أنت تقرأ

لم يكن ذنبي

Romance

..منبوذة.. دعني أعيش معكِ أنواع العذاب لكن لا تنبذني اقتلني بأنواع الكلمات لكن لا تقولو عني منبوذة أحتويني فأنا بحاجة الى من يحتويني كن لي حظاً دافئاً وصدر حنون رجعلي تلك الط...

#حب #حزن #معانات

البارت 19

5.4K 413 48 
                                    

                                              

السلام عليكم 
# لم يكن ذنبي 
البارت التاسع عشر 
# بقلمي نايا العراق 
*************

                          
كمت مشيت شويه ودارجع حسيت معدتي كلبت ضافر واكف ينتظرني باب الغرفه مشيت شويه متحملت ركضت للحمامات وضافر يركض وراي...

                          
دخلت استفرغت غسلت وطلعت لاكاني ضافر وجهه مخطوف گال بخوف...

                          
- شبيج 

                          
رديت بتعب واني امشي داروح للغرفه... مابيه بس نفسي تلعب 

                          
دخلت للغرفة تمددت على سرير وضافر طلع صاح الدكتورة اجت قاست ضغطي وگالت...

                          
- عادي تصير واذا عندج مكان تكدرين تروحين بي روحي ارتاحي كم يوم وراح اكتبلج اجازه ١٤ يوم وترجعين بس وديها للمدير 

                          
هزيت راسي بأي واخذت الورقه منها طلعت الدكتورة ارتاحيت شويه واخذت الورقه ورحت للمدير دخلت عليه ونطيته الورقه قراها باوعلي وگال...

                          
- تعرفين عدنا نقص بالكادر واربع اطباء ماتو بسبب اللي صار وهاي كل اسبوع يرحون عدنا خمس اطباء بالقليل فماكدر انطيج اجازه هلكد 

                          
تنهدت بضيق... وهسه دكتور 

                          
رد... اربع ايام كافي 

                          
اخذت نفس بتعب ورديت... ماشي دكتور 

                          
اخذت الجازة وكلت بقلبي قلل الله من امثالك اربع ايام شيسولي حتى الخياط ميلحم هذا حكم القوي واني مااكدر اناقشهم اصلاً 

                          
طلعت لكيت ضافر واكف تقدم علي وگال...

                          
- هاا وافق على الاجازة 

                          
هزيت راسي بأي ورديت... اي بس اجيب جنطتي 

                          
رد... ماشي 

                          
دخلت للسكن اخذت جنطتي وطلعت صعدت بسيارة حرك اليسارة وانطاني موبايلي وحجه بدون 
ميباوعلي...

                          
- ترا كلت لريم تصوبتي لان گالت نخابرها ومتجاوب 

                          
اخذت الموبايل بضجر ورديت بنتر... گوللها ولا تجاوب وسد الموضوع مابيه حيل نقاش 

                          
باوعلي مستغرب ورد بهدوء... ماشي ابراحتج 

                          
وصلنا للبيت استقبلني عمي وتحمدلي بسلامه دخلت كعدت بصاله شويه اجو كرايبنا سلمو علي ومرت ابوي ولدها وبناتها اجو شافوني وكعدو شويه راحوا...

                          
بس راحو تمددت وغفيت من تعب واني ماادري بروحي صحتي بالنازل من الهبطات وتعب وگلبي خلص من المناظر اللي اشوفها...

                          
مرت الاربعه ايام بسرعه واني بيت عمي ضافر وياي ماتركني واليوم لازم ارجع للمستشفى حضرت غراضي وسلمت على بيت عمي وطلعنا...

                          
وصلني ضافر للمستشفى وراح ومشت الايام بين الجرحئ والقصف مر اسبوع ورحت فتحت الخياط ايدي زينه...
لم يكن ذنبي حيث تعيش القصص. اكتشف الآن