Hot chocolate(one shot) 💛~

Hot chocolate

الجو النهارده برودته مختلفة عن كل يوم، سمعت إننا في ظاهرة إسمها " عاصفة التنين " جو الرياح فيه عاليا و مطرة غزارتها  تخلي مُحبين الجو ده مبسوطين، و أنا من الناس دي، عارفين نفسي في  إيه اللحظة دي، أخرج Date  معاه، و أقعد بنظراتي أتأمل تفاصيله و  هو بيتكلم كتير وبيحكيلي أكتر..

إبتسمت بخجل ربكه: نفس المعنى مش كده، أهو ده إلـ بيعملوا فيا في أي وقت بيجمعنا سوا أو خليني أعترف إن على طول قلبي مدربك بسببه،
آه معلش معرفتكوش عليه،" هيوكجاي "،
صاحب الإسم ده بقى كل حاجه ليا، مش مهم إتقبلنا إزاي؟ و لا حتى حبيته ليه؟؛ المهم إن وجوده في حياتي مبقاش ينفع ميكنش فيها، أمال أنا المفروض أحكيلكوا إيه؟!

ضحكت... أنا هخدكوا معايا و أحقق أمنية  إلـ Date بتاعنا، و أخليكوا تشوفوا بنفسكوا لمحه من أسباب حبي ليه ، أنا خلاص بحط اللمسات الأخيرة، شعري مُهندم، ملامحي مُنهكه شوية.. بس اللمسات الجمالية مش مهمه إنهارده، هو قالي مش المفروض طول  الوقت أكون قُدامه ملامحي مفهاش غلطه،

إبتسامة من القلب في إنعكاس المرايا و يلا بينا، خطواتي أهي خرجت من باب العمارة، الليل محاوط المكان..  الساعة سبعة مساءًا تقريبًا، الجو فعلًا برودته مش عاديه و تحت الشمسية إستخبيت، و بخطوات بجاهد فيها الرياح شويه كُنت قدام إلـ Cafe  ، المكان ده إجتهد و أشتغل كتير أوي عشان يبقى موجود، مصدر دخل لأهله إلـ تعبوا زمان من حياة الفلوس فيها موجوده في يوم  .. و كام يوم تبقى على قد الإيد، المكان هادي و مفهوش ناس كتير، و أهو واقف بإبتسامة يقدم الطلبات و ياخد الجديد منها..

دخلت من الباب و قفلت الشمسيه و حطتها في علبة جانبيه للباب عشان تتصفى، خطوة إتنين و إديني أهو واقفه قُدامه، زي كل مرة بيشوفني عنيه بتلمع بإبتسامة حُب، و حماسية خطواته بتلف عشان تيجي نحيتي، و من غير مقدمات حُضنه بيستقبلني بإحتواء ،  و كفه بيمسح على شعري بحنيه، فصل حُضننا و حاوط كتفي بدراعه و لأقرب ترابيزة بيحاوطها الدفى سحب كرسيها و قعدني عليه، مكان بعيد عن عيون الناس، سابني فيه و راح نحية المطبخ و معداش وقت كتير و كان خارج  بـ المج الأسود بتاعه و المج الروز بتاعي، أول هدية للكابل قدمتها ليه، و من وقتها و هي بتشاركنا حُبنا للهوت شوكليت، أصل ملناش في القهوة و إلـ زيها..

قعد قُدامي و سألني يومي كان عامل إزاي؟! عنيا مُستحيل من التوتر وأنا بتكلم معاه تبص في عنيه ، هتلقيني ببص في كل مكان ما عدا لعنيه…

وحشتني…

نطقت بيها من غير ما أحس..

لو بنشوف بعض على طول و مثلًا لسه شيفاه إمبارح  ، عُمره ما قلل من مشاعري أو حس إنها مجرد كلمة بتتقال ، أصل معداش وقت عشان يكون في وحشة إفتقاد، بس إبتسامته بكف لمس خدي و مسح عليه برقه و كفه التاني مسك رعشة كفي البردان أو الأصح الخجلان و طبع عليه بشفايفه نُبل إمتنان حُب قلبي ليه، يمكن دي أبسط حاجه منه بـ تخليني دايمًا واثقه إن كُنت صح لما قلبي وقع للأمان ده…