زوجه الشيخ محمد

💘لمحه من عيونك ذوبت كلبي💘

دخيلك من شفتك عيونك احس انعمت عيوني❣
وحلفت يمين ما اباوع بعيون غيرك لو يموتوني❣

             ●○●○●○●○●○●○●○●○●○●○●○●○●○●○●○●○●○●○●

ليال ام نور:نوره نور نونو ماماتي يله كومي شوفي اذا متكومين رح انجبر استخدم طرائقي الخاصه
نور:مامي والله بس عشر دقايق بس حبابه بللليييززز
ليال:انتي جبرتيني
نور:ااششش مامي اشسويتي والدنيه منانه بارده الفجر اكو واحد يرش مي على بنته
ليال:شوفي هاج هذوله هدومج طبي سبحي وشويه وتجي لينا وتروحن للدوام واني رح اطلع هسه للمحكمة اليوم عندي قضيه ولازم اروح من وكت اوكي ها ومصرفج تلكي بنفس المكان يله رح اروح وخمس دقايق واخابرج يله
نور:تمام كمت خلص 😪😔🙄
ليال:ها واليوم رح يوزعون الشهايد مال الكورس الاول كالتلي لينا لان ذاك الخميس جنتي مجازه
نور:اي ادري
ليال:لعد اذا درجاتج زينه تحضري للمفاجئه
نور:ييييي صدك
ليال: يله وين بوستي مال الصبح بوسيني حته اطلع بسرعه
نور:امواااح بيباي يا احلى ام بلعالم

لينا:الله واكبر عليج يا نور صارلي ساعه ادك الباب ومتفتحين اني اعلمج
احمد:هلو لينا فوتي تفضلي
لينا:ه ها   ش شنو!!
احمد:اكلج فوتي جوه تفضلي
لينا:ها شكرا
احمد:روحي صعدي لنور انتي مو غريبه والبيت بيتج واني اليوم طالع لاربيل اتفضلي اخذي راحتج وانطي هاي العلبه لنور خوش
لينا:ها اوكي توصل بلسلامه
احمد:باي
لينا :بااي

لينا،
طبيت للبيت وبيدي العلبه اريد افتحه بس مى اكدر مستحيل افتحه يله هسه اوديه لنور وتفتحه هيه واني اشوف شنو بيه
لينا:ننوووورررررر
نور:عععززززه ولج خرعتيني
لينا:هههههه تستاهلين يا حقيره صارلي ساعه ادك بلباب ومتفتحين
نور:صدك من فتحلج الباب
لينا:ااااه حبيبي
نور:ها يعني العلاقه متطوره، وغمزت
لينا:اوي عفيه تره استحي
نور:بس بيني وبينج هوه يريد محجبه
لينا:لا والله لا حبيتي اني ما اتحجب وبعدين انتي سافره وخاله ليال سافره فلكلاوات بطلوها
نور:هههههه عزه بعينج اتشاقه وياج
لينا:ههههه،اكلج حياتي
نور:كولي عمري
لينا:هاي العلبه دزها احمد الج
نور:اوكي خليه اتاخرنه اصلا يله امشي للمدرسه
لينا:اوكي يله
 
لينا،
جنه دنمشي لان المدرسه قريبه كلش واليوم رح يوزعونه الشهايد مال نهايه الكورس الاول وينطونا تعليمات لان بعد منداوم لان اجت عطلت نصف السنه المهم جنت حاسه نور بيه شي مو من عوايدها تضل ساكته
لينا:نور شبيج اليوم شو ساكته
نور:هيج مبيه شي دا افكر بلدرجات
لينا:ترة انتي شاطره وكضيتيه كله اولى اولى لتخافين وانشاءالله اولى
نور:ههه اي يله انشاءالله بس عندي غلطه بالانكليزي عليه درجتين
لينا:والله بطرانه عساس يعني الانكليزي مالتنه سهل حته تنقهرين دمشي دمشي وصلنه

نور،
طبيت اني ولينا للمدرسه كلعاده اني وياها كاعدين بنفس الرحله ذبينه الجنط وطلعنا نتمشه بلساحه على مايدك الجرس وره شويه اجتي اكثر طالبه اكره بالمدرسه واللي هيه اريام  استغربت من شفته جايه يمي
اريام:هلو حبي اشلونج لنوشه
لينا:زينه على الله خير اشوفج اليوم يمنه
اريام:والله هيج اجه ابالي اسلم عليكم اكول نور
نور:ها
اريام:اشلونه امج اليوم تره هيه لازمه قضيه عمتي
نور:واني شعليه
اريام:لا هيج بس حبيت اكلج
نور:لينا الاوكسجين اهنانه خلص امشي اريد اروح اتنفس بمكان مابي فيروسات متطفله
اريام:يا عشتو
لينا:امشي حبي نونو امشي والله حقج اوكسيد الكاربون بده ينتشر وانتي متتحملين عندج ربو امشي
نور،
مشينه من يم اريام الزعطوطه اووع ادري تغار مني ومن درجاتي بس اني دائما اكسر عينه
دك الجرس ودخلنا للصفوف وبدو يذيعون الاسماء ويوزعون النتائج
المديره:نور عمار نجم وينج ماما نور تعالي
نور:نعم ست اجيت
المديره:الف مبروك معدلج 98،41   
نور:شكرا ست الله يبارك بيج
المديره:لينا كامل جعفر وينج ماما
لينا:نعم ست
المديره:عفيه 90،66
لينا:شكرا ست
نور،
طلعنه من المدرسه واني ولينا فرحانين عبالك جهال بلروضه😅😂🤣 جنه نخطط ونفكر شنو نسوي بعطله نصف السنه وشلون نكضي وكتنه كتله للينا تجي يمي لان اهله بدوام واهلي هم بالدوام بس مقبلت كالتلي خل اروح ابدل وانام والعصر اجيج واحنه فرق بيناتنه بس بيت واحد فوصلنه وكل وحده طبت للبيت
نور:ااااه واخير خل اشوف تلفوني حاطته على الشحن من الصبح لسه اااه مفول شحن وصاير حار خل اشيله كعدت واني بهدوم الدوام والبيت هدوء كلهم بلدوام واني دا اكلب بلفيس و اطلب اللي شغلات وسويت خدمه توصيل مال ملابس لان جانن كلش حلوات
مليت وبعدين طبيت للحمام سبحت وبدلت ورحت للجربايه اتمددت وشفت العلبه اللي انطانياها اخويه احمد اليوم الصبح ضليت اباوع عليه وبعدين كمت كمشته فتحته ولكيت    بيه مداليه بيه حرف A بالانكليزي وياها رساله من احمد والرساله تكول
احمد،
نور هاي المداليه اريدج تعطيه لااريام لان هاي البنيه خوش بنيه ودخلت كلبي وكالتلي هيه صديقتج من زمان وتحبج وانتي همات تحبيه اتمنه تعطيها اليوم
نور:شنو هذا لا ياربي لك اني اعلمج يا اريام هيج اتسوين وتلعبين بعقل اخويه لا ياكلبه يا حقيره بس بسيطه يلجذابه

في مكان آخر
                  ●○●○○●○●○●○●○●○●
الشيخ نجم:يابه علي وينك .
الشيخ علي:يابه اامرني
الشيخ نجم:اريد اشوف ابني عمار واريد اشوف حفيدتي اللي ما شفته من انولدت لليوم
الشيخ علي:يابه انت تدري بعمار مايقبل يجيب جهاله اهنا احنه ما صدكنه جاب احمد ومهدي اللي جنه منعرفهم وهسه اتريده ايجيب مرته وبنته يابه تذكر اشسويت بي تذكر من صدكت سميه ووكفت بصفه ضده لو متذكر يابه عمار انته كلش اذيته واتهمته باطل علمود وحده ماعدها ذره شرف
الشيخ نجم:اي يابوي واني متندم حيل حكمت على ابني ضده بدون ما اعرف الحقيقه واتمنى اشوفه هسه لان حيل تعبان ومن يوم اللي طلع بي من البيت واني يوميه اموت الف موته قنعه لخاطري حتى لو تروحله للبيت
الشيخ علي:واني هم يابوي اتمنه يرجع وصار رح احاول اخلي يجي واجرب واجي بكل الطرق ومايكون خاطرك اله طيب
الشيخ نجم:اخذ وياك شيخنا محمد
محمد:خير شيوخنا وين تاخذوني السلام عليكم
الكل:عليكم السلام
الشيخ نجم:ويه ابوك هو يفهمك بعد مابيه احجي
محمد،
اباوع لجدي وعيونه مدمعه ضليت افكر شبي اخذت ابويه واسترخصت جدي وطلعنا للحديقة وابويه فهمني على السالفه واني ضليت محتار بس وافقت اروح لان عمي مظلوم من وره وحده ماتعرف الله ورسوله انقهرت وكتله لبويه لعد خل نتوكل

لينا،
الووو حبي نور اني ما اكدر اجيج اليوم لان رح نطلع لكربلاء ونبات هناكه
نور:ماشي حياتي مو مشكله
لينا؛بيج شي شو صوتج مخنوك
نور:لا هيج عمري بس هستوني كاعده من النوم روحي هسه انتي حضري هدومج وزياره مقبوله مقدما يعمري
لينا:تمام بس ارجع مناكه اتفاهم وياج لان متأكده بيج شي يله بيباي
نور:بااي

نور،
سديت التلفون وكعدت ابجي ماجنت متخيله انو رح يصير هيج واذا عرفت لينا بلسالفه رح تنهار لازم احاجي احمد
نور:الو احمد
احمد:هله نونو شبيج ليش باجيه شنو شصاير
نور:احمد منين تعرف اريام
احمد:غير هيه صديقتج شبيج انتي
نور:لا مو صديقتي وهاي الانسانه سيئه وموخوش بنيه مصادقه الف واحد وتلعب على الزلم
احمد:نور خل ارجع للبيت واتفاهم وياج وكافي تبجين
نور:قبل متروح احب اكلك شي احب اكولك انو لينا اتحبك وتموت عليك زين بااي

احمد،
الوو الووووو سدته بوجهي
مصدكت بنور لمن كالت لينا اتحبني ومن حجت على اريام قررت اروح للمدرسه لان همه يداومون وجبتين رحت للمدرسه وطبيت للمديره ومقبلت تنطيني معلومات عن اريام قررت اخابر جماعات يصيرون كرايب المديره ويعرفوني يله قبلت تنطيني معلومات اريام اتفاجئت
بان كلام نور صح بس حبيت اندم اريام فركبت براسي خطه

الشيخ علي:بويه تندل البيت لو لا
محمد:اي يابه مره جان عندي شغل اهنانه واجيت سلمت عليهم
الشيخ علي:ها خوش لعد
محمد:ها اها وصلنه يله اتفضل شيخنه

محمد،
نزلنه اني وابوي دكينه الباب
نور،
خير هاي منو جاي اخ خل اغسل وجهي وانزل افتح
نور:اي جايه ثواني

محمد،
انفتحت الباب وانصدمت من الشي اللي شفته شفت ملاك يخبل ،استغفر الله هاي اشبيه
نور:طبعا اللي يعرف اني مو محجبه لذلك جنت واكفه كدامهم والباب كله مفتوحه
نور،
اتفضلوا منو رايدين
الشيخ علي:اكيد انتي نور
محمد:طبي جوه واتستري
نور:شنو........

لهنا انتى البارت انشاء الله يعجبكم احبكم بيباي💛❤💛❤💛❤