الفصل الخامس والعشرين ملكة القلم نرمين قدري
سميرة/ بفرحة احلفي وحيات النبي بجد الف بركة تشرفو وتأنسو
مليكة / غسان هو اللي طلب كده بس مش عارفه حعمل ايه مع العقربتين انا حروح اقولها وزي ما تيجي
ملكة القلم نرمين قدري
سميرة / استني متقولهاش حاجة دلوقتي اصبري لما جوزك يطلع بسلامة خليها هي تتفاجيء لوحدها لكن دلوقتي احنا مش قد لسنها
مليكة / انتي شايفة كده
سميره/ اه طبعا بصي يامليكة انا حروح دلوقتي علشان أحضر الاوضة لغسان واعملكم اكل يا حببتي متتاخروش
مليكة/ ربنا يخليكي لينا يا امي
سميره/ ربنا يقوملك جوزك بسلامة يا حببتي اوعي تسيبي جوزك في محنته اقفي جمبه يا حببتي ربنا يعفي عنه يارب وخليهولك
مليكة / يارب يارب يا امي
راحت مليكة عند حازم ونسرين وريما ونادر
مليكة/ حازم غسان عاوز يطلع علي عندي في البيت حنعمل اية في شغل و في عمته
حازم / بالنسبة للشغل عادي احنا متعودين ناخد اجازة كل سنة نرتاح فيها بنوفف الحاجات المهمة بس وشغل المزرعة عادي بيمشي
بالنسبة بقي لعمته متقلهاش حاجة سيبك منها وكبري ماغك هي اساسا شوية وماشيه
خرج غسان من المستشفى علي كرسي بعجل وطلع علي بيت سميرة بمساعده حازم ونادر
سميرة/ حمدالله على سلامتك يا حبيبي
غسان/ الله يسلمك
سميرة / تحب تخش ترتاح ولا تقعد هنا علي بال الاكل ما يخلص
غسان /لاء عاوز اقعد معاكم زهقت من النوم
سميرة/ تسلم يا حبيبي من كل رضي انا بقي عملالك ارنب حتاكل صوابع وراه
غسان/ متتعبيش نفسك
سميرة/ وانا في ديك الساعة لما اتعب لابني حبيبي ربنا يكمل شفاك علي خير
ثم التفت البنات خير اللهم اجعله خير قاعدين كده ليه يلا يابت منك ليها علي المطبخ الرجالة عاوز تتغدي قومي فزي منك ليها بسرعة
مليكة /بس ياماما انا هقعد مع غسان علشان لو احتاج حاجة
ملكة القلم نرمين قدري
سميرة/ اتصدقي شكل عصاية المكنسة وحشتك انجري شطبي المواعين اللي في الحوض وانا هقعد جمب ابني اكله وأشوف طلباته انجري يلا معاهم علي المطبخ
مليكة مشت تبرطم واللهي ده ظلم بقي مواعين مواعين منا قلتلك ياسميرة نحيب غسالة اطباق بس نقول ايه مافيش فايده هي دي سميرة
سميرة من بعيد / سمعاكي يا ام لسانين ولو قمتلك هطعك يا مليكة الزفت
مليكة / وعلي ايه الطيب احسن هغسلهم يا سميرة
نسرين / بت يامليكة هي امك جيبانا من سوق بني عبس
مليكة / اه لسة عايشه في زمن العبيد اخلصي بدل ما تيجي تبعنا في سوق عكاظ
ريما / بضحك هههههههههههه هو انتم متعرفوش تعدو اي حاجة من غير متتريقو عليها أنتم مشكلة. مش ببطل ضحك وانا معاكم
سميرة من بعيد
سامعة صوت كلامكم لوك لوك اشتغلوا احسنلكم
غسان / واللهي انتي عسل يا ماما
أنت تقرأ
قاسي امتلك قلبي
Romanceاثار الحب الاول تبقي محفورة في ذاكرة الإنسان وكتيرا ما تكون هذه بصمات كاجمر تحت التراب لم يكن هناك نسيان كان الجرح لا يحتمل ولكن قلب مليكة تحدي الالم و حفرت من أجل الوصول ملكية دكتور بيطري تحدت ظروف الخيانه من اقرب الناس ليها و بدأت من جديد وحياة ج...
