مافيش يوم ارجع الاقيكي عامله الاكل كل يوم اشتري اكل جاهز و انا راجع قولت لسه عروسه و بتدلع لكن انا زهقت من المصاريف احنا اتنين و المرتب مش بيقضينا امال لو خلفنا هنعمل ايه لازم تتحمل المسؤليه انا كنت عارف من الاول انك مش حمل مسؤليه بس قولت استحمل عشان بحبك قولت بكره تتغير لكن انتي ما بتتغيريش يا شمس متجوزين بقالنا ٦ شهور و انتي زي ما انتي كل ما ارجع الاقيكي ماسكه الموبايل مافيش يوم ارجع الاقيكي مجهزه الاكل زي باقي الستات انا زهقت منك يا شمس .
شايل في قلبك كل ده يا عمر ،فعلا انت عندك حق انا عديمه المسؤليه و الظاهر اني كنت حمل تقيل عليك انا هريحك من يا عمر علطول
- خدت هدومها و مشيت و انا واقف مش قادر اتكلم كنت متوقع انها هتستحمليني في عصبيتي زي كل مره ،بس الظاهر انها استحملتني كتير و رصيدي عندها من صبر خلص ،انا غلط مكنش ينفع اكلمها كده و علي صوتي عليها انا جرحتها بكلامي بس هي غلطانه هي كمان هي مش بتتحمل المسؤليه
اعمل ايه دلوقتي
=مالك يا عمر باين عليك مضايق
- اتخانفت مع شمس و سابت البيت و مشيت
=ايه الي خلي الامور توصل لكده ممكن تزعلوا سوا بس تفضلوا في البيت
-مش عارف يا احمد اعمل ايه
=ايه الي حصل لكل ده
=يعني المشكله دي كلها عشان خاطر الاكل
-يا ابني المرتب مش بيقضينا
=المرتب مش بيقضي اخرج صدقه عشان خاطر ربنا يبارك لك فيه بس ما تزعلش مراتك
انت عارف انه مش فرض عليها تعمللك الاكل انت الي فرض عليك تجيب ليها الاكل
-انا عارف يا احمد بس الي بيضايقني انها عديمه المسؤليه ما حاولتش مره تعمل اكل و كل ما ارجع البيت الاقيها ماسكه الموبايل او بتعمل ضوافرها
=مش بتهتم بنفسها عشانك انت
-عندك حق يا احمد
= طب قولي بترجع البيت تلاقي البيت مش نضيف
- لا دايما بلاقي البيت نضيف و مترتب و كل يوم بترتب دولابي بعد ما بوقع الهدوم كل يوم و انا رايح الشغل و عمرها ما اشتكت ،كل شويه تشيل و تغسل السجاد و تلمع النجف و تغير ديكورات البيت
=يعني طلعت مش عديمه المسؤليه ،مراتك فيها مميزات كتير بلاش تركز علي العيب الي عندها
-شمس فيها كل الصفات الي بتمناها ،دايما بتقول نروح نزور اهلي ،بقالنا كتير ماروحناش لماما خلينا نروح ،اختك تعبانه خلينا نروح نزورها
= الانسان دايما بيركز علي العيوب و ينسي المميزات يا عمر راجع نفسك و روح رجع مراتك
- هسيبها تهدي النهارده و بكره هروح ارجعها
=ربنا يسعدك يا صاحبي
.......................
=السلام عليكم
-و عليكم السلام
= مالك يا عمر في ايه
- لما سبتك امبارح روحت قولت افتح التليفزيون لقيته كان مفتوح علي قناه تعليم الطبخ ، يعني بتحاول تتعلم تعمل الاكل مش زي ما انا مفكر ،و لقيت اكل بايظ مرمي في الزباله يعني كانت بتحاول، بس عمرها ما قالت ليا
=انت عمرك سألتها
- لا ، دايما بتسمعني و بتسمع مشاكلي في الشغل و عمري ما قررت اني اسمعها كنت فاكر انها ما بتعملش حاجه
= انت عرفت غلطك يا عمر
صالحها و اعتذر ليها و شجعها و اديها الثقه في نفسها جايز ما قالتش ليك عشان خايفه تتريق عليها ، استأذن من الشغل و روح صالح و اثبت ليها انها غاليه عندك
- انا ماشي هروح اجيب ليها ورد و صالحها
=رجعت ليه
- مش عايزه تكلمني
= خليها وراها لحد ما تصالحك
.................................
كل يوم ابعت ليها ورد و ابعت ليها رسايل علي الموبايل
