ليلة واحدة ( روايات ليبية ) 🔞🔞🔥

🔥🔥 Part 1 🔥🔥

ملاحظة: اقل من 18 سنة م تقريش الرواية

#ليله_واحده🔥🔥
البارت 1 ..

صوت المنظومه الصاخبه والالعاب الناريه الرصاص كلاكس السيارات وقفت نلبس في البرنوص متع الفيلو بمساعدة خالتي اللي كانت بمثابة امي الله يرحمها حسيت روحي مخنوقه من زواج مانعرفش شن بدايته وشن نهايته فكرة انه هذاك الشخص الطويل الضخم بيلمسني او حتى يقرب مني ترعبني
زواجي من عسكري ساعه يكون جانبي وباقي اليوم مش موجود ترددت في وذني كلام عمتي ، لما قالت زواجك منه مش ح يكون زواج عادي ح تقعدي ديما محتره عليه وخايفه يصيرله شيء ح تقعدي ديما ع النار وديما التفكير قاتلك لو ماردش عليك ح تقعدي مشغوله ولا عطاك خارج التغطيه او مقفل ح تقولي مات هذا ولدي واني نعرف
فقت من كل هالكلام ع صوت خالتي تقولي هي العريس وصل . ارتجف جسمي بخوف لي مجرد نسمع اسمه نخاف منه بشكل مش طبيعي ،طلعت بشويه ع صوت الموسيقى الواطيه ......... غمضت عيوني بخوف لما نزل هوا من سياره بكل هيبه وشخصيه خداني من يد بابا فتحلي الباب وقالي بصوت رجولي دافي . مبروك علينا
اكتفيت بابتسامه مسبوقه بخوف مش عارفه وعلاش نخاف من قربه او من سماع صوته.... ركبت وركب هوا بدوره وامشينا كانت الطريق شبه فاضيه ماورانا حد ماستغربتش الانه بطبعه مايحبش الاجواء الصاخبه يحب الهدووء .. الطريق بدورها حتى هيا غريبه! وكأنها غابه؟ . كان الصمت سيد الموقف غريب امره حيرني معاه مرات نحسه قريب مني هلباا ومرات نحسه بعيد الف مره ... قطع الصمت الرهيب رنة هاتفه عقد حاجبه وبسرعه رد...وقال بصوت رجولي وهو يسوق
_كومندان خير في هالوقت .. اها تمام انشاء الله سلام في أمان الله
عقدت حواجبي ك حركه متعوده نديرها لما نكون غاضبه من شيء ! وفعلا كنت غاضبه من الكومندان اللي يتصل في هالوقت , شن يبي منه شن مش عارفه عريس وهو بكل وقاحه يرد.. تاريته كلام عمتي صح
وبعدما مشينا مسافة نص ساعه وصلنا واخيرا نزل بدوره وفتح الباب الكبير متع الحوش ورجع ركب السياره .. وخشينا للداخل. ركن سيارته تحت شجره كبيره نزل ونزلت اني بشويه وجسمي كله يرعش بخوف ف خدي هوا يدي يحاول يساعدني بعد ما حسيت بأمان وبلمسه حنونه ودافيه ..
مشي معاي بخطوات بطيئه وهو حريص اني مانطيحش او نتعثر في حجره وكأني بيبي صغير يتعلم المشي فتح الباب وخشينا للحوش ف قال بصوت هادي رجولي ، نورت حوشك
بادلته بابتسامه خفيفه وسكتت. ف سرعان ماحول جاكيته الاسود وحدفه ع الكنبه خفف من ربطة العنق وفتح ثلاته من ازرار السوريه . حتى تلامحت وكأنه جرح وقعد تركيزي فيه
قرب مني هلبا ف مكانتش تفصلنا غير شعره انفاسه الحاره حسيته تضرب بشده ع رقبتي حاوط خسري بيديه رفع الطرحه وقال بهدوء وملامح حاده', الله يبارك" ف نزلت راسي بخجل واحمرو خدودي وابتسمت
رفع راسي بيده وشاف في عيوني وهمس بصوت شبه مسموع في وذني لما تكوني واقفه قدامي ماتنزليش راسك . نزل ع رقبتي باسها بقوه حتى حسيت بألم ف تآوهت بخفه ورجع شافلي . ماكنتش عارفه وعلاش حسيت انها اشارة تهديد منه ف نبرة صوته كانت عكس نبرة صوته الاولى الحنونه
قال بصوت عالي", وين وصلتي،!
ابتسمت " لا ابدا بس ..
قاطعني ببوسه طويله ع شواربي وكأنه يقولي اسكتي مااتتكلميش ندمجت معاه لما حسيت بشعور لهفه وحب وع الاغلب كان شعور متبادل بينا فصل البوسه وشافلي بنضره غريبه رفع صبعه السبابه ومسح نقطة الدم اللي كانت ع شاربي حتى حسيت بألم بسيط وسكتت تنهد بغرابه رجعلي ببوسه تاني شديت في صدره بقوه بينما هوا كان محاوط خصري بيديه حسيت بشعور حلو شعور اني حلاله واني مرته ع سنة الله ورسوله والاحلى اني مانديرش في حاجه تغضب ربي ف كل شيء بينا كان حلال ، نزل ع ررقبتي ف بدوري حطيت يديا ع شعره الاسود الكثيف نلعب بيه .. رجع شبحلي بحب واضح من عيونه حسيت انه ينتقم مني ع السنين اللي فرقتنا ومجمعتناش وكنا بعاد ع بعض اللاف الكيلو مترات ..
تكلمت بصوت واطي "قي.. حط صبعه ع فمي
_,اششششششش
=وباس خدي اليمين ورجعلي بنفس البوسه لي خدي اليسار حاوطت رقبته بحب بس هالمره مش هوا اللي بدي اني بديت وبسته من رقبته ف شفلي بحب وعض شواربي وهو يبوس فيا في نفس الوقت وكان يمشي بيا تجاه الدار .. وسكر الباب برجله .. وهو متعمق وبرضو اني تعمقت معاه .. همس في وذني بصوت رجولي خلاني نذوب كليا ومانحس بشيء لما قال.. اهلا بيك في مملكتي .. ورجع لما كان عليه ...

_وعهد عليا ماني مخليتكم في حالكم
= تقدري !
_ح تشوفي وح نعاقب كل حد حاول يبعدني عنه وح نبدا بمرته
= باستهزاء.حظ موفق مع انه راجلها مش ح يخليك تلمسي شعره من خاجبها
_معاش تقولي راجلها هوا ملكي اني فقط
=مريضه بيه وهو مش شايلك من ارضك!
_ الايام الجايه

_____________________________

5 فجرا ....

واني في مملكته بين احضانه كنت في سبات عميق داخل صدره ف كان بدوره لاف يديه بقوه عليا وكأنه مايبيش حد ياخدني من بين يديه ف كان اناني متملك متحوش، بينما في سبات نومه واني في سبات نومي رن الهاتف ف ناض كل منا بازعاج من الهاتف اللي يرن وازعج نومنا
نحاول نفتح عيوني بصعوبه . شاف للهاتف بملل ورد بصوت رجولي زي عادته بنبره حاده . رجعت غفيت طول من بعد ما كان يمرر في يده ع شعري ويتكلم غفيت بدون مانسمع شيء خسيت عليه تحرك ف نضت بفزع وعيوني شبه مغمضات وقلت بصوت بريئ .. من كلمك!؟ وين ماشي؟
شافلي باسني ع راسي وقال بصوت هادي .. مافيش شيء واحد من صحابي يتبرد ارجعي ارقدي
مسحت ع لحيته وبسته بوسه خفيف.... تصبح ع خير
رجعت حطيت راسي ع صدره ورقدت بعمق بينما كنت نحس فيه يمرر في يده ع شعري بحنيه

حكيت عيوني لما حسيت بشمس تسللت من البلكونه وخشت لي عيوني ففتحتهم بازعاج ولتفتت مالقيتاش جنبي ! نضت من ع السرير نادي بخوف باسمه دورت في كل شبر من الحوش لكنه مهناش .. قعمزت ع السرير ودموع متحجرات في عيوني حسيت بخوف حسيت اني كنت في حلم وانه اللي صار معاي مبارح مصارش من الاساس لتفت حت نشوف مكانه الفاضي ف نتبهت لي ورقه كيف مانتبهتش بكل!
خديت الورقه ويديا يرجفو وعيوني دموع فتحتها وبديت نقرا ...

" عارف انك توا مقعمزه تبكي وتقري في رسالتي وعارف انه خليتلك جرح كبير وخاطرك مكسور بس كنت مضطر اني نمشي للعسكريه الانه طلبوني مهمها قلت مش ح نخفف عليك بس اعرفي اني نحبك صح كانت #ليله_واحده . بس وربي الكون نحبك
اسف اسف اسف الف مره ع كل دمعه نزلت بسببي متخافيش انشاء الله في اقرب وقت ح نرجعلك بس ماتسيبيش حوشك مملكتك ديري بالك ع روووحك هلبا وكوني مطمنه اني بخير وح نتصل بيك اول مانوصل ونطمنك اني بخير
ملكتي نحبك"

شن معنى كلامه!؟,كيف جي من قلبه يمشي ويخليني !
اطلقت العنان لي دموعي اللي كانت زي الشلال تصب خديت وسادته اللي كان راقد عليها وحضنتها بكل قوه نشم في ريحته عليها شهقاتي العاليه كانت كفيله انه دمر كل شيء داخلي

"الكاتبة.. نوكوميس🌜 "فتاة القمر"

يتبع ،
ديرن فولو لي صفحتي باش توصلكم باقي الروايه❤