رواية عشگ لطوائف

البارت ((1))

#للكاتبه_ريم_نايف
حساب لانستا.kri.v2
عشگ الطوائف 2020/10/24
 
                          البارت لااول

مثل كل بدايه
نتعرف على اول شخصيه

بنين،
عمرها 21 سنه بياضه عيونها عسليه جمالها حلو وطبيعي وشفاايفها ورديات وزغار طولها متوسط
هادئه و خلوقا وتحب الدراسه بشكل وتريد تحقق حلمها من عائله متحفضه ومعقده لكن  عدهم الدراسه شي اساسي وهاذ الشي الوحيد الحلو بيهم
هاي اول سنه الها بغداد هيه من العماره تدرس قسم داخلي
عدها اخت وحده وخوان ثنين

بمكان بنين
حظرت ملابسها واغراضها للجامعة حتى  تروح تكمل دراسة  والبجي والمنااحه عالگه

زهراء تبجي: يعني بعد مانشوفج ؟

بنين :لا ان شالله اجيكم كل عطله

زهراء:والله لبيت مو حلو بدونج

مي مرت اخوهن:هه قبل النهار كله تتعاركين وياها هسه صار البيت مو حلو

زهراء :اضل اختي وماگدر بدونها

بنين:يروحي ان شالله كل عطله يمكم

دخلت ام بنين :ها يمه حضرتي  روحج

بنين:اي يما جاهزه

امها دمعت عيونها :شلون اتحمل فراگج؟

بنين حضنت امها:يبعد روحي لاتبجين ان شالله امر عليكم بكل عطله

امها: شدي حيلج واهتمي بدراستج اريدج ترفعين راسي وديري بالج من البنات خوش يما

بنين: يما وعلي حفظتهن صارلج اسبوع كل مااشفتيني وعدتيهن عليه

مي: غير المصلحتج

زهراء:شدي حيلج وجيبي درجات  عاليه

بنين: ان شالله ارفع راسكم

مي:يالله ابراهيم يصيح

بنين اخذت جنطها وطلعت وراحن وياها يودعنها
ودعت ابوها واهلها كلهم
وركبت السياره ومن العماره البغداد خلصت الدرب
مناحه واخوها كل ماشافها سكتت يشغللها
نعاوي وبجي خبااثه وياها

وبعد مااوصلو
نزلت بنين هيه وبراهيم

براهيم:هاي الكليه بيها اشكال وانواع من البشر بيها لزين وبيها لشين انتي اريدج تميزين الشين من الزين
وديري بالج تسوين شي غلط والله انحرج ومااعترف بيج
واحنا لو مانعترف بالدراسه وعدنا شي واجب جان ماخليناج تكملين وگعدناج حالج حال بنات عمج

بنين:لاتخاف اني تربيت ابوي وماسوي هيج اشياء الحمدالله

براهيم وصلها للقسم وجان مضبط امورها
بالقسم الداخلي،

بنين جانت خايفه ومتوتره
لااول مره تبات خارج البيت
وشلون راح تعيش ويا ناس ماتعرفهم
وماعدها وحده من صديقاتها وياها
دخلت بغرفه ..
خلت ملابسها بالكنتور وضلت گاعده ماتعرف شسوي