فاطيمة: متهدريلش بشرات قولي
مروى: هههههه شانقول مكان والو قتلك هدرلي على امين دا مكان
فاطيمة: اوك ميمي فرحتلك بب انشالله تولو انكوبل
مروى: مرسي فاتي حبك مام نتي انشالله تولي انكوبل مع حبيب لقلب
فاطيمة: محال
مروى: ههههه مكانش لمستحيل
فاطيمة: هههه اوك بب غدوة انشالله تهلاي
مروى: انشالله بب مام نتي تهلاي ءمممممممح
(عند فطووم)
فاطيمة: اووووف ياربي انت تعرف بلي انا نبغيه انا كنت حاسبة غادي يهدرلها عليا زهر معنديش قاع ولله
ماماها: فاطيمة انزلي تفطري
فاطيمة: منيش جيعانة ماما باغيا نرقد
ماماها(يااه بنتي مرهاش جيعانة مالها شيرة ) طلعت عندها
ماماها : فاطيمة مالك بنتي راكي مريضة
فاطيمة: لا ماما منيش مريضة غي راسي راها ضارني شوية
ماماها : كاش ماصرالك اليوم في ليسي
فاطيمة: لا ماما ماصرا والو غي منيش مليحة خلوني
ماماها : صحا بنتي مقلقيش راني خارجة ارقدي نتي
فاطيمة: ديزولي ماما ولله ماراني ملييح راح نرقد شوية اوك ءممممممممممح حبك
ماماها: وانا حبك بنتي
(عند احلامو و كوكو)
اكرام + احلام: سلام عليكم
مامات اكرام: وعليكم سلام بناتي كيراكم كي فات نهاركم اول
اكرام: صافا حمدلله
أحلام: ملييح نورمال
مامات اكرام: بنتي أحلام ماماك عيطت بغات تهدر معاك من بعد لغيلها
أحلام: اوك خالتي مرسي راني طالعة نهدر معاها
اكرام: وانا ني رايحة نبدل قشي
ام: اوك بدلو وارواحو تفطرو
(طلعت اكرام تبدل قشها واحلام لغات لماماها)
أحلام: الو ماما
ماماها: الو احلامو وحشتك بنتي كيراكي
أحلام: صافا حمدلله ني متوحشاتك بزااف نتي وبابا وملاكو صغيرة(ملاكو اخت أحلام)
ماماها:مام حنا رانا متوحشينك باباك راه يخدم وانا راني مع ملاكو في دار كي فوتي نهار اول ملييح
أحلام:فات مليح وتلقيت مع صحاباتي وطحت انا وكوكو في نفس لكلاصة
ماماها: اا ملييح بنتي مخصك والو
أحلام: والو خصني غي نتوما
ماماها: مبقاش بزااف ونرجعو
أحلام: انشالله ماما
ماماها: أيا تهلاي في روحك بنتي بسلامة
أحلام: مام نتي مااما وسلمي على بابا ءمممممممممح حبك
ماماها: وانا نحبك تهلاي
كوكو : احلامو كملتي انزلي تفطري
أحلام: ووي كملت نبدل قشي وننزل
كوكو: اوك لحب
لغدوة صباح: (مخبرتكمش هوما يقروا غي صباح حشية ميقروش)
(عند مروى)
ناضت صباح بكري غسلت ستيكات روحها لبست غوب نواغ جاية شوية ميني و لبست باسكات بيضة وطلقت شعرها مهم خرجت زلة ونزلت
مروى: بوون جوغ ميما ءممممممممممح
جداتها: صملله بنتي اروحي تشو مراكيش مريضة
مروى: لا علاه
جداتها: منيش مامنة نضتي وحدك ونضتي بكري تاني
مروى: هههه ميما صاي دوك نبدا نتبدل أصلا ليوم ني فرحانة بزااف
جداتها: علاه شكاين اليوم
مروى: (ءيي ميما شانحكي وشانخلي اليوم نشوف حب حياتي امينو ) والو بصح ني فرحاتة يوقلك اضحك لدنيا تضحكلك
جداتها: ءييه ربي يدووم ضحكة بنتي
مروى: انشالله أيا بوسيني ني رايحة
جداتها: استني شربي قهوتك بعدا
مروى: نن نشربش مين نخرج نشري شكولا من برا ونروح باي باي
جداتها: كيما تحبي ربي سهل بنتي
(عند أحلام واكرام)
اكرام: أحلام نوضي أيا لخايبة نوضي أيا اليوم نقرو مكانش حصة تعارف ولحصة أولى عندنا علوم أيا
أحلام: امممم دوك نوض زيديني شوية
اكرام: حوجي ها نوضي
أحلام: هاني نضت اوووف كرهت لقرايا
اكرام: غي لبارح دخلنا كرهتي اليوم حي عليا
(ناضو غسلو شربو قهوة لبسو قشهم كوكو لبست سروال بيض ومعاه تريكو نواغ وباسكات نواغ ودارت مشطة شابة (هههه منيش عارفة اسمها) واكرام لبست سروال جينز وتريكو نواغ وباسكات وطلقت شعرها خرجو يهبلو)
أنت تقرأ
حكـــــايتنــــا
Teen Fictionهادي اول مروة نكتب فيها قصة مهم انا جامي كتبت ادخل تقرا وعلابالي تعجبك بلا ما نوصفلك ههههههههههههه
