لعبة زواج (بلهجة الجزائرية)

بارت 2

بعد 4 سنين 

رسيل _فاتوربعة سنين من وقت لي ماتت ازار وتاني ولادي لي هوما ولاد ازار ونزيم عاد عندهم ربعة سنين سميت طفلة ازار على ماماها والطفل سميتو سنان باسكو ازار كانت حابة هاذ الاسم نزيم من بعد ماماتت ازار مازادش رجع عايش في امريكا وولادو مايعرفهمش حتى كيفاش دايرين مي انا محبيتهمش يكرهوه فكنت ديما نقلهم لي هو يخدم وكي يكمل لخدمة يرجع وبحكم مزالهم صغار صدقوني ونتنمى يحط راسو في عقلو ويرجع قبل ماتتازم الامور ومانوليش قادرة نتحم فيها 

ازار 

سنان 

عند نزيم في امريكا 

فاتو ربعة سنين منلي ماتت ازار حب حياتي وخلاتني سافرت للامريكا مقدرتش نبقا ونشوف لي كانو سباب موتها يكبرو قدامي موت ازار دمرني عزلت روحي وبقيت خانق روحي بالخدمة وفليل نعقبها سهريات باش ننسا ليوم نضت كي لعادة راسي رح يتفجر كثرت من شراب لبارح لقيت ميليسا راقدا حذايا نضت دوشت وخرجت لقيتها فاقت جات عندي باستني وقاتلي لي عندها خدمة وراحت بقيت فالدار نخدم مش قادر نروح للشريكا ليوم بقيت نخدم بالبيسي ملقيتش لملف لي نحتاجو بقيت نحوس حتى دخلت لقيت فيديو لازار جامي شفتو هاذ لفيديو دخلت ليه وبقيت نشوف فيه ودموعي على خدي مش مصدق لي نسمع فيه يعني هيا كانت عارفة بلي مش رح تسلك بعد الولادة ومسلمتش في ولادنا قاتلي لي هوما ثمرة حبنا ووصاتني نديرهم في عينيا ومنخليهمش يحسو بغيابها مش مصدق لي انا خذلتها وخليت ثمرة حبنا وبعدت خليت ولادنا بلاش ام وبلاش اب الفيديو هذا خلاني نفطن ونعرف حجم لغلطة لي درتها هزيت تيليفوني وحجزت اول رحلة لدزاير لميت حوايجي ورحت للمطار وصلت وكان ليل رحت لدار بابا وعارفهم راقدين فتحت لباب ورحت لبيتي رقدت غدوا مين ذاك نضت صباح درت دوش ولبست قشي وهبطت شفتهم من بعيد يفطرو دخلت عندهم ماصدقوش لي راهم يشوفو فيا ويما بدات تبكي ( وبعد الدراما العائلية هاذي كامل )قعدت نفطرو معاهم كليت شوي ومبعد خزرت فيهم وقلتللهم وينهم ولادي قاتلي يما راهم عند يماهم تتقعد بيا هاذي ضرك ازار ماتت شكون يماهم 

نزيم" تتقعدي بيا يما شكون يماهم ازار ماتت "

يماه "وي مي رسيل حية "

نزيم _كيفاه كيفاه رسيل مديتو ولادي لمرت باباهم تربيهم "

يماه "كانت وصية ازار الله يرحمها وزيد مرت باباهم هيا لي رباتهم وكبرتهم فلوقت لي كان فيه باباهم لاهي بروحو ومهموش بولادو لي خلاهم يتاما شوف نقلك من ضرك رسيل هيا يمات ازار وسنان مكانلاه نسمع بيك جرحتها بلهدرة ولا خممت تبعدها عليهم فاهم "

يعني ازار هيا لي حبت ولادها يترباو عند هاذيك علاه دارت هكذا وكان نلقاها دارتلهم كاش حاجا خايبة نقتلها كيفاش ديري هكا يا ازار ماخممتيش لي هيا باش تنتقم وتاذي ولادنا بففف نضت معصب وخرجت من دار نهار كامل وانا برا وفي لعشيا قررت نروح للدار وغدوا باش نروح نجيب ولادي من عند هاذيك رسيل مستحيل نخليهم عندها وصلت للدار نسمع في حس فالصالون دخلت نلقا طفلة شابة كلها انوثة طاغية قاعدة مع ماما وبابا وخاوتي كامل وزوج ولاد صغار يلعبو كانو طفلة وطفل حتى نشوف في الطفل طيح الطفلة ونسمع في هاذيك تقول سنان علاش هكذا طيحت ازار قلنا اختي مانضربوهاش يعني هاذوما ولادي وهاذي الشابة مرتي مي تبدلت قاع ولات كلها انوثة وربات لاطاي اححح هاذ الزين كامل وين كان مخبي بقيت نخزرلها حتى طلعت راسها وشافتني حسيتها كلي تشوكات خخ يعني عرفتني رحت عندها وهزيت ولدي قربت ليها وحكمت بنتي من يدها بحكم كانت هازتها هيا حتى نسمع فيها قالت بصوت وااطي ( بهمس ) نزيم معرفتش علاش جسمي كامل رعش كي قالت اسمي خزرت فيها وتهت في عينيها يعني هيا من بكري شابة ولا زيانت ضركا برك فطنت على صوت ازار لي قالت بابا ولاحت يديها ليا باش نهزها يعني هيا تعرفني وعارفة بلي انا باباها مي كيفاه .. هزيتها عندي وتحظنت ولادي لي كان فيهم ريحة من ازار حسيت باحساس جامي حسيتو كنت فرحان بزاف اول مرة نفرح هكا من بعد موت ازار الله يرحمها