زينه: لجج نوررر تيشيرتي وين باع حظي هو تيشيرت واحد ولاحكتني علي
نور: هو تيشيرت شدعوه
ورود:يي انتن يوميه عله هل موال وحده تخمط من الثانيه وتكب العيطه
زمن: لكم يمه رح اموت من وراجن شبيجن اخلص من ابوجن تطلعن انتن
زينه: يمه اسم الله عليج بس ميصير بطلعان الروح اشتري الملابس وهي تجي تلبسهه عل حاضر
زمن: يي انتي كلتيهه بطلعان الروح وهي مو غريبه اختج ولا عايشه بغير بيتت مفهوم مااسمع صوت
ورود: ماما عفيه تعالي سمعيلي مداعرف احفظ
زمن :تعالي للمطبخ اسوي الغده واسمعلج وانتن زينه ونور اطلع من المطبخ الكه البيت يلمع
زينه ونور : حاضر
ورود: اعرفكم شويه عله عائلتي وحياتنه اني ورود عمري 16 رابع علمي عندي خوات ثنين زينه ونور زينه عمرهه23 خلصة كلية للغات انكليزي وتشتغل مدرسه بمتوسطة بنات ونور طالبة سادس ادبي عمرهه 18 امي ربة بيت نوبات تخيط نوبات تطبخ للجوراين وابويه من يوم الي خسر افلوسه محد كام يعرفه لا اهل ولا اخوه كعدنه عل حديده من ذاك لهذا اليوم وكعد لا دور شغل ولا اي شي تعبت نفسيته وضل كاعد ومكابلنه لان صعب جان حلاله مشبعه ومشبع هواي ناس وفجأه خسر كلشي ويوميه عركه علمود هذا الموضوع ويه امي وهي مره لازمه ايدهه لا بخيله ولا صرافه كامت تصرف عل كد الحاجه حته اذا اشوف مو كلش محتاجيهه مجيبهه وعايشين بفضل الله وبفضل امي .
زمن : ورود اذاا شفت تقصير منج بدراستج صدكيني اراويج وجهي الثاني انتي وذيج نور روحي خلصتي تسميع روحي بدالهه اشتغلي وخل تروح تقره يلا
ورود : حاضر ماما بس شرح تسوين غده ملحكت اتريك
زمن: علمود تكعدين من وكت نوب البارحه ام عيسى جابت من السوك سبيناغ وطلع شويه زايد انطتنيا
ورود: ماكدر اكول ماحب السبيناغ لان اعرف رح اكل رزاله
الله يساعدج وعاشت ايدج مقدماً
ورود: نور روحي اقري امي دكول اني اكمل بدالج
نور: يي عفيه دروح اخلص الرياضيات
زينه: اذا مفتهمتي شي تعاليلي
نور: انشاءالله
ورود: سمعنه صوت الباب الخارجي انفتح عرفنه بابا جا رحت فتحت الباب
شلونه حبيبي
زيد: هههه زين ووردتي شلونه
ورود : مزاعلتك شنو اكعد الصبح ماصبح عليك
زيد: طلعت من الصبح عندي شغله امج وين
ورود: بالمطبخ
زيد: رايدكم بموضوع فد شويه
ورود: انشاءالله خير لعد خل اروح اكللهه
(صح ابويه خسر فلوسه وكلشي بس مخسر حنانه علينه واحنه علاقتنه ويه بابا علاقة اصدقاء مو اب وبناته هواي صارت مشاكل وسوالف بس ماثرت علي وعله حبه لاامي )
زيد: اليوم جاني يونس للكهوه
زمن: خير يريد ياخذ البيت هم انشاءالله
زيد : عرض عليه اشتغل ويا بالمكتب محاسب
زمن: والله زيدد لو اعرفف نموت من الجوع ولا ترجع تشغل وياا ماكوو هل حرامي ضاعت حياتنه وفلوسنه من وره راسه
زيد: زمن تعرفيني مااكدر ادور شغل تالي عمري والشغل جا العندي ارفضه شلون؟
زمن: ماكوو حمدالله عايشين برحمة الله ما انسه من احتاجيناهم ودارو وجهم عنه سوو روحهم ميعرفونه
زينه: ماما خل بابا يشتغل بلكت الله يرجع حالنه احسن من قبل بعدين انتي كلتيهه رح يروح يشتغل بتعبه وحلاله الباكه يونس وابنه
ورود: احسن من ماكاعد بلكت يرجع مثل قبل واقوه
زمن: زيد ماريدك تشتغل اصير جوه رحمته ويذلك والله اذا اسمع غاثك بحجايه صدكني اروح اهجم بيتهم عليهم اني مو زمن القديمه التخاف عله مستواهم لو زمن الهادئه اني خسرت كلشيي من وره الناس صدكني ميوكف بعيني لا صغير ولا جبير واطلع ضيم هاي السنين النامن بيهن بناتي يتحسرن عله الشغله من عيونه
زيد: لجج لو ما انتي جان اني وبناتي هسه انجدي والله كلما اذكر شلون وكفة بوجه اهلي علمود اخذجج احس روحي سويت انجاز ومخاب ضني بيجج بكل احوالي وماريد بعد انضل بهل حاله واخلي يونس وابنه يلعبون لعب وعيونج ونذرر عليه بس يرجع كلشي مثل مجان بيت باسمج ونروح انحج اني وياج
ورود: اباوع عله امي وابويه شلون عيونهم تلمع احس روحي افتخرت بيهم لان ويايه بالمدرسه بنات جمال و مال وهلاهلا واهلهم كل واحد بديره كلما اشوف اهلي وبيتنه احمد الله واشكره
ورود: احم احمم ست زمن هسه شقررتي ابوو زينه يداوم لو لا
زمن: حكم القوي عل ضعيف يداوم بس بعدني عله حلفاني بس ترجع يوم ضايج اروح اهد عليهم
زيد: مزوج شيخ عشيره مو زمن
زمن: يي كتلك انيي
زينه: والله بس نور الربحت كالت معليكم هسه امي توافق وصدك وافقتي
زمن: صايره عرافه ام السادس اروح اكمل طبخي ورود شغلي بخور بالبيت ومسحي عتبت الباب
ورود: طبع امي كلما انخلص تنظيف حته لو غاسلين الطرمه لازم اروح امسح عتبت الباب واشغل بخور بحيث بهذا الوكت من يومنه الكل ينعس وميندل دربه وين ريحة النظافه تخبل والبيت بارد يسوي واهس مال نوم
رحت عله زينه لكيتهه دصلح اوراق الطالبات
زينه: ها وريده شعندج هنا
ورود: اكولللللل اني مو اختج وردة البيتتت وردة حياتكم
زينه: يييي راتب وممستلمه خيرر
ورود: خل نطلع زينه حبابه حبابه حبابه قنعي امييي
زينه : ام نص اللسان انتي وردتهه روحي قنعيهه
ورود : متقتنع ادكول عندج قرايه
زينه : بس استلم راتب نطلع وعد
ورود: لككك هلااا بعبوسي متقصر والله
زينه: امشي طلعي لا اسحلج يلا
ورود: خواتي اريد اضوجهن اصيحلهن عبوسي وهنه دائماً يصيحلي رواد ماادري عود قريب من اسمي ولان ماعدنه اخوو معتبريني اخوهم عشتو
ورود:فتحت غرفة نور لج عزه نور هاي شنو شواربج صايره اثخنن من شعر راسي
نور: باع هاي عبالي بيج شي اصلاً تعودت كمت اعتبر شواربي نفر سادس ابيتنه
ورود: هلاا هلاا باع السادس شمسوي دكوميي لاامي خل تحفهن
نور: فدوه زمن حالياً تعبانه نفسيتهه اشوهني وعادي
ورود : اشوف اليوم مجيتي للااجتماع مالتنه تستحين من ابويه
نور: شستحي صبحت علي الصبح
نور: صباح الخير بابا
زيد: هاي شنو اني شوكت مخلف ولد
نور: يومممم احجي ويهه ابويه شويه راعو مشاعري سادس
زمن : دكوم يمه انور روح اقره
نور: صرت انور مووو زمن اني الكم اباوع لاابويه حاصرته الضحكه
ورود: اخخخ انور واني رواد وزينه عبسي ابويه لو مخلف ولد ميسميهم هيج هل اصيح زينه تضبطلج المصنع وترجعين نور الكىيوته
ورود: زيننننننننهههههه لحكي عدنه ولد بالبيت
نور : بعد تندلين باب البيت وصيحي هناكك
ورود:..............
