"أسكربتات"

scripte"1"✨

#رُبَ_صدفة !!🕊️✨

#قصص_واقعية🕊️✨

هدير إ براهيم 🕊️✨

طبعا مفيش حاجة بتحصل صدفة وكلها اقدار مكتوبه عند ربنا بس القِصة حرفيا ينطبق عليها مقولة " رُب صدفة خير من ألف ميعاد " 🤷
🎀🎀🎀🎀🎀🎀🎀🎀🎀

مبدأياً انا متابع لحضرتك بشدة بسبب زوجتي.. اللي هو تقريبا انا بدخل ع الأكونت بتاعك يومياً اكتر منك انتِ شخصياً ادور لو في قِصة جديدة نزلت علشان اقرأهالها ودا م فترة لأنها حبيبتي ممنوعة من التعرض لضوء الموبايل لفترة
وبما ان زواجنا هيمر عليه تسع سنين كمان كام يوم حبيت تكون مفاجئتي ليها ان القِصة اللي هقرأهالها من عندك هي #قِصتنا ❤️
معذرة لو طولت في المقدمة ونبدأ سرد أحداث القِصة..

عارفه انتِ الشباب اللي تلاقيهم مطلعين عين أهاليهم وشايفين نفسهم ع كل بنات الناس ومفيش ولا واحده عجباه
الشباب اللي كل الاهل والقرايب والجيران بيفضلوا يرددوا ان اخرتهم هيقعوا ع وشهم في بنت هتطلع كل القديم والجديد عليهم
اهو انا بقى كنت من النوعية دي من الشباب😃
ممكن بسبب الوسط اللي اتربيت فيه كونت نظرة عن ان معظم البنات تافهين وتفكيرهم كله في تفاهات.. ونكون مثلا قاعدين جروب مختلط تلاقي كل كلام البنات ع مين صاحبت فلان ومين خان فلانه مع صاحبتها وهكذا مفيش في كلامهم اي حاجه تانيه بجانب اللبس والميك-اب وكدا
فوق كل دا كنت شايف نفسي بزيادة اللي هو كل البنات بيحاولوا يتقربوا مني ف دا كان بيكرهني اصلا فيهم اكتر
وفي يوم كنت المفروض هقابل واحد صاحبي عديت عليه في الفندق اللي فيه المؤتمر اللي هو موجود فيه
قولت هدخل اشرب اي حاجه لحد م يخلص وينزلي
مجرد م دخلت لقيت المكان زحمه جدا بس لقيت كام ترابيزه شبه فاضيين عليهم بنات قاعده لوحدها
لمحت بعيني في مكان منفصل نسبياً بنت #منتقبة ف قولت بااااس هروح استأذن دي اقعد معاها وكان سبب اختياري ليها انها مش هتحاول تتعرف عليا ولا تفتح معايا كلام زي اي بنت تانيه(عارف ان الكلام ممكن يدي صورة سيئه عني بس صدقيني اكتشفت بعدين ان تفكيري دا سببلي احلى حاجة حصلت في حياتي وانه كان من عند ربنا)
روحت فعلا ووقفت قدام الترابيزة لقيتها قاعدة بتقرأ كتاب.. استئذنتها لو ينفع اقعد بما ان المكان كله زحمه وكدا ..
النتيجة كانت صمت تااام واللي هو ولا بصتلي اصلا !! كررت كلامي كذا مره لحد م وقفت قدامها وفضلت اشاورلها واعمل حركات بإيدي اللي هو في ايه الدنيا دوشه اه بس مش للدرجة !
وحتى لما انتبهت لوجودي مبصتش ناحيتي اصلا هي كل اللي عملته بصت حواليها وبعدين رجعت تبص للكتاب وقالتلي اه تمام اتفضل...
قعدت وانا عمال أردد في سري اللي هو يخربيت أم البرود اللي في الدنيا بس كعادة القاعدة العظيمة الممنوع مرغوب ولأن كان حازز في نفسي اوي ان في بنت عاملتني بكل التجاهل دا ولاول مره تقريبا في حياتي اتعامل المعامله دي ورغم اني اصلا اخترت اقعد ع نفس ترابيزتها لنفس السبب الا اني بقدرة قادر قعدت اتشقلب حرفيا علشان تنتبه لوجودي متفهميش بقى ايه اللي حصلي بس اللي هو تحدي بقى وخلاص
والنتيجه الحمد لله كانت ولااا الهوا ولا كأنها شيفاني ولا سمعاني.. دي كانت ولا كأنها قاعده في المكان اللي كله دوشه دا اصلا راشقه عنيها في قلب الكتاب وتحسي انها في عالم تاني..
شويه وقولت خلاص ايه اللي انا بعمله دا ومين دي اصلا وهما شويه صغيرين وصاحبي هينزل ونمشي
بس معرفتش بردو
كنت بحاول افتح معاها كلام بأي طريقه ودي مش سمعاني اساسا
ف قولت لا بجد خلاص وبصيت ع اسم الكتاب اللي بتقرأه وقولت في واحده منقبه بتقرأ عن #الفراعنة
اقسملك بالله قولت الجمله وكان صوتي يعتبر مش مسموع اصلا،كمان انا الكرسي بتاعي شويه بعيد عنها بس لقيت عنين اترفعت م ع الكتاب وبتبرألي اللي هو حرفيا ياما
ولقيتها بتقولي مبدأيا لما توصف حاجه في حد اوصفها صح اسمها #منتقبة مش منقبه..
منقبه دي م معانيها #مخرمه ف هل انت شايفني قدامك مخرمه مثلا!!
قولت ف سري هو ايه الهبل دا وع ايه الحمقه دي كلها وكأنها قرأت أفكاري ف قالتلي وقبل م تقول إن الموضوع تافه ف اسمحلي اوضحلك ان الحرف اللي انت كلته دا كفيل يعصب بنات كتير منتقبة..
الحاجة التانية هو نزل امتى في المقرر ان المنتقبات ممنوع يقرأوا عن اي حضارة عامةً مش فاهمه دا باستثناء انها اصلا حضارة بلدي ؟!