البارت الثامن عشر
❤️نعم احببتك ❤️love🌹
#انيين الليل #
الذله هو ان تصاب بالخيبه من اقرب الناس اليك
وانت تسابق الامواج تريد ان تنقذ ما تبقى من كرامه تناثرت بين
مفترق طرق سحقت باحذيه ملوثه بمخلفات الخيانه 😭😭
اما الخذلان
فهو ذلك الشبح الذي يذبحك بسكين ميته وهو يضحك ل المك
ثم سرعان ما يسالك هل انت حزين ؟
هل اذيتك ؟
حسنا انا اسف ارجو المعذره 😌😌(لسان حال اياد)
#أنين الليل#
------------------------------☆
اياد
من اخذت بثينه وسافرت الاربيل اباوع الها واشوف تناقض بين خوف وبين عناد حاولت انسى الي سوته وان الحلم
الي انتظره صار وتحقق
لكن بنفس الوقت اتذكر كلامها ويه سعد وبجيها واصرارها ومحاولتها تنهزم ويا احس بنفسي اريد الزمها واموتها
المجرد ما افكر انو ممكن بيناتهم علاقه ومستغفلتنه كل هذا الوكت ومستحييل اغفر الها
وچان لازم اتعايش ويه الواقع لان اكيد هواي راح يتشمتون بيه خصوصا امي الي اعرف بيها شكد تكره بثينه
واعرف بثينه تبادلها نفس الشعور اذا مو اكثر
وهم الخاطر ابوي وابوها الي الحد هسه وانا اشوف عمي كل ما نروح وهو يشيل مصرف الابوي وينطي ويحسسه انو هذا الي يسوي واجب باعتبار ابوي الچبير صرت بمفترق طرق لكن
حاولت ابدي صفحه جديده وياها وهي دائما تبتعد عني الالاف الاميال بالوكت الي اقترب منها خطوه وحده
بهاي اليومين لاتاكل وياي ولا تطلع ولاتسولف دائما اشوف الدمعه بعينها واعرف هي تبجي على سعد لان اعرف
هي تحبه وتشوفني انسان بلا كرامه لان رضيت اخذ وحده ما تطيقني وصرت اعاتب نفسي ليش ارضى بوحده
ما تريدني وارجع واكول لان احبها وخايف عليها
جنت اسمعها وهي تغلط وتدعي عليه ومن تشوفني شلون تخاف وترتبك وانا ابقى ساكت ما ارد عليها
تاكدت انا ضعيف امامها وما اكدر افاركها لمن غيرتلي الضماد ومررت
ايدها على جسمي وانا اصير ارجف وجسمي يصير نار ما اعرف رغبه
بيها او زياده بحبي الها وانا اتمنى احضنها واريد اگلها
كافي خلي نبدي من جديد هذا الشي قررته لمن كلتلي يمكن مصخن وجابتلي الماي والعلاج
كلت خلي اهدا شويه واكعد اسولف وياها وافهمها شكد انا احبها واذا رفضتني اصبر عليها واذا استمرت اطلكها
واخليها تعيش حياتها بس المهم ابعدها من سعد لان صار الي بيني وبينه مسأله شخصيه ولازم احلها
بيومها خابرت محمد وكلي على عمي حسين ورجعت خابرت زين العابدين هي سمعت اجت خايقه وتعت بيه
وصارت كدامي مره تسال ومره تبچي وانا احاول اهديها
وخليتها تحجي ويه اخوها واشوف دموعها وبعدين توسلها ييه حتى تسمع صوت ابوها ومن خابرته اصرت ترجع
لبغداد لان خايفه على ابوها وتريد تشوفه وتطمن علي
وقررنا نرجع وبيني وبين نفسي كلت اخليها شكم يوم يم اهلها وبعدين نكعد انا وياها ونقرر وهي طول الرحله وهي
هادئه وحتى من سلم علينه محمد ردت وهي مبتسمه ومحمد يحچي وهي ساكته ومن وصلت شفتها شلون راحت
تركض بس حتى تشوف عمي وتطمن وحسيت بيها شگد حنينه ويمكن ظلمتها وهذا سعد راد ايغرر بيها
لكن المفاجئه من دخلت للصاله حتى ما كدرت اسلم وانا اسمع كلام بثينه وعتب عمي عباس وكلام اخوي يوسف
صار عندي حاله من الذهول وهي تتهمني مجوعها وبس اضرب بيها حاولت اهدي الموقف
لكن اويلي فعلا كتلتني بخنجر مسموم لمن ضحكت وكالت
--هاي هي مرجلته
وباوعتلي باستهزاء وتتحداني اهنا احس روحي رادت تطلع وانا اشوفها شلون شككت برجولتي كدام ابوي واخوتي
وعمامي واكثر شي يزغرالرجال كدام نفسه وكدام الناس التشكيك برجولته
انا اتصرفت كاي رجل عنده كرامه وبلحظه حس انو انهان من اقرب الناس اله
اكيد بهاي اللحظه يتحول الى وحش مفترس فما حسيت إلا وأنا لازمها من شعرها ومخلي المسدس على صفحة رأسها
كلهم چانو واكفين ويباوعون انا بلا شعور احس صرت بركان عيوني ما صرت اشوف بيهن بسبب استهزاءها
واتهامها بعدم رجولتي
زين العابدين ويوسف واخوي محمد رادو يدخلون انا صحت بيهم بزمخه
أنت تقرأ
Loveنعم احببتك
Tiểu Thuyết Chungقصه حقيقيه حدثت في وقت قريب هذا الوقت السريع والمتقلب في زمن ظهر كثير من الناس بمثاليات مزيفه حتى يسد الإحساس بالنقص وحتى يظهر بمظهر الثقافه والحب وهو يخدع نفسه ويخادع الناس ليس لشئ ولكن حتى ينقلب على ماضيه وحينما سمحت له الفرصه باع كل شئ من أجل ش...
