العيد مع جزانسيات (كاملة باللهجة الجزائرية🇩🇿🇩🇿)

4

#الحلقة 04 🌹
واقفين بحذا باب الدوش
بختة : ميار يا خرا اخرجي طولتي
ميار: بلعو برك ذوك نشلل روحي ونخرج
سارة بدأت طبل في باب الدوش وتغني : يا نا ويانا ويانا سايسو مولات الخانة يما وعطاني دورو يما وشعشع نورو يانا ويانا ويانا سايسو مولات الخانة
خرحت سجود من الكوزينة على صوتهم
سجود : والله يعطيكم الصحة انا نندب وحدي في لكوزينة ونتم قاعدين تغنو متعرفوش تقلو كاينة مشينة من صباح تقضي بلاك تعبت ولا نتم متحسوش
ياسمين : سجود قلبي كالمي روحك انا راح ندوشو نكملو نعاونوك
سجود: والله كثر خيركم مدموزال ياسمين درتو فيا مزية كبيرة
بختة : سجود حبي متقضيش عادي واحد مقلك اقضي بالسيف
سجود : ولسانك طوال لالة بختة
بختة : ماني ختكم طالعة ليكم ليهن راح نطلع مثلا
سجود : اسكتي ولا نعيط لماما لبليغة تاع نيلو شراتها جديدة واش رايك تجربها فيك
سارة : سجود علاه متعرفيش تمسخير
سجود: اف ياربي هبلتوني كلش سجود تقضيه وحدها عارفين بلي كي طولو مديروش لحاجة قلبي ياكلني ونوض نقضيها اصلا لحق فيا انا جيت نحكي معاكم
بختة رمشت لسارة بعينها وتحرك في حواجبها
بختة : ياسمين قوليلها بلي نحبوها
ياسمين : سجود متقلقيش روحك وعد نكمل تدواش نجي نعاونك
مجات تكمل كلمتها سمعت صوت باب الدوش تغلق وميار واقفة بحذاها
ياسمين : ويكت خرجتي نتي
ميار : من شوي وقت قتلك بختة احكي مع سجود
ياسمين تعيط : نقتلك ابختة والله نقتلك