مراهقتي😍

part6😻

عدي كام يوم علي كلام منه وعبدالرحمن المستمر..عبدالرحمن بيكلم منه ناو فون
عبدالرحمن بستفسار:انتي فين...اي الدوشه اللي حوليكي دي
منه بهدوء:انا عندي درس كيميا و ماشيه في الشارع
عبدالرحمن:امم وهتخلصي الساعه كام
منه : والله علي حسب المستر هيدخل القاعه الساعه كام
عبدالرحمن:امم طيب انتي متقله هدوم
منه بهدوء:لا عادي...انا عندي اموت من البرد ولا البس كذا حاجه فوق بعضها وابقي شبه المفتش كرومبو
عبدالرحمن بضحك:ههههه..بس كدا هتتعبي
منه :لا انشاء الله مفيش حاجه..
عبدالرحمن:قريبتي توصلي
منه :لسه حوالي ربع ساعه
عبدالرحمن:طب هقفل انا بقي
منه بلهفه:لا لا..متقفلش...مبحبش امشي لوحدي وساكته..انت اهو بتكلمني ومسليني
عبدالرحمن بضحك:ماشي يستي معاكي اهو
فضلو يتكلمو كتير لحد ما منه وصلت السنتر..دخلت القاعه وفتحت واتس..وكلمتو بردو..
عبدالرحمن :سليتك اهو
منه لسه جايه تبعت استيكر عليه (مشكرين ي عم)بعتت واحد مكتوب عليه(بحبك)
عبدالرحمن رد وقال بسرعه:وانا كمان بحبك اوي والله🙈❤
منه مسحتو علطول من الاحراج وقالت :الاستيكر اتبعت غلط والله
عبدالرحمن:وانا بردو بحبك
منه قلبها كان بيتنطط من الفرحه...بس مجاش في بالها حجات كتير اوي واولهم سنها الصغير..بس كل اللي فكرت فيه انها بتحبو وهو بيحبها
                         ***************
                           تاني يوم الصبح
منه صحيت علي صوت فونها وهو بيرن باسم(اوتتي)..
منه ردت وهي مبتسمه:اوتتي حبيبتي
سيمون بزعيق:المراره مفهاااش..بلاش محن...اصحي الساعه11ونص وانا شويه وهعدي عليكي عشان درس الفيزيا
منه وهي تقوم من علي السرير:حاضر انا هطلعلي هدوم اهو وانا هصحي باربي بالفون
سيمون بهدوء:اوك ..يلا باي
منه :باي
منه قامت لقت حور بتتفرج علي التلفزيون ومندمه اووي
منه لحور:رورو..قومي طلعيلي حاجه حلوه البسها
حور بحماس :حاضر ي نونو..
قامت فعلا وطلعتلها بنطلون ليجن اسود وعليه بلوفر صوف لونه اخضر فاتح جداااا والشوز الابيض وطبعا حجاب مشجر بجميع الوان الطقم
تسااااااارع في الاحداث
منه جهزت وسيمون بعتت لمنه مسدج (افتحي الباب)
منخ ضحكت وفتحت فعلا لقت سيمون ادامها😂 وقالت:خشي ي اوخشي عقبال مجيب شنطتي
سيمون دخلت لقت حور وقالت:رورو حبيبتي..سكر اوي..مش شبهك ي بت ي منه
منه من جوا اوضتها:مرسي مرسي
حور بمرح:اوتتي...وخشتيني اوي
سيمون بمرح:وانتي كمان ي روحي
خرجت منه وقالت:يلاا ي بنتي ولا هتقعدي مع حور
سيمون :يلاا
نزلو وعدو علي باربي واخدوها في طريقهم واو شهد الزمان كمان معاهم
                          ****************
                        عند ادم والشباب
احمد بهدوء:كلو هيروح درس الفيزيا صح
ادم وزياد:اه هروح
نظر احمد الي جوو:وانت ي يوسف هتروح
جوو بهدوء:مش عارف...
احمد بضحك:يبني منه جايه...يعني اكيد هنضحك
جوو بضحك:حيز كدا انا جااي😂
نزلو كلهم و راحو السنتر
                      ****************
منه والبنات ماشين...منه لقت فونها بيرن باسم(Noor Alby❤)وردت علطول
منه ببتسامه بلهاء:امم نعم...وانت كمان وحشتني..اه نزلت..معايا صحابي..وانا كمان بحبك و.........
قطع عليها الكلام ضربه من سيمون علي قفاها وهي تقول:نعم نعم نعم ي عمررر...بتحبي مين وانا ازاي معرفش...من ورايا ي اشرف
منه بضحك:طب باي دلوقت ي عبدالرحمن.....بصي ي ستي الموضوع وما فيه....(وحكت منه كل حاجه)بس قال بيحبيني ي سيمون..بيحبني بيحبني
سيمون ببتسامه قلقه:ي رب يطلع راجل ويقدر حبك دا
منه بفرحه :اكيد...انا فرحانه اوي
سيمون بغضب مصطنع:ي ماما المرااااررره ...معديش غير واحده..متفقعهاش انتي😂
منه بضحك:حااضر😹💔
دخلو البنات السنتر وقالت باربي بصوت واطي:منه...مش دا الواد اللي اتخانقنا معاه امبارح
دققت منه في المكان الذي تشير اليه باربي وقالت بتركز مضحك:اه هو ابو طويله😂
سيمون بهدوء:منه...هو طوله طبيعي..انتي اللي قصيره اوفر☺
نظرت لها منه نظرت استحقار😒وقالت:انا قمر اسسن...ويلا عشان نحجز
حجزوا فعلا ورات منه احمد وجوو وزياد..وابو طويله..سوري ادم😂
وجوو قال :هي لي تحس انها هترجع علينا😂☺
زياد بضحك:دي بتستعد لوضع التف😂😂
ادم بضيق :يلا عشان نحجز ي خويا منك ليه
زياد بتفكير:طب استني كدا
اتجه زياد الي البنات وقال لباربي:بصي انا اسفه علي امبارح وبعتزر جامد انتي مغلطتيش ورغم كدا انا اتعصبت..اسف
باربي بهدوء:مفيش حاجه خلاص
زياد وهو ينظر لمنه بتوجس وقلق:احم ..منه انا اسف
منه وهي ترفع حاجبها:ي نعم..وانت تعرف اسمي منين
زياد بسخريه:احمد قال اسمك اد كدا امبارح لما كنا بتخانق و الاستاذه الاجنبيه دي😂
باربي بضيق:علي فكره انا مصريه عادي والله..واسمي باربي..قصدي شهد
زياد بسماجه:باربي احلا
سيمون بحده:طب خلاص ي عم النحنوح روح لصحابك
جه هنا عم شاروخاان حبيب الملايين😂
جوو ببتسامه :منون..ازيك
منه بتسامه الحمد لله وانت
جوو بهدوء:الحمدلله...هنروح نحجز ونتقابل في القاعه او بعد المحاضره..ايهما اقرب
منه ببتسامه:تمم ي زمكس
                        ****************
منه طلعت القاعه والبنات راحو يجيبو اندومي ومحدش قاعد معاها غير باربي...لقت فونها بيرن ...ظنت انو عبدالرحمن ولكن الفون كان بيرن باسم(Nena❤)
ردت منه بفرحه:حنين الكلب...وحشتيني مووووت
حنين بضحك:وانتي اكتر ي منه الكلب
منه:جنه الكلب عامله اي
حنين بضحك شديد:كويسه الحمدلله بتسلم عليكي..انتي برا ولا اي
منه بهدوء:اه في درس فيزياا...بصي هكلمك بعد مخلص ي نووحي
حنين بهدوء مماثل:تمم ي مزتي باي
منه ببتسامه:باي
                          #تسارع في الاحداث
بعد المحاضره وهري المستر الكتير...نزلو كلهم ..جوو كان ماسك كيكه هوهوز
منه بهزار:عم جووو...الكيكه دي تلزمني
جوو بهدوء مستفز:انسي ي ماما
منه بصرار :هاخدها
وبدا العراك..منه خطفت الكيكه من ايده وجريت في الشارع وجوو وراها ويقول بصوت عالي:تعالي هنا ي حراميه بالهوهوز حقجي
والشباب وقعين علي الارض ضحك...فضلو يجروا ورا بعض لحد ما منه عدت الطريق وهي بتجري وجوو لسه هيعدي الطريق عربيه خبطته😵
دقايق في صمت من الكل...لحد ما ادم اتحرك وراحلو وقال بقلق:يوسف..يوسف انت كويس
جوو بيبص ليه وللسواق بتاع العربيه والناس اللي اتجمعت ومش عارف او مش قادر يرد
ادم بخضه:احمد لازم نوديه مستشفي
اخمد بخضه هو الاخر:طب..طب نكلم حد كبير
ادم بزعيق :مفيش وقت خاالص..نوديه وبعدها نكلم
منه وهي علي وشك البكاء:احنا ناخده ونوديه عند ماما...امي شغاله في مستشفي خاص في الهرم
ادم بصوت عالي:زياد الاوبر اللي انت طلبته دا فاضل اد اي عشان يوصل
زياد وهو ينظر لهاتفه بتوتر:14 دقيقه
السائق وهو يبكي:اوصلكو انا..انا مش عارف طلع امتي في الطريق
باربي بهدوء :خلاص امشي..انا فاهمه الكلام دا..حصل معايا حادثه..امشي مفيش حاجه خلاص
فعلا مشي السواق..وبعدها وصل الاوبر وادم وزياد واحمد ركبو جوو ورا
منه للبنات:واحده فيكو تيجي معايا عشان مينفعش اروح معاهم لوحدي
سيمون بهدوء:انا معاكي يلاا ..روحي ي شهد انتي وباربي
باربي بهدوء:احنا معاكو بالفون ي منه
ركب الشباب ورا ومنه وسيمون ادام جمب السواق...وصلو المستشفي
                    *******************
ستوووووووب...بارت طويل اوي اهو ي اخت سيمون...معلش بقي ي جووو كان لازم اضحي بيك عشان مكنتش لاقيه احداث😂...ي رب البارت يعجبكم
                   *******************
                    اقتباااس للجاي
منه بصووت عالي جدا:وااااااااو لاااف يوووو اوي
احمد بضحكه مجنونه:فكره مجنونه زيك ي منووون

جوو بقلق:مالك بس
منه :لا عادي مفيش

باربي بهدوء:دا بيهرب منك ي منه
منه بقلق داخلي:لا يتهايلك