رياس

الفصل ٣٦

الفصل ٣٦ من رواية #رياس

بسم الله

لسه في فيلا فريد كان قاعد في الجنينه جه عليه رعد وهو مستغرب حال عمه اللي انقلب ١٨٠ درجه

بقعد رعد علي الكرسي قدام فريد..مالك يا عمي ومين الراجل ده

فريد والحزن ظهر علي وشه و كمان علي صوته.. واحد عايز مصلحه مني انت مش نمت ليه

رعد بتفهم ان عمه مش عايز يقوله فيه ايه.. مش جالي نوم

فريد وهو بقوم من علي الكرسي علشان يدخل جوا.. طيب قوم نام عندك شغل بكرا يا استاذ

رعد بهزار.. انا بقالي ست سنين في الشركه عايز اعيش حياتي شويه الله اللي في سني متجوزين و عندهم عيال

فريد رد ليه الهزار...حد منعك روح اتجوز انت عندك ٢٨ انت اللي يشوفك يقول ٣٥ سنه بشخصيتك الجاده دي مفيش مره تهزر مع حد غيري فك كدا بلاش مخك القفل ده يلا تصبح علي خير

رعد.. مقبوله منك يا عمي وانت من اهل الخير

اما عند جاسر و الكل كان مبسوط ب ادم 

لميس.. شبهك يا جاسر موت 
نيسان بخبث.. ربك يقطع من هنا يوصل من هنا اهو طلع عنده بيبي بين يوم و لليله ربنا يخلي ويعيش وسط اهله " كانت تقصد وسط رزان و جاسر "
رياس مش حبت تفضل اكتر من كدا لان كلام نيسان جارح اوي بالنسبه ليها

رياس وهي بتوقف من جنب جاسر.. عن اذنكم هروح أرتاح شويه

المي علشان تتكلم معاها شويه بعيد عن الكل  ... انا جايه معاكي ممكن

رياس بحب ليها.. ممكن

بتطلع رياس و المي

و بروح جاسر علي المكتب و ورا منه معتصم و كمان سليم 

تفتح رياس باب الاوضه بغضب.. شوفتي كلام حماتي عامل ازاي

المي بتقفل الباب.. علي فكره انتي غلطانه اصلا في واحده عاقله تجيب واحده كان ليها ماضي مع جوزه بيتها انتي اكيد مجنونه مستحيل

رياس بغضب..المي انتي متعرفيش يعني اي ان الانسان يبعد عن حضن اهله و  الأمان اللي بحس بيه الطفل بين اهله،،
انا عشت ظروف صعبه اوي انتي متربيه وسط اهلك اه امك و ابوكي ولاد كلب بس برضو متربيه وسط عيله

المي بضحك.. ههههههه فكرتني اسكتي مش ابوكي جه البيت و هو غدير و اكل علقه من معتصم بنت كلب

رياس بتقعد علي السرير.. و بعدين

المي بتفكر.. بت رورو تعالي نفرض كدا مع بعض ان حاتم ده مش ابوكي ولا ابويا هتعملي ايه

رياس بضحكه عاليه.... طيب لو مش حاتم ابويا اميره كمان مش امي اسكتي اسكتي المنحوس منحوس ياختي قال يعني هنطلع في الاخر بنات عيله كبيره و غنيه وكدا دي هيكون ولا في الاحلام