اتنين مجانين

الفصل الأول

#اتنين_مجانين
#الاول
#شهد_ابراهيم

فى القاهره وتحديدا منطقه الزمالك عماره فى الدور 15 صوت منبه الصباح لكل بنت فى الزمن ده وهى الجمله المشهورة عند الامهات
ـ اصحى يا مكوسه يا بنت المواكيس
= حاضر يا ماما
خرجت منال الست المصريه الاصيله من اوضه بنتها وهى بتقول
ـ كل خلفتى سودا ولا البت نافعه ولا الواد نافع ( زى اى ست مصريه تموت فى النكد 😂)
دخلت اوضه ابنها التانى فلقت انه مش ظاهر منه حاجه والغطا مغطيه بالكامل وبيتكلم مع حد وهو بيشتمه بابشع الشتايم
= الحقونى هموت يا ........ يخربتكم طب يا مزه انت الحقينى ده انا كنت باكتب فيكى شعر من دقيقه يا بنت المعفنه شدت منال الغطا من عليه وفى ايدها سلاح الام المصريه «ابو وردة»
ـ بتعمل ايه يا منيل ومين المزه دى يا زباله وبتقولها يا معفنه صدق معفنه ماهى ال تعرف واحد شبهك تبقى معفنه وبنتجزمه كمان انت مش شايف اوضتك شبه الخرابه ازاى دى اوضه دى يا معفن
= يا ماما صعب اضربى بحاجه غير الشبشب ده والله بالعب بابجي يا ماما
ـ دى منظر اوضه تدخل تستحمى يا معفن يا ال ماستحمتش من اول الشتاء وتتطلع عشان تفطر
= ريحتى باينه اوى خرجت منال من الاوضه وسمعت صوت تليفون بيرن بنغمه عاليه اغاني مافهمتش حتى كلمه منها ( المهرجانات يا ساده )راحت اوضه بنتها لقتها زى ما هى سيبها نايمه و تليفونها بيرن
ـ يا زفته قومى حرقتوا دمى على الصبح
. . . . . . . . . . . . . . . . . وفى الناحيه التانيه فى احلام البنت دى فى جنينه واسعه جميله وكانها جنه نزلت من السماء مليانه بالورود الجميله الملونه مكان فيه السماء الصافيه والارض الخضراء كانها لوحه مرسومه وعلى اورجوحه مزينه بالورود المختلفه تظهر جميلتنا قاعده سرحانه حد حط ايده يغطى عينيها ابتسمت بفرحه ومسكت ايديه
=قلبى ♡بحبك
=وانا كمان بحبك
وقف قدمها وركع على ركبته وهو ماسك علبه زرقاء فيها خاتم من الالماس
♡تقبلى تبقى مراتي وتعيشى معايا العمر كله
= بابتسامه: ايوه اققبل
حضنها قوى دليل على عشقه ليها وقرب منها لحد ما اختلطت انفاسهم ولما قرب شفته من شفتها حست بحاجه بتضربها بصت وراها لقت شبشب والدتها المنزلى
= هو الشبشب ده هنا كمان
♡خليكى معايا ياقلبي
=معاك
وقرب منها تانى حست بالفرده الثانيه فى ضهرها بس ما اهتمتش للموضوع وغمضت عينيها وقربت منه مره تانيه بس سمعت صوت امها واول ما فتحت عينيها لقت امها فى وشها نطت من مكانها بسرعه
=انت بتعملى ايه فى الحلم يا منال
ـ صوتى اتنبح وانا بنادى عليكى قومى الساعه 11
= كنت سيبينى اكمل الحلم يا منال الواد كان خلاص وصل لڤيل الوحوش وهي.. احمم عايزه ايه يا مامتى
ـ دققتين يا بنتلجزمه والقيكى بره
= ماشى يا جزمه
ـ بتبرتمى بتقولى ايه على الصبح
= بقول حاضر يا ماما ابقى اسمعى كويس
ـ ده بدل ماتقوم تعمل حاجه فى الشقه وتساعدنى قايمه الساعه 11 وكمان ليها عين تتكلم قومى اخلصى
سمعت صوت اغانى مره تانيه
ـ شوفى مين بيتصل عليكى من الصبح وانت نايمه شبه الجاموسه
= ماشى يا ام الجاموسه
ـ ايه مش عجبك وبعدين ايه النغمه ال انت حطاها دي بيعمل كده ليه
= علفكره ده اللف ده حمو بيكا
- نعم يا اختى نحمى مين
= نحمى مين بقولك حمو بيكا يعنى انا بيكا مى لف الفانز انا صورتى شعار ع الكانز و هلا والله ع الرخيصه كلبه الجنيه و رب الكون ميزنا بميزه الرجوله والنفس عزيزه ... والعظمه، انا حبيتك وجرحتنى انا صنتك لكن خنتينى انت اكيد مش بتحبينى ليه م الاول عشمتينى وتروحى لغيرى وتسيبينى و اى ميس يو فيري هارت انا مش قادراومرى وانا اقولك حاضر حاضرشوفتك وانا قلبى صبح متصادرانتى حياااتى اى لف يو وان
ـ بس يا مصيبه بس ايه ده ال القرف ده دى اغانى دى فين ايام ام كلثوم و فريد الاطرش ورده والناس العظام دول
= سؤال محيرنى هل فريد الاطرش كان اطرش فعلا ايه الاسمى دى
ـ يعنى حمو بيكا ال اسم ردى يا أختى على الفون شوفى مين بيتصل
= تلاقيه الواد خطيبي
- ما تردى يا مصيبه عليه
= لا مخصماه
- ليه يا أختى
= ماقليش تصبحى على خير امبارح شكلى هفركش
- ت ايه يا أختى تفركشى ايه ما صدقت واحد هيلمك
= يلمنى هو انت شايفانى متبعتره
- بت كتب الكتاب بعد أسبوعين تتلمى كده عشان أخلص منكم كلمى خطيبك وصالحيه وفى ثانيه الاقيكى قدامى فى الصاله
=الووو مين
- قلبك
=بيجاد اييه ده قلبى بيتكلم أول مره اعرف
- ماينفعش معاكى الرومانسية أبدأ
= فكك بقى يا اسطا كنت بتتصل ليه
- ركزى كده يا بت يا ريم معايا وفتحى دماغك ال شبه الجذمه دى
= ماشى يا ابن سووعاد
- يا بت بقى ركزى انا عازمك على الغدا انا هاجى على اربعه هاتصل انت تتحججى لأمك بأى حاجه وتنزلى
- أخيرا قلت اعزم البت ال خاطبها وتنوب ثوابها
= انوب ثوابها .. ماشى .. بقولك ايه يا زفته
- أي نعم
= حد جنبك كده ولا كده ولا أي حاجه
- لا أنا قاعده لوحدى
= طب بصى عايزك تتخلى عن صوت الراجل شويه وتشغلى صوت الست ال جواكى واتكلمى برقه كده واعطينى واحده بحبك بعشقك
_ أنا اققول الكلام المايص ده غور يلا من هنا انت عارف لو قلت كده تانى يومك هيبقى أسوس اققفل يا حيوان أنا محترمه وقفلت التليفون فى وشه
_ هييح بحبك يا ابن سوعاد
منال من بره
= ريييييم
ريم قامت بسرعه
_ حاضر يا مامتى
. . . . . . . .♡. . . . . . . . منال قاعده فى الصاله و ولادها واقفين قدامها
- يلا انت وهى انتوا هتعملوا شغل البيت انهارده وأنا مش هاعمل حاجه
رد ابنها
* طب سلام عليكم أنا
امه مسكته بسرعه
- خد هنا يولا
بدا يمثل الحب والحنيه
* نعم يا ست الكل
- اترزى جمب أختك
* حاضر
وقف جنب ريم وهمس فى ودانها
* أمك دى مفتريه
_ بتقول ايه يا واد يا حوسام
* حوسام ..لا مش بقول
_ يلا حد يغسل المواعين والتانى يغسلى الهدوم
رد عليها حسام
* المفروض انهارده اجازتى
ردت بغضب
ـ حوسام
بص لريم بسرعه
* هتغسلى الهدوم ولا المواعين
_ المواعين
بصلها بعين القطط
* ويهون عليكى اخوكى حبيبك
ردت بلا مبالاه ‌
_ يهون.. ما انا مش هغسل هدومك يا معفن
¤¤¤♡♡♡¤¤¤♡♡♡¤¤¤
بعد ربع ساعه
* ظلمونى الناس ظلمونى آآه ظلمونى
منال دخلتله
ـ بس يا حيوان وادعك الهدوم حلو اما اشوف الحيوانه التانيه عملت ايه
فى المطبخ
= خلى بالك من الواد انا نازل يا سوعاد اجيبله الشوكولاته واقوله تاته تاته الواد بيعيط ليه يا سوعاد الواد زعلان كده ليه يا سوعاد النغه يا قلبي النغه النغه يا قلبي النغه
ـ يا خيبت بختك فى عيالك يا منال يا خيبت بختك واحد يقول ظلمونى والتانيه تقول يا سوعاد اعمل ايه اسيب البيت و اطفش
= بتقعدى تقولي كده ومابتعمليش حاجه
وفجأة وبدون مقدمات لقت « ابو ورده» فى وشها
ـ عايزانى اسيب البيت يا بنتلجزمه
بصتلها وضحكت ببلهاء
= ماوجعتنيش
ـ انا مش عارفه الواد بيحبك ليه واعجب بايه انت مش بتعرفي تعملي حاجه عملاله عمل
= اه عملاله عمل بجلب الحبيب من عند الشيخه ام نوفل المغربيه.. عمل ايه بس هو ال اعمى البصر والبصيره سايب بنات العالم وجاي يخطبنى
دخل حسام وهو «مشمر» عن ايده ورجله
* خلصت يا حاجه اخرج بقى
نشفت ريم ايدها
=وانا كمان خلصت
منال بصتلهم ببرود
_ أنا داخله أنام أصحى الاقى السجاد فى البلكونة والشقه بتلمع وسعوا كده دتكوا البلاء فى منظركم
ودخلت اوضتها ورزعت الباب
ريم وحسام بيبصوا على الباب ريم رمت الفوطه وحسام قعد على الأرض وقال بعياط
* دى أم دى ايه الظلم ده
¤¤¤¤¤¤¤¤¤¤¤¤ ♡♡♡¤¤¤¤¤¤¤¤¤¤¤¤
فى مكان تانى
واقف قدام المرايه بيمشط شعره وعامل الفرشه مايك
_ شكله مش موضوع بسيط فى غدر وفى حورات ده انا بسهر بالسعات كل ده بيحصل اوام حساس انى كده ابتديت ابقى رومانسي وضعيف ليه نومى بقى خفيف كنت لما بنام بنام
الجمال عدى الكلام تضحكيلى وتاخدى كام ادفع العمر ال جاي بس وتردى السلام مش بافور صدقينى حسي بيا كلمنى حتى لو موضوع غريب ال طالبه تفهمينى انا والله ابن ناس مش بعاكس م الاساس
دخلت أمه
= شكلك مبسوط فى ايه انهارده
قرب منها وباس دماغها
_ صباح الخير يا سعاد مافيش انهارده اجازه
= اعملك ايه على الغداء انهارده
راح عند المرايه تانى
_ ماتتعبيش نفسك هتغدى بره
= هتتغدى مع اصحابك
_ لا هتغدى مع ريم
سعاد اتعصبت
= قول انك هتسرف فلوسك ال تعبت فيها على حبيبه القلب
_ فى ايه يا ماما كتب الكتاب بعد أسبوعين وهتبقى مراتى وبعدين هى بنت واكيد هتبص لصاحبتها المخطبوين ال خاطيبها بيخرجها ويجبلها هدايا
= إنت عارف انى مش موافقه على الجوازه دى من الاول يا عمر
عمر قعد على الكرسى
_ يا ماما اتكلمنا فى الموضوع ده كتير انا بحبها و عايزها
= مافيش غير بنت منال سايب بنات العالم كله عشانها
وقف واخد المحفظه والتليفون
_ ماما الموضوع اتقفل انا نازل
خرج من الاوضه لبس الجذمه وراح عند الباب وفتحه بس شاف واحده كانت لسه هتخبط واقع على وشها كيلو دقيق وحطه الروج أحمر خدود ولابسه عبايه لازقه فى جسمها وحطه الطرحه على كتفها زينه بصت فى عيونه وقالت بدلع
* طنط سعاد موجوده
سعاد من جوه
= مين على الباب يا عمر
ردت البنت
* انا سما يا طنط سعاد
= دخلها يا عمر
سابها على الباب ونزل وسعاد خرجتلها
= ازيك يا سما معلش عمر سابك ونزل بسرعه أصله مستعجل
* ليه رايح الشغل وكملت '' بس انهارده اجازه
= لا رايح يقابل خطيبته ال ماتتسمى انا اصلا مش موافقه عليها
* وهى حلوه على كده
= ولا حلوه ولا حاجه دى ما تجيش ربع جمالك بعيد عنك الواد متعلق فيها ومش عارفه افرقهم مهما عملت مشاكل وبصراحه انا كنت عيزاكى انتى تبقى مرات ابنى وحباكى
* بجد يا طنط سعاد
= دى كفايه طنط سعاد ال طالعه من بوقك زى العسل
سما وقفت وقالت
* أروح اعملك فنجان قهوه وريحى إنت
بعد شويه
* احلى فنجان قهوه لأحلى طنط سعاد فى الكون
= اققعدى جنبى كده وتعالى نفكر نفرقهم ازاى
¤¤¤¤¤¤¤¤¤¤¤¤♡☆♡¤¤¤¤¤¤¤¤¤¤¤¤
《الساعه 4 》
عند ريم
دخلت الاوضه واترمت على السرير
_ اه يا ضهرى تعالوا يلى بتقولوا عايشه فى بيت اهلها ملكه تعالوا شوفوا الملكه اه يا انا يا امااا
تليفونها رن
_ مين بيرن دلوقتى ده
مسكت التليفون وشافت الاسم ونطت من مكانها
_ ابن سوعاد بيرن ابن سوعاد الساعه كام ... يلاهوى الساعه اربعه .... أرد اققول ايه دلوقتي .. احمم احمم
وردت عليه برقه
_ الوو
= اسف رنيت غلط مش ده بردوا رقم ريم
_ أيوه
= اومال مين معايا وريم فين
ريم اتعصبت
_ احنا هنهزر يا روح أمك
= أيوه هى دى ريم .. فينك انا مستنيكى تحت
ردت بتوتر
_ بالبس الكوتشى ونازله
= طب خلصى بسرعه
..........
بعد ربع ساعة
تليفونها رن وهى بتلبس
_ ألو
رد عليها بعصبيه
= انت بتعملى ايه كل ده
_ اهدا بس
= اهدا ازاى يعنى
_ بالبس الكوتشى ونازله
.............
بعد ربع ساعة كمان
تليفونها رن
ردت بسرعه
_ بالبس الكوتشى ونازله
وقفلت بسرعه أخدت شنطتها وخرجت
_ اماما... اماما .....انتى يا ستى إنت
ردت منال من وراها
= عايزه ايه يا جاموسه
أخدت الكوتشى
_ انا نازله يا أم الجاموسه
وطلعت تجرى قبل ما أبو ورده يوصلها
¤¤¤¤¤¤¤¤¤¤¤¤♡☆♡¤¤¤¤¤¤¤¤¤¤¤¤
تحت البيت
ريم نازله وشايله الكوتشى فى ايدها والشنطه فى ايديها التانيه شافته قاعد على السلم
_ ازيك يا أبو الصحاب
بص فوق وشافها شايله الكوتشى
= اه هى جوازه منيله انا عارف يا ريتنى كنت سمعت كلام أمى
_ اهدى بس يا ابو الصحاب
بصلها تانى وبيحاول يهدى نفسه
= ريم انا اتصلت الساعه 4 قولتى ايه
_ بالبس الكوتشى ونازله
= شاطره. .. استنيت ربع ساعة واتصلت تانى الساعه 4 وربع قولتلى ايه
_ اهدا بس بالبس الكوتشى ونازله
أستغفر فى سره وقال
= حلو اوى .. اتصلت تانى الساعه اربعه ونص عملتى ايه
_ زعقت وقلت بالبس الكوتشى ونازله. . ونزلت
اتنفس
= اه ما إنت فعلا نزلتى ..وكمل بعصبيه = بس مش لابسه الكوتشى قعدتى نص ساعة تقولي بالبس الكوتشى ونزلتى من غير ما تلبسيه
_ ما تقفش كده يا اسطا
=البسى الزفت بقى خلينا نتغدى فى اليوم الأسود ده
_ انزل اربطهولى مش باعرف اربطه
نزل على ركبته ولبسها الكوتشى
= خلاص أهو .. يلا
وقفت ومشيت جنبه راح يمسك ايديها زقته
_ إنت ازاى تعمل كده يا استاذ انا محترمه
= يعنى ترضى البسك الكوتشى وماترضيش أمسك إيدك ده ايه ده
_ وقف تاكسى يلا
وقف تاكسى وركب واستنها تركب ماركبتش
= ايه مش عايزه تركبى هتفضلى واقفه كتير
اتكلمت بعصبيه
_ فى حاجه اسمها الإتيكيت بتقول السيدات أولا
رد سواق التاكسى
* وهى فين السيدات دى
حطت ايدها فى وسطها
_ قصدك ايه
عمر شدها
= مش قصده حاجه اتنيلى اركبى
بعد شويه
_ عمر هتجيب عربيه امتى
بصلها باستغراب
= ليه
_ عشان أتصور فيديو وانا حطه رجلى عليك ومشغلين اغنيه حته تانيه بتاع روبى واحطها استوري على الواتس عشان اغيظ البت ندى
= اتكتمى يا ريم واققعدى ساكته
¤¤¤¤¤¤¤¤¤¤¤¤♡☆♡¤¤¤¤¤¤¤¤¤¤¤¤
وصلوا المطعم وقعدوا على ترابيزه بعيد عن الدوشه
= عايزه تاكلى ايه
علت صوتها
_ كشرى
= هش .. اكتمى يخربيتك كشرى ايه يعنى مكان نضيف زى ده هيعمل كشرى وبعدين احنا أول الشهر واخدت المرتب استنضفى شويه
رجعت ضهرها لورا باريحيه
_ حيث كده بقى انا عايزة. ...
قاطعها وشدها لقدام تانى
= لا.. ماتريحيش قوى بقول فى أول الشهر مش هنخلص المرتب فى يوم وبقيت الشهر نفلس اختاري حاجه فى النص
********************
#الفصل_القادم

* يا أرض اتهدى ما عليكى قدى

_ عمرررر

'' أنت السبب فى ال بيحصل لابنى

= ماما قفلى الموضوع ده سما مين ال اتجوزها

#يتبع

👋👋مع السلامه 👋👋

رأيك لو سمحت . .

أكمل ولا لا ؟؟!

رأيك
ريم ..

عمر ..

منال ..

سعاد ..