تاج

مشهد 💔

بغداد
الشالجيه
ساعه السادسة مساءا
نيسان.٢٠٠١

أبرار  ياله يابنات خلي نقره مابقه شي على أمتحاناتنه أني وياج بكالوريا رانية أي والله خلي نقره ياله كل وحدة تاخذلها مكان بالعزبه ههههههه لج هو البيت جنه بيت الأشباح
أبرار أني  راح أصعد بالسطح أقره.
رانية أني أخذ الهول أقره بي بس أكص ايدي اذا قريتي . وأنتي تاج وين راح تقرين أني بالحديقه أراجع  محاورة الدايلوك باجر امتحاني الشفوي الانكليزي  تمام وفرح وابراهيم  خليهم ملتهين بالمكعبات عود كل شويه وحده بينه تطل عليهم بس أخلص مراجعه دايلوك أسوي عشه
يعني ماننتظر ماما لا خاف تتأخر هي وخاله وداد
على الاقل تجي تلكانه محضرات عشا تمام
اوك ياله خلي نتوزع ههههههه ياله.

اني تاج
جنت دائما  أشوف نفسي ملكه لابسه تاج من صغري شخصيه وجذابه رشيقه وناعمه شعر بني عيون نرجسيه بشره حنطيه  والبنيه الثالثه لهل عائله ومدلله وخشم يابس ومختلفه بكل شي، عن خواتي شاطره ومتميزه بدراستي  وحلمي جان هندسه معماري بس للاسف ماجنت ادري الزمن ضام اليه أو بالاحرى الى ولاخواني بلاوي بهذا اليوم الأسود جنت صف أول متوسط وماجنت أعرف هذا التاريخ بدايه لنهايتي 💔
كل شي بهذا اليوم محفور بذاكرتي كل تفصيل كأنما البارحه وماانساه طول حياتي

نرجع لتكلمه المشهد
دأقره رايحه راجعه بالحديقه أباوع ع ثيل حافيه جو حلو نيسان وحديقه تخبل ٣٠٠ متره وكل الاشجار والورد بيها ولابسه بجامتي اللي أحبها لونها سمائى فاتح  وشاده شعري ظفيره  وأراجع محاورات  الانكليزي وأتخيل شون من  أنخلص  الامتحانات ونسوي مقترح  أختي أبرار اللي هو  من ننجح احنه ال ٣ نسوي حفله ونعزيم الكرايب وشون نزين الحديقه بالنفاخات والنشرات. والترتيبات
طبعا  أبرار سادس علمي و أختي رانية ثالث متوسط وأني أول متوسط   وشون راح تكون  ترتيبات الحفله
وتخيلات أختي اللي هي شاطره بهل سوالف.
أو  بالاحرى فنانه بهل الشغلات والكتاب بيدي جانت عندي سوله أحط الكتاب هو مفتوح على وجهى واشتم ريحته من أتعب وأصفن شويه  أتمددت ع ثيل وسويت هالحركه وراها نزلت الكتاب لخشمي  باوعت للسما 
كمر مكتمل وليله تخبل وجو صافي يجنن فجاءه اذكرت أخوتي الصغار ياه عشاهم خطيه خلى أكوم أحضره وكمت من مكاني فتت من باب الخطار
دك التليفون
شلته
الو. ماما
الام. مياده.
شلونج تاج ماما  زنيين أنتوا شدسوون
هلاو ماما  والله دنقره
عفيه سباعيات بيضوا وجهي وخواتج يمج؟

لا
أبرار بالسطح تقره
ورانيه بالهول هم دتقره
وفرح وأبراهيم بالخطار يلعبون بالمكعبات
وأني جنت بالحديقه وسمعت صوت تليفون ركض جيت انتوا وين؟
حبييتي بعدنه  بعدنه ماصاعدين للطبيب وخابرت من تليفون عمومي من محل قريب على عياده الطبيب  شتحبون أجيب الكم
أنريد أيس كريم من  مثلجات الفقمه مو قريبه عليكم
أي ماما قريبه صار تريدين ملونه لو سوفت
أني اريدها سوفت ككو وحليب والبنات ملون لان أعرف ذوقهم كلما نطلع ياكلون ملونه
تمام حبيبتي قفلوا باب زين وأن شالله ماأتأخر
لاتنسين عشي أخوتج ديروا بالكم على نفسكم
وتوصي بصوت حنين
ميخالف ماما
صار
مع السلامه
مع السلامه

اول مره أمي تسويها تخابر
كل مراجعتها ماتسويها
ليش هذا اليوم أتصلت وتوصي أوف يالقهر  💔
رجعت للحديقه

وره ساعتين تقريبا

فجاءه تليفون رجع  أندك ٢ دكاتين الى ٣ دكات تليفون الارضي طبعا ليهسه أذكره لونه أبيض
الو. منو
الو. شلونج تاج أني مها
هلاو. خاله مها حبيبتي طبعا مها زوجه أبن خالتي
تحجي ويايه وصوتها مو طبيعي أكولج تاج ماما 
وين؟؟
خاله أمي طالعه  هي وخاله وداد للدكتور مراجعه عدها  تريدين شي خاله
لا حبيبتي
زين لعد من  ترجع  امي أكوللها أنتي خابرتي حتى تخابرج
زين حبيبتي بصوت مخنوك ومتنهد
شدسوون والله خاله كاعدين نقره عدنا أمتحانات
تمام حبيبتي  ديروا بالكم على نفسكم
خاله أكو شي؟
لاحبيبتي بس داسال عليكم قفلوا باب زين.
إن شاء الله
مع السلامه
مع السلامه
صوتها غريب موطبيعي
رانية أكولج  خاله مها خابرت وصوتها مو طبيعي وهاي اول مره تخابر شعجب مو خاله فوزيه نفسها تخابر
والله مادري غريبه
نزلت أبرار شكو. تاج خاله  مها خابرت وتسأل على ماما وأسألتها غريبه وصوتها موطبيعي معرف شبيها
غريبه والله اول مره تسويها وتتصل علينا
ياله عود من ترجع ماما نفتهم شكو

أني راح أبدي أسوي عشا للجهال لأن  خلصت مراجعه
و أنتوا خطيه موادكم صعبه وماتلحكون تمام.
أبرار ومن تحتاجين شي صيحيني تمام
لاتستغربون هذا عمري وهيجي اتصرف لان تفكيري سابق عمري وشخصيتي وذبتي هيجي كانما وحده كبيره من أتصرف

رحت داسوي مخلمه سله البصل والبتيته بره يم حايط المطبخ دأطلع أجيب بصل وبتيته أسمع

الباب دتندك منو يالله
بهل مغربيه وجانت هستوها دتبدي تصير ليل

رجعت للهول بسرعه أكولكم  يابنات الباب دتندك معرف منو  أبرار  غلسي تاج  بس خلي نباوع من باب الخطار أنجمعنا أحنه ال ٣ ع الباب وحده بصف الثانيه ونباوع وخايفات
طبعا كراجنه طويل وباب عاليه مايبين اللي يدك الا من فتحه مثل مربعه من باب.
باب دتندك وديلحون
ياه عزا منو
أبرار تاج اطلعي أنتي صغيره بس لاتفتحين أبد الباب
وصيحي منو وأوكفي بنص الكراج
لاتروحين يم باب
زين راح أطلع وأني أمشي أشوف أحد  مد ايده ع سركي باب ديريد يفتحها منو بصوت عالي وخايف وأرجف 
وأني شفت هيجي لمحت رياجيل ببدلات عسكرية زيتوني
ورجعت أركض ع بنات ولكم شرطه  ذولي عزا شرطه 
وشعدهم  جايين أبرار لاتخافون خلى البس عبايه بسرعه وأشوف منو  هستوها دتلبس أختي
أجه صوت  يم باب خطار
يابنات فتحوا الباب أني عمو ناجي
ياه هذا عمو ناجي اللي هو رجل خالتي الثانيه فوزيه  
فتحنه باب تفضل عمو شلونكم حبايب
هلا عمو أكعد نسوي الك جاي
لا ماكدر مستعجل
أبرار جنسيه أمج وين
طلعيها بسرعه أريدها
ليش عمو شكو
عمو طلعيها اريدها بسرعه
ضامتها بجدر الفورفري بالبوفيه
هسه اطلعها
راحت فتحت الجدر طلعتها هياتها بس ليش عمو وتباوع بعينه وبخوف عمو أحجي شكو
ماكو شي بس أبرار أنتي جبيرة وقويه
أبرار عمو أمكم
وبعده ماكمل وأختي صاحت
بس لا
أمي..........
يتبع