#اسكريبت
#by mariam hany✍🏻✨
"أنا نفسي أتحب"
-جملة بسيطة جدا لكن شدتنى لدرجة كبيرة وأستغربت ان جملة زى كدة ممكن تطلع من طفل عمره مايزدش عن العشر سنين.....ايوة متستغربوش انا مُدَرسة وأنهادرة كان يوم دردشة بينى وبين الطلاب حاجة بعملها يوم فى الأسبوع عشان يفكوا عن نفسهم وكمان عشان أقدر أقرب منهم أكتر وأفهمهم....وانهاردة عملنا لعبة ان كل واحد يكتب امنية ليه ف ورقته ويحطها ف صندوق وانا هقرأهم....طبعا مقدرتش اقرأهم كلهم والباقي قولت هقرأه ف البيت والامنية دى كانت من ضمنهم.....بس يا ترى مين كتبها؟!
تاني يوم ف المدرسة
-صباح الخير يا أولاد
"صباح النور يا ميس ملك
-على فكرة انا قرأت بقيت الرسايل عندي ف البيت زي ماوعدتكم وهنتكلم فيها بس مش انهاردة هنتكلم فيها فى اليوم الفاضي بتاعنا اتفقنا
" اتفقنا
-ودلوقتي يلا نبدأ حصتنا
بدأت الحصة وشرحت الدرس وسألتهم كام سؤال عشان اتأكد انهم استوعبوا الدرس كويس
-محمود حبيبي لم من زمايلك كشاكيل الواجب وهاتهوملي
*حاضر
فى الحقيقة دى كانت مجرد حِجَة عشان اقدر اقارن الخطوط بالخط اللي فى الورقة واقدر اعرف مين اللي كتب الجملة دى وبالفعل قدرت اوصل للولد دة واللي كان أحمد.....احمد طفل منطوي اوي على نفسه ومالوش صحاب خالص. دايما قاعد لوحدوا جربت قبل كدة اني اقرب منه واصاحبه بس للاسف هو مش من النوع اللي بيثق ف الناس بسهولة....طلبت منه انه يجيلي اوضة المدرسات عشان اسأله واتأكد منه
=حضرتك طلبتيني يا ميس
-ايوة يا أحمد تعالى.....طلعتله الورقة وسألته....انت اللى كاتب دى يا أحمد
=اتوتر وقال...لا يا ميس مش أنا
-طب ازاى والخط اللى فى الورقة هو هو الخط اللي في كشكول الواجب بتاعك(مش لازم تقول للطفل لا انت كذاب لانه عارف انه هو فعلا كذب الطفل فى الوقت دة مش محتاج انك تقوله انت كذاب هو محتاج بس انك تتفاهم معاه بهدوء وتناقشه وتفهمه غلطه مش اكتر من كدة)....سكت ومردش عليا ....قولى يا أحمد انت لى دايما بتقعد لوحدك
=عشان انا بحس ان محدش بيحبنى كل ما احاول اتعرف علي ناس و يبقوا اصحابي الاقيهم بيتريقوا عليا ويقولولى انى رخم وهزارى تقيل وكمان ساعات بتهته ف الكلام
=طب وانت لى تسمحلهم انهم يكلموك كدة لى مش بترد عليهم
-انا مش بعرف ارد عليهم
=ايوة يحبيبي بس كدة ماينفعش لازم تعرف ازاى ترد وتدافع عن نفسك... وبعدين انت لى مش بتقول لمامتك او باباك على اللى بيحصل معاك
-اتكلم والدموع ف عينيه... انا مش بحب اتكلم مع ماما لانها بتفضل تقولى كلام يضايقنى زى "انت هتفضل لامتى تتهته زى العيال انت كبرت خلاص بطل العادة دى" كأن دة شئ بأيدى انا كبرت لاقيت نفسي كدة اعمل اى وكمان بتقولى "هتفضل لامتى خايب كدة استرجل وخليك راجل" هو يعنى عشان مش بعرف اتخانق واضرب زى باقي الاولاد ابقي مش راجل وكمان ساعات تقولى"انت مش فالح ف حاجة أبداً اوعي من وشي اوعي"عشان حاولت اساعدها ف حاجة انا اول مرة اعملها وغلطت تبهدلني وتقولى الكلام دة طب لى ما كلنا بنغلط وبنتعلم لو مغلطناش هنتعلم ونعرف الصح ازاى فهميني........ وبابا دايما ف الشغل ومش بشوفه خالص حتى لو صادفت وقابلته مش بيتكلم معايا غير بيقولى محتاج حاجة اجبهالك فاكر ان كل حاجة بالفلوس مايعرفش اني محتاج حبه وحنانه بس..... اذا كانت ماما مش بتحبنى يبقي مين هيحبنى يعنى وبابا مش مهتم بيا يبقي مين هيهتم..... انا ماتحبش صح
=اتكلمت بأبتسامة مختلطة بالدموع اللى بحاول انى اسيطر عليها وماخليهاش تنزل قدامه.... لا يحبيبي انت تتحب وتتحب اوى كمان..... حبيبي بابا وماما بيحبوك اوووي واكتر مما تتخيل وعايزينك احسن واحد ف الدنيا بس يمكن هما مش بيعرفوا يعبروا عن مشاعرهم دى.... وبالنسبة للاولاد اللى قالولك انك رخم والكلام الاهبل دة ف هما غيرانين منك اصلا اكمنك ابيضانى وبغمازة وحليوة كدة
-رد عليا بأبتسامة وفرحة كبيرة.....بجد يعني انتي شايفانى حلو واتحب يا ميس ملك وانتى بتحبيني
=طبعا يا روح ميس ملك انت تتحب وانا بحبك جدا ومش انا بس كمان ماما وبابا بيحبوك... ممكن بقي لما حاجة زى كدة تحصل تجرى على ماما وتقولها او تجيلى وانا اوعدك انى هحل كل المشاكل
-توعدينى
=اوعدك بس عايزاك انت كمان توعدنى بحاجة
-اوعدك بأى؟!!!
-توعدنى انك من انهاردة هتحاول انك تتغير يعنى تتعرف على الناس وتقرب منهم وتعمل اصحاب واللى يضايقك تيجى تقولى عليه وانا هتصرف معاه زى ما وعدتك اتفقنا؟
-رد عليا بأبتسامة جميلة..... اتفقنا
=تمام.... دلوقتى بقي اتفضل يلا على باقي حصصك
-حاضر عن اذنك
