" ضيم اهلنة "

بارت الاول " لچحت اغزيلتي "

راح نبدي قصتنة من هنا ....

من بعيد شفتة و ريت ماشفتة
من دگيت شوفي تذكرت دگتة
و لمن گربت مثل الیطب دیوان
یگطع سالفه و تنگطع سالفته
لمن سلمت رد علی ها مشتاگ؟
جاوبته و ضحک ثاری النعم نکته
و انی شقصرت ؟ طولت کلشی ویا
و حبیته بوکت حته امه عایفته

" للشاعر علي سمور الحيدري "

زهلولة : خايب جويسم مابسك تختل و ركض بهل سلف مو كافي يمة شوف اخيك سعود شلون واعي الجيران كلهم ملو و طكت رواحهم من هل لعب الماصخ ترا ماصارت تمشي و تكفخ بخلك الله عيب و فشل و انت ابن الشيوخ

جاسم : يمة ولله ماسويت شي بس اهمة دوم يعيروني و يكلولي انت لفوك من الشوارع وينك وين الشيوخ و اصلهم و اخوك سعود احسن منك

زهلولة : عزة بعيني انا امك يجاسم و اليفج حلكة بجلمة وياك ماجابتة امة يبزر بطني انت ابن شيوخ و تربات دواوين محد يكدر يحجي وياك حجاية و يغثك و انا امك

جاسم مشة و هوة راسم علة حلكة ابتسامة من هلصوب لهذاك الصوب و يغمز لفروخ السلف و يتباها بكونة ابن الشيوخ و صيتهم واصل لاخر الدنية
توضيح :( بني طرف قبلية جبيرة كللللللش و تضم هواي عشاير الهة و ابطال قصتنة همين راح يكونون منهة )

الشيخ منعم : كلولهم لو كضبناهم نهدر دمهم مو احنة التالي اعمارنة تنكس عكلنة زعاطيط و فروخ و جهال جبنة اعمارنة كلة نحجي بلزينة و اليمسنة بورد نمسة بدم محد يتمادي لو يطول لسان وي الشيوخ
و سواليف السلف كلهة احنة حلينا مشاكلهة مو تالي احنة نتورط شنهي جا نعلم الناس اعلة الصلا و احنة مانصلي

سعود : بوية صكدني حجيك اعلة عيني و راسي و همة سحكو علة فراشنة عيب و فشل نردهم و نسد باب المضيف بوجوهم
غير احنة تربات الشيوخ و حلينة مصايب اكبر من هاي يابوية

سعود : لاولله و صكدت يبني و كفو من بطن النكلتك و هاهية كلهم اليلة النة جعدة بمضيف بيت سباهي

سعود : تدلل بوية رايح اسير صوبهم

( سعود )

فرحت كلش من شفت ابوي قبل حجيي و رضة ينطي فرصة لبيت سباهي من بعد ماقللو ادبهم ويا و كلش راضي من سوايتي من كدرت اقنعة حتة لانخسر سمعتنة كبال الناس كلهة

و بدربي صوب بيت سباهي ضليت اعاين و اتنوع للسلف يمحلة الريف و حجاياتهة النهار الناس مثل الدود كلمن يركض ورة عيشتة و من يچلچل اليل كلمن يسد بابة و يحط راسة عل مخدة...بيهم الينام و بطنة خاوية و بيهم ينام دمعتة علخد و بيهم ينام يفكر باجر شلون يشتري مصغول و يلعب بلسلف

رغم كلشي صاير بلسلف بس كلهة عكلب واحد و لو اخو تنخة اخو يفز من مجانة و ينسة البينهم كلة
ماعدنة واحد طالع من السلف و الناس كلهة تسعين بلمية منهم مايعرفون لاقراية ولاكتابة و جايبين خبزتهم بلحلال من الفلاحة