وطفه الشارع ضواه
ونعست ڪل الدروب
وروحي ع المامش تلوب
وأنه أذوب
يا بحر
يا ليل
يمعود، روحي بالظلمه تذوب
والخطاوي متيهه دمي
والعيون تبوڪَ حلمي
والأزقه الغافية وڪل الدروب
يافوانيس المحله إشتعلي مني
هاچ دمي
هاچ دمعي
هاچ ڪل هذا الحنين
إشتعلي مني ،
روحي بالظلمه تذوب
يابريد الليل مايرهم رساله ..
خاطر ڪَليبي يتوب
وآنه ع المامش ألوب!
- للشهيد صفاء السراي💔
يجي البطران ألك ويڪَول سهلة تهون ..
يمتة تهون ،،
شوڪت تهون !!
أذا شفت الإثل يآمر على الزيتون ؟
شوڪت تهون ..
أذا شفت الصڪَر بيه الڪًطة يڪَودون ؟
شلون وعقل عندي لهسه ما مجنون ..
يمتة تهون ؟؟
مو حزنْ
لاﭼـن حَزين
مثل ما تنْڪَطع جوّه المطر شَدّة ياسمين!
لك مو حَزن
لاﭼـن حزين
مثل صندوڪَ العرس
ينباع خردة عشـڪَ من تمضي السنين!
انَه ڪَتلك
مو حزن
لاﭼـن حزين
مثل بلبل ڪَـعَد متْأخّر
لڪَه البستان كله إبْلَايّه تين!
شوفلڪ ظلمه إعله ڪَدك
وأشعل الما تشتهي عيونك صورهم
هلبت تحن الڪواغد
هلبت تبطل تدڪَ مرة يـ ڪَلبي
وتغسل إيد وما تواعد !
تصادفنه ..
لچن محد يرف گلبه عله الثاني
أثارينه رجعنه أغراب !
ي الشفتهم
ڪَلي بالله شلونهم ؟
وياشمس من عندي باڪَت لونهم
ذڪرتهم ذڪروك؟
دنڪَو من جاوبوك
أي حلات اليستحون عيونهم!
هُنَاكَ صّمت انيَق
لا يسمَح لنْا بالبوح مَهماَ كاَنْ الوجعَ
