حوش_جِدو🎼❤
الحلقهه،١٣:-
للكاتبه:-فتاااااااة الغروووووووووب❤
Ftat algorob♥️
في الحلقه الي فاتت......
________
معاذ : سكريفمك جاي نروحح ب مالك خليك ف حالك
رغد : حالي قاعده ف حالها دخلكش فيا
معاذ : كنه لسانك طاول ي فرخه؟
رغد : كنش انت الفرخ مش انا..باي
__________
ميلاد : رغد بكرا ماشيين لحوش جدي
رغد : كداااب
ميلاد : ولله
رغد : باه كنك متحمس هكي؟!🤓
_________
موده : ههييييييي
مرام..برمت : يكلباتتتتت
رغد..منبطحه لوطا : ووووووووووه مناااضركننن هههههههههههههه وووووووه
اسماء..تخبط تضحك بدموعها : ووووه 😂
مرام : تفييي
_____________
نرجعوو لحلقتنا❤.......
بعد ايامم هكِ فِ يوم من الأيام❤
ف الصبحح....
حني:نوضن نوضن الحوسه من يلمها؟
رغد:ووه ي حني متملش من المهمه هذي؟
حني:صبي يا جالطه صبيي ، بدال الدقايق الي تخادي فيهن لما تطلقي لسانك صبي اختصريهن ف الضمان
اروى:حني باهي شويه بس
حني:لااا صبي ي حنه طيحح سعدكك
اروى:حني كنك بطيحيلي سعدي بسيفف هوا طايح بروحه
مرام:نبي نرققدددد طفو الضيييي
حني..ضربتها:صبيي كنتيي الحرهه الي تنوض بكري شن صارلك
مرام:ااه حني ظهريي باهي تو نصبي
حني:نعرف نتفاهم معاكن انا باهي باه..طلعت
رغد..نطت:حييي انشالله متكلمش عبدالرحمن😳
اروى:لالا ارقدي ارقدي مش حدير شي
مرام:هيي تذكري اخر مره كلمت عبدالرحمن شن صار
اسماء:طفننن الضيي يخرا انتي وياها
رغد:انا بنصبي مشوريي
مرام:حتنا
فجأه خش عبدالرحمن ب سطل الميه حاط فيه شوية زواق و حشرات ميتات فيه طبعاً كاين ف السطاح من ايام 😂 وزاد عليهه حط فيها لونن احمر وعاد انتن وجوكن😂
بلا اي سابق انذار كبها ع طول يده طبعاً اكيد حني الا ما كلماته مطمنه الفرش محولاته والفراشات قديمات متبيهمش😂
رغد:ااه ي حيواااااان ولله كنت واعيه وبنطلع 😭😭
عبدالرحمن:تستاهلن
اروى،موده،مرام،اسماء:😭😭😭
رغد..صبت جري ورااه:ي حيوااان عاجبك هكي عااااجبكك
اروى؛ي باااردد (صبت تجري حتى هيا وراه بالمره صبن كلهن يجرن وراهه حتى هوا حقير من قاله يدير هكي ، ي ربي حني قلتله😂)
رغد:قلتلكن صبن انا رااه مش ح يديرر خييير قلتها😭
اسماء(تبكي لين فجأه ضحكت):هههههههههههههههه ووووهههع منضضرككك ي مراااام😭😂😂😂
مرام:كنيي😳
اسماء:شعرككك و وجهككك ووووووهع😂😂😂
مرام:خزي كني(عدت تجري للحمام)
رغد؛وووهه منضركك ي اروىى😂😂😂😂😂😂😂
اروى(شقلبت عيونها):عارفهه خلاااص
رغد،اسماء:😂😂😂😂
عند الشباب:......
عبدالرحمن..خش فجوع:نعلييييي اللحقووونييي
معاذ:كنك كنك😳
سعد:ووه شنفيييي ي عبدالرحمن
عبدالرحمن..قرب من حودا وقعمز قعد يرعشش😂
حمزه:عدوو عدو كلمووو خالي يونس فيسعع يقرا عليه شكله صارله مسس😳
عبدالحمن:ااه شنوو خالي يونس😳 ، لااا متكلموششش يعاملني كأني الجن نفسه لاا لا
حودا:حووولل من بحداياا حوولل
عبد الرحمن:ولله ما فيا مسسس باهي😭
مالك:حيعلمهه
الشباب:شنوو
مالك:البنات قعدن زومبي وربي😳😂
معاذ:حيلعمه جديات تحكي؟
مالك:عدي شوفف 😂😂
(طلعو كلهم يجرو قعد عبدالرحمن بروحه
😂😂)
عبدالرحمن:ههع مساكين😂 ، حتى نا مسكين يحسابوني صارلي مسس
معاذ:ي امييي😳
رغد:كنك😭
نحكليكمش ع المنظرر الزليز كله قعد حمر وهناا مناضرهن يفجعنن 😂
معاذ:اعوذذ بالله من الشيطان الرجيم
حمزه..قعد يرعش:شنوو هضاا كنكن هكي😳
حودا:لازم نكلم خالي يونس لاازم😳
ميلاد(خش قعد يبحت بأستغراب لاقاهن كلهن يتباكن ع وطا ولونهن حمر😂 ، الا اسماء مقعمزه تضحك وتبكي😂)
ميلادد:اسماء كنك؟
اسماء:شيي😂😂😂😂😂😂
المهم مرنن ساعات بعد تهزيب عماتي وجو هضااا لينن صبن دوشن وسيقن الحووووش مسيكينات كله هنا يومين ف جرت بعضهن سيقن الحوش😂.....
رغد:حني الباب يدق نفتح ولا انتي
حني:لا انا تو نفتح انتي حطي الدبش ف الغسالهه بس
رغد:حاضر
اروى:ووه مثقلهه
اسماء:محد قالك شيليه
اروى:مشوركك
حني..بأستغراب:تفضلي تفضلي
:يزيد فضلك ي خالتي
المهم بعد التسليم خشن وحني تبحت ف المرا وللبنت بأستغراب!!
رغد:ي هوو ي هووو
اسماء:شنن شن
رغد:في وليه وبنت جنن وحني شكلها متعرفهنش
اروى:شكلهم خطابه!
رغد:انشالله لاا غر عدن غيرن دبشكن
المهم تشكك غيرنا دبشنا وخشيت نقصقص عليش جايات😂
المرا:ولله ي حنه رايده القرب منكم ونبي بنتكم......
🙂🙂
🙂🙂🙂
🙂🙂🙂🙂🙂
نبصر نبصرر نشوق فيكممم بس😍😂
الوليه:ولاهي شن بنقولك نبو رغد ع سنة الله ورسوله ❤
رغد:وات از ذات؟؟؟؟؟؟؟؟؟؟؟
يتبع......
دودي:سامحني بنوتات نقالي كانن مسروقق ومقدرتش نكتب❤
أنت تقرأ
حُوش جِدُو❤ ( روايات ليبيه )
Randomطبعاً هذي روايتنا انا وبنات عماتي و عمامي بأحداث حلوه وكل وحده عندها قصهه ح تعرفوهن واليكم القراءه❤ِ . اتمنـى ان تـنال اعـجابـكـم🔥ِ تابـعـونـي هنـا لــ يـوصـل كـل جديـد 🔥✅ رِوايـــَـات فـَــــتــَـــاةِ الــــغُــروبْ 🤍 الكـَـاتـِبـَــه دُودِيـــ...
