نهوة اسد

البارت الخـامس

تعالو نبدي بدون لغوة زايدة 😂

نهوة اسد
ʚبقلم الكاتبة شمسɞ

•
•
•

رسل : الوو اسد

اسد : الوو ها رسل باعي حجزتلج تذكرة لتركية باجر الصبح واخذتلج اجازة اربع ايام تبدي من باجر طبعا

رسل : شكرا صدك شكرا

اسد : عفوا وباعي هناك انتي اتسوكي ملابس ومكياج وعطور واني وجيبيهن وياج ومن تجين احجزي الغرفة

رسل : هاا لا انت احجزها اعرف ذوقك حلو بس اريد مال نفرين لانو خاف اخليها وياي بالغرفة وتكون لون ذهبي

اسد : تمام تمام يله مع السلامه

رسل : الله وياك ... وسديتة ونزلت جوة لكيت نمر جاي صالي تقريبا سبوع مشايفتة حتى من طلعت من المستشفى رحت حضنتة بس شكلة تعبات

رسل : نمر بيك شي مبين تعبان

نمر : من راحت رسل للمهمة واني اروح للكلية باستمرار ( كلية طب عام ) وية التدريب جان يموت صديقي صدك جان عزيز علية كلش وما استغني عنة تعرفون بعد موت الصديق شيسوي بالواحد وضليت اني شايل الفاتحة مالتة ويا اهلة خطية حالتهم حالة بس هوة الوحيد الهم ضليت اسبوع وياهم بالفاتحة الى ان كمل اسبوع الفاتحة ورجعت للبيت شفت رسل اجتي حضنتني كالت نمر بيك شي مبين تعبان كلت

نمر بحسرة : هلة خيتي ما بية شي صديقي الي وياي مات الله يرحمة جان اعز من اخ والله

رسل : الله يساعدك ويعينك يله اصعد فوك شوية واجيبلك اكل مبين مماكل

نمر : اي والله مماكل

رسل : اصعد يله ... عفتة ورحت سويتلة صينية حطيتلة غدة وصعدت لكيتة كاعد يم الكنتور ومطلع صورة جبيرة بيدة ويهلوس ليش عفتني ورحت شسيويتلك اني مو تدري ما اكدر بدونك والله نكسر ضهري بغيابك يخوي ويبجي كلبي ورم علية رحت يمة كتلة

رسل : نمر ليش هيج تسوي بنفسك هسة هوة بالجنة ويشوف حالتك هاي ينقهر كوم الله يهديك اسبح مي بارد واتغدة ونام ما بيك غير العافية

نمر : صعدت فوك طبيت للغرفة تذكرت من جنت اجيبة يمي ونسهر نلعب ببجي لو نلعب بلي ( لان اني ما احب سولف المشيخة وهاي السوالف ممنطيها اهمية حياتي كلها لعب ) طلعت صورة النة من تخرجنة من السادس ودخلنة للكلية ضليت ابجي واهلوس ليش عفتني ورحت شسيويتلك اني مو تدري ما اكدر بدونك والله نكسر ضهري بغيابك اجتي رسل وكالت « نمر ليش هيج تسوي بنفسك هسة هوة بالجنة ويشوف حالتك هاي ينقهر كوم الله يهديك اسبح مي بارد واتغدة ونام ما بيك غير العافية » كلامها وعاني وفعلن كمت شلت الصورة وكتلها