فصليه لشايب 🥺

بارت7

الدنيا قسمه
وقسمة العاشـگ يموت!
لون مايحضه بشريـچ
ارويحته.
رائد،راحت وراحت دنيتي وياها ضليت امشي جسد بس بدون روح اكل بس ماحس بطعم متت بغيابها احس الدنيا تسودت بدونها يالله طلبتها منك ياموسئ بن جعفر لا تفشلني اريدها ادري بيها صارت علئ ذمه غيري بس ماكدر ماگدر ياترئ هسه تقربلها حضنها ضاگ طعم شفافها يالله ضليت اروح للجامعه اول مكان اباوع عليه مكانها واذكر ضحكها وسوالفها مر تقريبا شهر احس الدنيا طلعت من عيني يوم من الايام رحت اني واختي للمول
ورد،يوم من الايام جنت كوولش ضايجه اجت زوزو شافتني مطنكره
زهراء، ها وروده شبيج
ورد،ضايجه مشتاقه لاهلي
زهراء،سوده عليه ممم اجتني فكره
ورد،شنوو
زهراء،ماگلج يله اني اروح
ورد،ليش
زهراء،شوي واجي
ورد،اوك
زهراء،نزلت رحت لعمو حاكم عموو عموو
حاكم،هاا زهوره
زهراء،عمو حباب حبيبي والله ضاجينن طلعنه حبااب
حاكم،ممم وين تردين
زهراءللمول للمطعم اي مكان تره والله ميتين من
الضوجه
حاكم،ميخالف انتي ومنوو تردين
زهراء،اني ووروده
حاكم،ورده
زهراء،اي عمو حباب خطيه لكيتها تبجي فوگ علئ اهلها كلت خل نغيرلها جو
حاكم،زين خل اخابر مازن الووو ابو بسمه اني راح اخذ البنيات اغير جو الهن شويه اخذ مريتك وياي خطيه شوي تغير من نفسيتها يله مشكوره بعيوني اخليها مع السلامه يله زهور روحي نص ساعه الكاجن جاهزات وگلن البنات عمجن وياجن
زهراء،عموو الا اكللهن 
حاكم،چا عيب نروح وماناخذهن ويانه
زهراء،عمو تطلع سم مو طلعه علينه حباااب غير مره اروحلك فدوه اني
حاكم،يالوتيه يله بسرعه بسس
زهراء،اموواح احبك دقائق واخلص صعدت ركض الورد ورررددد
ورد،هاا هاا شكوو
زهراء،بسسااع بدلي 5 دقائق ونروحح
ورد،ووين نروحح
زهراء،للمول يله عمو حاكم گال بسرعه بدلن يله
ورد،ها خاف عيب منه
زهراء،لاولج عليمن عيب
ورد،ولج ماكايله لمازن
زهراء،لتخافين خابره بس يله
ورد،ماشي اخذت صايه سوده وشال اسود وشحاطه محطبت اي ميكب بس واقي شمس جان عندي فلوس اخواني انطونياهن ماصارفتهن اخذتهن  نزلت زوزو جانت لابسه عباء
حاكم،خويه ماعندج عباء تلبسينها
ورد،ها لا والله خويه مامشتريه
حاكم،ميخالف هل مره سماح من نوصل للموا اشتري عباء ماشي
ورد،ماشي رحنه بسيارته اني وزوو ليوره وهوه يسوق همزين ماشافنه العتاوي جان جلبن بينه وصلنه للمول نزلنه ضلينه نفتر شوي استحيت اشتري بس زهيره اجرني اشتريت ثوب وردي قصير مال غرفه يعني انام بيه مخلاني حاكم ادفع فلوسه
حاكم،مو عيب اني موجود وادفعين شكالولج عليه نثيه اني
ورد،حشاك حشاك مو قصدي هيج بس اني عندي خير من الله
حاكم،ميخالف اول مره طلعين ويانه علئ حسابي هل مره
ورد،مشكوره ماتقصر
حاكم،ولو چا انتي اخيتي مثل رسل
ورد، شكرا واشتريت عباء وهم مقبل ادفع الا هوه واشتريت شيله لبيبي ام عدنان و زهيره ماخلت شي ماشترته هيه تشتري وحاكم يدفع
حاكم،زهيرانن صرفت عليج بال80 الف كافي ياردمج يله كلشي عندج بعد شنو هل مشتره
زهراء،مم والله زعلت قابل اني يوميه طالعه وياك شو هيه بالسنه حسنه اروحن وياك ماريد بعد وبس ارجع انطيك فلوسك
حاكم،حضنتها وبستها ولج اني اتشافه وياج هوه شكم زهوره عندي شو بس هل وحيده ووحده بالصين ماتت ههههه
زهراء،هههه
ورد ضحكت عليهم حلوه علاقتهم بس متوقعته يضحك عبالي 24 ساعه مغنتب جاي نمشي شفت شخص داير وجهه طوله وجسمه مو غريب عليه ضليت اركز به اندار وجانن
تلاگينه بس شلون ملگه
عيون تحجي گلوب تحجي
كلشي يحجي
وماحجينه،،،💔
ورد،صدمه عمرري رائد جان هوه واخته واكفين هوه تصنم گدامي حتئ ميرمش گام عيوني تلقائيا ضلت تجري دمع ماعرف شسوي اخاف حاكم يشوفني هيج ويفهم السالفه ولا اكدر اوخر عيونيي منه اريد اشبع منه من طوله من عيونه من ملامحه ماريد افارگه شلون بيه ادري حرام لان صرت مره مازن بس مو بيدي والله اباوعله ضعفان سوده عليه صاير اصفر جوه عيونه كله سواد لحيته طولانه شفايفه ذبلانه سوده عليه متغير حيل هيج غيابي أذاك صاح عليه حاكم وزهراء ورحت وراهم واني اتلفت عليه يالله شسوي ارحمني يالله
رائد،شفتها ويايرت ماشفتها احس الدنيا صارت تفتر بيه تباوعلب ودموعها تجري ااف يارويحتي اريد هسه احضنج واضمج جوه ضلوعي بنص گلبي مابيدي شي عليج ووعيونج الحلوه انتي ردتي البعد وانتي ردتي الفراگ وعفتيني لا اكدر اروح احاجيج واسمع صوتج وابرد نار گلبي ولا اگدر امشي واتجاهلج اجه واحد يمها صاح ورده وااني گلبي انقبض ورده يدلعها يمكن رجلها وياه بنيه شابه
‌‏⠀
يا حمد غنيلهـم
هلبـت يحـن دلالهـم
يا حمد محـد إجـة
و لا چن إحنـة أعزازهـم !
💔
ورد،رحت وياهم للسياره واني فاصله امشي بس ماحس بشي زهراء تسولف وياي واني مو وياها
زهراء،ورد  ورودده ورردد
ورد،هاا هاا
ورد،شبيج وين صافنه صارلي ساعه احجي وياج وانتي ماكوو بيج شي
حاكو،ورده بيج شي خويه صارلنه ساعه نحجي وياح
ورد،ها لا لا بس شويه دخت
حاكم،تعالن گعدن بالسياره يله اجيب عشه واجي
ورد،راح حاكم واني حطيت راسي ع كشن واذكر ملامحه شلون يباوعلي اااخ يادنيا
حاكم،يله جبتلجن گص هاج زهوره هاج ورد هاذه عشاجن
ورد،عليمن تعبت نفسك خويه
حاك،عيب هل حجي غير انتي اخيتي يله اكلي زين وجهج صاير اصفر
ورد،مشكوره تعبتك
حاكم،تعبج راحه
ورد،اكلت شوي وضميتها ماشتهي بس شربت عصير لان احب الاورنجوز فرش رجعنه للبيت وزهيره دكتها
زهراء،الا تشتريلي موططه هسه اريد موطه
حاكم،بويه من نرجع اشتريلج لا تلحين
زهراء،حبااب عمو وورد هم تريد موو ورد
ورد،ها لا لا ماشتهي اني
زهراء،ككبر طمجج
ورد،هههه
حاكم،يله راح اشتريلج وبدربنه نشتري للبقيناهن بالبيت
زهراء،يبووو نسيتهن اليوم يمموتني والله
حاكم،گتلج ناخذهن وانتي ماقبلتي تحملي
زهراءعمو ماتشوفهن شيسون بالبنيه كوله بسامير دك
حاكم،دخل وحده تحجي گبالي الا اشرمها بالنص
ورد،وكف حاكم وجاب موطات علب للبنات وجابلي اني وزوزو كبوسات
زهراء،هاج وروده
ورد،ماريد والله مامشتهيه
حاكم،خويه مني لاتردينها
ورد،دام عزك لا ماردهن مشكوره
حاكم،تتددلين
ورد،رجعنه للبيت اول ماطبينه لاگينه بومات واكفاتلنه الوجوهه ماتگصهن السيوف
بسمه،هلاوو هلاوو چان بتتن هناك
زهراء،والله عمو حاكم حبيبي عمري هوه ودانه انتن شكوووو
منئ،بله انتي بنت اخوه هذيج الحيه شنوو
ورد،باوعتلهن صفح وطبيت سلمت علئ بيبي ام عدنان
ام عدنان،هلا يمه هلا بهل طول الحلو شلونج عساه تونستي اليوم
ورد،حبيبي كل الهلا بيج اي والله تنوست تمنيتج ويانه بيبي
ام عدنان،يمه ارجيلاتي مايعينني امشي
ورد،مابييج غير العافيه شوفي اشتريتلج شيله اتمنئ تعجبج
ام عدنان،يا يمه عليمن متعبه روحج
ورد،ياتعب بيبي غير انتي البركه والعافيه كلها
ام عدنان،يمه الله يحفظج ويفرح گلبج يارب
ورد،ويخليج النه خيمه وسند دائما
مازن،الله الله شنو هل حجي الحلو والدعوات الحلوه چا يمه اني مالي دعوه بس الجنتج
ام عدنان،يمه هاي مو جنتي هاي بنيتي
ورد،بست راسها حبيبتي الله يخليج الي
مازن،زين تونستي اليوم
ورد،اي وخطيه اخويه حاكم ماخلاني ادفع شي مني
مازن،شكد صرف كليل واني انطي
ورد،لا اني عندي بس مقبل ادفع مني
حاكم،السلام عليكم
مازن،وعليكم السلام ها خويه عساه ماتعبنك
حاكم،والله خويه هاي زهيره شلعت گلبي خو المحفضه فرغت عليها هههه
مازن،ههههه خليها بزود عمها صدك خويه ورد گالت ماقلت تدفع شي كول شكد الحساب واني انطيك
حاكم،لا خويه عيب هل حجي مو منك تره مامقبوله وورد شنو فرقها عن زهراء لو بسمه لو رسل هيه حالها حالهن ميصير تحجي هيج واني شكد دفعت هيه 40 الف قابل مليونن
مازن،ماتقصر خويه ادري بيك تاج انته
حاكم،انته تاجنه خويه الله يخليك
ورد حبيت خوتهم سوه حلوين الله يحفضهم اجت بسمه تتعاير كل عاده
بسمه،ممم باباا
مازن،گولي عيون ابوج
بسمه،سالمات عيونك حبيبي شوف عموو حاكم اخذ زهره وورد ومااخذني
مازن،صدگ ليش هيج حاكم هاي الغاليه
حاكم،خويه الدنيا ضهر وجانن نايمات
بسمه،اي ميخالف جان كعدوتني قابل اگول لا
منئ،اي عمو واني هم اريذد ميصير هيج شنو زهريه وحدد قابلل
مازن،عمي باجر اخذجن كلجن
بسمه،ياااااااااي
رقيه،حبيبي عمي الغالي
مازن،مصلحجياتت هههههه
ورد،نعست حيل گمت عن أذنكم
مازن،وين بعد وكت ليش عازله روحج
ورد،تعبانه والله
مازن،يله تصبحين ع خير لعد
ورد،وانتم من اهلوو رحت سبحت و لبست الدشداشه الشتريتها وفليت شعري وحيطت مرطبات الوجهي والايدي جاي اگلب بالتلفزيون وانفتح الباب گمزت گمزه باوعت جان مازن يمه گلبي انشال من مكانه
مازن،ها اسف اسف گمزتج
ورد،ها لا لا عادي احجي وادور علئ الشال
مازن،شوفي انتي من اول يوم اجيتي بيه للبيت گتلج انتي بحسبه بسمه الله شاهد كمت احبج شلون ماحبها بس امي جلبتلي اجي انام يمج واني اخاف عليها بس تصعب يصعد ضغطها واخاف يصير شي فيابنت الناس اني بعد انام هنانه ماشي
ورد،گال انام هنانه صرت ابلع بريگي من الخوف اريد احجي احس الساني انعقدد
مازن،بويه لا تخافين ماسوي شي بس انام وهم راح انام بالگاع
ورد،هاا لا لا شوون تنام بالگاع نام هنانه واني انام جوه
مازن،لا بويه ميصير شلون تنامين علئ الگاع بويه الفراش واسع نامي هين
ورد،هاا ببككي ييفك كك
مازن،يله اني راح انزل لا تقفلين الباب تره اصعد بعد شوي
ورد،براحتك نزل واني ضليت الطم علئ وجهي عززه العزااني اصخام الصخمني هسه شلوون ششلوون يالله شسوي شسووي ضليت اكل بروحي اكل افتر بالغرفه حايره وين اروح اخر شي صارت ب11 ونض نعست كولش حطيت راسي ونمت ماحسيت الا علئ حركه بصفي گع ت مفزوعه لان مامتعوده احد يمي باوعت جان مازن نايم بلعت ريگي تغطيت زين ونمت ثاني يوم گعدت ع صوت المنبهه فتحت تك عين جان هستوه گاعد گعدت ممم صباح الخير
مازن،صباح النور ها كعدت
ورد،لا عاددي اسويلك ريوگ
مازن،اذا ماتعبج
ورد،تتددل بس ابدل
مازن،چا اني راح اروحن ابدل يله
ورد،طلع واني رحت غسلت وجهي لبست ثوي وشالي نزلت سويتله ريوگ وحطيته ع طاوله وجاي اشتهيته كعدت اشرب جاي لان راسي جان يوجعني نزل وعطره سبقه ممم اخذت نفس قوي  عطره كولش حلووو
مازن،هلا بالريوگ الزين تعبتج وياي
ورد،لا تعبك راحه الف عافيه
مازن،يله سمي بالله
ورد،لاا الف عافيه مامشتهيه
مازن،شنو مامشتهيه غير ريوگ هوه تعالي يله
ورد،خجلت منه كعدت اكل بس مو هواي تنقش بان صدوگ موو مشتهيه خلص وگال اكلج طالع مرتب لو الدشداشه مو حلوه
ورد،لا لا مرتب
مازن،ها عندي فصل ولازم اروحله ماريد اروحن مبهذل
ورد،لا لا مرتب مابيك شي(اذا انته مبهذل اني شگول لنفسي صايره سعديه ام الخبز اخررع)طلع واني عزلت الصينيه ورحت نضفت وحضرت الريوگ للجميع نزلو
ايمن،يمممه شوف عطر الجاي بوويه عمي صبيلي فدوه
ورد،تددلل صبيتله وكعد يشرب
وليد،الله شوف الريوگ شكله شكد حلوو والله جوعتيني واني مسوي رجيم
منير،عامل دايت موو ولك هاذه الاكل اليوم اجرم بيه شتحجي انته
ام عدنان،هلا ببنيتي المعدله عاشت ايدج
ورد،عافيات بيبي كعدنه ناكل خلصنه صاحتلي بيبي گلتلي اريدج رحت يمها جانت تصلي كعدت يمها خلصت تقبل الله
ام عدنان،منه ومنكم صالح الاعمال يمه اريد اكلج شي انتي اول ماطبيتي للبيت دشيتي بگلبي گبل حبيتج للله شاهد واتمنئ تبقين عدنه دوم يمه مازن جان مزوج بنت اختي هدئ الله يرحمها جان يحبها بخبال ازوجو بقت 3 سنوات ماعنده اطفال ونوب جابتله بسمه هم بقت عليها وماجبتله الولد شكد جنه نگله ازوج ازوج ماجان يقبل يوم من الايام طلعت حامل طرنه بيها طلعت حامل بتوم ولد البيت طاير بيها بيوم ولادتها صار عدها نزيف وماتت هيه والجهال  مازن تأذه عليها هواي صار من الشغل لغرفته حتئ بنته گام مايشوفها بقه هيج سنتين مايتحاجئ نار كبره بعدين هوه ربه بسمه علئ ايده شتريد يجيبلها متشوفين هيج تتصرف وياج حسبالها جاي تاخذين ابوها يمه اريدج تصيرين المره لمازن لتشيل كبرته وتمليله البيت جهال يمه تره مازن مايتعوض مو لان ابني لا والله بس هوه خوش زلمه ويدللج دلال بس اكسبي انتي وهوه يصير مثل الخاتم باصبعج والله
ورد،هيه تحجي واني ساكته ماردت افشلها هوه البگلبي اكدر انساه گتلها بيبي هوه ميريدني اني اذب روحي عليهه من گوه خو ما من گوه
ام عدنان،يمه انتي كسبي بدلي وتعدلي وتعطري سويي ملابسه وغرفته واهتمي ببنته وهوه هسه يضل يموت عليجج
ورد،انشالله گمت منها واني افكر بكلامها واضحك ههه احب غيره مستحيللل ضليت انضف صار العصر البنات بدلن يردن يطلعن
مازن،يله ورد بدلي وتعالي ويانه
ورد،ها لا لا ماريد البارحه جنت طالعه
مازن،ميخالف يابوويه يله مايصير ابقيج وحدج هين
ورد،ممازن ماريد اروح والله بقه ساكت هوه شوي وگال
مازن،ماكوو نقاش ورد بساع بدلي الج نص ساعه يله
ورد،مماشي رحت لبست بنطرون وقميص وشال وكريم شوي وتننت لبست العباء ونزلت
بسمه،خيرر ياطير شنو شو لابسه رايحه ويانه شنوو
ورد،مازن گلي
بسمه،ماززن بعينج لج لا تكولين اسمه ههيج
مازن،ببسمه شنوو القصه
زهراء،عمو هاي بسمه تصيح علئ ورده لان گالت اسمك
مازن،لعد شتگولل ها شتگول عموو لو بابااا
بسمه،مالي دخل شتكلك خل تكلك بس لا تصيحلك باسمك
مازن،استتغفر الله يله امشنه
ورد،رحنه بسياره مازن وسياره ايمن رقيه ومنئ وجنه وحنين ويه مازن واني ووبسمه وزهراء  وتبارك اخت زوزو ويه مازن طبعا بسمه زرگت روحها بالسدر يم مازن واحنا ليوره اني يم الجامه وصلنه لگينه ايمن واصل قبلنه نزلنه اني يم زوزو وتبارك ويانه وبسمه ويه ابوها طبعا تبارك كوولش حبابه بس خجوله حيلل اني عجبني گلاده ناعمه فضه بس استحيت اشتريها كولشي ماشتريت والبنات مابقن شي ماشترنه خو بسمه اشترت بال250 الف فساتين وبناطير واكسوارات واحذيه خلصت المول علئ ايدها ومازن يباوع علئ حلگها خطيه يحبها هوااييي الله يخليهم البعض كعدنه بمطعم نتعشه
مازن،بويه شتردين تاكلين تره صايره صفره
ورد،ماشتهي شي
مازن،ميصير لازم تتغدين تره انتي امانه عندي قابل اردج لاهلج عوود شنووو
ورد،فد كيفت من گال اردج لاهلج كتله بكيفك
مازن،همبرگر
ورد،ليعجبك نزلولنن الاكل خلصنه وطلعنه رجعنه للبيت ميتين تعب سلمت علئ بيبي ورحت للغرفه سبحت لبست تراك وسويت ضفيره جاي انام واندگ الباب منوو
مازن،انيي
ورد،كعدت عدل تفضللل
مازن،جنتي نايمه
ورد،لا هستوني جاي اناام
مازن،طبيت وسديت الباب شو مشتريتي شي اليوم
ورد ماعجبني شي
مازن،متاكده
ورد،اي
مازن،ممم مديتي ايدي بجيبي طلعت السلسله العجبتها
ورد،طلع الگلاده العجبتني
مازن،هاج هاي الج
ورد،ممم لا ماريد شكرا
مازن،عيب يبوي تخجليني جبتها الج اني
ورد،لا ماريد مامحتاجتها والله
مازن،عيب عليج انتي حالج من حال بسمه يله اخذيها بلا كلام زايدد
ورد،مشكوره
مازن،تتددلين يله اني راح انام. محتاجه شب
ورد،سلامتك تصبح ع خير
مازن،وانتي من اهلوو
ورد،لبست الگلاده جانت كولش حلوه عليه صارت ب1 بليل نعست كوولش حطيت راسي ونمت گعدت الصبح جاي اكوم شو اكو شي ثكيل علئ خصري باوعت جنت نايمه بحضن مازن واديناته ماحاوطاتني والله عيب اريد اوخرهن مايتوخرن بعدين حس وگعد
مازن،هاا بيج شي
ورد،لا لا
مازن،وخرت اديه من خصرها شبيج صرتي صفره
ورد،لا لا مابيه شي بس اريد انزل
مازن يله روحي اني اريد اكمل نومتي
ورد،ماشي رحت بدلت ونزلت
√
- ‏عيناي التي رأتك، ما شأن قلبي يرتجف •؟🥺
الئ هنا وينتهي البارت احبتي اتمنئ لكم قرائه ممتعه ووقت رائع
اتمنئ دعمك لي ب ⭐ وتعليق حلو مثلكم
غدير رضا ❤️