رواية مخابرات خلف الأسوار / أسماء جمال

1

المقدمة 
الحلقة 1 
.
.
.
.رواية / مخابرات خلف الاسوار 
🌹🌹🌹🌹🌹🌹🌹🌹🌹🌹🌹🌹🌹🌹🌹
المقدمة 
.
.

الصح بيّن و الغلط بيّن و بينهم مشتبهات .. بينهم لحظه حرِجه .. بيزيد فيها الغلط من إغرائه و يقل فيها الصح من دفاعه .. و يقف بينهم مالك الاراده تايه عندما تُسلَب منه إرادته ..
ف هل سيحسم امره ؟؟ و لصالح مين ؟

بين الصح و الغلط سور عالى .. عالى قوى .. بس السور ده فيه ثغرات .. ثغرات ممكن يدخل منها الصح للغلط او الغلط للصح و يختلطوا ..
و يفضل السور ده بينهم عالى .. و وراه حلم اللى إستنت من مالك الإراده ينطّ لعندها من عليه و نسيت إنه لا خارق و لا عصفور عشان يتخطاه ..
و من الناحيه التانيه للسور وراه المالك اللى فقد إرادته و إستنى الحلم يبقى حقيقه و يتخطى السور ده ل واقعه و نسى إنه هيفضل حلم و مهما طال هيخلص و يفوق ..

و هيفضل بينهم السور زى السور اللى بين الصح و الغلط ..
بس مين فيهم هيمثّل معانا الصح و مين الغلط ؟
مين هيتخطاه للتانى ؟ مين هيسيب سكته و يتقابل ف سكة التانى ؟ ممكن الغلط و الصح سككهم ف يوم تبقى واحده و يتقابلوا ؟؟

هيتخطى الحلم السور ده و يقلب لواقع للمالك ؟ و لا المالك هو اللى هيتخطاه و يخطف حلمه ؟
يا ترى هيفضل بينهم سور ورا سور و كل واحد وراه منتظر التانى ؟

و هتفضل بالنسباله حلم زى إسمها و يفضل هو بالنسبالها ظابط (( مخابرات خلف الاسوار )) ؟؟
.
🌹🌹🌹🌹🌹🌹🌹🌹🌹🌹🌹🌹🌹🌹🌹
الحلقة 1 
.
.
ف بيت نوعا ما بسيط و هادى و الحياه فيه دافيه ..
امال زقّت الباب بغيظ و داخله بزهق : يلا يا فهد بقا .. مش طريقه هى .. كل يوم تلات ساعات اصحّى ف سيادتك .. امال لو مش نيله و بتتدّرب لسه .. يعنى المفروض مواعيدك مظبوطه
فهد بنوم : اه ماهو انا لو كنت مالك كان زمانك
امال بغيظ : مش هنخلص بقا من نغمة كل يوم .. ده اللى انت شاطر فيه .. اول رد أخده منك .. مالك مالك .. لو مالك بقا كان زمانى ايه ؟؟ هاا ؟

فهد قام نص واحده و إبتسم بغيظ : لو مالك ؟ يا سلام ؟ كان زمانك بتدلّعى و تهنّنى و يلا يا حبيبى و قوم يا ضنايا .. و لو تعبان اسيبك حبه .. و لا كإنه ماسك الداخليه
امال و هى بتفتح الستاره شالت فازه من ع الكومدو و حدفتها عليه بهزار و هو لقفها بضحك : يا ساتر عليك .. طب و هو انت زى مالك ؟ ده كفايه هلكته ف شغله ربنا يجيبه بالسلامه
فهد رفع حاجبه : على فكره انا ظابط زيه .. و هو إبنك زيي .. بتترافعى عنه ليه قدامى ؟

امال قرّبت منه و مسكت قزازة مايه و فتحتها : طب هتقوم و لا ؟
فهد قام و رفع اللحاف حدفه بخفّه غطّى وشها بهزار و هى واقفه قدام السرير : خلاص اهو
قام جرى دخل الحمام و هى إبتسمت بحب : ربنا يباركلى فيك و ف مالك و لا إتحرم منكم ابداا

ف مكتب اللوا صالح ف مركز العمليات الخاصه ..
يونس : طيارته على وصول متقلقش
اللوا صالح بحده : من المطار على هنا يا يونس
يونس ضحك : لا من الناحيه دى متقلقش .. مالك ده مربوط ف ساقيه و هو اللى رابط نفسه فيها تقولش خايف يفك
اللوا صالح و هو خارج : اول ما يوصل إدينى خبر و نتقابل ف قاعة الاجتماعات