قصة قصيره

😍

نتموضع بقصه ملك ف الجو سخن ده😂🙆

  ابوى قال لى ها بتعرفيهوو يعني ؟!.. و الله ماشاء بتعرفي من وين ! قلتا ليهو بعرفو .. بعرفو من الحته ديك .. قال لى بصوت حاد ملك .. و الله اخلاقى ف نخرتى م تقعدى تتعاورى لى .. بتعرفى من وين قلتا ليكي ،، قلتا ليهو هو قريب صحبتي ،، شفتو كان ف حفله بس ،، قال لى دى نهاية الحفلات البخليكي تمشيها ،، لكن تانى طلعه من البيت مااف نشووف ح تعرفى اولاد كيييفن ،، عمر قال ليهو لكن .. قبل يتم كلامو ابوى وقف و بقا جايط قال ليهو انت كمان لسه بتتكلم ي زوول مش انتهيت من كلامك !! قلتا ليك م عندنا بنات لعرس لا ود عمها و لا ود خالته و لا ود الجيران ح تقعد تبوور ف بيت ابوها بس ،، زاتو ده شكل وحدة يعرسوها لمن يجي ود عمها يقول دايرة ،، هو كل يوم لمن يشوفها الصباح بتعوذ من الشيطان !! عمر قال ليهو و الله ي عمي انا عارف انو لمن جيت هنا ف الوقت ده م كان تصرف صح لكن لمن سمعتا بكلام انو جاها عريس م قدرتا أتحكم بنفسي و الله انا عايزه بالحلال و بحبها و بكره مستعد اجيب أهلى و نتقدم ..
  ابوي عاين ليهو مسافهه و قال ليهو كدى اصبرر ح اجيك .. و طلع من المجلس ..
  انا طبعا دموعى بقت تنزل و عمر م باقى الا يمسك كباية المويه يرميها فيني😂قال لى و الله الليله ليلتك سودهه ،، و الله الليله بس قولى ي رب احميني لانو مااف شى ح يحلك مني غيرو💔
  م رديت عليهو و استنيت ابووى و انا خايفهة لقيتو فجأه داخل ف يدووو الطبنجه"المسدس"😂😂😂😂😂😂طبعاا هو اصلا عندو واحد مرخص بختو ف غرفتو للضمان😂😂بقيت بصرخ و بقول لأبوووى ده شنو ده قال لى ده الموت😂😂😂😂😂😂"عشاان تعرفو انو درامات الروايات دى م حقيقيه و انو الابهات بقتلوووو جد جد😂🙆"و عمر طبعا وقف و بقا ببلع ف ريقو قال ليهو أستهدى ي حااج،، ابوي قال ليهو جاينى نص الليل تقول لى بحببب بتكك .. انت ي ولد مجنون و لا شنو!؟؟..عمر قال ليهو انا و الله م قصدي لكن .. ابوي قال ليهو بلا لكن بلا كلام فارغ اتخارج يلا قبل أقتلك هنا أوريك الحب ده شنو ي قليل ادب ،، انا بقيت ببكي و بقول لأبوى ي ابوي لالا قول بسم .. قال لى انتى اسكتى ي عديمة التربيه لسة م شفتى ح اعمل فيكي شنو يلا ادخلى جووه سريعع ..
  عمر قال ليهو خلاص بمشى .. انت بس رووق و فعلاً طلع مشا و ابوى ماشي وراهو بالمسدس😂😂😂😂
  بعد مشا قفل الباب و دخل لى قال لى ايوووا حسى جا دوورك ي معصعصه انتى ،، قلتى لى بتحبي من وراى؟!..طبعا قبل يتم كلامو جريت غرفتى و قفلتا الباب و هو جرا وراى😂😂و امى و اختى جرو معانا و هما م فاهميين حاجه ..
  ابووى بقا بصرخ انى افتح ليهو الباب و انا بس قاعده ببكى و بستشهد😂�
  قلتا ليهو ح اتكلم مع حقووق الطفل لو م خليتنى قال لى انا ح اتكلم مع الآداب ي م مؤدبه😡قلتا ليهو انا و الله م عملتا ش غلط قال لى افتحى الباب اوريكي الغلط وووين ..
  طبعا امى و اختى بقو يهدوو فيهو و هو خاللص م عايز يرووق😂ف النهايه زهج مني مشا غرفتو و امى مشت وراهو ،، فتحتا الباب لأختى و بقيت بجعر بصوت عالى زى الميت لى زول و اختى بتقول لى يحليلك😂م تخافى ح اقولل انك شهيدة من أجل الحب😂بعد مسافه جات امى قالت عايزه تلفونى طبعا هنا بقيت برجف قمتا دخلتا مسحتا محادثتى معاهو و اديتا التلفون مشت لأبوى بعد مسافه سمعتا صوت ابوى بصرخ و بقول كمان مسمياهو بيبي ،،ده الفضل و الله .. الطويل العريض أب شنب داك بقولو ليهو بيبي م بخجل عليك الله مسجلنو كده ،، و عامل فيها راجل و جا يتكلم معاى ..
  اختى بقت تقول لى واى ي ملكك ح تعملى شنو ،، قلتا ليها جيبي تلفونك اضرب ليهوو ، فعلا ضربتا ليهو رده لى و كان هايج و بصرخ و ماف شتيمه م قالها لى ..
  و انا بس ابكي ... امى جات داخله الغرفه و قفلت الباب شالت التلفون مني سريع و قالت ليهو ي ولددى انا أمها ،، قال ليها ايواا ي خاله قالت ليهوو انا طبعاً من قبيل بفكر أنتا بتشبة لى منو ،، تتذكر مسلسل حب أعمى التركي كان ف بطل طيب و بطل شرير أنت بتشبة الشرير ،، و الله تشبهو شبهه مبالغه😂طبعا كلنا بقينا ساكتين مصدووومييين ..

يتبع يتبع ..
 
   #Nermeen_Th