ظلام عاشق (قيد الكتابه غير مكتمله)

البارت الرابع

صلوا على من بكى شوقاً لرؤيته
~~~~~~~~~~~~~~~~~~~~~~~~~~~~~
في صباح اليوم التالى 🌤
ـــــــــــــــــــــــــــــــــــــــــــــــــــ

اسراء بحزن: محمد.
محمد: أيوه يا إسراء.
إسراء: أنا خايفه على تارا أوى مش عارفه هيحصلها إيه لو، ثم بكت بحرقه: أنا مش متخيلاها تسيبنى ف يوم من الأيام.
محمد: أهدى بس يا حبيبتي، بصى يا قلبى أكيد هي لو لاقتُ لازم تروح معاه كفايا انها اتحرمت منه بقالها 18 سنه، مش كفايا بردوا وده الوقت إللى لازم نقف فيه جنبها.
إسراء بدموع: عارفه يا محمد والله بس يعتبر أنا إللى ربتها، هى أيوه مش بنتى ومش مكتوبه على أسمك بس هى حته منى.
محمد: والله أنا كمان بحبها وهى بنتى إللى مخلفتهاش بس إحنا مينفعش نحرمها منه صح.
اسراء: صح.
محمد: طالما هو صح يالله بقى يا حبيبتي قومى كده اغسلى وشك ونصلى وندعى كده ربنا يريح قلبها وتلاقيه علشان هى صعبانه عليا والله.
اسراء: حاضر.
~~~~~~~~~~~~~~~~~~~~~~~~~~~~~
على طاوله الافطار فى قصر الاسيوطى
ــــــــــــــــــــــــــــــــــــــــــــــــــــــــــــــ

الاسيوطى وهو ينهض: سراج تخلص فطار وتيجيلى.

سراج ونظره مصوب فى الفراغ: اظن يا اسيوطى باشا الكلام مَعاك ملوش اى لزمه او بالأحرى انا مش عاوز أتكلم معاك.

سيف الدين والد سراج: عيب يا سراج أحترم جدك مينفعش تكلمه بالأسلوب ده.

سراج بتأفف: أنا ماشى سلام.

مى شقيقه سراج: أبيه سراج استنى هاجى معاك انا وسيانا، سلام يابابا.

سيف: سلام يا حبيبتي.

مالك وهو ينهض: وأنا هقوم أروح المستشفى وهكلم مراد علشان فى حالات طارقه فى المستشفى، سلام للجميع.

مازن: يالله إحنا كمان يا عدى علشان نكمل القضيه.

عدى: يالله.

~~~~~~~~~~~~~~~~~~~~~~~~~~~~~
فى الجامعه
ـــــــــــــــــــــــــــ

سهر بملل: عاوزه أعرف بس هنخلص ام السنه دى إمتى.

تارا بضحك: يابنتى ارحمينى ده أنتى فاضلك سنه كمان وتخلصى، تعالى بقى شوفينى يا مفتريه فاضلى سنتين بحالهم.

سهر بمشاكسه: طب ماتيجى نزوغ من الجامعه ون....، آه يا جزمه أنتى وهى.

مى: أحسن علشان تبقى تزوغى من غيرى انا والبت سيانا الغلبانه دى.

سيانا بتمثيل: اه والله يا مى يا ختى شوفتى النداله.
تارا: يا عينى والله صعبتى عليا، بصى الدمعه هتنزل اهى.

سهر بتمثيل: لا بجد قد اى انا طلعت ظالمه اخس عليا، بس يابت منك ليها خلينا نتكلم جد.

مى: خير.

سهر: مش دكتور توفيق ر...
سيانا بفرحه: اى اتكسر.

مى: لالا متقوليش أكيد اتحرق.
تارا: لا ده ع.....

سهر: لا اتخزوق، اخرسى أنتى وهى واسمعهُ، دكتور توفيق راح أول إمبارح وقدم استقالته لعميد الكليه فا جيه دكتور تانى بداله إسمه عبد الله و...

مى بمقاطعة: استنى استنى طب وأحنا مالنا بأسمه.

سهر وهى تصفع مى على رقبِتها: مهو يا بجرهه لو سيبتينى اتزفت أكمل هتعرفى هو ماله.

مى بوجع: اه، كملى ياست خلينا نخلص.

سهر: عبد الله ده بقى يا بنت أنتى وهى مشكلته ان هو بينسى، ومش بس كده عنده زهايمر لا وكمان شكله كركوب كده وسنانه واقعه، بنات سنه تانيه قالولى وأنا قولت اى بقى...

سيانا بمقاطعه: والله ما أنتى مكمله، قولتى اى بقى لما انكد على البت سيانا صح.

سهر بتصفيق: الله عليكى يابنتى والله انا عاوزه أصفر بس مش هعرف بقى حولينا طلاب بقى وكده.
سيانا: لا محترمه.

مى: خلصتوا يلا يا تارا يابنتى خلينا نروح على المحاضره بتاعتنا، ويالله يا بلوه أنتى وهى روحوا عند دكتور كركوبه بتاعكوا ده.

سهر بغباء: صدقى يابت يا سيانا مى عليها ألقاب عجيبه.

سيانا بضحك: عارفه يا بنتى والله، ده انا وهى بنعمل بلاوى هههه.

سهر: طب يالله نشوف دكتور كركوبه هههه.

(فى المحاضره)

عالت الهمهمات بين كل من بالمدرج.

سهر: وبس كده ياستى و...
سيانا: و اى، ياببت.

سهر وفمها سيصل للأسفل: احييه بصى على دكتور عبدالله.

سيانا: ماله دكتور عبد الله بصيت أهو و... احييه.

(هنشوف حكايه دكتور عبدالله فى بارت يوم الخميس أن شاء الله 😂)

~~~~~~~~~~~~~~~~~~~~~~~~~~~~~

(بعد ذهابهم)

فى المكتب
ــــــــــــــــــــــــــــــ

الاسيوطى: ابنك يا سيف مش ناوى يسامحنى على الغلط اللى انا عملتوا زمان، والله انا خايف لموت من غير ما يسامحنى.

سيف الدين بحزن: بعد الشر عليك يابابا، بس يا بابا متنساش أن اللى حصل زمان ممكن يتغفر، سراج عمره ما هينسى اللى حصل فى يوم وليله.

الاسيوطى: عارف يا سيف وانت سامحتنى بعد 5 سنين من الحادثه إللى حصلت، ولما أنا بعدته عن أمه كان غصب عنى.

سيف الدين بدموع: غصب عنك يا بابا، بس أنت غلطت لما خليت مراتى وام ابنى تسافر بعد جوزنا وطلقها منى، وتخلينى أتجوز بعدها بأسبوع، بجد مش عارف اققولك إيه انا سامحتك بعد 5 سنين علشان انت أبويا، بعد إذنك أنا رايح الشركه.

الاسيوطى بصياح: ياسيييف ياسييف، ياارب سامحنى بقى والله تعبت من الإحساس بالذنب.

~~~~~~~~~~~~~~~~~~~~~~~~~~~~~
(صددددمه كبيره😂+ اظن نص الالغاز اتكشفت و شويه من المستخبى كمان كام بارت ويتكشف ).
~~~~~~~~~~~~~~~~~~~~~~~~~~~~~
يتبع.....
~~~~~~~~~~~~~~~~~
روايـــــ(ظلام عاشق)ــــــــــة
~~~~~~~~~~~~~~~~~~~~~~
✍🏻آيـة كرمـ
~~~~~~~~~~~