#اسكريبت ❤
#بقلم مريم _هاني ✍️✨
=كنت متأكد اني هلاقيكي هنا والله
-يبني انت مش بتزهق دة انا زهقتلك والله
=لا مش بزهق ومش هزهق غير لما تحن يجن 😉😂
-انت بتجيب الالفاظ دي منين يبني
=مش هقولك عشان متروحيش تجيبي منه نيهاهاها....خلاص خلاص بلاش بصة الارف دي ممكن اسألك سؤال طيب
-دة علي اساس اني لو قولت لا مش هتسأل
=اكيد لا طبعا هسأل
-اووووف اتفضل اسأل واخلص يعم الرخم
=انتي بقالك شهر بتيجي تقعدي ف نفس المكان قدام البحر وتفضلي تبصيله جامد بس نظرتك بتبقي فيها حزن كبير لي كدة احكيلي يمكن وجعك يخف
-عارف الناس دي عاملة زي اي؟!
=زي اي؟!
-عاملة زي البحر
=البحر!!!! اشمعني وازاي اصلا؟!
-البحر لما تشوفه من بعيد بيبان انه شكله جميل ويشدك وكل وماتقرب منه تكتشف فيه حاجة جديدة يعني مثلا اول ماتوصل الشط بيكون هادي ومسالم فتدخل جواه شوية..........شوية وتدخل اكتر وساعتها لو مش بتعرف تعوم هيغرقك ويموتك كمان الناس كدة طول ما انت بعيد عنهم شايفهم مسالمين ولما تقرب منهم شوية تحسهم طيبين وبيحبوك لكن مع الايام بتكتشف انهم غدارين وكدابين ومافيش واحد فيهم بيحبك بجد ولو مكنتش بتعرف تتعايش مع الناس دي وتبقي زيهم مش هتعرف تعيش وسطهم لازم تكون كداب ومنافق ومخادع عشان تعرف تعيش وسطهم ومحدش يقدر يأذيك....انا بابا وماما سابوني وحيدة ماليش حد وضهري اتكسر بعدهم بعدها قولت اكيد اصحابي هيكونوا جمبي ويهونوا عليا لكن هما كمان سابوني عشان بقيت علي طول نكدية ومبهزرش حتي البيست بتاعتي قالتلي انتي بقيتي نكد اوووي ولبسك كله بقي اسود ومش موضة انا خلاص مبقتش قادرة استحمل.....هما كانوا مصاحبني انا ولا مصاحبين شكلي ولبسي.... كانوا بيحبوني انا ولا بيحبوا هزاري وضحكي بس......لي مافيش واحدة منهم حست بيا ووقفت جمبي زي ما انا وقفت معاهم قبل كدة هو انا قصرت ف اي.....حتي الشخص الوحيد اللي حبيته وصارحته بحبي قالي انه مستحيل يبصلي لاني وحشة وتخينه ومانفعهوش
-بس انا ف رأيي انك غلط
-تكلمت بسخرية نعم ازاي غلط
=بصرف النظر عن نبرة السخرية دي بس هقولك حاجة هو لو واحد مش بيعرف يعوم ونزل البحر وغوط جامد وغرق ساعتها الحق هيكون علي مين علي البحر ولا الشخص
-لا طبعا علي الشخص لما هو مش بيعرف يعوم كان بيغوط لي كل واحد فينا فيه عقل وبيعرف يميز الصح من الغلط والمفيد من الضار
=ابتسم وقال بالظبط كدة زي ماقولتي كل واحد فينا عارف الصح من الغلط وانتي غلطتي لما صاحبتي ووثقتي ف ناس مش شبهك انتي جميلة ونقية من جوا ومش شبهم انتي احسن منهم كان لازم تعرفي انك مع الاشخاص الغلط...... كل واحد هو اللي بيختار حياته هتكون ازاي
-ازاي؟!
=بأنك تختاري الناس اللي هتبقي ف دايرة اعز الاشخاص.... بأنك تختاري مين يكون صديق مقرب ومين صديق عادي..... بأنك تختاري انك تكوني قوية ومافيش حاجة تكسرك مافيش حاجة تكسر الشخص غير نفسه وقلة ثقته ف نفسه خليكي دايما واثقة انك تستاهلي الاحسن وانك جميلة ومافيش منك.... اختاري دايما اللي يقف جمبك ويدعمك مش اللي يكسرك ويهد ثقتك بنفسك....ولو انتي عايزة تتغيري يبقي تتغيري عشان نفسك مش عشان حد تاني لان محدش يستاهل اصلا انك تعملي كدة
-ابتسمت وقولت كل كلامك صح بجد شكرا ليك اوووي انا مش عارفة اقولك اي بجد....هو انت اسمك اي
=اتكلم بمرح اسمي احمد وماتقوليش حاجة يستي بس اطلبيلي واحد حمص الشام الله يخليكي الواحد ريقه نشف
-ضحكت وقولت ريقك نشف فتشرب حمص الشام مش ببسي مثلا دة انت غريب بجد
=تعرفي ان ضحكتك جميلة اوووي وبتخطف قلبي
-اتوترت وقومت طب انا لازم امشي سلام بقي
=ضحك وقال اهربي اهربي مسيرك يا ملوخية تيجي تحت المخرطة
ضحكت عليه جامد ومشيت بس معرفش ليه لما ضحك قلبي دق فجأة....... عدي شهرين من ساعتها ف الشهرين دول مروحتش عند البحر تاني لاني وعدت نفسي اني مش هروح غير لما اغير نفسي وارجع احسن من الاول وفعلا بقيت اقوي من الاول وعندي ثقة ف نفسي ومحدش بقي يقدر يأثر عليا ورجعت كليتي ورجعت تاني من اشطر الطلاب وف يوم كنت قاعدة ف الكافيتريا ولاقيت الشلة اللي كنت منها جاية عليا
*ازيك يا سلمي عاملة اي يروحي
-اتكلمت بسخرية عايزة اي يارحمة
*كدة برضه يا سوسو دة انا كنت جاية اطمن عليكي مش انا البيست بتاعتك برضه
-كنتي.......قصدك كنتي البيست بتاعتي قبل ماتتخلي عني زي ماكلهم تخلوا عني وقولتيلي الكلام دة
*صدقيني يروحي انا ندمت والله وعرفت غلطي ممكن نرجع صحاب زي الاول
-بصتلها بكل تكبر وقولت سوري انا مصاحبش الناس اللي شبهك عن اذنك
وسبتها ومشيت وهي بتبصلي بصدمة... بجد حاسة اني قوية واني اخدت حقي منها.... روحت البحر لقيته قاعد علي البحر مكان ماكنا بنقعد....بس شكله اتغير شعره كبر ودقنه طولت اوي وباين علي وشه الحزن والكآبه
-قولت وانا ببتسم كنت متأكدة اني هلاقيك هنا
=بصلي بصدمة وقال انتي هنا بجد ولا دي تخيلات زي كل مرة
-لا بجد مش تخيلات
=يااااااه اخيرا جيتي انا كنت فاكر انك مش هترجعي تاني
-ابتسمت وقولت ازاي مرجعش تاني مكنش ينفع اني مرجعش بس حبيت اني ارجع وانا قوية.... حبيت ارجع واكون احسن من الاول
=كنت حابب اكون معاكي وانتي بترجعي اقوي
-لا...... انت تستاهل انك تشوفني كدة وتتفاجأ بيا انت الوحيد اللي تستاهل المفاجأه دي لانك السبب فيها اصلا
=وحشتيني اوي
-انت كمان وحشتني اوي
=بحبك ❤
-قولت بغرور ها... طب ما انا عارفة اصلا مافيش حد ميحبنيش
=اتكلم بغيظ يشيخة يخربيتك فصلتيني وبوظتي اللحظة... طب والله لامشي اوعي انا غلطان اصلا اني عامل فيها عبد الحليم
-ههههههههه خلاص تعالي متزعلش
=لا يستي مش لاعب
-طب بحبك طب
=قولتي اي
-اي مقولتش......خلاص متبصليش كدة بعنيك الحلوة دي..... احم قولت بحبككككككك 😍❤
=وانا بعشقككككك 😘❤❤❤
احببتك يا من انتشلتني من ظلمتي وارتني النور الحقيقي..... اعشقك يا من اخذتني من جحيمي لجنتك 😍❤❤
#بقلم مريم_هاني✍️✨
