ابداكشن "1"❤️🔥
________
معلومه: في حلقه اليوم الابطال بتبدا قصتهم من هما صغار لان في احداث مهمه بتصير
ساجده بصوتها التاعب وشنطتها على ضهرها وشعرها المنكوش: ماميي🥺
هديل:نعم ياماما
ساجده: جيعانه
هديل عدي بدلي دبشك متاع المدرسه واغسلي يديك وتعالي الغدا واتي
ساجد بتعب حطت الشنطه على الارض:افف باهي.. ومشت تجري
هديل:ساجداااا
ساجده خشت الدار وقفلت الباب وهيا تضحك
هديل وفيدها شنطت ساجده: لعند امتا ونا نشيل فدبشك😠😠
عبدالله:😂😂😂😂
ساجده؛ البنت الوحيده عند بوها وامها عمرها 7 سنين بيضه وشعرها وعيونها العسليات اللي يلمعو تحت الشمس شبه امها هديل❤️❤️
هديل:ام ساجده عمرها 28 سنه وزوجها عبدالله 30 سنه
نزلت ساجده من الدروج وهياا ترفع في شعرها
هديل وهيا تحط في الغدا على الطاوله :واللهي نوريك عليها الحرك لديما اديريلي فيهاا😠
ساجده بسرعه جرت عند بوها: شن درتتت🥺
هديل واصبعها على شنطة ساجده: شن درتي صار؟
ساجده بضحه صفره: ههه نسيت😅
هديل: شيليها توا ولا في كلام ثاني معاك
ساجده: باهي باه.. وبسرعه خذت شنطتها ورقت للدارها
عبدالله: بشويه عليها😂
هديل:لا مافيش تعزقلي دبشها فكل مكان واتعودلي عليها بعدين
تغدو وعبدالله طلع للشغله وهديل طلعت للحوش جيرانها لهوا حوش سلفها
اما ساجده عاطيتها شخير فوق في دارها😂❤️❤️
_______
حوش الساعدي (عم ساجده)
هبه: وين دودي
هديل:سيبتها راقده فالحوش
هبه:يعيوني ياريتك جبتيها مرايفين عليها الفاره هذ❤️❤️
هديل: توا تشوفيها بكرا فحوش عمي😂
هبه: اي لازم بنشوفها كنتنا المستقبليه.. قاطعت كلامها ميرال
ميرال:اي واحد فيهم😂
هبه: عِناد❤️
عناد:لااا
هبه: ليش كنها دودي محلاها تجنن
عناد: مانبيش.. وناض من مكانه
هديل:😂😂😂😂
هبه مرات سعيد اخ عبدالله عمرها 40 سنه
عندها راس بنيه ووليدين
ميرال عمرها12 سنه
وعناد15سنه انس7 سنين❤️❤️
_______
بعد المغرب:-
ساجده ناضت وهيا تحك في عيونها ونزلت من سريرها كأن نازله من فوق برج😂😂
ساجده:مامااا.. مامااااا
نزلت للطابق الارضي وهيا تبرم وتنادي للأمها
ساجده: وين اختفيت هياا😠.. تعبت من البرم وعرفت ان امها طلعت ومش فالحوش.. طلعت الرسم والالوان وبدت تخربش ع اساس ترسم فجنينه😂
ساجده تهمهم ومنسجمه فالرسمه وابتساماتها البريئه وغمازاتها الملفتات❤️❤️
ساجده: اايواه توا وين اللون الاخضر.. رفعت راسها جت عينها على الروشن وشافت حد واقف يشوفلها ومبتسم ابتسامه عرييضه وكان منظره يخوف ساجده ناضت من مكانه مفجوعه:😨😨
ساجده:ماماااااا.. وطلعت من الباب تجري وطول الطريق ماوقفتش ثانيه ومش قادره تتنفس من الخوف ولا قادره تشوف وراها خايفه وظلام برا ومافيش الا نقاطي ضي صغار لهوا حوش عمها
