من بعد الانفجار العظيم وحادثة السديم الكونية وتكون المجرات اللي بتتكون كل مجرة منهم من مجموعة كواكب ونجوم وأقمار وما إلى ذلك لحين وصول الكائنات الحية اللي نشأت و عاشت علي اسطح الكواكب دي وتحديدا في مجرة ' تراكلس' اللي بتضم ٢٢ كوكب مأهول بالكائنات الحية لكل كوكب ٤ أقمار تدور حول مدار الكوكب , ونجم مشتعل هائل يقع في منتصف مجموعة الكواكب اللي بتدور حول مداره ويدعي الشمس اللي هي مصدر الطاقة الاول وان لم يكن الاهم والوحيد لمجرتنا تراكلس ،،،،
.
بتدور أحداث رحلتي في العام ٢١٣٠م وبالتحديد علي سطح احد كواكب مجرة ' تراكلس' ، المدعو 'ڤيدا'
ده كوكبي العزيز اللي نشأت فيه انا ووالدي وجدي وجد جدي وجد جد جد جد جد جدي ..الخ
.
اه صحيح نسيت أعرفكم بنفسي .. انا 'هيروشي' واحد من امهر قادة جيوش كوكبي وحاصل علي أعلي رتبة عسكرية ونياشين وأوسمة الشجاعة و....
"هيرووووووووشي .. أنت مش هتبطل تكلم نفسك فالمرآية وتسيبك من التهيئات اللي بتجيلك دي وتنزل تشوفلك شغلانة مصاريفنا كل يوم بتزيد واولادك احتياجتهم كترت وانا مابقتش قادرة استحمل ... " صوت الزوجة 'إيڤا' قادم من خارج الغرفة ويبدو عليها الاستياء الشديد"
هيروشي : ااااا ... حاضر ياحبيبتي حاضر " .. يقولها وهو متوتر مستعجلا ويشعر بقليل من الذعر "
_صوت مقبض باب الغرفة يفتح _
واذ بالزوجة تدخل الغرفة متربعة الذراعين وعلي وجهها يبدو الغضب والاستياء الشديدين _
_ الزوج يحاول القفز في بنطاله مسرعا واذ به يفقد توازنه وسقط ارضا "ااااه رجلييييي" _
ايڤا : ماتمثلش يا "هيرو" ويلا عشان تلحق تفطر قبل ما الاولاد يخلصو الأكل مش هعمل فطار مرة تانية وشغل البيت والقرف و..... " تقولها مستاءة ويبدو عليها الارهاق وتكاد تدمع عيناها "
_ "في لمح البصر استقام الزوج قافزا يهرول ليحتضن زوجته قبل أن تذرف دمعة واحدة ثم يقبل جبينها وينظر إلى بؤرة عينيها ويقول "...
هيروشي : حبيبتي انا هنا جنبك وانتي فحضني شبعان من كل الدنيا ... انا مش عايزك تضايقي نفسك وعارف اننا تاعبينك وانك مستحملة كتير اووي بس احنا مالناش غيرك .
ايڤا : انا اسفة حقيقي على اللي قلته بس انت عارف اني مضغوطة كل يوم بالاولاد وشغل البيت وشغلي وبحس ان كل ده علي راسي لوحدي وانت بت ...
.
_ الزوج يقترب ليفاجأ زوجته بقبلة تخطف انفاسها ثم ينظر اليها مبتسما _
ايڤا : طيب .... هو انا كنت بقول ايه ..!
هيروشي : "وهو يضحك بصوت عال مغادرا الغرفة "
كنتي بتحكي قد ايه بتحبيني يا ايڤ .
ايڤا : "بصوت حنون وخافت بعد رحيل هيروشي "
طبعا بحبك ..
.
_ ينزل 'هيروشي' الدرج وصولا إلى الطابق السفلي من المنزل ليري ولده 'يوسي ' البالغ من العمر 9 أعوام صبي جميل بشرته خمرية اللون شعره اشعث عينان حالمتان بنيتان يشبه الي حد كبير 'ايڤا' و ابنته "يوري" البالغة من العمر 14 عاما هي فتاة ذكية جدا لها نفس لون العينين البنيتين ولون البشرة ذاته شعرها ناعم قصير يصل الي كتفيها _
" يجلسون علي طاولة الطعام منتظرين والديهم بلهفة ليبدأو وجبة الافطار "
هيروشي : صباح الخير 'يوري' ...صباح الخير 'يوسي'
يوسي : صباح النور يابابا
يوري : صباح الخير يا بابا .... " يبدو عليها الاستياء كوالدتها قالتها بصوت خافت وحزين "
هيروشي : 'يوري' .. ! ،في ايه يا صغنن , حبيبة بابا باين عليها متضايقة ...
يوري : بابا .. لو سمحت انا كبرت ماتقوليش صغنن دي انت كده بتحرجني وخصوصا لما بتقولها قدام صحباتي
هيروشي : ههههه . طبعا يا حبيبتي كبرتي بس مهما كبرتي هتفضلي فنظر بابا بنتي الصغيرة وهفضل اقولك يا صغنن طوووول العمر ...
يوري : اهمم.... طيب يا بابا ممكن الموضوع ده يفضل مابيننا انا وأنت ومش قدام اي حد ..
هيروشي : هههه حاضر يا حبيبتي هيفضل ده سرنا الصغنن ههههههه
يوسي : بابا .. انا ممكن تقوللي صغنن عادي لو تحب مش هتكسف لو قولتهالي قدام صحابي او ' باتريك' هههههه
يوري : خليك فحالك وماتدخلش فخصوصياتي ده انت عيل لمض " قالتها بغضب ونبرة تهديد ليوسي "
_ " بييب بيييب بييييب .. صوت بوق صادر من خارج المنزل " _
يوري : باص المدرسه وصل يلا انا ماشية مع السلامة " تقولها وهي مغادرة طاولة الطعام في استعجال لترتدي حقيبتها المدرسية متجهة الي باب المنزل خروجا "
هيروشي : " بصوت خافت لم يسمعه أحد " مع السلامة يا صغنن .. " ثم ينحني مقتربا من ' يوسي' وبصوت منخفض ليسأله .. مين ' باتريك' ؟!
يوسي : هههههه ' باتريك ' أشهر ولد فمقاطعة ' سيچل' وأفضل لاعبي فريق "ڤيدا" الوطني لكرة "الكرونولوس " واضح ان ' يوري' معجبة بيه جدا .. ده حال أغلب البنات فمدرستها ..
_ ' كرة الكرونولوس ' هي أكبر الالعاب الرياضية والاكثر شهرة علي كوكب ' ڤيدا ' تتكون اللعبة من فريقين يتكون كل فريق من 5 لاعبين اقوياء البنية يرتدون ملابس واقية من الاصابات ، "خوذة لحماية الرأس , مشدات لحماية الذراعين والساقين ،،،، تتلخص قوانين اللعبة بأنه علي الفريقين حماية مرماهم والتصدي للفريق الخصم لمنعهم من احراز هدف في شباكهم باستخدام كرة معدنية يصل وزنها الي ٢٠ كيلو غرام " ...
