انتزعت حياتي فجآه

الحلقه 8

#انتزعت‌_حياتي_فجآه_8

طلع الدكتور وهوا ينحي في الكمامه
مؤيد ناض يجررري
مؤيد:شن شن صار فيها هيا ناضت؟
الدكتور:تمام توا الحمدلله تخطت مرحلة الخطر
مؤيد مسح وجهه بأرتياح
رهام:نقدرو انشوفوها؟
الدكتور.مش توا بعد ماننقلوها للغرفه تشوفيها..وعدا

بعد ساعات
نقلو رتال للغرفه

رتال:فتحت عيوني وكان جنبي اليسار يوجع واجد قعدت انشوف يمين ويسار
الممرضه:الحمدلله على السلامه
رتال:الله يسلمك
الممرضه طلعت
الممرضه:رتال فاقت وتوا تقدرو تشوفوها..وعدت
وخشو لرتال
مؤيد:الحمدلله على السلامه
رتال بصوت تاعب:الله يسلمك
رهام:الحمدلله على السلامه يا روحي
رتال:الله يسلمك
سامي:الحمدلله على السلامه رورو
رتال هزت راسها وابتسمت
معاذ يهمس لسامي:عادي نحكي مع رهام شوي
سامي ابتسم وهز راسه
معاذ:رهام تعالي نبي نحكي معاك
رهام ناضت معاه ونزلو للكافيتيريا
معاذ:نبي نحكي معاك في حاجه
رهام:شنو
معاذ:انا نبي رتال ومؤيد يتزوجو
رهام:ليش
معاذ:على شان في حوش عاجبني على دورين تخيلي يقعد مؤيد فوق انا لوطه وانا نبي نتزوج انا ومؤيد في نفس اليوم
رهام: اي تمام ياريت
معاذ:احكي مع سامي بالموضوع
رهام.تمام توا انقوله
معاذ:تممم يا برو
رهام:باهي نطلب منك طلب
معاذ:شنوو
رهام:عدي لحوشنا توا تطلع عليك وحده قولها نبي دبش ل رتال وتوا تحكيلك رهام على الي صار
معاذ:ومن الي بتطلع لي
رهام:مرت خوي سامي
معاذ:اها تمام
رهام:انت عدي وانا توا نحكي مع سامي
معاذ:تم..وعدا
رهام بعتت رساله لسامي انه يجيها في الكافيتيريا
وجاها سامي
سامي:شنو فيه
رهام:سامي انا نبي رتال ومؤيد يتزوجو
سامي:وليش
رهام:بصراحه معاذ يبي يشري حوش على دورين وقال انا نتمنى نتزوج انا و مؤيد نفس اليوم والحوش يلي يبي يشريه نسكنو فيه مع بعض
سامي:وليش رتال
رهام:رتال ومؤيد زابطين يعني عادي
سامي.يجي مؤيد يطلبها معناها
رهام.اي اكيد
سامي: تمام وهيا نمشو لرتال
رهام:اي هيا

ـــــــــــــــــــــــــــــــــــــــ

معاذ وصل للحوش ونزل وطق الباب
طق طق طق
فتحت سوزان
معاذ:اهلآ
سوزان:اهلين
معاذ:ااء نبي دبش لرتال
سوزان:علاش خيرها
معاذ: توا تحكي لك رهام المهم توا عطيني دبش
مشت سوزان وتت دبش لرتال
جودي:من انت
معاذ: انشالله راجل عمتك
جودي:لهام ولله لتال
معاذ ضحك: لهام
جودي:اهاا..وعدت
سوزان:اهو هاك الدبش
معاذ:صحيتي..وعدا

ـــــــــــــــــــــــــــــــــــ

رهام:تعرفي رتال رعشت لما غرز الموس في قلبك
رتال:انا في الحظه هاذكي معش حسيت بشي ورجلي معش حملوني والدنيا ظلمتن مره وحده
رهام:اخخخ وانا الي حصلت كم كف
رتال:تستاهلي يقولك اسكتي ماتبيش
رهام:هههههه
معاذ:السلام عليكم
الكل:وعليكم السلام
مؤيد:انا نستأذن توا..وطلع طلعوراه معاذ
معاذ:مؤيد خلييك هنا في المستشفى
مؤيد:وليش يعني
معاذ.شي مره اسمع الكلام
مؤيد:😒
معاذ:باهيخليك لين نحكي مع سامي شوي
مؤيد:افففف باهي..وعدا قعمز قدام الغرفه عل كرسي
معاذ خش في الغرفه
معاذ:سامي نبيك شويه
طلع سامي ومعاذ نزلو
معاذ:نبي نحكي لك على موضوع مؤيد ورتال
سامي.اي اي حكت لي رهام
معاذ: تماام ومؤيد توا يجي يخطبها ورتال ورهام يتزوجو مع بعض وانا و مؤيد نتزوجو مع بعض
سامي:اي تمام عادي يجي يخطبها وساهل
معاذ.تمااام واكيي جعتو نمشي انجيب حاجه من المطعم وانجي..وعدا
وسامي رقى للغرفه و شاف مؤيد واقف قدام الغرفه وسارح.......يتبع