البارت التاسع والثلاثون
إنخاف ما نحجي الحقيقه
أيعيرونه أيجوز
بأنواع العقاب
أنخاف لو مطنه اللثام
أنروح بيها
لو كشفناه النقاب
سافرينه وأحنه مجبورين
لا بد أن نسافر
أنجبرنه أعلى الغياب
سافرينه أويانه أخذنه
ذكرا مليانه حزن
ومجسمه بصورة عذاب
حمزه:جنت بالدوام دخلت لكيت فروحه بالاستقبال سلمت عليها محسيت الا رفل طلعت من غرفتها واجت تركض عليه حضنتني اني نصدمت هاي شجاي تسوي اني محذرها تقترب مني شلون عدها جرأه تجي يمي وكبال مرتي
تباوعت لفروحه بسرعه وكعن دموعها
فرت من الحركه كتلها
فروحه والله يروحي ماعندي شي وياها
بعد ممكمل كلامي عافتنا وصعدت تبجي اني متت الا اطيح حظج يارفل
رجعت بكل عين وقحه تريد تحضني لزمتها من ايدها وشمرتها بالگاع
حمزه: ياكلبه اياج تتقربين من يمي مره ثانيه ولاتحاولين وياي اني مااخذ زباله
وباجر اجيب السيد واطلگج و ولي لأهلج لفيناج هنا ومخلينه احد يحجي بسمعتج هيج اجازين المعروف بس بسيطه يصير خير ،،عفتها وصعدت
رفل: هاي بس البدايه اصبر شوف الا اخليك تطردها بنفسك واحرك گلبك واسود وجهك
افراح: صعدت للغرفه ابجي بحركه كلش نقهرت من تصرف رفل ادري بيها تريد تغثني بس المفروض من حمزه يطلكها شكو مبقيها وبعد عاجبه الوضع ولا وخرها من حضنه شويه ونفتح الباب ودخل اجه كعد يمي
حمزه: ياروحي ليش تبجين انتي ماعندج ثقه بيه ماتدرين بيه ماابدلج بالنسوان كلها ماتحلى مره بعيني غيرج
افراح بصياح :جاااا لييششش ماتطلكها شكو مستعز بيها عاجبك الوضع هااا
حمزه: صوتج لاتعلينه عليه ادبسز طفل كدامج اني شوكت مجذب عليج اني
انتي الوحيده الي اريدها بحياتي انتي ام اطفالي تره اني ماخاف لامنج ولامنها اكدر اطلكها من زمان بس مره واجت لرجال تتوسل بي شنو موقفي من اردها
ولاتخافين من ارجع من الدوام باجر اجيب سيد واطلكها
افراح: مالي علاقه بيك بعد سوي الي تريده تريد تبقيها تريد اطلكها ماادخل اني هنت عليك مره من ازوجتها كدام عيني واني مااعرف مثل الثوله
اكيد تصير عادي عندك
حمزه بصياح: اسسككتي مااريد اسمع صوتج اكلها شنو اني جنت احجي وياج هندي ماتعرفين ضروفي عوفيني اني عبالج اجذب ابوج هم متصدكين بي
استغفر الله استغفر الله يارب الهمني الصبر
افراح: ضل حمزه يصيح عليه وطلع وركع الباب وراه اني ادري بكلامه صح بس شنو اسوي روحي محتركه من هاي شوكت تطلك واخلص مو تعبت مامتهنيه لا بيتي ولابرجلي وحتى اطفالي ملحكت افرح بيهم من وره المشاكل
اجاني حسن يبجي واني محتركه روحي
وهذولاك كعدو تلاثتهم يتباجون يردون رضاعه ذبيت حركتي بحسن ضربته على حلكه وكع بالكاع كمت اسوي
حليب لجهال تباوعت لحسن واشوف حلكه كله دم من ضربته على حلكه
طرف شفته ضارب بسنونه ومجروح
اصخام وجهي ياروح امك يابعد كلبي يايمه تعورت يله اسكت فدوه رحتلك
الا تجي يمي واني ضايجه ريت دموعك غسلتني لاتبجي بعد كلبي
اصخام وجهج افراح اذا اجه حمزه وشافاه شنو اكله انوب حسن مايسكت اكيد يكله
رحت سبحته وانطيته العاب وحلويات وكعد يلعب وسويت حليب لجهال وبدلتلهم
شويه ودخل حمزه ،،خزرني وراح يم حسن يريد يبوسه ويشيله
يبوو اجاك الموت ياتارك الصلاه
هسه يشوف حلكه
حمزه: هاا يروح ابوك شجاي تلعب تعال خل اخذك نجيب عشا من بره
افراح: راد يشيله وشاف حلكه
حمزه: شبي هذا حلكك وين متعور ولك
افراح: حسن ضل يأشر عليه ويكله ماما
حمزه: شبي حلكه وين نضرب
انتي ضاربته موووو
افراح بعصبيه :حرك كلبي بس يبجي وهذوله منا تلاثتهم يبجون متت من تطلع اخذه وياك مااكدر عليهم كلهم
حمزه: تعال بابا خل نروح هاي امك تخبلت ضربن الفيوزات عدها
اني الج فروحه خل اشوفج اضربينه بعد
افراح :تره هو هم ابني واحبه اكثر من ماانت تحبه اني الي جبته يعني اذا ضربته تجي تضربني بمكانه
محسيت الا اجه يتقرب عليه كلت خلص مابيها اي مجال اكيد راح يضربني
بس ميسويها وحسن يمنه
حمزه: ولج ليش صايره وكحه هاا
افراح بدموع:ابني وضربته شكو بيها
حمزه: يله اسكتي على شنو شبعتي بجي ميخالف يكبر وينساها بس خطيه شيفتهم هوه مخليه حركتج بي
يله حياتي ام حسون لااضوجين ولاتقهرين نفسج كلشي تريدي يصير
مادام اني يمج لاتخافين
افراح :ضليت ابجي وحضنته وكتله كله منك كل ساع وحده تريد تاخذك
حمزه: هههه منين تاخذني ولج رجال عمري 37 تاخذني مره هي وحده متخبله عليه وماكادرها
افراح: اسكت انت غلذان اشون ماتوخر رفل من حضنك
حمزه: والله تفاجأت من جرأتها وانتي بسرعه رحتي مخليتيني افهمج
افراح: اغار عليك
حمزه:هههه يابويه جاا غير اني بس الج
افراح :اي بس الي
،،،
بعدين نزلنه تعشينه ورفل تتعشه وتخوز بينه
أنت تقرأ
الضابط الطاغي والخرساء
Fanfictionقصه جريئه #الضـابط_الطاغي_والخرساء فتاة خرساء عانت معاناة اليمه بسبب الاستبداد وخسرت اخاها ظلما ويقوم بأنقاذها ضابط وتشاء الاقدار وتتغير حياتها لاتعرف ماذا يخبئ لها القدر
