اسكريبت اسلامي
ليس الجمال هو الحياة ♥
بس انا مش عايز غيرك افهمي بقي..
ليه انا ليهه؟!!
هتعرفي كل حاجه في وقتها..
وليه مش دلوقتي؟!
كل حاجه في وقتها احسن يا جميله..
تمام يا إياد____
وبالفعل يتم كتب الكتاب
طبعا مفيش حد فاهم حاجه
اياد شاب جميل جدا جماله لا يوصف 28 سنه
جميله 24 سنه دكتوره ولكنها متوسطه الجمال والبعض يراها انها لسيت جميله خالص وهي بنت خال اياد
بعد كتب الكتاب تسمع جميله جملة تؤلمها جدا
هو اتجوزها ازاي
التانيه: ممكن علشان اسمها جميله😂
هههه ممكن.. دي ولا فيها ريحه الجمال حتي انا عارفه هو بصلها ع ايه.
جميله كانت لسه هتبكي اياد أخدها ودخل في اوضه لوحدهم
جميله تتماسك قدام اياد.
اياد: جميله
جميله: بس بس متقولش الاسم ده تاني
اياد: وليه هو مش ده اسمك... جميله بلاش تسمعي ليهم هما مش وراهم حاجه غير الكلام مين قالك انك مش جميله.. والله انتي اجمل واحده شفتها عنيي من يوم ما اتولدتي.
جميله 😳
اياد: اممم طبعا مستغربه.. عشان عمري ما لمحتلك يعني.. هو مش يا ستي الشيخه في الدين في حاجه اسمها غض البصر ولا ايه
دي انا اول ما اتقربت من ربنا كان بسببك كنت عايز ابقي زيك.. عايز ابقي زيك في طيبه قلبك في روحك... كنت اشوفك وانتي لو شوفتي حد فقير بتعملي معاه ايه... ودار الايتام اللي بتروحيها كل اربع ولعبك مع الاطفال وجبرك لخاطرهم.. انا متابعك من زمان اوي وعارف عنك كل حاجه تقريبا... الناس بصوا لشكلك بس.. مع انهم لو شافوا قلبك كانوا عشقوكي مش حبوكي بس.. وصراحه بقي انا فرحان ان مفيش حد شايفك حلوه غيري اصل بصراحه بغير.😍
جميله: انت بتتكلم بجد.. ازاي
اياد: هو ايه اللي ازاي.. بحبك يا ستي.. وقولتلك مش عايز غيرك
جميله:هاا
يضحك اياد عليها بحبك والله بحبك❤
جميله:ماشي شكرا
اياد:شكرا حرام عليكي يا شيخه بقالي ساعه بقولك كلام حلو قولي كلمه واحده بس🤨
تضع جميله وجهها في الارض..
يرفع وجهها اياد جميله انتي بتحبيني؟....
جميله: مش عارفه كنت بحبك جدا بس طبعا لما كنت بفكر انك مستحيل تبصلي حتي حاولت اتجنبك واكرهك
اياد:انت ليه شايفه نفسك وحشه،وحتي لو كنتي وحشه، احنا عايزين جنة مش عايزين الدنيا بلي فيها،هل الجمال هيدخلك الجنة وبعدين مش انا إلي هقولك( ان الله لا ينظر الي صوركم، ولا الي اموالكم، ولكن ينظر الي قلوبكم واعمالكم)
جميله: عندك حق... وتبص في عينه.. ومره واحده تقترب منه وتحضنه
اياد: يستغرب ولكن يحضنها هو الاخر.. هو ايضا يحتاج لها
تطلع جميله من حضنه وتبص في عينه مره تانيه.. انا بحبك اووي يا اياد.
اياد: بجد
جميله: تهز رأسها بخجل
اياد: انا بحبك اكتر والله يا جميلتي ويشيلها ويلف بيها.
ـــ
يتم فعلا الفرح ويكون اسلامي طبعا معظم الفرح بيتكلم علي جميله وانها مش حلوه وان اياد احلي منها بمراحل.
ـــــــــ
بعد اسبوعين ينزل اياد الشغل وجميله تكون لوحدها
الباب يخبط، تفتح جميله الباب تلاقي والده اياد ومرات خالها
جميله: اتفضلي يا ماما
صفيه: ماما ايه قوليلي يا طنط زي الاول انا مش ام حد.
جميله: تنصدم من كلامها ويؤلمها
جميله: تمام اللي حضرتك تشوفيه اتفضلي ادخلي
صفيه: ما انا هدخل بيت ابني وانا حره فيه
وتدخل تقعد
جميله: تحبي تشربي ايه
صفيه: بقولك ايه بقي عشان بس نكون صراح مع بعض كده.. انا عيزاكي تبعدي عن ابني.. شكله اتعمي لما بصلك اصلا.. او ممكن تكوني عملاله عمل ما مش بيطلع غير منكم يلا عمللي فيها شيوخ
جميله: انا يا طنط صفيه دي انتي واحده عرفاني.. وبعدين حضرتك مش عيزاني لابنك مقولتيش ليه هو ليه
صفيه: ومن قالك اني مقولتش قولت كتير بس هو قال ايه بيحبك وعايزك.. فاحسن تبعدي انتي
جميله: والله حضرتك قولتيها ابنك عايزني وانا مش عايزة اسيبه. اعتقد كده مفيش مشكله.. وانا مش هبعد عن اياد
صفيه: طيب شوفي بقي ايه اللي هيحصلك مني وتمشي
ــ وهي نازله علي السلم حظها قابلت اياد
اياد: ماما عامله ايه
صفيه: الحمدلله يا حبيبي جاي بدري ليه من الشغل انت لحقت
اياد: عشان عريس بس جديد وكده
صفيه: اممم وماله طيب انا همشي بقي عشان اتاخرت
اياد: اتاخرتي ايه انتي هنا من بدري ولا ايه تعالي اتغدي معانا وبعدين ابقي اوصلك
صفيه: لا يا حبيبي انا همشي انا عشان اعمل الغدا اطلع انت للغندوره
اياد يتعصب بس يحاول يهدي نفسه تمام يا امي اللي حضرتك تشوفيه.
ــــ
يطلع اياد الشقه اول ما يفتح الباب يسمع صوت بكاء يدخل الاوضه سريعاً، يلاقي جميله قاعده علي الارض وبتبكي
اياد: جميله حبيبتي مالك
جميله بتبكي ومش قادره تتكلم
اياد: جميله اهدي عشان خاطري وقوليلي مالك
جميله: مفيش يا حبيبي زهقت بس شويه
اياد: زهقتي ولا ماما قلتلك حاجه لما كانت هنا انا شوفتهاوهي نازله قوليلي قلتلك ايه مش احنا اتفقنا نتشارك في كل حاجه.
جميله: اللي كل الناس بتقوله يا اياد مش حاجه جديده
اياد اتعصب وكان لسه خارج يروح لولدته
جميله وقفته اهدي يا اياد مفيش حاجه حصلت هي مغلطتش فيه هي قالت الحقيقه ومهما كان دي والدتك مينفعش تقولها حاجه عشاني.
اياد:انتي ازاي كده بجد، حتي في وسط وانتي مضايقه بتفكري في غيرك، هما ازاي كده مش شايفنيك من جوه كل حاجه عندهم الشكل وبس
جميله: وانا يكفيني اني حلوه في نظرك
اياد: انا بحبك اوي يا جميله
جميله: وانا كمان 🥰
اياد: احم احم عندي ليكي مفاجأة
جميله: ايه هي
اياد: يعني لو قلتها هتبقي مفاجأة
جميله: اياد انت عارف اني فضوليه قول دلوقتي
اياد: بصي هي حاجه انا بقالي كتير بظبط فيها وأخيراً جات،هي متاخره شويه بس هتعجبك
جميله: ما تقول بقي
اياد: اممم اتفضلي يا ستي 💌
جميله: ايه ده
اياد: تذاكر عشان نروح نزور بيت الله
جميله:انت بتتكلم جد
اياد:اه والله
جميله:انت احلى حاجه حصلت في حياتي وتحضنه بحبك يارفيقي للجنة
اياد:وانا بحبك يا اغلي حاجه واحلي حاجه في حياتي .
النهايه_____.....
ممكن القصة مش حلوه اوي بس قصدي من القصة عايزه ابين ان الجمال مش كل حاجه، ممكن تتجوز ملكة جمال،او انتي تتجوز ملك جمال بس تبقي حياتكم اشبه بالجحيم.
لكل (ام) عايزه ابنها يتجوز اجمل بنت في العالم، قبل ما تفكري في الجمال لابنك فكري في راحته. ممكن تخليه يتجوز واحده جميله جداً، الجميله دي ممكن تخليه يبعد عنك انتي شخصيا .
بنسبه لبعض الناس اللي بتتكلم في الافراح وكده اكيد كلنا بنسمع..اذا كان هو احلي او هي..ده شيء يخصهم هما بس..ده نصيبهم.
الجمال جمال الروح والقلب وليس جمال الشكل .
-خلود سمير
