تقى_السامرائي
بدت تحضيرات العرس وهوسته واني بالي مشغول بالي جاي اسوي بروحي نهضت وهزيت راسي احاول اشتت أفكاري وماافكر بهل موضوع ..
كعدت بالغرفه وجتي دلال جابتلي علب المكياج ضليت صافنه جريت الكحله الحمره شويه احمر خدود وهاهيه اني لعبانه روحي وكارهتها انوب تعاي حطي مكياج ..
ديرت وجهي للبنات وكتلهن ..
-اطلبجن طلب وماتردني
جاوبن بأستغراب
- كولي خيه
وكفت على حيلي وكتلهن
- رح اطلع ربع ساعه واجي
دلوف عاطت ليه
- عزا العزاج تردين تصخمين وجهي لو سألو عنج شكول شحجي
جاوبتها بأرتباك تام
- اقفلي الباب كوليلهن دتبدل تستحي احد يفوت عليها أي شي احجي مااطول ولعباس
لبست الغتوه ماريدن حد يشوفني وحطيت العبايه علراسي وطلعت بدون تفكير بالي رح اسوي ..
بخطوات سريعه متجها للشط وكأنما أعرف مكانه
وكأنما أعرف هو وين ؟؟؟
حاطه أيدي على كلبي لاحد يشوفني ، بخطوات تشبه الركض صرت الهث من التعب. .
إلى أن شفته اي هو ؟!
كاعد لوحده ، وكفت وحجيت بصوت تعبان ومبحوح
- حارث..؟!
فز على صوتي وكف على طوله وتقرب متفاجأ
كأنو مامتوقع جيتي لهنا
- شجابج هينه!!
- ساعدني
- ماسمعتي كلامي، شفتي شجرالج
- ماجيتك حت تعاتبني ..
- انتي المارديتني شفتي شصار
جريته من ياخته وحجيت واني صاكه سنوني
- اذا تكربلي احركه فاهم؟؟
دفعته بقوه وحجيت بصوت عالي.
- رح اححرركههه توصلك الأخبار عود..!
درت ضهري ومشيت واسمع صوته وهو يصرخ بصوته الجهوري من شده غضبه ..
مشيت بسرعه ، فتحت شباك غرفتي ودخلت منها سديت البرده ونزعت العبايه ولبست البدله ..
مو اني الختاريتها كلشي ماجان على مرامي ..
كلش مو حلوه البدله هوسه معرف لان اني ماراضيه معاجبني شي..
عدلت شعري وخلصت، فتحت قفل الباب وشفت دلوف الي من دحكتني جيت اهجس وجن الخوف والارتباك انزاح عنها..
وبده العد التنازلي،أسوء عد تنازلي عشته لحد هذا عمري..
كعدت بالصاله والنسوان تبارك النه واني لعبت نفسي من الحر والصداع ،،
سمعت صوت وحده تكول
- فاقد جيه..!
دخل حت مادحك بوجهي ولا باركلي حاير يعاين للنسوان ،
جيت اغم روحي لو ما العالم كاعده واكول بكلبي
- شجاني ياربي شورطت روحي ،شفت منه وهيج كتلت روحي عليه؟؟!
وصلونه للغرفه مالتنا حاولت بكل الطرق شلون الهي روحي ومايصير شي بيناتنا..
ماكدرت ياربي الخذلان من نفسي ومن أكثر شخص حبيته بعد اهلي هل شعور يخنكني ..
دخلت سبحت وطلعت لكيته كاعد بس جان معصب
كلت بكلبي
- عشتو عساس هو رجال وعصب. .
اشرلي على الجربايه وكعد ..
بعد طلعان الروح من خوف وقلق بشكل موطبيعي
اهجس روحي توجعني من خوفي .
لنه واكف على حيليه وجرني من شعري وشمرني للكاع، ويدفر بطني ويصيح
- يا قليله اصل يا **** بنت**
المن سلمتي روحج بنت***
ماجان يطلع مني صوت غير
- ولعباس محد تكربلي غيرك ليوم مامسويه شي بالقرآن!!!
ضل مستمر لتعنيفه اليه واسمع صوت الباب تندك
سمعت صوته إي هذا حارث..
اندفرت الباب ،وفقدت وعيي وكأنما مابقى بيه عظم صاحي..
صحيت على أصوات مافرزنت شنو داسمع أذني بيها وشه فتحت عيني والنسوان فوكي وعمتي سماح تبوس براسي ودموعها تنزل ..
جتى ام فاقد تخوصرت وكالت
-ماكعدت الخاتون عساها البنات..
جاوبتها عمتي
- كعدت ومااطلع الا اذا الدكتوره تكشف عليها يسر طاهره ومحد متكربلها
رفعت راسي وسمعتهن
- يلا كعدت كعدت فضنها عاد العرب والعجم كايم كاعد برا فضحتنا الله يفضحها دنيا واخره
اهجس على مره ترفع الغطه من عند رجليه ..
الخجل والتعب الي اني بي هد حيلي هد..
دقايق معدوده وكالت المره وهيه ترفع راسها
- جا انتو تضحجون عليه البنت مابيها شي سالمه غالمه ، بويه اوليدج ماهو رجال هاذ غشائها سالم وموجود كلشي مابيها
ردت روحي من حجيها صرخت بأعلى ماعندي ..
صرخه حزن ،خجل،تعب،وجع .."
اسمع حس عمي ابو حارث يكول الهم
- رائد وكمر ماربو خالي بلاش انتم ماعرفتو تربون..
عندي كعده وياكم ..
وحارث معارك هو وفاقد والنسوان يكولن دمه بطوله لفاقد..
غطيت روحي وعطت
- اخخ كلبي وجج يمههه كلبي يوجعني ،وج يمه المن عفتيني ينهشون بلحمي لكك صداممم تعال عاين شسوو بأخيتك ..
اضرب على صدري واعيط وانعي مثل العجايز من قهري ..
اسفين ع التأخير بويه ..
لاتنسون التصويت +رائيكم يهمني💕☺
