العيد مع جزانسيات (كاملة باللهجة الجزائرية🇩🇿🇩🇿)

1

#الحلقة 01 🌹

كانت قاعدة في الشمبرة تحكي في تلفون وتضحك
بختة : علبالك لذوك مزال موجدتش روحي
أماني : يا الفنيانة نوضي انا دوشت على 3 تاع صباح وجبدتلي بيبو شعري
بختة : علاه هذا على 3 راح تحاربي ول
أماني : هههههه نكتبو بايخة للاسف طيري دوشي راح الحال
بختة :مزال الحال راهي ستة برك ذوك نوض ندوش ونريقل روحي
أماني : اسمعي عندك تنساي نتلمو ونخرجو للحديقة لعشية كامل اني كلمت دارين حتى هي قتلها
بختة : هيه علبالي بصح بلا متزعفي مني من ذوك نوصيك قول لختك تخلينا نتنفسو متبداش حرام حرام
أماني : هههههه اخطيك منها خليها تهدر وحدها
بختة : ههههههههه
على ضحكتها تفتح الباب ودخلت ختها
نجاة : يا كلبة واش راكي ديري علاه منضتيش
بختة : علاه راكي تعيطي calme toi bb  اني نحكي مع أماني
نجاة : اممم عيطتلك ومعيطتليش معليهش هاتي تلفون نحكي معاها وطيري دوشي انا كملت
بختة : شكون راهو في دوش ذوك
نجاة : اي ميار اسمعي في طريقك نوضي شكارة الرقاد لوخرا
بختة : شكون منهم خاطر كامل شكارة رقاد
نجاة : سارة
بختة : هذيك لازمها زردة باه تنوض
هزت تلفون تهدر لقات أماني شابعة ضحك
بختة : والله لا تحشمي زايدة تضحكي هاكي تلفون احكي مع نجاة نايضة ندوش على روحي
(ارواحو نعرفكم بابطال قصتنا نجاة لاخت لكبيرة طفلة عسل هي الرزينة في خاوتها لتظل تنصح فيهم  وبعدها تجي سجود طفلة مسرارة ومهووسة بالنظافة  تظل تهدم في شغل الدار وعالعام تسب في خاوتها بلي هي لتقضي وحدها   وبعدها تجي ياسمين الزلة تاع لعايلة ولبقوصة زينها ميش نورمال وهي عارفة بلي زلة تظل تتباهى يزينها وبعدها ميار طفلة تحب تقرا نهار كامل وهي هازة الكراس تحفظ بعدها تجي سارة طفلة مختصرة في كلمتين الماكلة والرقاد ولمازوزية بختة هي لواعرة وفمها متبري منها بصح حنينة وقلبها ابيض وليقيس خاوتها ولا وحدة من بنات خلاتها لتعتبرهم خاوتها تقتلو
نروحو لعايلة الثانية وهوما بنات خالات البنات لكبيرة فيهم أسماء ثقيلة وكلمتها كلمة تحب اللمة تاع لعايلة وسيرتو لمة البنات عااقلة طول بعدها تجي س  أماني كيما يسموها البكاية خاطر حساسة وعلى مكانش تبكي جايحة وليجي يلعب عليها بكلمتين وضعيفة قريبة لبنت خالتها بختة ليقلها كلمة تروح تشكيه لبختة بعد اماني تجي حبيبة الطفلة المدللة تاع لعايلة ولي كامل يحبوها ويموتو عليها خاطرها حاذقة في لعايلة يسموها توأم بنت خالتها ياسمين خاطر عالعام وهوما مع بعض وبعدها رانيا محبة الرجاجيل كل يوم نعشق في بطل قصص وتقول راجلي ههههه رانيا طفلة حساسة تخدم في الخياطة مهووسة الرجال الزينيين  واخيرا تجي ملاك مازوزية الدار الطفلة هذه خرجت غير لكل متحبش لمكياج ومتحبش حكايات الحب حسب متقول حرام وكذا لقبوها خاوتها وبنات خلاتها بالسلفية بصح هي طفلة عسل وقلبها ابيض )