البارت الاول
مرحب شهر الصوم مرحب لياليك يا رمضان و شوقنا اليك ليك يا رمضان مرحب بقدومك يا رمضان و نعيش و نصومك يا رمضان
الحاج خالد. اه واخيرا رمضان جه عايزين بقا نقفل التلفزيون لا تقولى رامز جلال عامل برنامج مريض نفسى و لا مسلسل ياسمين صبرى ماشى
جهاد. اكيد يا حاج بصوا بقا انا قررت نقفل التلفزيون و نحط عليه مفرش حلو كده و منفتحهوش
ام جهاد بضحك. هههه ما الموبيل الى ف ايدك ده مش مخليكى تبصر ل تلفزيون و كل بيجى على النت هتحتاجى التلفزيون ليه
جهاد. احم احم خليكى محضر خير هياخد منى
الحاج خالد. ههههه على أساس أنى مش عارفه ده حتى حظكم حلو اوى النت فصل و مش هدفعه
عمر. لااااا كل الا النت
الحاج خالد. انسى كل يوم اليقكم خلصتم ورد من القرآن الكريم و مش بس كده تقولولى فهمتوا ايه من الجزء ده
ايمان. ماشى يا بابا
عمر. طيب
جهاد. الحمدلله انا عارفه تفسيرها من غير ما اقرءها
الحاج خالد. هنشوف كله هيبان
ام جهاد. هنعزم مين بقا يا حج
الحاج خالد. كل اخواتى هعزمهم
جهاد. ههههه و فى الاخر مفيش غير عمتو و عمو ياسر الى بيجوا و باقى عمامى لا ف متكتريش فى الأكل بقا لان اول يوم بيكون الواحد عطشان اوى بلاش بلاش اكل كتير لانى بتعب معاكى
ام جهاد. لا يا بت و انت بتيجى تقفى معايا و تطبخى بقا
جهاد. ههههه طيب فاكره اللحمه الى شوحتها علشان تعملى بيها الجلاش و المكرونه البشاميل كانت حلوه ازاى
ام جهاد. اه و مين الى عمل الجلاش و البشاميل
جهاد. اكيد اكيد امى الغاليه
ام جهاد. ههههه ماشى
عمر. جالى فانوس و انتو لا
جهاد. والنبى و النبى جيب العب شويه و بعدين ايه ده هو علشان الصغير يجيلوا فانوس و احنا
ابو جهاد. و لا تزعلى خودى فانوس اهو
جهاد. الله و بينور كمان و بيقول رمضان كريم يا حالو و قعدوا يلعبوا ب الفوانيس
الساعه 12
عمر. انا جعان
ايمان. وانا
جهاد. تعالو نخترع
جهاد دخلت المطبخ و عملت بيض و فول (اصل الفول ده بتاع المصريين ) و جبنه و خيار و مخلل
عمر. احنا هنعطش بكره
جهاد. مش مهم علشان نحس بالناس الغلابه
عمر. امممم طيب والناس الغلابه بيصوموا
جهاد بتنهيده و حزن. دول يعينى ممكن يكونوا بياكلوا وجبه واحده فى اليوم
جهاد. جاتلى فكره حلوه
ايمان و عمر. ايه هى
جهاد. احنا معانا كام فلوس شايلينها انا معايا ١٠٠ وانت
ايمان. معايا ١٠٠
عمر. ١٥٠
جهاد. تمام هناخد منك ١٠٠ و تدفع زينا و بابا بيقول فى واحد غلبان يعرفه كان هيديله فلوس نديها ل بابا يديهالو
و انا أن شاء الله لو اشتغلت هاخد جزء من مرتبى و اديه ل بابا يديهولوا
عمر و ايمان. تمام و جهزوا السحور
الحاج خالد و عينه بدمع لما سمع ولاده وراح يحكى ل ام جهاد. شوفتى العيال قالوا ايه و حكى ليها الى سمعه
ام جهاد. العيال كبرت الحمدلله هيكونوا كويسين
الحاج خالد. ربنا يخليهم لينا
جهاد. بابا انت كنت بتسمعنا كده حرام
الحاج خالد. ما انت كنتى بتسمعينا
جهاد. ههههه ما انت عارف انى هاجر انديك يا حاج
الحاج خالد. ماشى يا لمضه يلا و اتسحروا
و كالعاده
كل واحد ماسك ازازه مايه بيشرب فيها
جهاد. اه لكنى وجعتنى من المايه هو انا كنت جمل يعنى هخزن المايه
ايمان و هى بتشرب. خلاص متشربيش
عمر. خلاص بطنى وجعتنى
الشيخ الجامع بيتكلم فى المايك
(فاضل خمس دقائق و العطشان يشرب )
جهاد دخلت تجرى تغسل سنانها
و مسكت ازازاه المايه شربتها كلها
و الاذان اذن
خالد و عمر نزلوا يصلوا فى الجامع
و ام جهاد و جهاد و ايمان صلوا فى البيت
جهاد. انا مش جايلى نوم هقرء شويه فى القرآن و اقعد اذاكر
ايمان. وانا كمان
ام جهاد. طيب و انا هقرأ شويه قرآن و انام
و كل واحد دخل يعمل الى قال عليه
عمر. انا مش عارف اقرأ
جهاد. تعالى انت لسه صغير اسمع و انا بقرأ
جهاد قرأت و عمر نام
جهاد. ههههه والله كنت حاسه و قامت تذاكر
و بعد تلات ساعات نامت
الضهر
ام جهاد. قوموا يا عيال الناس جايه قوموا ساعدوني
جهاد. يا ماما عايزين ننام
ام جهاد. قومى يا بت انجزى
جهاد قامت و اتوضت و صليت و دخلت المطبخ
ام جهاد. يلا اعملى معايا محشى لفيه كويس
جهاد. الا قوليلى يا ماما هى الناس بتكون مش بتاكل طول السنه و فى رمضان بتاكل يعنى تعملى محشى و جلاش و مكرونه بشاميل و و فراخ و لحمه ايه كل ده ده حتى اسمه شهر الصيام يعنى شهر نحس بيه ب الفقراء و المحتاجين يعنى بدل ما نعمل كل ده كنا اخدنا الفلوس دى كلها و عطينها لواحد محتاج
ام جهاد بتفكير. والله يا بنتى عندك حق بس فى حاجه اسمها واجب الضيافه دلوقتى قرايبنا موجودين لازم نقدرهم و نجهز اكل كويس و بعدين الاكل هيتبقى و نقضى بيه بكره
جهاد. لا ده الغلط بقا الاكل البايت ده مش حلو
ام جهاد. انت كنتى لسه بتكلمى على المحتاجين فى غيرك بيتمنى اللقمه البايته الى مش عجباكى دى
جهاد. الناس بتصعب عليا اوى بس الى مصبرنى أن ربنا قال إن أكثر الناس فقرأ فى الدنيا اكثرهم غنى فى الاخره و العكس صحيح
ايمان. اه صح ربنا عز وجل فى الاخره هيجيب أغنى واحد فى الدنيا هيخلى يشم النار بس و هيسأله
يا عبدى اريأت نعيما قط
يقول العبد. لا يا رب ما رأيت نعيما قط
و بعد كده الله عز وجل ياخد أفقر واحد على الأرض و يخليه يشم ريحته الجنه ثم يسألوا
يا عبدى اريأت شقاء فى الدنيا
يقول العبد. لا يارب ما رأيت شقاء من قبل
ايمان. ربنا غفور رحيم و رزاق و كريم
جهاد بتنهيده.صح
ام جهاد. لفة المحشى عدل
جهاد.ماما كله الا لفه المحشى
الكل اتجمع و جه ميعاد الفطار و بدءنا نحط الاكل
عبدالله. انا جعااااان
جهاد. انت على طول جعان يا بنى
الله و اكبر الله و اكبر اشهد انا لا اله الا الله و اشهد ان محمدا رسول الله
الكل بيجيب العصير و يبدء يشرب
و حصل الى مكنش متوقع
الموبيل بيرن
خالد. ربنا يستر الو سلام عليكم
رمضان. عمو تيته مش بترد عليا و انا خايف
خالد و بيبص ل ام جهاد. طيب اهدى انا جاى
رمضان. بسرعه يا عمو
خالد. راح و شاف الى كان ميتخيلوش فى حياته
........................................
#جين
