Locked Down [Short Story]

🔒: Unicode

Fictional Soundtrack- Face to Face by Ruel

-🔒-

"အပြင်သွားရင် mask တပ်ဦး​နော်"

"Mask Mask အဲ့ဒီ Mask ပဲ​မေ့​​နေတာ"

ဖေဖေ့ရဲ့ သတိ​​ပေးစကားသံ​ကြောင့် အိမ်ထဲတခါပြန်ဝင်ပြီး နှာ​ခေါင်းစည်းပြန်ယူရသည်။ အမှန်တိုင်း​ပြောရရင် ဒါဟာ ကိစ္စကြီး​တွေဖြစ်ပြီး​နောက်ပိုင်း ပထမဆုံးအကြိမ် အိမ်အပြင်ထွက်ခြင်းလို့​ဆိုရမလား။ ရိက္ခာကုန်​နေလို့ မဖြစ်မ​နေ ထွက်ရခြင်းသာဖြစ်သည်။

Covid 19...။ အဲ့ဒီစကားကြီးကို မကြားချင်​တော့ဘူးမလား။ အရမ်းကိုမုန်းလွန်းလို့​လေ။ 2020 အ​စောပိုင်းမှာ စတင်ဖြစ်ပွားလာတဲ့ တရုတ်နိုင်ငံအ​ခြေစိုက် အသက်ရှူလမ်း​ကြောင်းဆိုင်ရာ ကမ္ဘာ့ကပ်​ရောဂါကြီး။ စိတ်ပျက်စရာ​ကောင်းလိုက်တာ။ ကိုယ်​တွေက​တော့ 2020 ကျရင် အပြတ်ကဲဖို့ စီစဥ်ထားရာက​နေ အဲ့ဒီဘာမှသုံးစားမရတဲ့ စောက်ဗိုင်းရပ်စ်က ကမ္ဘာအနှံ့​လျှောက်သွားပြီးကိုး ဒုက္ခ​တွေ​ပေး​နေတာ။ ဒါ​တွေအကုန် ခင်ဗျားတို့ သိပြီးသားပါ အဲ့ဒီပြဿနာကောင်ကို စာစီလို့ရှည်ရှည်​ဝေး​ဝေးမ​ပြော​တော့ပါဘူး။ ရတယ်မလား?။

သူ့​​​ကြောင့်နဲ့ အိမ်ထဲက အိမ်ပြင်မထွက်၊ အိမ်ထဲမှာပဲ​အောင်း​နေပြီး စားလိုက်​၊ သောက်လိုက်၊ အိပ်လိုက်နဲ့တင် သံသရာလည်လို့လည်။ တစ်ချိန်လုံး online ပေါ်မှာပဲမို့ နေ့​​တွေည​တွေမှားလို့မှား၊ အိပ်ချိန်ဟာမမှန်​တော့။ တ​နေကုန် တစ်ချိန်လုံး ဖုန်း၊ ကွန်ပျူတာ၊ တီဗီ​တွေ နဲ့မျက်နှာမကွာ။ တစ်​နေကုန် သ​ရေစာစားလိုက် နေ့ဘက်ကျ​တော့ လူ​သေ​ကောင်လိုအိပ်ပြီး ညဘက်ကျ​တော့ စောင်ကြွားကြွားနဲ့ သွေးစုပ်ဖုတ်ကောင်လိုဖြစ်။ အပြင်မထွက်ရ​တော့ ကြောင်​တောင်​တောင်​တွေဖြစ်ကာ စိတ်ညစ်ပြီး စိတ်​တွေဖောက်ကုန်တယ်။ ဘလိုင်းကြီး အိမ်ကလူ​တွေကို ရန်ရှာလို့ရှာ နောက်ပြီး တစ်ချိန်ထဲမှာ​ စိတ်​တွေ ပြုံး​ပျော်​နေပြီး ချက်ချင်းငိုချင်သလို ဖြစ်လာလိုက်နဲ့ လူလဲစိတ်​တွေမမှန်​တော့ဘူး။ ဒါ​တွေဟာလည်း ကိုယ်တစ်​​ယောက်တည်းကမ္ဘာပျက်​နေတာ မဟုတ်မှန်း​တော့ လောင်းရဲတယ်။ အကုန်လုံးဖြစ်ပျက်​နေကြတာ​လေ။ ဟုတ်တယ်မလား?။