خفايا شاب

البارت الثاني

.......

كعدت واني مفزوع تمنيت منايم نزلت جواا ....
چان بيتنه ينسمع بيه صوت الابره لو وكعت من كد ما چان هادئ ...
ام ياسر طلعت لبيتهه..
ابوي بالعياده...
امي بالعياده .....
امـا اخوواني اه يا اخواني......
ماكو ما موجودين ليش ؟
ماتجرائت اسئل اهلي بيوم صفيت لوحدي وبس ...
اذكر لهسـه ذيج الليله ....

.
.
.
يوم الاثنين 9مسائا
....
قيصر:بابا مااريد اسافر مااريد
وچان بابا يرده
لا تسافر كملت كل امورك بقت بس الفيزاا
سمع قيصر ان واصلـه الشغلـه لفيزا وايقن ان صدك راح يسافر ويترك اخوانه عصب حيل وعله صوته بوجـه دكتور منير (الاب)

قيصر بعصبيه: بابا مستحيل اسافر كتلك مااسافر (بصياح)
سكتنا كلنا اثر صوت الكف الي اخذه قيصر من بابا .....

.
.
سافر قيصر وبقيت لوحدي بعد زواج اختي (مريـم ).....
واصلأ ماكنت حاس بغياب اخواني التؤام (زيد وزيـاد)الي سافرو لاوربا برضاهم يكملون صيدلــه.....

ابطال القصه ...
قيصر:32 سنـه
قصور: 18 سنـه
مريم :25 سنـه
زيد -زياد: 22 سنـه
اولاد الدكتور منير والدكتوره نجاه

غمضت عيني افـكر بالوحده الي انا بيهه وبهالاثناء سمعت صوت بقبقه من بطني ؟ جوع ؟....
فتحت عيوني افكر: اكو اكل؟ ...لو كالعاده ماما مطابخه .........اثناء تفكيري اندگ الباب ....
كمت افتحه كان باب الخارجي مفتوح دائما ....
كانت طفله ع الباب ...طفله ..هـه
ها عمو
خزرتني وفتحت عيونها العسليه وخدودها صارن حمر وكبرن عيونها وصاحت
عمه العماك
هااك ..هاذا امي دزته
انطتي جدر وركضت؟ !
اضحكت شبيهه هااي؟
فتحت الجدر گأنو دولمه طبيت للمطبخ وجبت خاشوكه اممم دولمه
صرت اكل بالجدر وانا مستمتع بللطعم متناسي البنيه ....
منو؟ طفله لو شنو؟ ماگأنهه طفله؟
اكلت وكملت ورحت لحاسوبي وكعت عليه
ساعه؟
ساعتين؟
3ساعات؟
7ساعات كعدت ع الحاسوب طفيته وكمت من ع الكرسي واني متكسر
......
كعدت صبح ...صاير نزلت اليوم اجيب الملازم ساعه وين الساعه؟
اه لكيتهه
الساعه 9 الصبح يـلا الحك
نزلت بعد مابدلت ملابسي بابا كان موجود اممممم العياده العصر ماما كذلك موجوده
.......
كاعدين ع الميز ينتضرون ام ياسر تكمل الريوك
صباح الخير كلت بهدوء
منير: صباح النور ...ببرود تعودته
ماما ماحجت اصلا
ام ياسر چابت الريوك اكلت بهدوء وكمت...
اه تذكرت
بابا ناقصني مصاريف الكتب ومستلزماتي
اشرلي روح اخذ...
رحت لغرفته سحبت فلوس وطلعت چانت بالحديقه ام ياسر
ابتسمتلها قبل الاطلع سئلتني
عجبتك الدولمه؟
منج ...جاوبت مستغرب
ضحكت ام ياسر: شلون تاكل شي متعرف منين
دنكت راسي خجلان
اي مني الف عافيه
الله يعافيج كلش طيبه چانت
تذكرت الطفله!
الي جابت الاكل طفلتج؟
طفله ضحكت ياا طفله امي مو طفله مو طفله
استغريت مو طفله؟
ههاي بنتي ماسه وتراا ها تضوج واحد يكلها طفله عمرها 13 سنـه
13 سنه معقوله يالله ليكول 9 سنين؟ !

دمتم بحفض الله
معكم كانت فاطــمه التميمي